परिधानप्रभृत्य् आग्निमुखात् कृत्वा दैवतम् आवाहयति आ त्वा वहन्तु हरयः सचेतसः श्वेतैर् अश्वैः सह केतुमद्भिः वाताजिरैर् बलवद्भिर् मनोजवैर् आयाहि शीघ्रं मम हव्याय शर्वोम् इति

paridhānaprabhṛty āgnimukhāt kṛtvā daivatam āvāhayati ā tvā vahantu harayaḥ sacetasaḥ śvetair aśvaiḥ saha ketumadbhiḥ vātājirair balavadbhir manojavair āyāhi śīghraṃ mama havyāya śarvom iti

Sanskrit only: no published translation is held for this verse.

BaudhGS 2.7.17

अथ स्रुवेणोपस्तीर्णाम् अभिघारितां वपां जुहोति सहस्राणि सहस्रशः इति पुरोनुवाक्याम् अनूच्य ईशानं त्वा भुवनानाम् अभिश्रियम् इति याज्यया जुहोति

atha sruveṇopastīrṇām abhighāritāṃ vapāṃ juhoti sahasrāṇi sahasraśaḥ iti puronuvākyām anūcya īśānaṃ tvā bhuvanānām abhiśriyam iti yājyayā juhoti

Sanskrit only: no published translation is held for this verse.

BaudhGS 2.7.18

अत्रैतान्य् अवदानानीडासूने प्रच्छिद्यौदनं मासं यूषम् इत्य् आज्येन समुदायुत्य मेक्षणेनोपघातं पूर्वार्धे जुहोति भवाय देवाय स्वाहा शर्वाय देवाय स्वाहा ईशानाय देवाय स्वाहा पशुपतये देवाय स्वाहा रुद्राय देवाय स्वाहा उग्राय देवाय स्वाहा भीमाय देवाय स्वाहा महते देवाय स्वाहा इति

atraitāny avadānānīḍāsūne pracchidyaudanaṃ māsaṃ yūṣam ity ājyena samudāyutya mekṣaṇenopaghātaṃ pūrvārdhe juhoti bhavāya devāya svāhā śarvāya devāya svāhā īśānāya devāya svāhā paśupataye devāya svāhā rudrāya devāya svāhā ugrāya devāya svāhā bhīmāya devāya svāhā mahate devāya svāhā iti

Sanskrit only: no published translation is held for this verse.

BaudhGS 2.7.19

अथ मध्ये जुहोति भवस्य देवस्य पत्न्यै स्वाहा शर्वस्य देवस्य पत्न्यै स्वाहा ईशानस्य देवस्य पत्न्यै स्वाहा पशुपतेर् देवस्य पत्न्यै स्वाहा रुद्रस्य देवस्य पत्न्यै स्वाहा उग्रस्य देवस्य पत्न्यै स्वाहा भीमस्य देवस्य पत्न्यै स्वाहा महतो देवस्य पत्न्यै स्वाहा इति

atha madhye juhoti bhavasya devasya patnyai svāhā śarvasya devasya patnyai svāhā īśānasya devasya patnyai svāhā paśupater devasya patnyai svāhā rudrasya devasya patnyai svāhā ugrasya devasya patnyai svāhā bhīmasya devasya patnyai svāhā mahato devasya patnyai svāhā iti

Sanskrit only: no published translation is held for this verse.

BaudhGS 2.7.20

अथापरार्धे जुहोति भवस्य देवस्य सुताय स्वाहा शर्वस्य देवस्य सुताय स्वाहा ईशानस्य देवस्य सुताय स्वाहा पशुपतेर् देवस्य सुताय स्वाहा रुद्रस्य देवस्य सुताय स्वाहा उग्रस्य देवस्य सुताय स्वाहा भीमस्य देवस्य सुताय स्वाहा महतो देवस्य सुताय स्वाहा इति

athāparārdhe juhoti bhavasya devasya sutāya svāhā śarvasya devasya sutāya svāhā īśānasya devasya sutāya svāhā paśupater devasya sutāya svāhā rudrasya devasya sutāya svāhā ugrasya devasya sutāya svāhā bhīmasya devasya sutāya svāhā mahato devasya sutāya svāhā iti

Sanskrit only: no published translation is held for this verse.

BaudhGS 2.7.21

अथाज्याहुतीरुपजुहोति नमस्ते रुद्र मन्यवे इत्य् आन्ताद् अनुवाकस्य स्विष्टकृत्प्रभृति सिद्धम् आ धेनुवरप्रदानात्

athājyāhutīrupajuhoti namaste rudra manyave ity āntād anuvākasya sviṣṭakṛtprabhṛti siddham ā dhenuvarapradānāt

Sanskrit only: no published translation is held for this verse.

BaudhGS 2.7.22

अथाग्रेणाग्निम् अर्कपर्णेषु हुतशेषं निदधाति यो रुद्रो अग्नौ यो अप्सु य ओषधीषु यो रुद्रो विश्वा भुवनाविवेश तस्मै रुद्राय नमो अस्तु इति

athāgreṇāgnim arkaparṇeṣu hutaśeṣaṃ nidadhāti yo rudro agnau yo apsu ya oṣadhīṣu yo rudro viśvā bhuvanāviveśa tasmai rudrāya namo astu iti

Sanskrit only: no published translation is held for this verse.

BaudhGS 2.7.23

स्थालीसङ्क्षालनम् आज्यशेषम् उदकशेषं च पात्र्यां समानीय वेतसशाखयावोक्षन् सर्वतः त्रिः प्रदक्षिणं गाः पर्येत्य् आ गावो अग्मन्न् उत भद्रम् अक्रन् इत्य् एतेन सूक्तेन

sthālīsaṅkṣālanam ājyaśeṣam udakaśeṣaṃ ca pātryāṃ samānīya vetasaśākhayāvokṣan sarvataḥ triḥ pradakṣiṇaṃ gāḥ paryety ā gāvo agmann uta bhadram akran ity etena sūktena

Sanskrit only: no published translation is held for this verse.

BaudhGS 2.7.24

महत् स्वस्त्ययनम् इत्य् आचक्षते

mahat svastyayanam ity ācakṣate

Sanskrit only: no published translation is held for this verse.

BaudhGS 2.7.25

अथ यदि गां न लभते मेषम् अजं वालभते

atha yadi gāṃ na labhate meṣam ajaṃ vālabhate

Sanskrit only: no published translation is held for this verse.

BaudhGS 2.7.26

ईशानाय स्थालीपाकं वा श्रपयन्ति तस्माद् एतत् सर्वं करोति यद् गवा कार्यम्

īśānāya sthālīpākaṃ vā śrapayanti tasmād etat sarvaṃ karoti yad gavā kāryam