Varāhamihira: Bṛhatsaṃhitā 46

दिव्य^आन्तरिक्ष^आश्रयम् उक्तम् आदौ मया फलं शस्तम् अशोभनं च। प्रायेण चारेषु समागमेषु युद्धेषु मार्ग^आदिषु विस्तरेण॥

divya^āntarikṣa^āśrayam uktam ādau mayā phalaṃ śastam aśobhanaṃ ca/ prāyeṇa cāreṣu samāgameṣu yuddheṣu mārga^ādiṣu vistareṇa//

Sanskrit only: no published translation is held for this verse.

स्वरूपम् एव तस्य तत्^प्रकीर्तित^अनुकीर्तनम्। ब्रवीम्य् अहं न चेद् इदं तथा +अपि मे +अत्र वाच्यता॥

svarūpam eva tasya tat^prakīrtita^anukīrtanam/ bravīmy ahaṃ na ced idaṃ tathā +api me +atra vācyatā//

Sanskrit only: no published translation is held for this verse.

उत्तरवीथि^गता द्युतिमन्तः क्षेम^*शुभिक्ष[उसुभिक्ष]^शिवाय समस्ताः। दक्षिण^मार्ग^गता द्युतिहीनाः क्षुद्भय^तस्कर^मृत्यु^करास् ते॥

uttaravīthi^gatā dyutimantaḥ kṣema^*śubhikṣa[U.subhikṣa]^śivāya samastāḥ/ dakṣiṇa^mārga^gatā dyutihīnāḥ kṣudbhaya^taskara^mṛtyu^karās te//

Sanskrit only: no published translation is held for this verse.

कोष्ठागार^गते भृगु^पुत्रे पुष्यस्थे च गिराम् प्रभविष्णौ। निर्वैराः क्षितिपाः सुखभाजः संहृष्टाश् च जना गतरोगाः॥

koṣṭhāgāra^gate bhṛgu^putre puṣyasthe ca girām prabhaviṣṇau/ nirvairāḥ kṣitipāḥ sukhabhājaḥ saṃhṛṣṭāś ca janā gatarogāḥ//

Sanskrit only: no published translation is held for this verse.

पीडयन्ति यदि कृत्तिकां मघां रोहिणीं श्रवम् ऐन्द्रम् एव वा। प्रोज्झ्य सूर्यम् अपरे ग्रहास् तदा पश्चिमा दिग् अनयेन पीड्यते॥

pīḍayanti yadi kṛttikāṃ maghāṃ rohiṇīṃ śravam aindram eva vā/ projjhya sūryam apare grahās tadā paścimā dig anayena pīḍyate//

Sanskrit only: no published translation is held for this verse.

दक्षिणां ककुभम् *आश्रितस्[काश्रितैस्] तु तैर् दक्षिणापथपयोमुचां क्षयः। हीन^रूक्ष^तनुभिश् च विग्रहः स्थूल^देह^किरण^अन्वितैः शुभम्॥

dakṣiṇāṃ kakubham *āśritas[K.āśritais] tu tair dakṣiṇāpathapayomucāṃ kṣayaḥ/ hīna^rūkṣa^tanubhiś ca vigrahaḥ sthūla^deha^kiraṇa^anvitaiḥ śubham//

Sanskrit only: no published translation is held for this verse.

उत्तरमार्गे स्पष्ट^मयूखाः शान्तिकरास् ते तन् नृपतीनाम्। ह्रस्व^शरीरा भस्म^सवर्णा दोषकराः स्युर् देश^नृपाणाम्॥

uttaramārge spaṣṭa^mayūkhāḥ śāntikarās te tan nṛpatīnām/ hrasva^śarīrā bhasma^savarṇā doṣakarāḥ syur deśa^nṛpāṇām//

Sanskrit only: no published translation is held for this verse.

प्राग्द्वारेषु चरन् रविपुत्रो नक्षत्रेषु करोति च वक्रम्। दुर्भिक्षं कुरुते *महदुग्रं[क्भयम् उग्रं] मित्राणां च विरोधम् अवृष्टिम्॥

prāgdvāreṣu caran raviputro nakṣatreṣu karoti ca vakram/ durbhikṣaṃ kurute *mahadugraṃ[K.bhayam ugraṃ] mitrāṇāṃ ca virodham avṛṣṭim//

Sanskrit only: no published translation is held for this verse.

रोहिणीशकटम् अर्कनन्दनो यदि भिनत्ति रुधिरो +अथ वा शिखी। किं वदामि यद् अनिष्टसागरे जगद् अशेषम् उपयाति संक्षयम्॥

rohiṇīśakaṭam arkanandano yadi bhinatti rudhiro +atha vā śikhī/ kiṃ vadāmi yad aniṣṭasāgare jagad aśeṣam upayāti saṃkṣayam//

Sanskrit only: no published translation is held for this verse.

उदयति सततं यदा शिखी चरति भचक्रम् अशेषम् एव वा। अनुभवति पुराकृतं तदा फलम् अशुभं सचर^अचरं जगत्॥

udayati satataṃ yadā śikhī carati bhacakram aśeṣam eva vā/ anubhavati purākṛtaṃ tadā phalam aśubhaṃ sacara^acaraṃ jagat//

Sanskrit only: no published translation is held for this verse.

स्निग्धः स्थूलः समशृङ्गो विशालस् तुङ्गश् च^उदग्विचरन् नागवीथ्याम्। दृष्टः सौम्यैर् अशुभैर् विप्रयुक्तो लोकानन्दं कुरुते +अतीव चन्द्रः॥

snigdhaḥ sthūlaḥ samaśṛṅgo viśālas tuṅgaś ca^udagvicaran nāgavīthyām/ dṛṣṭaḥ saumyair aśubhair viprayukto lokānandaṃ kurute +atīva candraḥ//

Sanskrit only: no published translation is held for this verse.

पित्र्य^मैत्र^पुरुहूत^विशाखा^त्वाष्ट्रम् एत्य च युनक्ति शशाङ्कः। दक्षिणेन न *शुभः शुभकृत्[क्शुभो हितकृत्] स्याद् यद्य् उदक् चरति मध्यगतो वा॥

pitrya^maitra^puruhūta^viśākhā^tvāṣṭram etya ca yunakti śaśāṅkaḥ/ dakṣiṇena na *śubhaḥ śubhakṛt[K.śubho hitakṛt] syād yady udak carati madhyagato vā//

Sanskrit only: no published translation is held for this verse.

परिघ इति मेघरेखा या तिर्यग्भास्करोदये +अस्ते वा। परिधिस् तु प्रतिसूर्यो दण्डस् त्व् ऋजुर् इन्द्रचापनिभः॥

parigha iti megharekhā yā tiryagbhāskarodaye +aste vā/ paridhis tu pratisūryo daṇḍas tv ṛjur indracāpanibhaḥ//

Sanskrit only: no published translation is held for this verse.

उदये +अस्ते वा भानोर् ये दीर्घा रश्मयस् त्व् अमोघास् ते। सुरचापखण्डम् ऋजु यद् रोहितम् ऐरावतं दीर्घम्॥

udaye +aste vā bhānor ye dīrghā raśmayas tv amoghās te/ suracāpakhaṇḍam ṛju yad rohitam airāvataṃ dīrgham//

Sanskrit only: no published translation is held for this verse.

अर्ध^अस्तमयात् सन्ध्या व्यक्तीभूता न तारका यावत्। तेजःपरिहानि मुखाद् भानोर् अर्ध^उदयो यावत्॥

ardha^astamayāt sandhyā vyaktībhūtā na tārakā yāvat/ tejaḥparihāni mukhād bhānor ardha^udayo yāvat//

Sanskrit only: no published translation is held for this verse.

तस्मिन् सन्ध्या^काले चिह्नैर् एतैः शुभ^अशुभं वाच्यम्। सर्वैर् एतैः स्निग्धैः सद्यो वर्षं भयं रूक्षैः॥

tasmin sandhyā^kāle cihnair etaiḥ śubha^aśubhaṃ vācyam/ sarvair etaiḥ snigdhaiḥ sadyo varṣaṃ bhayaṃ rūkṣaiḥ//

Sanskrit only: no published translation is held for this verse.

खण्डो वक्रः कृष्णो ह्रस्वः काक^आद्यैर् वा चिह्नैर् विद्धः। यस्मिन् देशे रूक्षश् चार्कस् तत्राभावः प्रायो राज्ञः॥

khaṇḍo vakraḥ kṛṣṇo hrasvaḥ kāka^ādyair vā cihnair viddhaḥ/ yasmin deśe rūkṣaś cārkas tatrābhāvaḥ prāyo rājñaḥ//

Sanskrit only: no published translation is held for this verse.

वाहिनीं समुपयाति पृष्ठतो मांसभुक् खगगणो युयुत्सतः। यस्य तस्य बलविद्रवो महान् अग्रैस् तु विजयो विहङ्गमैः॥

vāhinīṃ samupayāti pṛṣṭhato māṃsabhuk khagagaṇo yuyutsataḥ/ yasya tasya balavidravo mahān agrais tu vijayo vihaṅgamaiḥ//

Sanskrit only: no published translation is held for this verse.

भानोर् उदये यदि वास्तमये गन्धर्वपुरप्रतिमा ध्वजनी। विम्बं निरुणद्धि तदा नृपतेः प्राप्तं समरं सभयं प्रवदेत्॥

bhānor udaye yadi vāstamaye gandharvapurapratimā dhvajanī/ vimbaṃ niruṇaddhi tadā nṛpateḥ prāptaṃ samaraṃ sabhayaṃ pravadet//

Sanskrit only: no published translation is held for this verse.

शस्ता शान्तिद्विजमृगघुष्टा सन्ध्या स्निग्धा मृदुपवना च। पांशुध्वस्ता जनपदनाशं धत्ते रूक्षा रुधिरनिभा वा॥

śastā śāntidvijamṛgaghuṣṭā sandhyā snigdhā mṛdupavanā ca/ pāṃśudhvastā janapadanāśaṃ dhatte rūkṣā rudhiranibhā vā//

Sanskrit only: no published translation is held for this verse.