Baudhāyana Gṛhya-sūtra 3.9

बलिहरणानुकृतिर् उत्सर्गः

baliharaṇānukṛtir utsargaḥ

Sanskrit only: no published translation is held for this verse.

तैष्यां पौर्णमास्यां क्रियेतापि वा माघ्याम्

taiṣyāṃ paurṇamāsyāṃ kriyetāpi vā māghyām

Sanskrit only: no published translation is held for this verse.

सहान्तेवासिभिर् ग्रामात् प्राचीं वोदीचीं वा दिशम् उपनिष्क्रम्य यत्रापः सुतीर्थाः सूपावगाहाः स्रवन्त्यः स्ववकिन्यः शङ्खिन्यस् तासाम् अन्तं गत्वा स्नात्वाप आचम्य सुरभिमत्याब्लिङ्गाभिर् वारुणीभिर् हिरण्यवर्णाभिः पावमानीभिर् इति मार्जयित्वान्तर्जलगतो ऽघमर्षणेन त्रीन् प्राणायामान् धारयित्वोत्तीर्य वासः पीडयित्वान्यत् प्रयतं वासः परिधायाप आचम्यापां समीपे स्थण्डिलानि कृत्वा दर्भान् अन्योन्यस्मै सम्प्रदाय दर्भैर् आसनानि कल्पयन्ति ब्रह्मणे कल्पयामि प्रजापतये बृहस्पतये अग्नये वायवे सूर्याय चन्द्रमसे नक्षत्रेभ्यः ऋतुभ्यः संवत्सराय इन्द्राय राज्ञे यमाय राज्ञे वरुणाय राज्ञे सोमाय राज्ञे वैश्रवणाय राज्ञे वसुभ्यः रुद्रेभ्यः आदित्येभ्यः विश्वेभ्यो देवेभ्यः साध्येभ्यो देवेभ्यः मरुद्भ्यः ऋभुभ्यः भृगुभ्यः अथर्वभ्यो ऽङ्गिरोभ्यः विश्वामित्राय जमदग्नये जामदग्न्याय भरद्वाजाय गौतमाय आत्रेयाय वसिष्ठाय काश्यपाय अरुन्धत्यै कल्पयामीति

sahāntevāsibhir grāmāt prācīṃ vodīcīṃ vā diśam upaniṣkramya yatrāpaḥ sutīrthāḥ sūpāvagāhāḥ sravantyaḥ svavakinyaḥ śaṅkhinyas tāsām antaṃ gatvā snātvāpa ācamya surabhimatyābliṅgābhir vāruṇībhir hiraṇyavarṇābhiḥ pāvamānībhir iti mārjayitvāntarjalagato 'ghamarṣaṇena trīn prāṇāyāmān dhārayitvottīrya vāsaḥ pīḍayitvānyat prayataṃ vāsaḥ paridhāyāpa ācamyāpāṃ samīpe sthaṇḍilāni kṛtvā darbhān anyonyasmai sampradāya darbhair āsanāni kalpayanti brahmaṇe kalpayāmi prajāpataye bṛhaspataye agnaye vāyave sūryāya candramase nakṣatrebhyaḥ ṛtubhyaḥ saṃvatsarāya indrāya rājñe yamāya rājñe varuṇāya rājñe somāya rājñe vaiśravaṇāya rājñe vasubhyaḥ rudrebhyaḥ ādityebhyaḥ viśvebhyo devebhyaḥ sādhyebhyo devebhyaḥ marudbhyaḥ ṛbhubhyaḥ bhṛgubhyaḥ atharvabhyo 'ṅgirobhyaḥ viśvāmitrāya jamadagnaye jāmadagnyāya bharadvājāya gautamāya ātreyāya vasiṣṭhāya kāśyapāya arundhatyai kalpayāmīti

Sanskrit only: no published translation is held for this verse.

अथ दक्षिणतः अगस्त्याय कल्पयामीति

atha dakṣiṇataḥ agastyāya kalpayāmīti

Sanskrit only: no published translation is held for this verse.

अथोत्तरतः निवीतिनः कृष्णद्वैपायनाय जातुकर्ण्याय तरुक्षाय तृणबिन्दवे सोमशुष्मिणे सोमशुष्मायणाय वाजिने वाजश्रवसे बृहदुक्थाय वर्मिणे वज्रिणे वरूथाय सनत्कुमाराय वामदेवाय वाजिरत्नाय वीरजिताय हर्यश्वाय उदमेघाय ऋणंजयाय तृणंजयाय कृतंजयाय धनञ्जयाय सत्यञ्जयाय बभ्रवे त्र्यरुणाय त्रिवर्षाय त्रिधातवे अश्वज्ञाय पराशराय मृत्यवे कर्त्रे विकर्त्रे सुकर्त्रे त्वष्ट्रे धात्रे विधात्रे सुश्रवसे सुतश्रवसे सत्यश्रवसे सवित्रे सावित्र्यै छन्दोभ्यः ऋग्वेदाय यजुर्वेदाय सामवेदाय अथर्ववेदाय अथर्वाङ्गिरोभ्यः इतिहासपुराणेभ्यः सर्पदेवजनेभ्यः सर्वभूतेभ्यः

athottarataḥ nivītinaḥ kṛṣṇadvaipāyanāya jātukarṇyāya tarukṣāya tṛṇabindave somaśuṣmiṇe somaśuṣmāyaṇāya vājine vājaśravase bṛhadukthāya varmiṇe vajriṇe varūthāya sanatkumārāya vāmadevāya vājiratnāya vīrajitāya haryaśvāya udameghāya ṛṇaṃjayāya tṛṇaṃjayāya kṛtaṃjayāya dhanañjayāya satyañjayāya babhrave tryaruṇāya trivarṣāya tridhātave aśvajñāya parāśarāya mṛtyave kartre vikartre sukartre tvaṣṭre dhātre vidhātre suśravase sutaśravase satyaśravase savitre sāvitryai chandobhyaḥ ṛgvedāya yajurvedāya sāmavedāya atharvavedāya atharvāṅgirobhyaḥ itihāsapurāṇebhyaḥ sarpadevajanebhyaḥ sarvabhūtebhyaḥ

Sanskrit only: no published translation is held for this verse.

अथ दक्षिणतः प्राचीनावीतिनो वैशम्पायनाय फलिङ्गवे तित्तिरये उखायोख्याय आत्रेयाय पदकाराय कौण्डिन्याय वृत्तिकाराय कण्वाय बोधायनाय प्रवचनकारायापस्तम्बाय सूत्रकाराय सत्याषाढाय हिरण्यकेशाय वाजसनेयाय याज्ञवल्क्याय भरद्वाजायाग्निवेश्यायाचार्येभ्य ऊर्ध्वरेतोभ्यो वानप्रस्थेभ्यः वंशस्थेभ्यः एकपत्नीभ्यः कल्पयामीति

atha dakṣiṇataḥ prācīnāvītino vaiśampāyanāya phaliṅgave tittiraye ukhāyokhyāya ātreyāya padakārāya kauṇḍinyāya vṛttikārāya kaṇvāya bodhāyanāya pravacanakārāyāpastambāya sūtrakārāya satyāṣāḍhāya hiraṇyakeśāya vājasaneyāya yājñavalkyāya bharadvājāyāgniveśyāyācāryebhya ūrdhvaretobhyo vānaprasthebhyaḥ vaṃśasthebhyaḥ ekapatnībhyaḥ kalpayāmīti

Sanskrit only: no published translation is held for this verse.

अथ यथास्वयं पितृभ्यः कल्पयन्ति मातामहेभ्यश् च

atha yathāsvayaṃ pitṛbhyaḥ kalpayanti mātāmahebhyaś ca

Sanskrit only: no published translation is held for this verse.

पृथक् पृथग् एतैर् एव नामधेयैर् गन्धपुष्पधूपदीपैर् अमुष्मै नमो ऽमुष्मै नम इति

pṛthak pṛthag etair eva nāmadheyair gandhapuṣpadhūpadīpair amuṣmai namo 'muṣmai nama iti

Sanskrit only: no published translation is held for this verse.

अन्नेनामुष्मै स्वाहामुष्मै स्वाहेति फलोदकेनामुं तर्पयाम्य् अमुं तर्पयामीति

annenāmuṣmai svāhāmuṣmai svāheti phalodakenāmuṃ tarpayāmy amuṃ tarpayāmīti

Sanskrit only: no published translation is held for this verse.

त्रीन् आदितो ऽनुवाकान् अधीयीरन् काण्डादीन् वा सर्वान्

trīn ādito 'nuvākān adhīyīran kāṇḍādīn vā sarvān

Sanskrit only: no published translation is held for this verse.

काण्डात् काण्डात् प्ररोहन्ती या शतेन प्रतनोषि इति द्वाभ्याम् उपोदके दूर्वाम् आरोपयन्ते ऽथाधीप्सन्ते ऽन्योन्यम् अमुष्मा अमुष्मा इति

kāṇḍāt kāṇḍāt prarohantī yā śatena pratanoṣi iti dvābhyām upodake dūrvām āropayante 'thādhīpsante 'nyonyam amuṣmā amuṣmā iti

Sanskrit only: no published translation is held for this verse.

अथावगाह्य सम्परिगृह्योर्मिमन्तम् उदधिं कृत्वा त्रिर् उद्युत्या तमितोर् आजिं धावन्ति

athāvagāhya samparigṛhyormimantam udadhiṃ kṛtvā trir udyutyā tamitor ājiṃ dhāvanti

Sanskrit only: no published translation is held for this verse.

प्रत्येत्य गृहान् अथ ब्राह्मणान् तर्पयन्त्य् अपूपैर् धानाभिः सक्तुभिर् ओदनेनेति यद्य् उ वैतेभ्यो भवति

pratyetya gṛhān atha brāhmaṇān tarpayanty apūpair dhānābhiḥ saktubhir odaneneti yady u vaitebhyo bhavati

Sanskrit only: no published translation is held for this verse.

त्र्यहम् एकाहं वा नाधीयीरन् मासं प्रदोषे नाधीयेरन् नित्यं चैव विद्युत्स्तनितवर्षाणाम् एकस्मिन् द्वयोर् वा काले त्रिषन्निपाते त्र्यहम्

tryaham ekāhaṃ vā nādhīyīran māsaṃ pradoṣe nādhīyeran nityaṃ caiva vidyutstanitavarṣāṇām ekasmin dvayor vā kāle triṣannipāte tryaham

Sanskrit only: no published translation is held for this verse.

यथोपाकृतौ छन्दसाम् एवम् एवम् उत्सृष्टौ कल्पानाम्

yathopākṛtau chandasām evam evam utsṛṣṭau kalpānām

Sanskrit only: no published translation is held for this verse.

एवम् एव पारायणसमाप्तौ काण्डादिदूर्वारोपणोदधिधावनवर्जम्

evam eva pārāyaṇasamāptau kāṇḍādidūrvāropaṇodadhidhāvanavarjam

Sanskrit only: no published translation is held for this verse.