Bhartrhari: Vakyapadiya 3.10

प्रत्यक्ता परभावश् चाप्य् उपाधी कर्तृकर्मनोः । तयोः श्रुतिविशेषेण वाचकौ मध्यमोत्तमौ

pratyaktā parabhāvaś cāpy upādhī kartṛkarmanoḥ / tayoḥ śrutiviśeṣeṇa vācakau madhyamottamau

Sanskrit only: no published translation is held for this verse.

सद् असद् वापि चैतन्यम् एताभ्याम् अवगम्यते । चैतन्यभागे प्रथमः पुरुषो न तु वर्तते

sad asad vāpi caitanyam etābhyām avagamyate / caitanyabhāge prathamaḥ puruṣo na tu vartate

Sanskrit only: no published translation is held for this verse.

बुधिजानातिचितिभिः प्रथमे पुरुषे सति । सम्ज्ञानार्थैर् न चैतन्य- स्योपयोगः प्रकाश्यते

budhijānāticitibhiḥ prathame puruṣe sati / samjñānārthair na caitanya- syopayogaḥ prakāśyate

Sanskrit only: no published translation is held for this verse.

संबोधनार्थः सर्वत्र मध्यमे कैश् चिद् इष्यते । तथा संबोधने सर्वां प्रथमां युष्मदो विदुः

saṃbodhanārthaḥ sarvatra madhyame kaiś cid iṣyate / tathā saṃbodhane sarvāṃ prathamāṃ yuṣmado viduḥ

Sanskrit only: no published translation is held for this verse.

संबोधनं न लोके ऽस्ति विधातव्येन वस्तुना । स्वाहेन्द्रशत्रुर् वर्धस्व यथा राजा भवेति च

saṃbodhanaṃ na loke 'sti vidhātavyena vastunā / svāhendraśatrur vardhasva yathā rājā bhaveti ca

Sanskrit only: no published translation is held for this verse.

युष्मदर्थस्य सिद्धत्वान् नियता चाद्युदात्तता । युष्मदः प्रथमान्तस्य परश् चेन् न पदाद् असौ

yuṣmadarthasya siddhatvān niyatā cādyudāttatā / yuṣmadaḥ prathamāntasya paraś cen na padād asau

Sanskrit only: no published translation is held for this verse.

गुणप्रधानताभेदः पुरुशादिविपर्ययः । निर्देशश् चान्यथा शास्त्रे नित्यत्वान् न विरुध्यते

guṇapradhānatābhedaḥ puruśādiviparyayaḥ / nirdeśaś cānyathā śāstre nityatvān na virudhyate

Sanskrit only: no published translation is held for this verse.

यथानिर्देशम् अर्थाः स्युर् येसां शास्त्रं विधायकम् । किम् चित् सामान्यम् आश्रित्य स्थिते तु प्रतिपादनम्

yathānirdeśam arthāḥ syur yesāṃ śāstraṃ vidhāyakam / kim cit sāmānyam āśritya sthite tu pratipādanam

Sanskrit only: no published translation is held for this verse.

यो ऽश्वे यः पीठ इत्य् अत्र भूतयोर् अश्वपीठयोः । यथोपलक्षणार्थत्वं तथार्थेष्व् अनुशासनम्

yo 'śve yaḥ pīṭha ity atra bhūtayor aśvapīṭhayoḥ / yathopalakṣaṇārthatvaṃ tathārtheṣv anuśāsanam

Sanskrit only: no published translation is held for this verse.