Varāhamihira: Bṛhatsaṃhitā 97

शिखि^गुण^रस^इन्द्रिय^अनल^शशि^विषय^गुण^ऋतु^पञ्च^वसु^पक्षाः। विषय^एक^चन्द्र^भूत^अर्णव^अग्नि^रुद्र^अश्वि^वसु^दहनाः॥

śikhi^guṇa^rasa^indriya^anala^śaśi^viṣaya^guṇa^ṛtu^pañca^vasu^pakṣāḥ/ viṣaya^eka^candra^bhūta^arṇava^agni^rudra^aśvi^vasu^dahanāḥ//

Sanskrit only: no published translation is held for this verse.

भूत^शत^पक्ष^वसवो द्वात्रिंशच् च^इति तारका^मानम्। क्रमशो +अश्विन्य्^आदीनां कालस् तारा^प्रमाणेन॥

bhūta^śata^pakṣa^vasavo dvātriṃśac ca^iti tārakā^mānam/ kramaśo +aśviny^ādīnāṃ kālas tārā^pramāṇena//

Sanskrit only: no published translation is held for this verse.

नक्षत्रजम् उद्वाहे फलम् अब्दैस् तारका^मितैः सदसत्। दिवसैर् ज्वरस्य नाशो व्याधेर् अन्यस्य वा वाच्यः॥

nakṣatrajam udvāhe phalam abdais tārakā^mitaiḥ sadasat/ divasair jvarasya nāśo vyādher anyasya vā vācyaḥ//

Sanskrit only: no published translation is held for this verse.

अश्वि^यम^दहन^कमलज^शशि^शूलभृद्^अदिति^जीव^फणि^पितरः। योन्य्^अर्यम^दिनकृत्^त्वष्टृ^पवन^शक्राग्नि^मित्राश् च॥

aśvi^yama^dahana^kamalaja^śaśi^śūlabhṛd^aditi^jīva^phaṇi^pitaraḥ/ yony^aryama^dinakṛt^tvaṣṭṛ^pavana^śakrāgni^mitrāś ca//

Sanskrit only: no published translation is held for this verse.

शक्रो निरृतिस् तोयं विश्वे ब्रह्मा हरिर् वसुर् वरुणः। अजपादो +अहिर्बुध्न्यः पूषा चेतीश्वरा भानाम्॥

śakro nirṛtis toyaṃ viśve brahmā harir vasur varuṇaḥ/ ajapādo +ahirbudhnyaḥ pūṣā cetīśvarā bhānām//

Sanskrit only: no published translation is held for this verse.

त्रीण्य् उत्तराणि तेभ्यो रोहिण्यश् च ध्रुवाणि तैः कुर्यात्। अभिषेक^शान्ति^तरु^नगर^धर्म^बीज^ध्रुव^आरम्भान्॥

trīṇy uttarāṇi tebhyo rohiṇyaś ca dhruvāṇi taiḥ kuryāt/ abhiṣeka^śānti^taru^nagara^dharma^bīja^dhruva^ārambhān//

Sanskrit only: no published translation is held for this verse.

मूल^शिव^शक्र^भुजग^अधिपानि तीक्ष्णानि तेषु सिद्ध्यन्ति। अभिघात^मन्त्र^वेताल^बन्ध^वध^भेद^संबन्धाः॥

mūla^śiva^śakra^bhujaga^adhipāni tīkṣṇāni teṣu siddhyanti/ abhighāta^mantra^vetāla^bandha^vadha^bheda^saṃbandhāḥ//

Sanskrit only: no published translation is held for this verse.

उग्राणि पूर्व^भरणी^पित्र्याण्य् उत्साद^नाश^शाठ्येषु। योज्यानि बन्ध^विष^दहन^शस्त्र^घात^आदिषु च सिद्ध्यै॥

ugrāṇi pūrva^bharaṇī^pitryāṇy utsāda^nāśa^śāṭhyeṣu/ yojyāni bandha^viṣa^dahana^śastra^ghāta^ādiṣu ca siddhyai//

Sanskrit only: no published translation is held for this verse.

लघु हस्त^अश्विन^पुष्याः पण्य^रति^ज्ञान^भूषण^कलासु। शिल्प^औषध^यान^आदिषु सिद्धिकराणि प्रदिष्टानि॥

laghu hasta^aśvina^puṣyāḥ paṇya^rati^jñāna^bhūṣaṇa^kalāsu/ śilpa^auṣadha^yāna^ādiṣu siddhikarāṇi pradiṣṭāni//

Sanskrit only: no published translation is held for this verse.

मृदु^वर्गो[क्मृदुवर्गस् त्व्] +अनूराधा^चित्रा^पौष्ण^ऐन्दवानि मित्रार्थे। सुरतविधि^वस्त्र^भूषण^मङ्गल^गीतेषु च हितानि॥

mṛdu^vargo[K.mṛduvargas tv] +anūrādhā^citrā^pauṣṇa^aindavāni mitrārthe/ suratavidhi^vastra^bhūṣaṇa^maṅgala^gīteṣu ca hitāni//

Sanskrit only: no published translation is held for this verse.

हौतभुजं सविशाखं मृदु^तीक्ष्णम् तद्^विमिश्र^फल^कारि। श्रवणत्रयम् आदित्य^आनिले च चरकर्मणि हितानि॥

hautabhujaṃ saviśākhaṃ mṛdu^tīkṣṇam tad^vimiśra^phala^kāri/ śravaṇatrayam āditya^ānile ca carakarmaṇi hitāni//

Sanskrit only: no published translation is held for this verse.

नृपाज्ञया ब्राह्मण^सम्मते च विवाहकाले मृतसूतके च। बद्धस्य मोक्षे क्रतु^दीक्षणासु सर्वेषु शस्तं क्षुरकर्म भेषु॥

nṛpājñayā brāhmaṇa^sammate ca vivāhakāle mṛtasūtake ca/ baddhasya mokṣe kratu^dīkṣaṇāsu sarveṣu śastaṃ kṣurakarma bheṣu//

Sanskrit only: no published translation is held for this verse.

सावित्र^पौष्ण^अनिल^मैत्र^तिष्य^त्वाष्ट्रे तथा च^उडुगणाधिप^ऋक्षे। संस्कार^दीक्षा^व्रत^मेखलादि कुर्याद् गुरौ शुक्र^बुध^इन्दुयुक्ते॥

sāvitra^pauṣṇa^anila^maitra^tiṣya^tvāṣṭre tathā ca^uḍugaṇādhipa^ṛkṣe/ saṃskāra^dīkṣā^vrata^mekhalādi kuryād gurau śukra^budha^induyukte//

Sanskrit only: no published translation is held for this verse.