Baudhāyana Gṛhya-sūtra 2.5

अथाहुतः

athāhutaḥ

Sanskrit only: no published translation is held for this verse.

गर्भाष्टमेषु ब्राह्मणमुपनयीत गर्भैकादशेषु राजन्यं गर्भद्वादशेषु वैश्यम्

garbhāṣṭameṣu brāhmaṇamupanayīta garbhaikādaśeṣu rājanyaṃ garbhadvādaśeṣu vaiśyam

Sanskrit only: no published translation is held for this verse.

आ षोडशात् ब्राह्मणस्यानात्यय इति

ā ṣoḍaśāt brāhmaṇasyānātyaya iti

Sanskrit only: no published translation is held for this verse.

एवमेवेतरयोः द्वाविंशतिश्च चतुर्विंशतिश्च

evamevetarayoḥ dvāviṃśatiśca caturviṃśatiśca

Sanskrit only: no published translation is held for this verse.

अथापि काम्यानि भवन्ति सप्तमे ब्रह्मवर्चसकामम् अष्टम आयुष्कामं नवमे तेजस्कामं दशमे ऽन्नाद्यकामम् एकादश इन्द्रियकामं द्वादशे पशुकामं त्रयोदशे मेधाकामं चतुर्दशे पुष्टिकामं पञ्चदशे भ्रातृव्यवन्तं षोडशे सर्वकाममिति

athāpi kāmyāni bhavanti saptame brahmavarcasakāmam aṣṭama āyuṣkāmaṃ navame tejaskāmaṃ daśame 'nnādyakāmam ekādaśa indriyakāmaṃ dvādaśe paśukāmaṃ trayodaśe medhākāmaṃ caturdaśe puṣṭikāmaṃ pañcadaśe bhrātṛvyavantaṃ ṣoḍaśe sarvakāmamiti

Sanskrit only: no published translation is held for this verse.

वसन्ते ब्राह्मणमुपनयीत ग्रीष्मे राजन्यं शरदि वैश्यं वर्षासु रथकारमिति सर्वानेव वा वसन्ते

vasante brāhmaṇamupanayīta grīṣme rājanyaṃ śaradi vaiśyaṃ varṣāsu rathakāramiti sarvāneva vā vasante

Sanskrit only: no published translation is held for this verse.

ब्राह्मणानन्नेन परिविष्य पुण्याहं स्वस्ति ऋद्धिमिति वाचयित्वा कुमारं भोजयित्वा तस्य चौलवत्तूष्णीं केशान् ओष्य स्नातं शुचिवाससं बद्धशिखं यज्ञोपवीतं प्रतिमुञ्चन् वाचयति यज्ञोपवीतं परमं पवित्रं प्रजापतेर्यत्सहजं पुरस्तात् आयुष्यमग्रियं प्रतिमुञ्च शुभ्रं यज्ञोपवीतं बलमस्तु तेजः इति

brāhmaṇānannena pariviṣya puṇyāhaṃ svasti ṛddhimiti vācayitvā kumāraṃ bhojayitvā tasya caulavattūṣṇīṃ keśān oṣya snātaṃ śucivāsasaṃ baddhaśikhaṃ yajñopavītaṃ pratimuñcan vācayati yajñopavītaṃ paramaṃ pavitraṃ prajāpateryatsahajaṃ purastāt āyuṣyamagriyaṃ pratimuñca śubhraṃ yajñopavītaṃ balamastu tejaḥ iti

Sanskrit only: no published translation is held for this verse.

यज्ञोपवीतिनम् अप आचमय्याथ देवयजनमुदानयति

yajñopavītinam apa ācamayyātha devayajanamudānayati

Sanskrit only: no published translation is held for this verse.

अथ देवयजनोल्लेखनप्रभृत्य् आग्निमुखात् कृत्वा पालाशीं समिधम् आज्येनाक्त्वाभ्याधापयन् वाचयति आयुर्दा देव जरसं गृणानो घृतप्रतीको घृतपृष्ठो अग्ने घृतं पिबन्नमृतं चारु गव्यं पितेव पुत्रं जरसे नयेमं स्वाहा इति

atha devayajanollekhanaprabhṛty āgnimukhāt kṛtvā pālāśīṃ samidham ājyenāktvābhyādhāpayan vācayati āyurdā deva jarasaṃ gṛṇāno ghṛtapratīko ghṛtapṛṣṭho agne ghṛtaṃ pibannamṛtaṃ cāru gavyaṃ piteva putraṃ jarase nayemaṃ svāhā iti

Sanskrit only: no published translation is held for this verse.

अथैनमुत्थाप्योत्तरेणाग्निं दक्षिणेन पदा अश्मानम् आस्थापयति आतिष्ठेमम् अश्मानम् अश्मेव त्वं स्थिरो भव अभितिष्ठ पृतन्यतः सहस्व पृतनायतः इति

athainamutthāpyottareṇāgniṃ dakṣiṇena padā aśmānam āsthāpayati ātiṣṭhemam aśmānam aśmeva tvaṃ sthiro bhava abhitiṣṭha pṛtanyataḥ sahasva pṛtanāyataḥ iti

Sanskrit only: no published translation is held for this verse.

अथैनं तिष्ये वासः सद्यः कृत्तोतं परिधापयन् वाचयति या अकृन्तन्नवयन् या अतन्वत याश्च देवीरन्तानभितोऽददन्त तास् त्वा देवीर् जरसा संव्ययन्त्वायुष्मानिदं परिधत्स्व वासः इति

athainaṃ tiṣye vāsaḥ sadyaḥ kṛttotaṃ paridhāpayan vācayati yā akṛntannavayan yā atanvata yāśca devīrantānabhito'dadanta tās tvā devīr jarasā saṃvyayantvāyuṣmānidaṃ paridhatsva vāsaḥ iti

Sanskrit only: no published translation is held for this verse.

परिहितमनुमन्त्रयते परिधत्त धत्त वाससैनं शतायुषं कृणुहि दीर्घमायुः बृहस्पतिः प्रायच्छद् वास एतत् सोमाय राज्ञे परिधातवा उ जरां गच्छासि परिधत्स्व वासो भवा कृष्टीनाम् अभिशस्तिपावा शतं च जीव शरदः सुवर्चा रायश्च पोषमुप संव्ययस्व परीदं वासो अधि धाः स्वस्तये ऽभूरापीनाम् अभिशस्तिपावा शतं च जीव शरदः पुरूचीर्वसूनि चार्यो विभजासि जीवन् इति

parihitamanumantrayate paridhatta dhatta vāsasainaṃ śatāyuṣaṃ kṛṇuhi dīrghamāyuḥ bṛhaspatiḥ prāyacchad vāsa etat somāya rājñe paridhātavā u jarāṃ gacchāsi paridhatsva vāso bhavā kṛṣṭīnām abhiśastipāvā śataṃ ca jīva śaradaḥ suvarcā rāyaśca poṣamupa saṃvyayasva parīdaṃ vāso adhi dhāḥ svastaye 'bhūrāpīnām abhiśastipāvā śataṃ ca jīva śaradaḥ purūcīrvasūni cāryo vibhajāsi jīvan iti

Sanskrit only: no published translation is held for this verse.

अथैनं मौञ्जीं मेखलां त्रिवृतां त्रिः प्रदक्षिणं परिव्ययन् वाचयति मौञ्जीं ब्राह्मणस्य ज्यामौर्वीं राजन्यस्य आवीसूत्रं वैश्यस्य सर्वेषामेव वा मौञ्जीम् इयं दुरुक्तात्परिबाधमाना शर्म वरूथं पुनती न आगात् प्राणापानाभ्यां बलम् आभरन्ती प्रिया देवानां सुभगा मेखलेयम् इति

athainaṃ mauñjīṃ mekhalāṃ trivṛtāṃ triḥ pradakṣiṇaṃ parivyayan vācayati mauñjīṃ brāhmaṇasya jyāmaurvīṃ rājanyasya āvīsūtraṃ vaiśyasya sarveṣāmeva vā mauñjīm iyaṃ duruktātparibādhamānā śarma varūthaṃ punatī na āgāt prāṇāpānābhyāṃ balam ābharantī priyā devānāṃ subhagā mekhaleyam iti

Sanskrit only: no published translation is held for this verse.

परिवीतामनुमन्त्रयते ऋतस्य गौप्त्री तपसः परस्पी घ्नती रक्षः सहमाना अरातीः सा नः समन्तम् अनु परीहि भद्रया भर्तारस्ते मेखले मा रिषाम इति

parivītāmanumantrayate ṛtasya gauptrī tapasaḥ paraspī ghnatī rakṣaḥ sahamānā arātīḥ sā naḥ samantam anu parīhi bhadrayā bhartāraste mekhale mā riṣāma iti

Sanskrit only: no published translation is held for this verse.

ग्रन्थिं करोति प्राणानां ग्रन्थिरसि स मा विस्रंसः इति नाभिदेशे

granthiṃ karoti prāṇānāṃ granthirasi sa mā visraṃsaḥ iti nābhideśe

Sanskrit only: no published translation is held for this verse.

अथास्मा अजिनं प्रतिमुञ्चन् वाचयति कृष्णाजिनं ब्राह्मणस्य रौरवं राजन्यस्य बस्ताजिनं वैश्यस्य सर्वेषां वा कृष्णाजिनम् मित्रस्य चक्षुर्धरुणं बलीयस्तेजो यशस्वि स्थविरं समिद्धम् अनाहनस्यं वसनं जरिष्णु परीदं वाज्यजिनं दधेऽहम् इति

athāsmā ajinaṃ pratimuñcan vācayati kṛṣṇājinaṃ brāhmaṇasya rauravaṃ rājanyasya bastājinaṃ vaiśyasya sarveṣāṃ vā kṛṣṇājinam mitrasya cakṣurdharuṇaṃ balīyastejo yaśasvi sthaviraṃ samiddham anāhanasyaṃ vasanaṃ jariṣṇu parīdaṃ vājyajinaṃ dadhe'ham iti

Sanskrit only: no published translation is held for this verse.

अथास्मै दण्डं प्रयच्छति पालाशं बैल्वं वा ब्राह्मणस्य नैयग्रोधं स्कन्धजम् अवागग्रं रौहीतकं वा राजन्यस्य बादरम् औदुम्बरं वा वैश्यस्य सर्वेषां वा वार्क्षम्

athāsmai daṇḍaṃ prayacchati pālāśaṃ bailvaṃ vā brāhmaṇasya naiyagrodhaṃ skandhajam avāgagraṃ rauhītakaṃ vā rājanyasya bādaram audumbaraṃ vā vaiśyasya sarveṣāṃ vā vārkṣam

Sanskrit only: no published translation is held for this verse.

सोमो ऽसि सोमपं मा कुरु इति पालाशम्

somo 'si somapaṃ mā kuru iti pālāśam

Sanskrit only: no published translation is held for this verse.

ब्रह्मवर्चसमसि ब्रह्मवर्चसाय त्वा इति बैल्वम्

brahmavarcasamasi brahmavarcasāya tvā iti bailvam

Sanskrit only: no published translation is held for this verse.

ओजो ऽस्य् ओजो मयि धेहि इति नैयग्रोधम्

ojo 'sy ojo mayi dhehi iti naiyagrodham

Sanskrit only: no published translation is held for this verse.

बलमसि बलं मयि धेहि इति रौहीतकम्

balamasi balaṃ mayi dhehi iti rauhītakam

Sanskrit only: no published translation is held for this verse.

पुष्टिरसि पुष्टिं मयि धेहि इति बादरम्

puṣṭirasi puṣṭiṃ mayi dhehi iti bādaram

Sanskrit only: no published translation is held for this verse.

ऊर्ग् अस्य् ऊर्जं मयि धेहि इत्य् औदुम्बरम्

ūrg asy ūrjaṃ mayi dhehi ity audumbaram

Sanskrit only: no published translation is held for this verse.

अहं वृक्षस्य रेरिवा कीर्तिः पृष्ठं गिरेरिव ऊर्ध्वपवित्रो वाजिनीव स्वमृतमस्मि द्रविणं सवर्चसम् इति वार्क्षम्

ahaṃ vṛkṣasya rerivā kīrtiḥ pṛṣṭhaṃ gireriva ūrdhvapavitro vājinīva svamṛtamasmi draviṇaṃ savarcasam iti vārkṣam

Sanskrit only: no published translation is held for this verse.

को नामास्य् असौ नामास्मि इति शाट्यायनकम्

ko nāmāsy asau nāmāsmi iti śāṭyāyanakam

Sanskrit only: no published translation is held for this verse.

अथैनं दक्षिणे हस्ते गृह्णाति यस्मिन् भूतं च भव्यं च सर्वे लोकास् समाहिताः तेन गृह्णामि त्वामहं मह्यं गृह्णामि त्वामहं प्रजापतिना त्वा मह्यं गृह्णाम्यसौ इति

athainaṃ dakṣiṇe haste gṛhṇāti yasmin bhūtaṃ ca bhavyaṃ ca sarve lokās samāhitāḥ tena gṛhṇāmi tvāmahaṃ mahyaṃ gṛhṇāmi tvāmahaṃ prajāpatinā tvā mahyaṃ gṛhṇāmyasau iti

Sanskrit only: no published translation is held for this verse.

अथैनं देवताभ्यः परिददाति देवेभ्यस्त्वा परिददामि विश्वदेवेभ्यस्त्वा परिददामि विश्वेभ्यस्त्वा देवेभ्यः परिददामि सर्वेभ्यस्त्वा देवेभ्यः परिददामि सर्वाभ्यस्त्वा देवताभ्यः परिददाम्यसौ इति

athainaṃ devatābhyaḥ paridadāti devebhyastvā paridadāmi viśvadevebhyastvā paridadāmi viśvebhyastvā devebhyaḥ paridadāmi sarvebhyastvā devebhyaḥ paridadāmi sarvābhyastvā devatābhyaḥ paridadāmyasau iti

Sanskrit only: no published translation is held for this verse.

अथैनम् उपनयति देवस्य त्वा सवितुः प्रसवे ऽश्विनोर् बाहुभ्यां पूष्णो हस्ताभ्याम् उपनये ऽसौ इति

athainam upanayati devasya tvā savituḥ prasave 'śvinor bāhubhyāṃ pūṣṇo hastābhyām upanaye 'sau iti

Sanskrit only: no published translation is held for this verse.

अथ कुमारः पक्वाज्जुहोति यश्छन्दसामृषभो विश्वरूपश् छन्दोभ्यो ऽध्य् अमृतात् संबभूव स मेन्द्रो मेधया स्पृणोत्व् अमृतस्य देव धारणो भूयासं स्वाहा इति

atha kumāraḥ pakvājjuhoti yaśchandasāmṛṣabho viśvarūpaś chandobhyo 'dhy amṛtāt saṃbabhūva sa mendro medhayā spṛṇotv amṛtasya deva dhāraṇo bhūyāsaṃ svāhā iti

Sanskrit only: no published translation is held for this verse.

अथाज्याहुतीरुपजुहोति क्षेत्रियै त्वा निरृत्यै त्वा इति षड्भिरनुच्छन्दसम्

athājyāhutīrupajuhoti kṣetriyai tvā nirṛtyai tvā iti ṣaḍbhiranucchandasam

Sanskrit only: no published translation is held for this verse.

एवम् एव ब्रह्मसूक्तेन हुत्वा ब्रह्म जज्ञानम् इति षड्भिः

evam eva brahmasūktena hutvā brahma jajñānam iti ṣaḍbhiḥ

Sanskrit only: no published translation is held for this verse.

स्विष्टकृत्प्रभृति सिद्धम् आ धेनुवरप्रदानात्

sviṣṭakṛtprabhṛti siddham ā dhenuvarapradānāt

Sanskrit only: no published translation is held for this verse.

अग्रेणाग्निं पलाशपर्णेषु हुतशेषं निदधाति नमो अस्तु नीलग्रीवाय इति

agreṇāgniṃ palāśaparṇeṣu hutaśeṣaṃ nidadhāti namo astu nīlagrīvāya iti

Sanskrit only: no published translation is held for this verse.

अत्र सावित्रव्रतम्

atra sāvitravratam

Sanskrit only: no published translation is held for this verse.

अथ पालाशीश् चतस्रः समिध आर्द्राः सपलाशाः सप्रारोहाः प्रादेशमात्रीर् अपरिशुष्काग्रा घृतान्वक्ता अभ्याधापयन् वाचयति याज्ञिकानां वा वृक्षाणां अन्यतमस्य

atha pālāśīś catasraḥ samidha ārdrāḥ sapalāśāḥ saprārohāḥ prādeśamātrīr apariśuṣkāgrā ghṛtānvaktā abhyādhāpayan vācayati yājñikānāṃ vā vṛkṣāṇāṃ anyatamasya

Sanskrit only: no published translation is held for this verse.

अग्ने व्रतपते सावित्रं व्रतं चरिष्यामि तच्छकेयं तन्मे राध्यतां स्वाहा

agne vratapate sāvitraṃ vrataṃ cariṣyāmi tacchakeyaṃ tanme rādhyatāṃ svāhā

Sanskrit only: no published translation is held for this verse.

वायो व्रतपत आदित्य व्रतपते व्रतानां व्रतपते सावित्रं व्रतं चरिष्यामि तच्छकेयं तन्मे राध्यतां स्वाहा इति

vāyo vratapata āditya vratapate vratānāṃ vratapate sāvitraṃ vrataṃ cariṣyāmi tacchakeyaṃ tanme rādhyatāṃ svāhā iti

Sanskrit only: no published translation is held for this verse.

अपरेणाग्निम् उदगग्रं कूर्चं निधाय तस्मिन् प्राङ्मुख आचार्य उपविशति राष्ट्रभृद् अस्य् आचार्यासन्दी मा त्वद् योषम् इति

apareṇāgnim udagagraṃ kūrcaṃ nidhāya tasmin prāṅmukha ācārya upaviśati rāṣṭrabhṛd asy ācāryāsandī mā tvad yoṣam iti

Sanskrit only: no published translation is held for this verse.

तस्याग्रेण कुमारो दर्भेषु प्रत्यङ्मुख उपविश्य पादाव् अन्वारभ्याह सावित्रीं भो अनुब्रूहि इति

tasyāgreṇa kumāro darbheṣu pratyaṅmukha upaviśya pādāv anvārabhyāha sāvitrīṃ bho anubrūhi iti

Sanskrit only: no published translation is held for this verse.

तस्मा अन्वाहोम् इति प्रतिपद्यते तत् सवितुर् वरेण्यम् इत्य् एतां पच्छो ऽर्धर्चशस् ततः समस्तां व्याहृतीर् विहृताः पादादिष्व् अन्तेषु वा तथार्धर्चयोर् उत्तमां कृत्स्नायामिति

tasmā anvāhom iti pratipadyate tat savitur vareṇyam ity etāṃ paccho 'rdharcaśas tataḥ samastāṃ vyāhṛtīr vihṛtāḥ pādādiṣv anteṣu vā tathārdharcayor uttamāṃ kṛtsnāyāmiti

Sanskrit only: no published translation is held for this verse.

अथ कुमारः पक्वादुपादाय प्राश्नाति शरीरं मे विचर्षणम् जिह्वा मे मधुमत्तमा कर्णाभ्यां भूरि विश्रुवम् ब्रह्मणः कोशोऽसि मेधया पिहितः श्रुतं मे गोपाय इति

atha kumāraḥ pakvādupādāya prāśnāti śarīraṃ me vicarṣaṇam jihvā me madhumattamā karṇābhyāṃ bhūri viśruvam brahmaṇaḥ kośo'si medhayā pihitaḥ śrutaṃ me gopāya iti

Sanskrit only: no published translation is held for this verse.

अथ हैके प्राक् सावित्र्याः प्राश्नाति ब्रह्म वा अन्नमिति वदन्तः

atha haike prāk sāvitryāḥ prāśnāti brahma vā annamiti vadantaḥ

Sanskrit only: no published translation is held for this verse.

तद् उ तथा न कुर्यान् नानुक्तायां सावित्र्यां प्राश्नीयाद् इत्य् अनूक्तायाम् अनूक्तायां सावित्र्यां प्राश्नीयाद् इति शाट्यायनकम्

tad u tathā na kuryān nānuktāyāṃ sāvitryāṃ prāśnīyād ity anūktāyām anūktāyāṃ sāvitryāṃ prāśnīyād iti śāṭyāyanakam

Sanskrit only: no published translation is held for this verse.

अथाप उपस्पृश्य ज्योतिष्मत्यादित्यम् उपतिष्ठते उद्वयं तमसस् परि इति

athāpa upaspṛśya jyotiṣmatyādityam upatiṣṭhate udvayaṃ tamasas pari iti

Sanskrit only: no published translation is held for this verse.

अथैनं संशास्ति ब्रह्मचार्य् अस्य् अपोशान कर्म कुरु मा दिवा सुषुप्थाः समिध आधेहि भैक्षाचर्यं चर सदारण्यात् समिध आहरोदकुम्भं चाहराचार्याधीनो भव वेदमधीष्व इति

athainaṃ saṃśāsti brahmacāry asy apośāna karma kuru mā divā suṣupthāḥ samidha ādhehi bhaikṣācaryaṃ cara sadāraṇyāt samidha āharodakumbhaṃ cāharācāryādhīno bhava vedamadhīṣva iti

Sanskrit only: no published translation is held for this verse.

स एवमेवैतत् सर्वं करोति

sa evamevaitat sarvaṃ karoti

Sanskrit only: no published translation is held for this verse.

अथास्मा अरिक्तं पात्रं प्रयच्छन्नाह मातरमेवाग्रे भिक्षस्व इति

athāsmā ariktaṃ pātraṃ prayacchannāha mātaramevāgre bhikṣasva iti

Sanskrit only: no published translation is held for this verse.

स मातरमेवाग्रे भिक्षेत

sa mātaramevāgre bhikṣeta

Sanskrit only: no published translation is held for this verse.

भवति भिक्षां देहीति ब्राह्मणो भिक्षेत

bhavati bhikṣāṃ dehīti brāhmaṇo bhikṣeta

Sanskrit only: no published translation is held for this verse.

भिक्षां भवति देहीति राजन्यः

bhikṣāṃ bhavati dehīti rājanyaḥ

Sanskrit only: no published translation is held for this verse.

देहि भिक्षां भवतीति वैश्यः

dehi bhikṣāṃ bhavatīti vaiśyaḥ

Sanskrit only: no published translation is held for this verse.

तत्समाहृत्याचार्याय प्राह भैक्षमिदम् इति

tatsamāhṛtyācāryāya prāha bhaikṣamidam iti

Sanskrit only: no published translation is held for this verse.

तत् सुभैक्षम् इतीतरः प्रतिगृह्णाति

tat subhaikṣam itītaraḥ pratigṛhṇāti

Sanskrit only: no published translation is held for this verse.

उत्तरेणाग्निं द्वे स्त्रीप्रतिकृती कृत्य गन्धैर्माल्येन चालंकृत्य त्रिवृतान्नेन ब्राह्मणान् सम्पूज्याशिषो वाचयित्वा श्रद्धामेधे प्रियेताम् इति

uttareṇāgniṃ dve strīpratikṛtī kṛtya gandhairmālyena cālaṃkṛtya trivṛtānnena brāhmaṇān sampūjyāśiṣo vācayitvā śraddhāmedhe priyetām iti

Sanskrit only: no published translation is held for this verse.

त्र्यहमेतमग्निं धारयन्ति क्षारलवणवर्जम् अधःशय्या च

tryahametamagniṃ dhārayanti kṣāralavaṇavarjam adhaḥśayyā ca

Sanskrit only: no published translation is held for this verse.

एतस्मिन्न् एवाग्नौ व्याहृतीभिः सायं प्रातः समिधो ऽभ्यादध्यात्

etasminn evāgnau vyāhṛtībhiḥ sāyaṃ prātaḥ samidho 'bhyādadhyāt

Sanskrit only: no published translation is held for this verse.

एवम् अन्यस्मिन्न् अपि सदा

evam anyasminn api sadā

Sanskrit only: no published translation is held for this verse.

अथैनं प्रदक्षिणम् अग्निं परिसमूहति जुषस्व नः समिधम् अग्ने अद्य शोचा बृहद् यजनं धूममृण्वन् उपस्पृश दिव्यं सा नु स्तूपैः सं रश्मिभिस् ततनः सूर्यस्य इति

athainaṃ pradakṣiṇam agniṃ parisamūhati juṣasva naḥ samidham agne adya śocā bṛhad yajanaṃ dhūmamṛṇvan upaspṛśa divyaṃ sā nu stūpaiḥ saṃ raśmibhis tatanaḥ sūryasya iti

Sanskrit only: no published translation is held for this verse.

अथैनं प्रदक्षिणम् अग्निं परिषिञ्चति अदिते ऽनुमन्यस्व इति दक्षिणतः प्राचीनम् अनुमते ऽनुमन्यस्व इति पश्चाद् उदीचीनम् सरस्वते ऽनुमन्यस्व इत्य् उत्तरतः प्राचीनम् देव सवितः प्रसुव इति समन्तं प्रदक्षिणम् समन्तम् एव वा तूष्णीम्

athainaṃ pradakṣiṇam agniṃ pariṣiñcati adite 'numanyasva iti dakṣiṇataḥ prācīnam anumate 'numanyasva iti paścād udīcīnam sarasvate 'numanyasva ity uttarataḥ prācīnam deva savitaḥ prasuva iti samantaṃ pradakṣiṇam samantam eva vā tūṣṇīm

Sanskrit only: no published translation is held for this verse.

तस्मिन् व्याहृतीभिः सायं प्रातः समिधो ऽभ्यादधाति भूः स्वाहा भुवः स्वाहा सुवः स्वाहा भूर् भुवः सुवः स्वाहा इति

tasmin vyāhṛtībhiḥ sāyaṃ prātaḥ samidho 'bhyādadhāti bhūḥ svāhā bhuvaḥ svāhā suvaḥ svāhā bhūr bhuvaḥ suvaḥ svāhā iti

Sanskrit only: no published translation is held for this verse.

तथैव परिसमूह्य तथैव परिषिञ्चति अन्वमंस्थाः प्रासावीः इति मन्त्रान्तान् संनमयति

tathaiva parisamūhya tathaiva pariṣiñcati anvamaṃsthāḥ prāsāvīḥ iti mantrāntān saṃnamayati

Sanskrit only: no published translation is held for this verse.

अथैनम् उपतिष्ठते यत् ते अग्ने तेजः इति तिसृभिः मयि मेधां मयि प्रजामिति तिसृभिः षोढा विहितो वै पुरुषः इत्य् एतस्माद् ब्राह्मणात्

athainam upatiṣṭhate yat te agne tejaḥ iti tisṛbhiḥ mayi medhāṃ mayi prajāmiti tisṛbhiḥ ṣoḍhā vihito vai puruṣaḥ ity etasmād brāhmaṇāt

Sanskrit only: no published translation is held for this verse.

अथ तिसृषु व्युष्टास्व् एतम् अग्निम् आदाय तां दिशं यन्ति यत्रास्य पलाशः स्पष्टो भवति

atha tisṛṣu vyuṣṭāsv etam agnim ādāya tāṃ diśaṃ yanti yatrāsya palāśaḥ spaṣṭo bhavati

Sanskrit only: no published translation is held for this verse.

तं प्रदक्षिणं परिसमूहति सुश्रवः सुश्रवसं मा कुरु यथा त्वं सुश्रवः सुश्रवा अस्य् एवम् अहं सुश्रवः सुश्रवा भूयासं यथा त्वं सुश्रवः सुश्रवो देवानां निधिगोपो ऽस्य् एवम् अहं ब्राह्मणानां ब्रह्मणो निधिगोपो भूयासमिति

taṃ pradakṣiṇaṃ parisamūhati suśravaḥ suśravasaṃ mā kuru yathā tvaṃ suśravaḥ suśravā asy evam ahaṃ suśravaḥ suśravā bhūyāsaṃ yathā tvaṃ suśravaḥ suśravo devānāṃ nidhigopo 'sy evam ahaṃ brāhmaṇānāṃ brahmaṇo nidhigopo bhūyāsamiti

Sanskrit only: no published translation is held for this verse.

तस्याग्रेण उत्तरेण वाग्निम् उपसमाधाय संपरिस्तीर्याथाव्रत्यप्रायश्चित्ते जुहोति यन् म आत्मनो मिन्दाभूत् पुनर् अग्निश् चक्षुर् अदात् इति द्वाभ्याम्

tasyāgreṇa uttareṇa vāgnim upasamādhāya saṃparistīryāthāvratyaprāyaścitte juhoti yan ma ātmano mindābhūt punar agniś cakṣur adāt iti dvābhyām

Sanskrit only: no published translation is held for this verse.

अथ पालाशीश् चतस्रः समिध आर्द्राः सपलाशाः सप्रारोहाः प्रादेशमात्रीर् अपरिशुष्काग्रा घृतान्वक्ता अभ्याधापयन् वाचयति याज्ञिकानां वा वृक्षाणाम् अन्यतमस्य

atha pālāśīś catasraḥ samidha ārdrāḥ sapalāśāḥ saprārohāḥ prādeśamātrīr apariśuṣkāgrā ghṛtānvaktā abhyādhāpayan vācayati yājñikānāṃ vā vṛkṣāṇām anyatamasya

Sanskrit only: no published translation is held for this verse.

अग्ने व्रतपते सावित्रं व्रतम् अचारिषं तद् अशकं तन्मे राधि स्वाहा

agne vratapate sāvitraṃ vratam acāriṣaṃ tad aśakaṃ tanme rādhi svāhā

Sanskrit only: no published translation is held for this verse.

वायो व्रतपत आदित्य व्रतपते व्रतानां व्रतपते सावित्रं व्रतम् अचारिषं तद् अशकं तन् मे राधि स्वाहा इति

vāyo vratapata āditya vratapate vratānāṃ vratapate sāvitraṃ vratam acāriṣaṃ tad aśakaṃ tan me rādhi svāhā iti

Sanskrit only: no published translation is held for this verse.

तथैव सुश्रवसम् अभ्यर्च्य त्रिवृतान्नेन ब्राह्मणान् सम्पूज्याशिषो वाचयित्वा

tathaiva suśravasam abhyarcya trivṛtānnena brāhmaṇān sampūjyāśiṣo vācayitvā

Sanskrit only: no published translation is held for this verse.

अत्रैके दण्डम् अजिनं मेखलां वासश् चातिसृजन्ति

atraike daṇḍam ajinaṃ mekhalāṃ vāsaś cātisṛjanti

Sanskrit only: no published translation is held for this verse.

अन्यान्य् आदायास्य वास आदत्ते यस्य ते प्रथमवास्यं हरामस् तं त्वा विश्वे अनुमदन्तु देवाः तं त्वा भ्रातरः सुहृदो वर्धमानम् अनुजायन्तां बहवः सुजातम् इति

anyāny ādāyāsya vāsa ādatte yasya te prathamavāsyaṃ harāmas taṃ tvā viśve anumadantu devāḥ taṃ tvā bhrātaraḥ suhṛdo vardhamānam anujāyantāṃ bahavaḥ sujātam iti

Sanskrit only: no published translation is held for this verse.

अथाधोनाभ्य् उपरिजान्व् आच्छाद्य दण्डम् अजिनं मेखलां च धारयन् श्राद्धसूतकमैथुनमधुमांसानि वर्जयन् भैक्षाहारो ऽधःशायी चाचार्यस्य गृहान् एतीति विज्ञायते आचार्यो वै ब्रह्मेति

athādhonābhy uparijānv ācchādya daṇḍam ajinaṃ mekhalāṃ ca dhārayan śrāddhasūtakamaithunamadhumāṃsāni varjayan bhaikṣāhāro 'dhaḥśāyī cācāryasya gṛhān etīti vijñāyate ācāryo vai brahmeti

Sanskrit only: no published translation is held for this verse.