Varāhamihira: Bṛhatsaṃhitā 49

अङ्गुल^शतार्धम् उत्तम ऊनः स्यात् *पञ्चविंशतिः[क्पञ्चविंशतिं] खड्गः। अङ्गुलमानाज् ज्ञेयो व्रणो +अशुभो विषम^पर्वस्थः॥

aṅgula^śatārdham uttama ūnaḥ syāt *pañcaviṃśatiḥ[K.pañcaviṃśatiṃ] khaḍgaḥ/ aṅgulamānāj jñeyo vraṇo +aśubho viṣama^parvasthaḥ//

Sanskrit only: no published translation is held for this verse.

श्रीवृक्ष^वर्धमान^आतपत्र^शिवलिङ्ग^कुण्डल^अब्जानाम्। सदृशा व्रणाः प्रशस्ता ध्वज^आयुध^स्वस्तिकानां च॥

śrīvṛkṣa^vardhamāna^ātapatra^śivaliṅga^kuṇḍala^abjānām/ sadṛśā vraṇāḥ praśastā dhvaja^āyudha^svastikānāṃ ca//

Sanskrit only: no published translation is held for this verse.

कृकलास^काक^कङ्क^क्रव्याद^कबन्ध^वृश्चिक^आकृतयः। खड्गे व्रणा न शुभदा वंशानुगताः प्रभूताश् च॥

kṛkalāsa^kāka^kaṅka^kravyāda^kabandha^vṛścika^ākṛtayaḥ/ khaḍge vraṇā na śubhadā vaṃśānugatāḥ prabhūtāś ca//

Sanskrit only: no published translation is held for this verse.

स्फुटितो ह्रस्वः कुण्ठो वंशच्छिन्नो न दृग्^मनो +अनुगतः। अस्वन इति चानिष्टः प्रोक्तविपर्यस्त इष्टफलः॥

sphuṭito hrasvaḥ kuṇṭho vaṃśacchinno na dṛg^mano +anugataḥ/ asvana iti cāniṣṭaḥ proktaviparyasta iṣṭaphalaḥ//

Sanskrit only: no published translation is held for this verse.

क्वणितं मरणाय^उक्तं पराजयाय प्रवर्तनं कोशात्। स्वयम् उद्गीर्णे युद्धं ज्वलिते विजयो भवति खड्गे॥

kvaṇitaṃ maraṇāya^uktaṃ parājayāya pravartanaṃ kośāt/ svayam udgīrṇe yuddhaṃ jvalite vijayo bhavati khaḍge//

Sanskrit only: no published translation is held for this verse.

गोजिह्वा^संस्थानो नीलोत्पल^वंश^पत्र^सदृशश् च। करवीर^पत्र^शूल^अग्र^मण्डल^अग्राः प्रशस्ताः स्युः॥

gojihvā^saṃsthāno nīlotpala^vaṃśa^patra^sadṛśaś ca/ karavīra^patra^śūla^agra^maṇḍala^agrāḥ praśastāḥ syuḥ//

Sanskrit only: no published translation is held for this verse.

निष्पन्नो न छेद्यो निकषैः कार्यः प्रमाणयुक्तः सः। मूले म्रियते स्वामी जननी तस्याग्रतश् छिन्ने॥

niṣpanno na chedyo nikaṣaiḥ kāryaḥ pramāṇayuktaḥ saḥ/ mūle mriyate svāmī jananī tasyāgrataś chinne//

Sanskrit only: no published translation is held for this verse.

यस्मिन् त्सरुप्रदेशे व्रणो भवेत् तद्वद् एव खड्गस्य। वनितानाम् इव तिलको गुह्ये वाच्यो मुखे दृष्ट्वा॥

yasmin tsarupradeśe vraṇo bhavet tadvad eva khaḍgasya/ vanitānām iva tilako guhye vācyo mukhe dṛṣṭvā//

Sanskrit only: no published translation is held for this verse.

अथ वा स्पृशति यदङ्गं प्रष्टा निस्त्रिंशभृत् तदवधार्य। कोशस्थस्य^आदेश्यो व्रणो +अस्ति शास्त्रं विदित्वेदम्॥

atha vā spṛśati yadaṅgaṃ praṣṭā nistriṃśabhṛt tadavadhārya/ kośasthasya^ādeśyo vraṇo +asti śāstraṃ viditvedam//

Sanskrit only: no published translation is held for this verse.

शिरसि स्पृष्टे प्रथमे +अङ्गुले द्वितीये ललाटसंस्पर्शे। भ्रूमध्ये च तृतीये नेत्रे स्पृष्टे चत्रुथे च॥

śirasi spṛṣṭe prathame +aṅgule dvitīye lalāṭasaṃsparśe/ bhrūmadhye ca tṛtīye netre spṛṣṭe catruthe ca//

Sanskrit only: no published translation is held for this verse.

*नास^औष्ठ[क्नासोष्ठ]^कपोल^हनु^श्रवण^ग्रीव^*अंसके च[कंसकेषु] पञ्चाद्याः। उरसि द्वादशसंस्थस् त्रयोदशे कक्षयोर् ज्ञेयः॥

*nāsa^auṣṭha[K.nāsoṣṭha]^kapola^hanu^śravaṇa^grīva^*aṃsake ca[K.aṃsakeṣu] pañcādyāḥ/ urasi dvādaśasaṃsthas trayodaśe kakṣayor jñeyaḥ//

Sanskrit only: no published translation is held for this verse.

स्तन^हृदय^उदर^*कुक्षि^नाभौ[क्कुक्षिनाभीषु] तु चतुर्दशादयो ज्ञेयाः। नाभिमूले कट्यां गुह्ये च^एकोनविंशतितः॥

stana^hṛdaya^udara^*kukṣi^nābhau[K.kukṣinābhīṣu] tu caturdaśādayo jñeyāḥ/ nābhimūle kaṭyāṃ guhye ca^ekonaviṃśatitaḥ//

Sanskrit only: no published translation is held for this verse.

ऊर्वोर् द्वाविंशे स्याद् ऊर्वोर् मध्ये व्रणस् त्रयोविंशे। जानुनि च चतुर्विंशे जङ्घायां पञ्चविंशे च॥

ūrvor dvāviṃśe syād ūrvor madhye vraṇas trayoviṃśe/ jānuni ca caturviṃśe jaṅghāyāṃ pañcaviṃśe ca//

Sanskrit only: no published translation is held for this verse.

जङ्घामध्ये गुल्फे पार्ष्ण्यां पादे तदङ्गुलीष्व् अपि च। षड्विंशतिकाद् यावत् त्रिंशद् इति मतेन गर्गस्य॥

jaṅghāmadhye gulphe pārṣṇyāṃ pāde tadaṅgulīṣv api ca/ ṣaḍviṃśatikād yāvat triṃśad iti matena gargasya//

Sanskrit only: no published translation is held for this verse.

पुत्रमरणं धनाप्तिर् धनहानिः सम्पदश् च बन्धश् च। एकाद्यङ्गुलसंस्थैर् व्रणैः फलं निर्दिशेत् क्रमशः॥

putramaraṇaṃ dhanāptir dhanahāniḥ sampadaś ca bandhaś ca/ ekādyaṅgulasaṃsthair vraṇaiḥ phalaṃ nirdiśet kramaśaḥ//

Sanskrit only: no published translation is held for this verse.

सुतलाभः कलहो हस्ति^लब्धयः पुत्रमरण^धनलाभौ। क्रमशो विनाश^वनिताप्ति^चित्तदुःखानि षट्प्रभृति॥

sutalābhaḥ kalaho hasti^labdhayaḥ putramaraṇa^dhanalābhau/ kramaśo vināśa^vanitāpti^cittaduḥkhāni ṣaṭprabhṛti//

Sanskrit only: no published translation is held for this verse.

लब्धिर् *हानिः स्त्रीलब्धयो[खानिस्त्रीलब्धयो] बधो वृद्धि^मरण^परितोषाः। ज्ञेयाश् चतुर्दशादिषु धनहानिश् चैकविंशे स्यात्॥

labdhir *hāniḥ strīlabdhayo[K.hānistrīlabdhayo] badho vṛddhi^maraṇa^paritoṣāḥ/ jñeyāś caturdaśādiṣu dhanahāniś caikaviṃśe syāt//

Sanskrit only: no published translation is held for this verse.

वित्ताप्तिर् अनिर्वाणं धन^आगमो मृत्यु^सम्पदो +अस्वत्वम्। ऐश्वर्य^मृत्यु^राज्यानि च क्रमात् त्रिंशद् इति यावत्॥

vittāptir anirvāṇaṃ dhana^āgamo mṛtyu^sampado +asvatvam/ aiśvarya^mṛtyu^rājyāni ca kramāt triṃśad iti yāvat//

Sanskrit only: no published translation is held for this verse.

परतो न विशेषफलं विषमसमस्थास् तु पापशुभफलदाः। कैश् चिद् अफलाः प्रदिष्टास् त्रिंशत्परतो +अग्रम् इति यावत्॥

parato na viśeṣaphalaṃ viṣamasamasthās tu pāpaśubhaphaladāḥ/ kaiś cid aphalāḥ pradiṣṭās triṃśatparato +agram iti yāvat//

Sanskrit only: no published translation is held for this verse.

करवीर^उत्पल^गज^मद^घृत^कुङ्कुम^कुन्द^चम्पक^सगन्धः। शुभदो +अनिष्टो गोमूत्र^पङ्क^मेदः^सदृश^गन्धः॥

karavīra^utpala^gaja^mada^ghṛta^kuṅkuma^kunda^campaka^sagandhaḥ/ śubhado +aniṣṭo gomūtra^paṅka^medaḥ^sadṛśa^gandhaḥ//

Sanskrit only: no published translation is held for this verse.

कूर्म^वसा^असृक्^क्षार^उपमश् च भय^दुःखदो भवति गन्धः। वैदूर्य^कनक^विद्युत्^प्रभो जय^आरोग्य^वृद्धिकरः॥

kūrma^vasā^asṛk^kṣāra^upamaś ca bhaya^duḥkhado bhavati gandhaḥ/ vaidūrya^kanaka^vidyut^prabho jaya^ārogya^vṛddhikaraḥ//

Sanskrit only: no published translation is held for this verse.