Library·Baudhāyana Gṛhya-sūtra·2·2.1

Baudhāyana Gṛhya-sūtra 2.1

BaudhGS 2.1.1

अथ प्रहुतः

atha prahutaḥ

Sanskrit only: no published translation is held for this verse.

BaudhGS 2.1.2

जातं कुमारमभिमन्त्रयते अद्भ्यः सम्भूतः इत्येतेनानुवाकेन

jātaṃ kumāramabhimantrayate adbhyaḥ sambhūtaḥ ityetenānuvākena

Sanskrit only: no published translation is held for this verse.

BaudhGS 2.1.3

अथैनं स्नपयति क्षेत्रियै त्वा निरृत्यै त्वा इति षड्भिरनुच्छन्दसम्

athainaṃ snapayati kṣetriyai tvā nirṛtyai tvā iti ṣaḍbhiranucchandasam

Sanskrit only: no published translation is held for this verse.

BaudhGS 2.1.4

अथैनं स्वोपस्थं आदधाति अङ्गादङ्गात्सम्भवसि हृदयादधिजायसे आत्मा वै पुत्र नामासि संजीव शरदः शतम् इति

athainaṃ svopasthaṃ ādadhāti aṅgādaṅgātsambhavasi hṛdayādadhijāyase ātmā vai putra nāmāsi saṃjīva śaradaḥ śatam iti

Sanskrit only: no published translation is held for this verse.

BaudhGS 2.1.5

अथैनं मूर्ध्न्यभिजिघ्रति अश्मा भव परशुर्भव हिरण्यमस्तृतं भव पशूनां त्वा हिङ्कारेणाभिजिघ्राम्यसौ इति नक्षत्रनामधेयेन

athainaṃ mūrdhnyabhijighrati aśmā bhava paraśurbhava hiraṇyamastṛtaṃ bhava paśūnāṃ tvā hiṅkāreṇābhijighrāmyasau iti nakṣatranāmadheyena

Sanskrit only: no published translation is held for this verse.

BaudhGS 2.1.6

अथास्य दक्षिणे कर्णे जपति अग्निरायुष्मान् इति पञ्चभिः पर्यायैः

athāsya dakṣiṇe karṇe japati agnirāyuṣmān iti pañcabhiḥ paryāyaiḥ

Sanskrit only: no published translation is held for this verse.

BaudhGS 2.1.7

अथैनं दधिमधुघृतमिति समुदायुत्य हिरण्येन प्राशयति प्राणो रक्षति विश्वमेजत् इत्येतेनानुवाकेन प्रत्यृचम्

athainaṃ dadhimadhughṛtamiti samudāyutya hiraṇyena prāśayati prāṇo rakṣati viśvamejat ityetenānuvākena pratyṛcam

Sanskrit only: no published translation is held for this verse.

BaudhGS 2.1.8

अतिशिष्टं गोपदे निनयति व्याहृतीभिः

atiśiṣṭaṃ gopade ninayati vyāhṛtībhiḥ

Sanskrit only: no published translation is held for this verse.

BaudhGS 2.1.9

अथैनं मातुरुपस्थ आदधाति सीद त्वं मातुरस्या उपस्थे इति चतसृभिः सहंसाभिः

athainaṃ māturupastha ādadhāti sīda tvaṃ māturasyā upasthe iti catasṛbhiḥ sahaṃsābhiḥ

Sanskrit only: no published translation is held for this verse.

BaudhGS 2.1.10

स्तनमभिमन्त्रयते यस्ते स्तनः शशयो यो मयोभूर् येन विश्वा पुष्यसि वार्याणि यो रत्नधा वसुविद् यः सुदत्रः सरस्वति तमिह धातवे कः इति

stanamabhimantrayate yaste stanaḥ śaśayo yo mayobhūr yena viśvā puṣyasi vāryāṇi yo ratnadhā vasuvid yaḥ sudatraḥ sarasvati tamiha dhātave kaḥ iti

Sanskrit only: no published translation is held for this verse.

BaudhGS 2.1.11

धयन्तमनुमन्त्रयते द्यौस्ते पृष्ठं रक्षतु वायुरूरू अश्विनौ च स्तनं धयन्तं सविताभिरक्षतु आ वाससः परिधानाद् बृहस्पतिर्विश्वेदेवा अभिरक्षन्तु पश्चात् इति

dhayantamanumantrayate dyauste pṛṣṭhaṃ rakṣatu vāyurūrū aśvinau ca stanaṃ dhayantaṃ savitābhirakṣatu ā vāsasaḥ paridhānād bṛhaspatirviśvedevā abhirakṣantu paścāt iti

Sanskrit only: no published translation is held for this verse.

BaudhGS 2.1.12

अथास्योदकुम्भमुच्छिरसि निदधाति आपः सुप्तेषु जाग्रत रक्षांसि निरितो नुदध्वम् इति

athāsyodakumbhamucchirasi nidadhāti āpaḥ supteṣu jāgrata rakṣāṃsi nirito nudadhvam iti

Sanskrit only: no published translation is held for this verse.

BaudhGS 2.1.13

अथ देवयजनोल्लेखनप्रभृत्याग्निमुखात् कृत्वा पक्वाज्जुहोति हरिं हरन्तमनुयन्ति देवाः इति पुरोनुवाक्याम् अनूच्य मा छिदो मृत्यो मा वधीः इति याज्यया जुहोति

atha devayajanollekhanaprabhṛtyāgnimukhāt kṛtvā pakvājjuhoti hariṃ harantamanuyanti devāḥ iti puronuvākyām anūcya mā chido mṛtyo mā vadhīḥ iti yājyayā juhoti

Sanskrit only: no published translation is held for this verse.

BaudhGS 2.1.14

अथाज्याहुतीरुपजुहोति सद्यश्चकमानाय इत्यान्ताद् अनुवाकस्य

athājyāhutīrupajuhoti sadyaścakamānāya ityāntād anuvākasya

Sanskrit only: no published translation is held for this verse.

BaudhGS 2.1.15

स्विष्टकृत्प्रभृति सिद्धम् आ धेनुवरप्रदानात्

sviṣṭakṛtprabhṛti siddham ā dhenuvarapradānāt

Sanskrit only: no published translation is held for this verse.

BaudhGS 2.1.16

अथानोयुगं रथयुगं वा स्नाप्याच्छाद्यालंकृत्य अग्रेणाग्निमुद्धृत्य तस्याग्रेणाश्वत्थपर्णेषु हुतशेषं निदधाति नम आव्याधिनीभ्यः इति

athānoyugaṃ rathayugaṃ vā snāpyācchādyālaṃkṛtya agreṇāgnimuddhṛtya tasyāgreṇāśvatthaparṇeṣu hutaśeṣaṃ nidadhāti nama āvyādhinībhyaḥ iti

Sanskrit only: no published translation is held for this verse.

BaudhGS 2.1.17

अथास्तमित आदित्ये गौरसर्षपान् फलीकरणमिश्रान् अञ्जलिना जुहोति कृणुष्व पाजः प्रसितिं न पृथ्वीम् इत्येतेनानुवाकेन प्रत्यृचम्

athāstamita āditye gaurasarṣapān phalīkaraṇamiśrān añjalinā juhoti kṛṇuṣva pājaḥ prasitiṃ na pṛthvīm ityetenānuvākena pratyṛcam

Sanskrit only: no published translation is held for this verse.

BaudhGS 2.1.18

अथौदनम् तिलसक्तुभिर् घृतेनेति समुदायुत्य गोष्ठे ऽश्वत्थपर्णेषु हुतशेषं निदधाति अघोराय महाघोराय नमो नमः इति

athaudanam tilasaktubhir ghṛteneti samudāyutya goṣṭhe 'śvatthaparṇeṣu hutaśeṣaṃ nidadhāti aghorāya mahāghorāya namo namaḥ iti

Sanskrit only: no published translation is held for this verse.

BaudhGS 2.1.19

अथातिशिष्टं सर्वा दिशः संप्रकिरन्ति आवेशिनी व्यश्रुमुखी कुतूहलिन्येकस्तनी जृम्भणी स्तम्भनी मोहनी च कृष्णा विशाखा विमला ब्रह्मरात्री भ्रातृव्यसंख्येषु पतन्त्यमोघाः ताभ्यो वै मातृभ्यो नमो नमः इति

athātiśiṣṭaṃ sarvā diśaḥ saṃprakiranti āveśinī vyaśrumukhī kutūhalinyekastanī jṛmbhaṇī stambhanī mohanī ca kṛṣṇā viśākhā vimalā brahmarātrī bhrātṛvyasaṃkhyeṣu patantyamoghāḥ tābhyo vai mātṛbhyo namo namaḥ iti

Sanskrit only: no published translation is held for this verse.

BaudhGS 2.1.20

स एवमेव फलीकरणहोमप्रभृति सायं प्रातर् दशरात्रं करोति

sa evameva phalīkaraṇahomaprabhṛti sāyaṃ prātar daśarātraṃ karoti

Sanskrit only: no published translation is held for this verse.

BaudhGS 2.1.21

नानुत्थितायां सूतिकायां भोज्यान्नता

nānutthitāyāṃ sūtikāyāṃ bhojyānnatā

Sanskrit only: no published translation is held for this verse.

BaudhGS 2.1.22

दशम्यामुत्थानम्

daśamyāmutthānam