Baudhāyana Gṛhya-sūtra 3.1

हुतानुकृतिर् उपाकर्म

hutānukṛtir upākarma

Sanskrit only: no published translation is held for this verse.

श्रावण्यां पौर्णमास्यां क्रियेतापि वा आषाढ्याम्

śrāvaṇyāṃ paurṇamāsyāṃ kriyetāpi vā āṣāḍhyām

Sanskrit only: no published translation is held for this verse.

समन्वारब्धेष्व् अन्तेवासिषु

samanvārabdheṣv antevāsiṣu

Sanskrit only: no published translation is held for this verse.

अथ देवयजनोल्लेखनप्रभृत्य् आग्निमुखात् कृत्वा चतस्रः प्रधानाहुतीर् जुहोति याज्ञिकीभ्यो देवताभ्यः स्वाहा सांहितीभ्यो देवताभ्यः स्वाहा वारुणीभ्यो देवताभ्यः स्वाहा सर्वाभ्यो देवताभ्यः स्वाहा इति

atha devayajanollekhanaprabhṛty āgnimukhāt kṛtvā catasraḥ pradhānāhutīr juhoti yājñikībhyo devatābhyaḥ svāhā sāṃhitībhyo devatābhyaḥ svāhā vāruṇībhyo devatābhyaḥ svāhā sarvābhyo devatābhyaḥ svāhā iti

Sanskrit only: no published translation is held for this verse.

अथ काण्डऋषीन् जुहोति प्रजापतये काण्डऋषये स्वाहा सोमाय काण्डऋषये स्वाहा अग्नये काण्डऋषये स्वाहा विश्वेभ्यो देवेभ्यः काण्डऋषिभ्यः स्वाहा स्वयम्भुवे काण्डऋषये स्वाहा इति

atha kāṇḍaṛṣīn juhoti prajāpataye kāṇḍaṛṣaye svāhā somāya kāṇḍaṛṣaye svāhā agnaye kāṇḍaṛṣaye svāhā viśvebhyo devebhyaḥ kāṇḍaṛṣibhyaḥ svāhā svayambhuve kāṇḍaṛṣaye svāhā iti

Sanskrit only: no published translation is held for this verse.

अथ सदसस्पतिं जुहोति सदसस्पतिम् अद्भुतं प्रियम् इन्द्रस्य काम्यम् सनिं मेधाम् अयासिषं स्वाहा इति

atha sadasaspatiṃ juhoti sadasaspatim adbhutaṃ priyam indrasya kāmyam saniṃ medhām ayāsiṣaṃ svāhā iti

Sanskrit only: no published translation is held for this verse.

अथ सावित्रीं जुहोति तत् सवितुर् वरेण्यम् इत्य् एताम्

atha sāvitrīṃ juhoti tat savitur vareṇyam ity etām

Sanskrit only: no published translation is held for this verse.

अथ वेदाहुतीर् जुहोति ऋग्वेदाय स्वाहा यजुर्वेदाय स्वाहा सामवेदाय स्वाहा अथर्ववेदाय स्वाहा अथर्वाङ्गिरोभ्यः स्वाहा इतिहासपुराणेभ्यः स्वाहा सर्पदेवजनेभ्यः स्वाहा सर्वभूतेभ्यः स्वाहा इति

atha vedāhutīr juhoti ṛgvedāya svāhā yajurvedāya svāhā sāmavedāya svāhā atharvavedāya svāhā atharvāṅgirobhyaḥ svāhā itihāsapurāṇebhyaḥ svāhā sarpadevajanebhyaḥ svāhā sarvabhūtebhyaḥ svāhā iti

Sanskrit only: no published translation is held for this verse.

त्रीन् आदितो ऽनुवाकान् अधीयीरन् वा सर्वान्

trīn ādito 'nuvākān adhīyīran vā sarvān

Sanskrit only: no published translation is held for this verse.

जयप्रभृति सिद्धम् आ धेनुवरप्रदानात्

jayaprabhṛti siddham ā dhenuvarapradānāt

Sanskrit only: no published translation is held for this verse.

अथ ब्राह्मणान् तर्पयत्य् अपूपैर् धानाभिः सक्तुभिर् ओदनेनेति यद्य् उ वैतेभ्यो भवति

atha brāhmaṇān tarpayaty apūpair dhānābhiḥ saktubhir odaneneti yady u vaitebhyo bhavati

Sanskrit only: no published translation is held for this verse.

ऋषयश् छन्दांस्य् आचार्या वेदा यज्ञाश् च प्रीयन्ताम् इति वाचयित्वा

ṛṣayaś chandāṃsy ācāryā vedā yajñāś ca prīyantām iti vācayitvā

Sanskrit only: no published translation is held for this verse.

त्र्यहम् एकाहं वा नाधीयीरन्

tryaham ekāhaṃ vā nādhīyīran

Sanskrit only: no published translation is held for this verse.

मासं प्रदोषे नाधीयीरन्

māsaṃ pradoṣe nādhīyīran

Sanskrit only: no published translation is held for this verse.

नित्यं चैव भुक्त्वोर्ध्वम्

nityaṃ caiva bhuktvordhvam

Sanskrit only: no published translation is held for this verse.

मध्यरात्रात् स्तनिते सप्रदोषम् अहर् अनध्यायः अस्तमिते चोदयाद् विद्युति च स्वप्नान्तम्

madhyarātrāt stanite sapradoṣam ahar anadhyāyaḥ astamite codayād vidyuti ca svapnāntam

Sanskrit only: no published translation is held for this verse.

एवम् एव काण्डोपाकरणकाण्डसमापनाभ्याम्

evam eva kāṇḍopākaraṇakāṇḍasamāpanābhyām

Sanskrit only: no published translation is held for this verse.

स एकः काण्डऋषिः

sa ekaḥ kāṇḍaṛṣiḥ

Sanskrit only: no published translation is held for this verse.

तस्य चैवैकस्य काण्डस्याद्यो ऽनुवाकः

tasya caivaikasya kāṇḍasyādyo 'nuvākaḥ

Sanskrit only: no published translation is held for this verse.

तस्य चैवैकस्य काण्डस्यैतद् अहर् अनध्यायः

tasya caivaikasya kāṇḍasyaitad ahar anadhyāyaḥ

Sanskrit only: no published translation is held for this verse.

एवं काण्डविसर्गे एतावद् एव नाना नात्रानुवाकः पौरोडाशिकं याजमानं होतारो हौत्रं पैतृमेध इति सब्राह्मणानि सानुब्राह्मणानि प्राजापत्यानि

evaṃ kāṇḍavisarge etāvad eva nānā nātrānuvākaḥ pauroḍāśikaṃ yājamānaṃ hotāro hautraṃ paitṛmedha iti sabrāhmaṇāni sānubrāhmaṇāni prājāpatyāni

Sanskrit only: no published translation is held for this verse.

आध्वर्यवं ग्रहा दाक्षिणानि समिष्टयजूंष्य् अवभृथयजूंषि वाजपेयः शुक्रियाणि सवा इति सब्राह्मणानि सानुब्राह्मणानि सौम्यानि

ādhvaryavaṃ grahā dākṣiṇāni samiṣṭayajūṃṣy avabhṛthayajūṃṣi vājapeyaḥ śukriyāṇi savā iti sabrāhmaṇāni sānubrāhmaṇāni saumyāni

Sanskrit only: no published translation is held for this verse.

अग्न्याधेयम् अग्निहोत्रम् अग्न्युपस्थानम् अग्निचयनं सावित्रं नाचिकेतं चातुर्होत्रीयं वैश्वसृजारुणा इति सब्राह्मणानि सानुब्राह्मणान्य् आग्नेयानि

agnyādheyam agnihotram agnyupasthānam agnicayanaṃ sāvitraṃ nāciketaṃ cāturhotrīyaṃ vaiśvasṛjāruṇā iti sabrāhmaṇāni sānubrāhmaṇāny āgneyāni

Sanskrit only: no published translation is held for this verse.

राजसूयः पशुबन्धः इष्टयो नक्षत्रेष्टयो दिवश्येनयो ऽपाघाः सात्रायणम् उपहोमाः कौकिलीसूक्तान्य् औपानुवाक्यं याज्याश्वमेधः पुरुषमेधः सौत्रामण्य् अच्छिद्राणि पशुहौत्रम् उपनिषद इति सब्राह्मणानि सानुब्राह्मणानि वैश्वदेवानि

rājasūyaḥ paśubandhaḥ iṣṭayo nakṣatreṣṭayo divaśyenayo 'pāghāḥ sātrāyaṇam upahomāḥ kaukilīsūktāny aupānuvākyaṃ yājyāśvamedhaḥ puruṣamedhaḥ sautrāmaṇy acchidrāṇi paśuhautram upaniṣada iti sabrāhmaṇāni sānubrāhmaṇāni vaiśvadevāni

Sanskrit only: no published translation is held for this verse.

स्वायम्भुवं काण्डं काठके पठितो विधिः स्वयम्भूश् चात्र दैवतं सर्वभूतपतिः शुचिर् इति

svāyambhuvaṃ kāṇḍaṃ kāṭhake paṭhito vidhiḥ svayambhūś cātra daivataṃ sarvabhūtapatiḥ śucir iti

Sanskrit only: no published translation is held for this verse.

अथ कारीरीव्रतं चतूरात्रम् अक्षारलवणं भूमौ भुञ्जीत पशुवत्

atha kārīrīvrataṃ catūrātram akṣāralavaṇaṃ bhūmau bhuñjīta paśuvat

Sanskrit only: no published translation is held for this verse.

एवम् एव काराव्रतम्

evam eva kārāvratam

Sanskrit only: no published translation is held for this verse.

सावित्रीभ्यः प्रभृत्यूर्ध्वम् ओषध्यनुवाकान् अधीयीरन् नात्र भूमौ भुञ्जीत न पशुवदिति

sāvitrībhyaḥ prabhṛtyūrdhvam oṣadhyanuvākān adhīyīran nātra bhūmau bhuñjīta na paśuvaditi

Sanskrit only: no published translation is held for this verse.