Baudhāyana Gṛhya-sūtra 3.12

अष्टकानुकृतिर् मासिकं तत् पुरस्ताद् व्याख्यातम्

aṣṭakānukṛtir māsikaṃ tat purastād vyākhyātam

Sanskrit only: no published translation is held for this verse.

अथाभ्युदयिकेषु प्रदक्षिणम् उपचारो यज्ञोपवीतं प्रागग्रान् दर्भान् युग्मान् ब्राह्मणान् यवैस् तिलार्थः पृषदाज्यं हविः

athābhyudayikeṣu pradakṣiṇam upacāro yajñopavītaṃ prāgagrān darbhān yugmān brāhmaṇān yavais tilārthaḥ pṛṣadājyaṃ haviḥ

Sanskrit only: no published translation is held for this verse.

सोपयामेन पात्रेण नान्दीमुखाः पितरः प्रीयन्ताम् इत्य् अपां प्रतिग्रहणं विसर्जनं च

sopayāmena pātreṇa nāndīmukhāḥ pitaraḥ prīyantām ity apāṃ pratigrahaṇaṃ visarjanaṃ ca

Sanskrit only: no published translation is held for this verse.

नान्दीमुखेभ्यः पितृभ्यः स्वाहेत्य् अग्नौकरणम् अनुदेशनम्

nāndīmukhebhyaḥ pitṛbhyaḥ svāhety agnaukaraṇam anudeśanam

Sanskrit only: no published translation is held for this verse.

आशयेषु परिसमूढेषु प्रागग्रेषु दर्भेषु पृषदाज्येनानुप्रदानं सर्वं द्विर् द्विर् इति

āśayeṣu parisamūḍheṣu prāgagreṣu darbheṣu pṛṣadājyenānupradānaṃ sarvaṃ dvir dvir iti

Sanskrit only: no published translation is held for this verse.

अथैकोद्दिष्टेषु नाग्नौकरणं नाभिश्रावणं न पूर्वं निमन्त्रणं न दैवं न धूपं न दीपं न स्वधा न नमस्कारो नात्रापूपम्

athaikoddiṣṭeṣu nāgnaukaraṇaṃ nābhiśrāvaṇaṃ na pūrvaṃ nimantraṇaṃ na daivaṃ na dhūpaṃ na dīpaṃ na svadhā na namaskāro nātrāpūpam

Sanskrit only: no published translation is held for this verse.

सर्वं सिद्धं समानीयायुग्मान् ब्राह्मणान् सुप्रक्षालितपाणिपादान् अप आचमय्य सदर्भोपक्ﾱप्तेष्व् आसनेषूपवेश्य सर्वस्मात् सकृत् सकृत् समवदायाभिघार्य दक्षिणतो भस्ममिश्रान् अङ्गारान् निरूह्य तेषु जुहुयात् प्रेतायामुष्मै यमाय च स्वाहा इति तद्धुतम् अहुतं च भवति

sarvaṃ siddhaṃ samānīyāyugmān brāhmaṇān suprakṣālitapāṇipādān apa ācamayya sadarbhopakﾱpteṣv āsaneṣūpaveśya sarvasmāt sakṛt sakṛt samavadāyābhighārya dakṣiṇato bhasmamiśrān aṅgārān nirūhya teṣu juhuyāt pretāyāmuṣmai yamāya ca svāhā iti taddhutam ahutaṃ ca bhavati

Sanskrit only: no published translation is held for this verse.

अमुष्मै तृप्तिर् अस्त्व् इत्य् अपां प्रतिग्रहणं विसर्जनं च अमुष्मा उपतिष्ठत्व् इत्य् अनुदेशनम् आशयेष्व् एव पिण्डदानं तृप्यस्वेति संक्षालनं तृप्तिर् अस्त्व् इति विसर्जनम् अस्तु तृप्तिर् इतीतरेषां प्रतिवचनम्

amuṣmai tṛptir astv ity apāṃ pratigrahaṇaṃ visarjanaṃ ca amuṣmā upatiṣṭhatv ity anudeśanam āśayeṣv eva piṇḍadānaṃ tṛpyasveti saṃkṣālanaṃ tṛptir astv iti visarjanam astu tṛptir itītareṣāṃ prativacanam

Sanskrit only: no published translation is held for this verse.

प्रेतस्य द्वितीयाप्रभृति ब्राह्मणभोजनैर् एकोत्तरवृद्धिर् आ दशाहात्

pretasya dvitīyāprabhṛti brāhmaṇabhojanair ekottaravṛddhir ā daśāhāt

Sanskrit only: no published translation is held for this verse.

अत्र नवं विच्छिद्येत

atra navaṃ vicchidyeta

Sanskrit only: no published translation is held for this verse.

एकादश्यां श्राद्धं तृतीये पक्षे द्वितीयं संततम् एकैकेनैकादश मासान् नयन्ति न द्वादशमासम् अभ्यारोहन्ति

ekādaśyāṃ śrāddhaṃ tṛtīye pakṣe dvitīyaṃ saṃtatam ekaikenaikādaśa māsān nayanti na dvādaśamāsam abhyārohanti

Sanskrit only: no published translation is held for this verse.

संवत्सरे सपिण्डीकरणं साग्नौकरणं साभिश्रावणं सपूर्वं सदैवं सधूपं सदीपं सस्वधा सनमस्कारं सापूपम्

saṃvatsare sapiṇḍīkaraṇaṃ sāgnaukaraṇaṃ sābhiśrāvaṇaṃ sapūrvaṃ sadaivaṃ sadhūpaṃ sadīpaṃ sasvadhā sanamaskāraṃ sāpūpam

Sanskrit only: no published translation is held for this verse.

अथाप्युदाहरन्ति एकोद्दिष्टे नवश्राद्धे नाग्नौकरणम् इष्यते न चाभिश्रावणं कुर्यान् न च पूर्वं तु कारयेत्

athāpyudāharanti ekoddiṣṭe navaśrāddhe nāgnaukaraṇam iṣyate na cābhiśrāvaṇaṃ kuryān na ca pūrvaṃ tu kārayet

Sanskrit only: no published translation is held for this verse.

प्रणामं च न कुर्वीत स्वधाकारं तथैव च ऊर्ध्वं संवत्सरात् प्रेतः पितृत्वम् उपपद्यते

praṇāmaṃ ca na kurvīta svadhākāraṃ tathaiva ca ūrdhvaṃ saṃvatsarāt pretaḥ pitṛtvam upapadyate

Sanskrit only: no published translation is held for this verse.

इतीन् न्वा इमा अनुकृतयो व्याख्याताः

itīn nvā imā anukṛtayo vyākhyātāḥ

Sanskrit only: no published translation is held for this verse.