Baudhāyana Gṛhya-sūtra 3.5

प्रहुतानुकृतिर् वास्तुशमनम्

prahutānukṛtir vāstuśamanam

Sanskrit only: no published translation is held for this verse.

स यत्र दशोषित्वा प्रयास्यन् भवति दशभ्यो वोर्ध्वं सदारः साग्निहोत्रिकस् तद् वास्तोष्पतीयं हुत्वा प्रयातीति

sa yatra daśoṣitvā prayāsyan bhavati daśabhyo vordhvaṃ sadāraḥ sāgnihotrikas tad vāstoṣpatīyaṃ hutvā prayātīti

Sanskrit only: no published translation is held for this verse.

सर्व एवाहिताग्निर् इत्येके

sarva evāhitāgnir ityeke

Sanskrit only: no published translation is held for this verse.

यायावर इत्य् एके

yāyāvara ity eke

Sanskrit only: no published translation is held for this verse.

यच्चागारं कारयित्वा प्रथमम् अध्यवस्येत् तद् वास्तोष्पतीयेन शमयित्वाध्यवस्येत्

yaccāgāraṃ kārayitvā prathamam adhyavasyet tad vāstoṣpatīyena śamayitvādhyavasyet

Sanskrit only: no published translation is held for this verse.

तद् उ हैके यजुषा स्थूणा उच्छ्रयन्ति यजुषा वंशान् यजुषा छदींषि यजुषाब्भ्रिणं यजुषा तल्पदेशं यजुषा वास्तुमध्यं यजुषाग्निनिधानम्

tad u haike yajuṣā sthūṇā ucchrayanti yajuṣā vaṃśān yajuṣā chadīṃṣi yajuṣābbhriṇaṃ yajuṣā talpadeśaṃ yajuṣā vāstumadhyaṃ yajuṣāgninidhānam

Sanskrit only: no published translation is held for this verse.

स यद्य् उ हैवं कुर्याद् यथा यजुषोच्छ्रियन्ते सदस्यर्क्सामयजूंष्य् आथर्वणान्य् आङ्गिरसानि मिथुनीसंभवन्तीति तद् यद् अध्यवस्येद् यथा मिथुनीसंभवन्ताव् अध्यवस्येत् तादृक् तद् यद्यजुष्कृतं स्यात्

sa yady u haivaṃ kuryād yathā yajuṣocchriyante sadasyarksāmayajūṃṣy ātharvaṇāny āṅgirasāni mithunīsaṃbhavantīti tad yad adhyavasyed yathā mithunīsaṃbhavantāv adhyavasyet tādṛk tad yadyajuṣkṛtaṃ syāt

Sanskrit only: no published translation is held for this verse.

आधयो व्याधयो ग्रहा उपसर्गाश् चाहन्युः

ādhayo vyādhayo grahā upasargāś cāhanyuḥ

Sanskrit only: no published translation is held for this verse.

तस्मात् तूष्णीम् अगारं कारयित्वा द्वारदेशम् अलंकृत्य वास्तुमध्यं विमायाब्भ्रिणं पूरयित्वा तल्पदेशं कल्पयित्वोत्तरपूर्वदेशे ऽगारस्य गृह्याग्निम् उपसमाधाय संपरिस्तीर्याग्निमुखात् कृत्वा पक्वाज् जुहोति वास्तोष्पते प्रतिजानीह्य् अस्मान् इति पुरोनुवाक्याम् अनूच्य वास्तोष्पते शग्मया संसदा ते इति याज्यया जुहोति

tasmāt tūṣṇīm agāraṃ kārayitvā dvāradeśam alaṃkṛtya vāstumadhyaṃ vimāyābbhriṇaṃ pūrayitvā talpadeśaṃ kalpayitvottarapūrvadeśe 'gārasya gṛhyāgnim upasamādhāya saṃparistīryāgnimukhāt kṛtvā pakvāj juhoti vāstoṣpate pratijānīhy asmān iti puronuvākyām anūcya vāstoṣpate śagmayā saṃsadā te iti yājyayā juhoti

Sanskrit only: no published translation is held for this verse.

अथाज्याहुतीर् उपजुहोति

athājyāhutīr upajuhoti

Sanskrit only: no published translation is held for this verse.

वास्तोष्पते ध्रुवा स्थूणां सत्रं सोम्यानाम् द्रप्सो भेत्ता पुरां शश्वतीनाम् इन्द्रो मुनीनां सखा स्वाहा

vāstoṣpate dhruvā sthūṇāṃ satraṃ somyānām drapso bhettā purāṃ śaśvatīnām indro munīnāṃ sakhā svāhā

Sanskrit only: no published translation is held for this verse.

गृह्यं भयं यच्चेद् द्विपात्सु यद् उ चेच्चतुष्पात्सु भयं यद् अस्ति अग्निर् यविष्ठ्यः प्रणुदतु तद् भयं शं नः प्रजाभ्यः शम् उ नः पशुभ्यः स्वाहा

gṛhyaṃ bhayaṃ yacced dvipātsu yad u ceccatuṣpātsu bhayaṃ yad asti agnir yaviṣṭhyaḥ praṇudatu tad bhayaṃ śaṃ naḥ prajābhyaḥ śam u naḥ paśubhyaḥ svāhā

Sanskrit only: no published translation is held for this verse.

अक्षिस्पन्दे ऽङ्गचले च यद् भयं यद् वाशिते यद् उ चेद् दुरुक्ते अग्निर् यविष्ठ्यः प्रणुदतु तद् भयं शं नः प्रजाभ्यः शम् उ नः पशुभ्यः स्वाहा

akṣispande 'ṅgacale ca yad bhayaṃ yad vāśite yad u ced durukte agnir yaviṣṭhyaḥ praṇudatu tad bhayaṃ śaṃ naḥ prajābhyaḥ śam u naḥ paśubhyaḥ svāhā

Sanskrit only: no published translation is held for this verse.

दुःस्वप्ने पापस्वप्ने च यद् भयं स्वप्नाशनं यद् अमेध्यदर्शने अग्निर् यविष्ठ्यः प्रणुदतु तद् भयं शं नः प्रजाभ्यः शम् उ नः पशुभ्यः स्वाहा

duḥsvapne pāpasvapne ca yad bhayaṃ svapnāśanaṃ yad amedhyadarśane agnir yaviṣṭhyaḥ praṇudatu tad bhayaṃ śaṃ naḥ prajābhyaḥ śam u naḥ paśubhyaḥ svāhā

Sanskrit only: no published translation is held for this verse.

वास्तोष्पते प्रतरणो न एधि गयस्फानो गोभिर् अश्वेभिर् इन्दो अजरासस् ते सख्ये स्याम पितेव पुत्रान् प्रति नो जुषस्व स्वाहा

vāstoṣpate prataraṇo na edhi gayasphāno gobhir aśvebhir indo ajarāsas te sakhye syāma piteva putrān prati no juṣasva svāhā

Sanskrit only: no published translation is held for this verse.

अमीवहा वास्तोष्पते विश्वा रूपाण्य् आविशन् सखा सुशेव एधि नः स्वाहा इति

amīvahā vāstoṣpate viśvā rūpāṇy āviśan sakhā suśeva edhi naḥ svāhā iti

Sanskrit only: no published translation is held for this verse.

स्विष्टकृत्प्रभृति सिद्धम् आ धेनुवरप्रदानात्

sviṣṭakṛtprabhṛti siddham ā dhenuvarapradānāt

Sanskrit only: no published translation is held for this verse.

अथाग्रेणाग्निं दर्भस्तम्बेषु हुतशेषं निदधाति नमो रुद्राय वास्तोष्पतये आयने विद्रावणे उद्याने यत्परायणे आवर्तने निवर्तने यो गोपायति तं हुवे इति

athāgreṇāgniṃ darbhastambeṣu hutaśeṣaṃ nidadhāti namo rudrāya vāstoṣpataye āyane vidrāvaṇe udyāne yatparāyaṇe āvartane nivartane yo gopāyati taṃ huve iti

Sanskrit only: no published translation is held for this verse.

स्थालीसंक्षालनम् आज्यशेषम् उदकशेषं च पात्र्यां समानीयौदुम्बरशाखया पलाशशाखया शमीशाखया दर्भमुष्टिना वा सर्वतः पर्युक्षन् त्रिः प्रदक्षिणम् अगारं पर्येति त्वं विप्रः त्वं कविः त्वं विश्वा रूपाणि धारयन् अप जन्यं भयं नुद इति

sthālīsaṃkṣālanam ājyaśeṣam udakaśeṣaṃ ca pātryāṃ samānīyaudumbaraśākhayā palāśaśākhayā śamīśākhayā darbhamuṣṭinā vā sarvataḥ paryukṣan triḥ pradakṣiṇam agāraṃ paryeti tvaṃ vipraḥ tvaṃ kaviḥ tvaṃ viśvā rūpāṇi dhārayan apa janyaṃ bhayaṃ nuda iti

Sanskrit only: no published translation is held for this verse.

अन्नं संस्कृत्य ब्राह्मणान् सम्पूज्याशिषो वाचयित्वा शिवं वास्तु शिवं वास्त्व् इति

annaṃ saṃskṛtya brāhmaṇān sampūjyāśiṣo vācayitvā śivaṃ vāstu śivaṃ vāstv iti

Sanskrit only: no published translation is held for this verse.

वास्तुशमनं व्याख्यातम्

vāstuśamanaṃ vyākhyātam

Sanskrit only: no published translation is held for this verse.