Varāhamihira: Bṛhatsaṃhitā 48

विस्तरशो निर्दिष्टं पट्टाणां लक्षणं यद् आचार्यैः। तत् संक्षेपः क्रियते मया +अत्र सकलार्थसम्पन्नः॥

vistaraśo nirdiṣṭaṃ paṭṭāṇāṃ lakṣaṇaṃ yad ācāryaiḥ/ tat saṃkṣepaḥ kriyate mayā +atra sakalārthasampannaḥ//

Sanskrit only: no published translation is held for this verse.

पट्टः शुभदो राज्णां मध्ये +अष्टाव् अङ्गुलानि विस्तीर्णः। सप्त नरेन्द्र^महिष्याः षड् युवराजस्य निर्दिष्टः॥

paṭṭaḥ śubhado rājṇāṃ madhye +aṣṭāv aṅgulāni vistīrṇaḥ/ sapta narendra^mahiṣyāḥ ṣaḍ yuvarājasya nirdiṣṭaḥ//

Sanskrit only: no published translation is held for this verse.

चतुर्^अङ्गुल^विस्तारः पट्टः सेनापतेर् भवति मध्ये। द्वे च प्रसादपट्टः पञ्चैते कीर्तिताः पट्टाः॥

catur^aṅgula^vistāraḥ paṭṭaḥ senāpater bhavati madhye/ dve ca prasādapaṭṭaḥ pañcaite kīrtitāḥ paṭṭāḥ//

Sanskrit only: no published translation is held for this verse.

सर्वे द्विगुणायामा मध्याद् अर्धेन पार्श्वविस्तीर्णाः। सर्वे च शुद्धकाञ्चनविनिर्मिताः श्रेयसो वृद्ध्यै॥

sarve dviguṇāyāmā madhyād ardhena pārśvavistīrṇāḥ/ sarve ca śuddhakāñcanavinirmitāḥ śreyaso vṛddhyai//

Sanskrit only: no published translation is held for this verse.

पञ्च^शिखो भूमिपतेस् त्रिशिखो युवराज^पार्थिव^महिष्योः। एकशिखः सैन्यपतेः प्रसादपट्टो विना शिखया॥

pañca^śikho bhūmipates triśikho yuvarāja^pārthiva^mahiṣyoḥ/ ekaśikhaḥ sainyapateḥ prasādapaṭṭo vinā śikhayā//

Sanskrit only: no published translation is held for this verse.

क्रियमाणं यदि पत्रं सुखेन विस्तारम् एति पट्टस्य। वृद्धिजयौ भूमिपतेस् तथा प्रजानां च सुखसम्पत्॥

kriyamāṇaṃ yadi patraṃ sukhena vistāram eti paṭṭasya/ vṛddhijayau bhūmipates tathā prajānāṃ ca sukhasampat//

Sanskrit only: no published translation is held for this verse.

जीवितराज्यविनाशं करोति मध्ये व्रणः समुत्पन्नः। मध्ये स्फुटितस् त्याज्यो विघ्नकरः पार्श्वयोः स्फुटितः॥

jīvitarājyavināśaṃ karoti madhye vraṇaḥ samutpannaḥ/ madhye sphuṭitas tyājyo vighnakaraḥ pārśvayoḥ sphuṭitaḥ//

Sanskrit only: no published translation is held for this verse.

अशुभनिमित्त^उत्पत्तौ शास्त्रज्ञः शान्तिम् आदिशेद् राज्ञः। शस्तनिमित्तः पट्टो नृप^राष्ट्र^विवृद्धये भवति॥

aśubhanimitta^utpattau śāstrajñaḥ śāntim ādiśed rājñaḥ/ śastanimittaḥ paṭṭo nṛpa^rāṣṭra^vivṛddhaye bhavati//

Sanskrit only: no published translation is held for this verse.