Varāhamihira: Bṛhatsaṃhitā 26

स्तोतव्या मन्त्रयोगेन सत्या देवी सरस्वती। दर्शयिष्यसि यत्सत्यं सत्ये सत्यव्रता ह्य् असि॥

stotavyā mantrayogena satyā devī sarasvatī/ darśayiṣyasi yatsatyaṃ satye satyavratā hy asi//

Sanskrit only: no published translation is held for this verse.

येन सत्येन चन्द्रार्कौ ग्रहा ज्योतिर्गणास् तथा। उत्तिष्ठन्तीह पूर्वेण पश्चाद् अस्तं व्रजन्ति च॥

yena satyena candrārkau grahā jyotirgaṇās tathā/ uttiṣṭhantīha pūrveṇa paścād astaṃ vrajanti ca//

Sanskrit only: no published translation is held for this verse.

यत्सत्यं सर्ववेदेषु यत्सत्यं ब्रह्मवादिषु। यत्सत्यं त्रिषु लोकेषु तत्सत्यम् इह दृश्यताम्॥

yatsatyaṃ sarvavedeṣu yatsatyaṃ brahmavādiṣu/ yatsatyaṃ triṣu lokeṣu tatsatyam iha dṛśyatām//

Sanskrit only: no published translation is held for this verse.

ब्रह्मणो दुहितासि त्वम् आदित्य^इति प्रकीर्तिता। काश्यपी गोत्रतश् च^एव नामतो विश्रुता तुला॥

brahmaṇo duhitāsi tvam āditya^iti prakīrtitā/ kāśyapī gotrataś ca^eva nāmato viśrutā tulā//

Sanskrit only: no published translation is held for this verse.

हैमी प्रधाना रजतेन मध्या तयोर् अलाभे खदिरेण कार्या। विद्धः पुमान् येन शरेण सा वा तुला प्रमाणेन भवेद् वितस्तिः॥

haimī pradhānā rajatena madhyā tayor alābhe khadireṇa kāryā/ viddhaḥ pumān yena śareṇa sā vā tulā pramāṇena bhaved vitastiḥ//

Sanskrit only: no published translation is held for this verse.

हीनस्य नाशो +अभ्यधिकस्य वृद्धिस् तुल्येन तुल्यं तुलितं तुलायाम्। एतत्तुला^कोश^रहस्यम् उक्तं प्राजेशयोगे +अपि नरो विदध्यात्॥

hīnasya nāśo +abhyadhikasya vṛddhis tulyena tulyaṃ tulitaṃ tulāyām/ etattulā^kośa^rahasyam uktaṃ prājeśayoge +api naro vidadhyāt//

Sanskrit only: no published translation is held for this verse.

निष्पत्तिर् अग्निकोपो वृष्टिर् मन्दाथ मध्यमा श्रेष्ठा। बहुजलपवना पुष्टा शुभा च पूर्वादिभिः पवनैः॥

niṣpattir agnikopo vṛṣṭir mandātha madhyamā śreṣṭhā/ bahujalapavanā puṣṭā śubhā ca pūrvādibhiḥ pavanaiḥ//

Sanskrit only: no published translation is held for this verse.