Varāhamihira: Bṛhatsaṃhitā 77

शस्त्रेन वेणी^विनिगूहितेन विदूरथं स्वा महिषी जघान। विष^प्रदिग्धेन च नूपुरेण देवी विरक्ता किल काशिराजम्॥

śastrena veṇī^vinigūhitena vidūrathaṃ svā mahiṣī jaghāna/ viṣa^pradigdhena ca nūpureṇa devī viraktā kila kāśirājam//

Sanskrit only: no published translation is held for this verse.

भिक्षुणिका प्रव्रजिता दासी धात्री कुमारिका रजिका। मालाकारी दुष्टाङ्गना सखी नापिती दूत्यः॥

bhikṣuṇikā pravrajitā dāsī dhātrī kumārikā rajikā/ mālākārī duṣṭāṅganā sakhī nāpitī dūtyaḥ//

Sanskrit only: no published translation is held for this verse.

कुलजन^विनाश^हेतुर् दूत्यो यस्माद् अतः प्रयत्नेन। ताभ्यः स्त्रियो +अभिरक्ष्या वंश^यशो^मान^वृद्ध्य्^अर्थम्॥

kulajana^vināśa^hetur dūtyo yasmād ataḥ prayatnena/ tābhyaḥ striyo +abhirakṣyā vaṃśa^yaśo^māna^vṛddhy^artham//

Sanskrit only: no published translation is held for this verse.

रात्री^विहार^जागर^रोग^व्यपदेश^परगृह^ईक्षणिकाः। व्यसन^उत्सवाश् च सङ्केत^हेतवस् तेषु रक्ष्याश् च॥

rātrī^vihāra^jāgara^roga^vyapadeśa^paragṛha^īkṣaṇikāḥ/ vyasana^utsavāś ca saṅketa^hetavas teṣu rakṣyāś ca//

Sanskrit only: no published translation is held for this verse.

श्वासं मनुष्येण समं त्यजन्ती बाहु^उपधान^स्तन^दान^दक्षा। सुगन्ध^केशा सुसमीप^रागा सुप्ते +अनुसुप्ता प्रथमं विबुद्धा॥

śvāsaṃ manuṣyeṇa samaṃ tyajantī bāhu^upadhāna^stana^dāna^dakṣā/ sugandha^keśā susamīpa^rāgā supte +anusuptā prathamaṃ vibuddhā//

Sanskrit only: no published translation is held for this verse.

दुष्ट^स्वभावाः परिवर्जनीया विमर्द^कालेषु च न क्षमा याः। यासाम् असृग्^वा^असित^नील^पीतम् आताम्रवर्णं च न ताः प्रशस्ताः॥

duṣṭa^svabhāvāḥ parivarjanīyā vimarda^kāleṣu ca na kṣamā yāḥ/ yāsām asṛg^vā^asita^nīla^pītam ātāmravarṇaṃ ca na tāḥ praśastāḥ//

Sanskrit only: no published translation is held for this verse.

या स्वप्नशीला बहु^रक्त^पित्ता प्रवाहिनी वात^कफ^अतिरक्ता[कतिरिक्ता]। महाशना स्वेदयुताङ्गदुष्ठा या ह्रस्वकेशी पलितान्विता वा[क्च]॥

yā svapnaśīlā bahu^rakta^pittā pravāhinī vāta^kapha^atiraktā[K.atiriktā]/ mahāśanā svedayutāṅgaduṣṭhā yā hrasvakeśī palitānvitā vā[K.ca]//

Sanskrit only: no published translation is held for this verse.

शश^शोणित^सङ्काशं लाक्षा^रस^सन्निकाशम् अथ^वा यत्। प्रक्षालितं विरज्यति यच् च^असृक् तद् भवेत्^शुद्धम्॥

śaśa^śoṇita^saṅkāśaṃ lākṣā^rasa^sannikāśam atha^vā yat/ prakṣālitaṃ virajyati yac ca^asṛk tad bhavet^śuddham//

Sanskrit only: no published translation is held for this verse.

यच् छब्द^वेदना^वर्जितं त्र्यहात् सन्निवर्तते रक्तम्। तत् पुरुष^सम्प्रयोगाद् अविचारं गर्भतां याति॥

yac chabda^vedanā^varjitaṃ tryahāt sannivartate raktam/ tat puruṣa^samprayogād avicāraṃ garbhatāṃ yāti//

Sanskrit only: no published translation is held for this verse.

न दिनत्रयं निषेव्यं[क्निषेवेत्] स्नानं माल्य^अनुलेपनं *स्त्रीभिः[क्च स्त्री]। स्नायाच् चतुर्थ^दिवसे शास्त्र^उक्तेन^उपदेशेन॥

na dinatrayaṃ niṣevyaṃ[K.niṣevet] snānaṃ mālya^anulepanaṃ *strībhiḥ[K.ca strī]/ snāyāc caturtha^divase śāstra^uktena^upadeśena//

Sanskrit only: no published translation is held for this verse.

पुष्यस्नान^ओषधयो याः कथितास् ताभिर् अम्बु^मिश्राभिः। स्नायात् तथात्र मन्त्रः स एव यस् तत्र निर्दिष्टः॥

puṣyasnāna^oṣadhayo yāḥ kathitās tābhir ambu^miśrābhiḥ/ snāyāt tathātra mantraḥ sa eva yas tatra nirdiṣṭaḥ//

Sanskrit only: no published translation is held for this verse.

युग्मासु किल मनुष्या निशासु नार्यो भवन्ति विषमासु। दीर्घायुषः सुरूपाः सुखिनश् च विकृष्ट^युग्मासु॥

yugmāsu kila manuṣyā niśāsu nāryo bhavanti viṣamāsu/ dīrghāyuṣaḥ surūpāḥ sukhinaś ca vikṛṣṭa^yugmāsu//

Sanskrit only: no published translation is held for this verse.

दक्षिण^पार्श्वे पुरुषो वामे नारी यमाव् उभयसंस्थौ॥ यद् उदरमध्य^उपगतं नपुंसकं तन् निबोद्धव्यम्॥

dakṣiṇa^pārśve puruṣo vāme nārī yamāv ubhayasaṃsthau// yad udaramadhya^upagataṃ napuṃsakaṃ tan niboddhavyam//

Sanskrit only: no published translation is held for this verse.