Baudhāyana Gṛhya-sūtra 3.7

आहुतानुकृतिर् आयुष्यचरुः

āhutānukṛtir āyuṣyacaruḥ

Sanskrit only: no published translation is held for this verse.

संवत्सरे संवत्सरे षट्सु षट्सु मासेषु चतुर्षु चतुर्षु ऋतावृतौ मासि मासि वा कुमारस्य जन्मनक्षत्रे क्रियेत

saṃvatsare saṃvatsare ṣaṭsu ṣaṭsu māseṣu caturṣu caturṣu ṛtāvṛtau māsi māsi vā kumārasya janmanakṣatre kriyeta

Sanskrit only: no published translation is held for this verse.

अथ देवयजनोल्लेखनप्रभृत्य् आ प्रणीताभ्यः कृत्वा व्रीहीन् निर्वपति अग्नय आयुष्मते वो जुष्टं निर्वपामि इति तूष्णीं वा

atha devayajanollekhanaprabhṛty ā praṇītābhyaḥ kṛtvā vrīhīn nirvapati agnaya āyuṣmate vo juṣṭaṃ nirvapāmi iti tūṣṇīṃ vā

Sanskrit only: no published translation is held for this verse.

धान्यान् निर्वपति प्राणाय वो जुष्टं निर्वपामि इति तूष्णीं वा

dhānyān nirvapati prāṇāya vo juṣṭaṃ nirvapāmi iti tūṣṇīṃ vā

Sanskrit only: no published translation is held for this verse.

तान् अभ्युक्ष्यावहत्य त्रिः फलीकृत्य त्रिः प्रक्षाल्य निदधाति

tān abhyukṣyāvahatya triḥ phalīkṛtya triḥ prakṣālya nidadhāti

Sanskrit only: no published translation is held for this verse.

तण्डुलान् वा निर्वपति

taṇḍulān vā nirvapati

Sanskrit only: no published translation is held for this verse.

तान् अभ्युक्ष्य त्रिः प्रक्षाल्यैव निदधातीति

tān abhyukṣya triḥ prakṣālyaiva nidadhātīti

Sanskrit only: no published translation is held for this verse.

अथ तिरः पवित्रं स्थाल्याम् अपः पयो वानीयाधिश्रित्य तिरः पवित्रं तण्डुलान् आवपति

atha tiraḥ pavitraṃ sthālyām apaḥ payo vānīyādhiśritya tiraḥ pavitraṃ taṇḍulān āvapati

Sanskrit only: no published translation is held for this verse.

अथाज्यं निर्वपत्य् अथाज्यम् अधिश्रयत्य् उभयं पर्यग्निकृत्वा मेक्षणं स्रुवं च संमार्ष्टि

athājyaṃ nirvapaty athājyam adhiśrayaty ubhayaṃ paryagnikṛtvā mekṣaṇaṃ sruvaṃ ca saṃmārṣṭi

Sanskrit only: no published translation is held for this verse.

अथैतं चरुं श्रपयित्वाभिघार्योदञ्चम् उद्वास्य प्रतिष्ठितम् अभिघारयति

athaitaṃ caruṃ śrapayitvābhighāryodañcam udvāsya pratiṣṭhitam abhighārayati

Sanskrit only: no published translation is held for this verse.

एवम् एव सर्वेषां स्थालीपाकानां चरुकल्पः

evam eva sarveṣāṃ sthālīpākānāṃ carukalpaḥ

Sanskrit only: no published translation is held for this verse.

परिधानप्रभृत्य् आग्निमुखात् कृत्वा पक्वाज् जुहोति आयुष् टे विश्वतो दधत् इति पुरोनुवाक्याम् अनूच्य आयुर्दा अग्ने हविषो जुषाणः इति याज्यया जुहोति

paridhānaprabhṛty āgnimukhāt kṛtvā pakvāj juhoti āyuṣ ṭe viśvato dadhat iti puronuvākyām anūcya āyurdā agne haviṣo juṣāṇaḥ iti yājyayā juhoti

Sanskrit only: no published translation is held for this verse.

अथाज्याहुतीर् उपजुहोत्य् अथान्तरेणाग्निं चाज्यस्थालीं च स्थालीपाकं निधाय तत् सहस्रं सम्पाताभिहुतं करोति

athājyāhutīr upajuhoty athāntareṇāgniṃ cājyasthālīṃ ca sthālīpākaṃ nidhāya tat sahasraṃ sampātābhihutaṃ karoti

Sanskrit only: no published translation is held for this verse.

यो ब्रह्म ब्रह्मण उज्जभार प्राणेश्वरः कृत्तिवासाः पिनाकी ईशानो देवः स न आयुर् दधातु तस्मै जुहोमि हविषा घृतेन स्वाहा

yo brahma brahmaṇa ujjabhāra prāṇeśvaraḥ kṛttivāsāḥ pinākī īśāno devaḥ sa na āyur dadhātu tasmai juhomi haviṣā ghṛtena svāhā

Sanskrit only: no published translation is held for this verse.

विभ्राजमानः सरिरस्य मध्याद् रोचमानो घर्मरुचिर् य आगात् स मृत्युपाशाद् अपनुद्य घोराद् इहायुषेणो घृतम् अत्तु देवः स्वाहा

vibhrājamānaḥ sarirasya madhyād rocamāno gharmarucir ya āgāt sa mṛtyupāśād apanudya ghorād ihāyuṣeṇo ghṛtam attu devaḥ svāhā

Sanskrit only: no published translation is held for this verse.

ब्रह्मज्योतिर् ब्रह्मपत्नीषु गर्भं यम् आदधात् पुरुरूपं जयन्तम् सुवर्णरं भग्नहमर्कमर्चं तम् आयुषे वर्धयामो घृतेन स्वाहा

brahmajyotir brahmapatnīṣu garbhaṃ yam ādadhāt pururūpaṃ jayantam suvarṇaraṃ bhagnahamarkamarcaṃ tam āyuṣe vardhayāmo ghṛtena svāhā

Sanskrit only: no published translation is held for this verse.

श्रियं लक्ष्मीम् औपलाम् अम्बिकां गां षष्ठीं जयाम् इन्द्रसेनेत्य् उदाहुः तां विद्यां ब्रह्मयोनिं सरूपाम् इहायुषे तर्पयामो घृतेन स्वाहा

śriyaṃ lakṣmīm aupalām ambikāṃ gāṃ ṣaṣṭhīṃ jayām indrasenety udāhuḥ tāṃ vidyāṃ brahmayoniṃ sarūpām ihāyuṣe tarpayāmo ghṛtena svāhā

Sanskrit only: no published translation is held for this verse.

दाक्षायण्यः सर्वयोन्यः सयोन्यः सहस्रशो विश्वरूपा विरूपाः ससूनवः सपतयः सयूथ्या इहायुषेणो घृतम् इदं जुषन्तां स्वाहा

dākṣāyaṇyaḥ sarvayonyaḥ sayonyaḥ sahasraśo viśvarūpā virūpāḥ sasūnavaḥ sapatayaḥ sayūthyā ihāyuṣeṇo ghṛtam idaṃ juṣantāṃ svāhā

Sanskrit only: no published translation is held for this verse.

दिव्या गणा बहुरूपाः पुराणा आयुश्छिदो नः प्रमथन्तु वीरान् तेभ्यो जुहोमि बहुधा घृतेन मा नः प्रजां रिरिषो मोत वीरान् स्वाहा

divyā gaṇā bahurūpāḥ purāṇā āyuśchido naḥ pramathantu vīrān tebhyo juhomi bahudhā ghṛtena mā naḥ prajāṃ ririṣo mota vīrān svāhā

Sanskrit only: no published translation is held for this verse.

एकः पुरस्ताद् य इदं बभूव यतो बभूवुर् भुवनस्य गोपाः यम् अप्येति भुवनं साम्पराये स नो हविर् घृतम् इहायुषे ऽत्तु देवः स्वाहा

ekaḥ purastād ya idaṃ babhūva yato babhūvur bhuvanasya gopāḥ yam apyeti bhuvanaṃ sāmparāye sa no havir ghṛtam ihāyuṣe 'ttu devaḥ svāhā

Sanskrit only: no published translation is held for this verse.

वसून् रुद्रान् आदित्यान् मरुतो ऽथ साध्यान् ऋभून् यक्षान् गन्धर्वांश् च पितॄंश् च विश्वान् भृगून् सर्पांश् चाङ्गिरसो ऽथ सर्वान् घृतं हुत्वा स्वायुष्य् आमहयाम शश्वत् स्वाहा

vasūn rudrān ādityān maruto 'tha sādhyān ṛbhūn yakṣān gandharvāṃś ca pitṝṃś ca viśvān bhṛgūn sarpāṃś cāṅgiraso 'tha sarvān ghṛtaṃ hutvā svāyuṣy āmahayāma śaśvat svāhā

Sanskrit only: no published translation is held for this verse.

षड्विंशतिशतकृत्वस् तद् आहुतीनां अष्टसहस्रं सम्पद्यते

ṣaḍviṃśatiśatakṛtvas tad āhutīnāṃ aṣṭasahasraṃ sampadyate

Sanskrit only: no published translation is held for this verse.

इतरस्मात् पक्वात् सौविष्टकृतं जुहोति

itarasmāt pakvāt sauviṣṭakṛtaṃ juhoti

Sanskrit only: no published translation is held for this verse.

जयप्रभृति सिद्धम् आ धेनुवरप्रदानात्

jayaprabhṛti siddham ā dhenuvarapradānāt

Sanskrit only: no published translation is held for this verse.

अथाग्रेणाग्निं दूर्वास्तम्बेषु हुतशेषं निदधाति मा नो महान्तं मा नस् तोके इति द्वाभ्याम्

athāgreṇāgniṃ dūrvāstambeṣu hutaśeṣaṃ nidadhāti mā no mahāntaṃ mā nas toke iti dvābhyām

Sanskrit only: no published translation is held for this verse.

अपरेणाग्निं प्राङ्मुख उपविश्य वाग्यतः स्थालीपाकं सगणः प्राश्नाति तस्य प्राशनमन्त्रः आयुर् असि विश्वायुर् असि सर्वायुर् असि सर्वम् आयुर् असि सर्वं म आयुर् भूयात् सर्वम् आयुर् गेषम् इति प्राश्याप आचम्य जठरम् अभिमृशति यत इन्द्र भयामहे स्वस्तिदा विशस्पतिः इति द्वाभ्याम्

apareṇāgniṃ prāṅmukha upaviśya vāgyataḥ sthālīpākaṃ sagaṇaḥ prāśnāti tasya prāśanamantraḥ āyur asi viśvāyur asi sarvāyur asi sarvam āyur asi sarvaṃ ma āyur bhūyāt sarvam āyur geṣam iti prāśyāpa ācamya jaṭharam abhimṛśati yata indra bhayāmahe svastidā viśaspatiḥ iti dvābhyām

Sanskrit only: no published translation is held for this verse.

कुमाराणां ग्रहगृहीतानां ज्वरगृहीतानां भूतोपसृष्टानां आयुष्येण घृतसूक्तेनाहर् अहः स्वस्त्ययनार्थं स्वाध्यायम् अधीयीतैतैर् एव मन्त्रैर् आहुतीर् जुहुयाद् एतैर् एव मन्त्रैर् बलीन् हरेद् अगदो हैव भवति

kumārāṇāṃ grahagṛhītānāṃ jvaragṛhītānāṃ bhūtopasṛṣṭānāṃ āyuṣyeṇa ghṛtasūktenāhar ahaḥ svastyayanārthaṃ svādhyāyam adhīyītaitair eva mantrair āhutīr juhuyād etair eva mantrair balīn hared agado haiva bhavati

Sanskrit only: no published translation is held for this verse.

तद् एतद् ऋद्धम् अयनं भूतोपसृष्टानां राष्ट्रभृतः पञ्चचोडाः सर्पाहुतिर् गन्धर्वाहुतिर् अहर् अहः स्वस्त्ययनार्थं स्वाध्यायम् अधीयीतैतैर् एव मन्त्रैर् आहुतीर् जुहुयात् एतैर् एव मन्त्रैर् बलीन् हरेद् अगदो हैव भवति तद् एतद् ऋद्धम् अयनं हुतप्रहुतानुकृतयो ऽन्ये होमाः बलिहरणानुकृतीन्य् अभ्यर्चनान्य् आश्रमानुकृतयः संश्रया इति

tad etad ṛddham ayanaṃ bhūtopasṛṣṭānāṃ rāṣṭrabhṛtaḥ pañcacoḍāḥ sarpāhutir gandharvāhutir ahar ahaḥ svastyayanārthaṃ svādhyāyam adhīyītaitair eva mantrair āhutīr juhuyāt etair eva mantrair balīn hared agado haiva bhavati tad etad ṛddham ayanaṃ hutaprahutānukṛtayo 'nye homāḥ baliharaṇānukṛtīny abhyarcanāny āśramānukṛtayaḥ saṃśrayā iti

Sanskrit only: no published translation is held for this verse.