Baudhāyana Gṛhya-sūtra 1.5

तां न मिथस् संसादयेद् अनादेशात्

tāṃ na mithas saṃsādayed anādeśāt

Sanskrit only: no published translation is held for this verse.

अनुनयन्त्य् एतम् अग्निम्

anunayanty etam agnim

Sanskrit only: no published translation is held for this verse.

अथैनां पितुर् अङ्काद् उद्वहति गुरोर् वा ये वध्वश् चन्द्रं वहतुं यक्ष्मा यन्ति जनाꣳ अनु पुनस् तान् यज्ञिया देवा नयन्तु यत आगताः इति

athaināṃ pitur aṅkād udvahati guror vā ye vadhvaś candraṃ vahatuṃ yakṣmā yanti janāṁ anu punas tān yajñiyā devā nayantu yata āgatāḥ iti

Sanskrit only: no published translation is held for this verse.

अथैनां दक्षिणे हस्ते गृहीत्वा स्वरथम् आरोप्य स्वान् गृहान् आनयति पूषा त्वेतो नयतु हस्तगृह्याश्विनौ त्वा प्रवहतां रथेन गृहान् गच्छ गृहपत्नी यथासो वशिनी त्वं विदथमावदासि इति

athaināṃ dakṣiṇe haste gṛhītvā svaratham āropya svān gṛhān ānayati pūṣā tveto nayatu hastagṛhyāśvinau tvā pravahatāṃ rathena gṛhān gaccha gṛhapatnī yathāso vaśinī tvaṃ vidathamāvadāsi iti

Sanskrit only: no published translation is held for this verse.

पन्थानम् अनुमन्त्रयते सुगं पन्थानम् आरुक्षम् अरिष्टं स्वस्तिवाहनम् यस्मिन् वीरो न रिष्यत्य् अन्येषां विन्दते वसु इति

panthānam anumantrayate sugaṃ panthānam ārukṣam ariṣṭaṃ svastivāhanam yasmin vīro na riṣyaty anyeṣāṃ vindate vasu iti

Sanskrit only: no published translation is held for this verse.

ओषधिवनस्पतयो नद्यो वनान्य् अनुमन्त्रयते या ओषधयो या वनस्पतयो या नद्यो यानि धन्वानि ये वना ते त्वा वधु प्रजावतीं प्र त्वे मुञ्चन्त्व् अंहसः इति

oṣadhivanaspatayo nadyo vanāny anumantrayate yā oṣadhayo yā vanaspatayo yā nadyo yāni dhanvāni ye vanā te tvā vadhu prajāvatīṃ pra tve muñcantv aṃhasaḥ iti

Sanskrit only: no published translation is held for this verse.

अथ जायाम् आनीय स्वान् गृहान् प्रपादयति भद्रान् गृहान् सुमनसः प्रपद्ये ऽवीरघ्नी वीरवतः सुवीरान् इरां वहतो घृतम् उक्षमाणास् तेष्व् अहं सुमनाः संविशानि इति

atha jāyām ānīya svān gṛhān prapādayati bhadrān gṛhān sumanasaḥ prapadye 'vīraghnī vīravataḥ suvīrān irāṃ vahato ghṛtam ukṣamāṇās teṣv ahaṃ sumanāḥ saṃviśāni iti

Sanskrit only: no published translation is held for this verse.

अथैनाम् आनडुहे चर्मण्य् उपवेशयति इह गावः प्रजायध्वम् इहाश्वा इह पूरुषाः इहो सहस्रदक्षिणो रायस्पोषो निषीदतु इति

athainām ānaḍuhe carmaṇy upaveśayati iha gāvaḥ prajāyadhvam ihāśvā iha pūruṣāḥ iho sahasradakṣiṇo rāyaspoṣo niṣīdatu iti

Sanskrit only: no published translation is held for this verse.

अत्राभ्याम् अमात्यास् तोक्माण्य् आरोपयन्ते

atrābhyām amātyās tokmāṇy āropayante

Sanskrit only: no published translation is held for this verse.

अथ वाचं यच्छतः आ नक्षत्राणाम् उदयात्

atha vācaṃ yacchataḥ ā nakṣatrāṇām udayāt

Sanskrit only: no published translation is held for this verse.

अथाहोरात्रयोः सन्धिम् अनुमन्त्रयते नीललोहिते भवतः कृत्यासक्तिर् व्यज्यते एधन्ते ऽस्या ज्ञातयः पतिर् बन्धेषु बध्यताम् इति

athāhorātrayoḥ sandhim anumantrayate nīlalohite bhavataḥ kṛtyāsaktir vyajyate edhante 'syā jñātayaḥ patir bandheṣu badhyatām iti

Sanskrit only: no published translation is held for this verse.

अथोदितेषु नक्षत्रेषूपनिष्क्रम्य ध्रुवम् अरुन्धतीं च दर्शयति

athoditeṣu nakṣatreṣūpaniṣkramya dhruvam arundhatīṃ ca darśayati

Sanskrit only: no published translation is held for this verse.

ध्रुवो ऽसि ध्रुवक्षितिर् ध्रुवम् असि ध्रुवतः स्थितम् त्वं नक्षत्राणां मेथ्य् असि स मा पाहि पृतन्यतः इति ध्रुवम्

dhruvo 'si dhruvakṣitir dhruvam asi dhruvataḥ sthitam tvaṃ nakṣatrāṇāṃ methy asi sa mā pāhi pṛtanyataḥ iti dhruvam

Sanskrit only: no published translation is held for this verse.

सप्त ऋषयः प्रथमां कृत्तिकानाम् अरुन्धतीं यद् ध्रुवतां ह निन्युः षट्कृत्तिका मुख्ययोगं वहन्तीयम् अस्माकम् एधत्व् अष्टम्य् अरुन्धती इत्य् अरुन्धतीम्

sapta ṛṣayaḥ prathamāṃ kṛttikānām arundhatīṃ yad dhruvatāṃ ha ninyuḥ ṣaṭkṛttikā mukhyayogaṃ vahantīyam asmākam edhatv aṣṭamy arundhatī ity arundhatīm

Sanskrit only: no published translation is held for this verse.

अथ विवाहस्यारुन्धत्युपस्थानात् कृत्वा व्रतम् उपैति अग्ने व्रतपते उपयमनं व्रतं चरिष्यामि तच् छकेयं तन् मे राध्यताम् वायो व्रतपत आदित्य व्रतपते व्रतानां व्रतपते उपयमनं व्रतं चरिष्यामि तच् छकेयं तन् मे राध्यताम् इति

atha vivāhasyārundhatyupasthānāt kṛtvā vratam upaiti agne vratapate upayamanaṃ vrataṃ cariṣyāmi tac chakeyaṃ tan me rādhyatām vāyo vratapata āditya vratapate vratānāṃ vratapate upayamanaṃ vrataṃ cariṣyāmi tac chakeyaṃ tan me rādhyatām iti

Sanskrit only: no published translation is held for this verse.

उभौ जायापती व्रतचारिणौ ब्रह्मचारिणौ भवतो ऽधःशयाते

ubhau jāyāpatī vratacāriṇau brahmacāriṇau bhavato 'dhaḥśayāte

Sanskrit only: no published translation is held for this verse.

तयोः शय्याम् अन्तरेणोदुम्बरदण्डो गन्धानुलिप्तो वाससा सूत्रेण वा परिवीतस् तिष्ठत्य् आ पक्वहोमात्

tayoḥ śayyām antareṇodumbaradaṇḍo gandhānulipto vāsasā sūtreṇa vā parivītas tiṣṭhaty ā pakvahomāt

Sanskrit only: no published translation is held for this verse.

चतुर्थ्यां निशायां हुते पक्वहोमे व्रतं विसृज्य दण्डम् उत्थापयत्य् ऊर्जः पृथिव्या अध्युत्थितो ऽसि वनस्पते शतवल्शो विरोह त्वया वयम् इषम् ऊर्जं वदन्तो रायस्पोषेण समिषा मदेम इति

caturthyāṃ niśāyāṃ hute pakvahome vrataṃ visṛjya daṇḍam utthāpayaty ūrjaḥ pṛthivyā adhyutthito 'si vanaspate śatavalśo viroha tvayā vayam iṣam ūrjaṃ vadanto rāyaspoṣeṇa samiṣā madema iti

Sanskrit only: no published translation is held for this verse.

अथैनं वध्वै प्रयच्छति प्रजया त्वा संसृजामि मासरेण सुराम् इव इति

athainaṃ vadhvai prayacchati prajayā tvā saṃsṛjāmi māsareṇa surām iva iti

Sanskrit only: no published translation is held for this verse.

तं वधूः प्रतिगृह्णाति प्रजावती भूयासम् इति

taṃ vadhūḥ pratigṛhṇāti prajāvatī bhūyāsam iti

Sanskrit only: no published translation is held for this verse.

अथैनं वराय प्रयच्छति प्रजया त्वा पशुभिः संसृजामि मासरेण सुराम् इव इति

athainaṃ varāya prayacchati prajayā tvā paśubhiḥ saṃsṛjāmi māsareṇa surām iva iti

Sanskrit only: no published translation is held for this verse.

तं वरः प्रतिगृह्णाति प्रजावान् पशुमान् भूयासम् इति

taṃ varaḥ pratigṛhṇāti prajāvān paśumān bhūyāsam iti

Sanskrit only: no published translation is held for this verse.

अथैनं स्थूणादेशे निधायान्तिकेन प्रतिपद्यते

athainaṃ sthūṇādeśe nidhāyāntikena pratipadyate

Sanskrit only: no published translation is held for this verse.

प्रसिद्धम् उपसंवेशनम्

prasiddham upasaṃveśanam

Sanskrit only: no published translation is held for this verse.

श्वोभूते दण्डम् आदाय पुण्याहं वाचयित्वाप्सु विसर्जयति

śvobhūte daṇḍam ādāya puṇyāhaṃ vācayitvāpsu visarjayati

Sanskrit only: no published translation is held for this verse.

अथ देवयजनोल्लेखनप्रभृत्याग्निखात् कृत्वा पक्वाज् जुहोति अग्निर् मूर्धा भुवः इति द्वाभ्याम्

atha devayajanollekhanaprabhṛtyāgnikhāt kṛtvā pakvāj juhoti agnir mūrdhā bhuvaḥ iti dvābhyām

Sanskrit only: no published translation is held for this verse.

स्विष्टकृत्प्रभृति सिद्धम् आ धेनुवरप्रदानात्

sviṣṭakṛtprabhṛti siddham ā dhenuvarapradānāt

Sanskrit only: no published translation is held for this verse.

स एष पार्वणो भवति

sa eṣa pārvaṇo bhavati

Sanskrit only: no published translation is held for this verse.

अथास्तमित आदित्ये ऽन्योन्यम् अलंकृत्योपरिशय्यां शयाते

athāstamita āditye 'nyonyam alaṃkṛtyopariśayyāṃ śayāte

Sanskrit only: no published translation is held for this verse.

अथ वधूम् अभिमन्त्रयते सुमङ्गलीर् इयं वधूर् इमां समेत पश्यत सौभाग्यम् अस्यै दत्त्वायाथास्तं विपरेतन इति

atha vadhūm abhimantrayate sumaṅgalīr iyaṃ vadhūr imāṃ sameta paśyata saubhāgyam asyai dattvāyāthāstaṃ viparetana iti

Sanskrit only: no published translation is held for this verse.

अथैनां सर्वसुरभिगन्धया मालया युनक्ति सं ना मनः सं हृदयानि सं नाभि सं तनुत्यजः सं त्वा कामस्य याक्त्रेण युञ्जत्य् अविमोचनाय इति

athaināṃ sarvasurabhigandhayā mālayā yunakti saṃ nā manaḥ saṃ hṛdayāni saṃ nābhi saṃ tanutyajaḥ saṃ tvā kāmasya yāktreṇa yuñjaty avimocanāya iti

Sanskrit only: no published translation is held for this verse.