Varāhamihira: Bṛhatsaṃhitā 41

अतिवृष्ट्य्^उल्का^दण्डान् परिवेष^ग्रहण^परिधि^पूर्वांश् च। दृष्ट्वा^अमावास्यायाम् उत्पातान् *पौर्णमास्यां[क्पूर्णमास्यां] च॥

ativṛṣṭy^ulkā^daṇḍān pariveṣa^grahaṇa^paridhi^pūrvāṃś ca/ dṛṣṭvā^amāvāsyāyām utpātān *paurṇamāsyāṃ[K.pūrṇamāsyāṃ] ca//

Sanskrit only: no published translation is held for this verse.

ब्रूयाद् अर्घविशेषान् प्रतिमासं राशिषु क्रमात् सूर्ये। अन्यतिथाव् उत्पाता ये ते डमरार्तये राज्ञाम्॥

brūyād arghaviśeṣān pratimāsaṃ rāśiṣu kramāt sūrye/ anyatithāv utpātā ye te ḍamarārtaye rājñām//

Sanskrit only: no published translation is held for this verse.

मेष^उपगते सूर्ये ग्रीष्मज^धान्यस्य संग्रहं *कृत्वा[क्कुर्यात्]। वन^मूल^फलस्य वृषे चतुर्थमासे तयोर् लाभः॥

meṣa^upagate sūrye grīṣmaja^dhānyasya saṃgrahaṃ *kṛtvā[K.kuryāt]/ vana^mūla^phalasya vṛṣe caturthamāse tayor lābhaḥ//

Sanskrit only: no published translation is held for this verse.

मिथुनस्थे सर्वरसान् धान्यानि च संग्रहं समुपनीय। षष्ठे मासे विपुलं *विक्रेता[क्विक्रीणन्] प्राप्नुयाल् लाभम्॥

mithunasthe sarvarasān dhānyāni ca saṃgrahaṃ samupanīya/ ṣaṣṭhe māse vipulaṃ *vikretā[K.vikrīṇan] prāpnuyāl lābham//

Sanskrit only: no published translation is held for this verse.

कर्किण्य् अर्के मधु^गन्ध^तैल^घृत^फाणितानि विनिधाय। द्विगुणा द्वितीयमासे लब्धिर् हीन^अधिके छेदः॥

karkiṇy arke madhu^gandha^taila^ghṛta^phāṇitāni vinidhāya/ dviguṇā dvitīyamāse labdhir hīna^adhike chedaḥ//

Sanskrit only: no published translation is held for this verse.

सिंहे सुवर्ण^मणि^चर्म^वर्म^शस्त्राणि मौक्तिकं रजतम्। पञ्चममासे लब्धिर् विक्रेतुर् अतो +अन्यथा छेदः॥

siṃhe suvarṇa^maṇi^carma^varma^śastrāṇi mauktikaṃ rajatam/ pañcamamāse labdhir vikretur ato +anyathā chedaḥ//

Sanskrit only: no published translation is held for this verse.

कन्यागते दिनकरे चामर^खर^करभ^वाजिनां क्रेता। षष्ठे मासे द्विगुणं लाभम् अवाप्नोति विक्रीणन्॥

kanyāgate dinakare cāmara^khara^karabha^vājināṃ kretā/ ṣaṣṭhe māse dviguṇaṃ lābham avāpnoti vikrīṇan//

Sanskrit only: no published translation is held for this verse.

तौलिनि तान्तव^भाण्डं मणि^कम्बल^काच^पीतकुसुमानि। आदद्याद् धान्यानि च *वर्षार्धाद्[क्षण्मासाद्] द्विगुणिता वृद्धिः॥

taulini tāntava^bhāṇḍaṃ maṇi^kambala^kāca^pītakusumāni/ ādadyād dhānyāni ca *varṣārdhād[K.ṣaṇmāsād] dviguṇitā vṛddhiḥ//

Sanskrit only: no published translation is held for this verse.

वृश्चिक^संस्थे सवितरि फल^कन्दक^मूल^विविध^रत्नानि। वर्षद्वयम् उषितानि द्विगुणं लाभं प्रयच्छन्ति॥

vṛścika^saṃsthe savitari phala^kandaka^mūla^vividha^ratnāni/ varṣadvayam uṣitāni dviguṇaṃ lābhaṃ prayacchanti//

Sanskrit only: no published translation is held for this verse.

चापगते गृह्णीयात् *कुङ्कुम[क्कुङ्कम]^शङ्ख^प्रवाल^काचानि। मुक्ताफलानि च ततो वर्षार्धाद् द्विगुणतां यान्ति॥

cāpagate gṛhṇīyāt *kuṅkuma[K.kuṅkama]^śaṅkha^pravāla^kācāni/ muktāphalāni ca tato varṣārdhād dviguṇatāṃ yānti//

Sanskrit only: no published translation is held for this verse.

*मृग^घट^संस्थे सवितरि गृह्णीयाल्[क्मृगधटगे गृह्णीयाद् दिवाकरे] लोहभाण्ड^धान्यानि। स्थित्वा मासं दद्याल् लाभार्थी द्विगुणम् आप्नोति॥

*mṛga^ghaṭa^saṃsthe savitari gṛhṇīyāl[K.mṛgadhaṭage gṛhṇīyād divākare] lohabhāṇḍa^dhānyāni/ sthitvā māsaṃ dadyāl lābhārthī dviguṇam āpnoti//

Sanskrit only: no published translation is held for this verse.

सवितरि झषम् उपयाते मूल^फलं कन्द^भाण्ड^रत्नानि। संस्थाप्य वत्सरार्धं लाभकम् इष्टं समाप्नोति॥

savitari jhaṣam upayāte mūla^phalaṃ kanda^bhāṇḍa^ratnāni/ saṃsthāpya vatsarārdhaṃ lābhakam iṣṭaṃ samāpnoti//

Sanskrit only: no published translation is held for this verse.

राशौ राशौ यस्मिन् शिशिरमयूखः सहस्रकिरणो वा। युक्तो +अधिमित्रदृष्टस् तत्र^अयं लाभको दिष्टः॥

rāśau rāśau yasmin śiśiramayūkhaḥ sahasrakiraṇo vā/ yukto +adhimitradṛṣṭas tatra^ayaṃ lābhako diṣṭaḥ//

Sanskrit only: no published translation is held for this verse.