Baudhāyana Śulba-sūtra 12

कङ्कचित एतेनात्मा पुच्छं च व्याख्यातम्

kaṅkacita etenātmā pucchaṃ ca vyākhyātam

Sanskrit only: no published translation is held for this verse.

शिरसि पञ्चोपदध्यात् । तस्याकृतिर्व्याख्यात

śirasi pañcopadadhyāt | tasyākṛtirvyākhyāta

Sanskrit only: no published translation is held for this verse.

सप्तपञ्चाशद्दक्षिणे पक्ष उपदध्यात् । तथोत्तरे

saptapañcāśaddakṣiṇe pakṣa upadadhyāt | tathottare

Sanskrit only: no published translation is held for this verse.

व्यायामेन सप्रादेशेन पक्षयोरपनामः । पञ्चमभागीयार्ध्याभिः षट् षट् पत्राणि कुर्यात् । अध्यर्धावशिष्यते

vyāyāmena saprādeśena pakṣayorapanāmaḥ | pañcamabhāgīyārdhyābhiḥ ṣaṭ ṣaṭ patrāṇi kuryāt | adhyardhāvaśiṣyate

Sanskrit only: no published translation is held for this verse.

तया पुच्छस्यावस्तात् पादावरत्निमात्रावरत्न्यन्तरालौ प्रादेशव्यासौ भवतः । तयोरवस्तादभितो द्वौद्वावष्टमभागौ प्राग्भेदावुपदध्यात्

tayā pucchasyāvastāt pādāvaratnimātrāvaratnyantarālau prādeśavyāsau bhavataḥ | tayoravastādabhito dvaudvāvaṣṭamabhāgau prāgbhedāvupadadhyāt

Sanskrit only: no published translation is held for this verse.

एवं सारत्निप्रादेशः सप्तविधः संपद्यते

evaṃ sāratniprādeśaḥ saptavidhaḥ saṃpadyate

Sanskrit only: no published translation is held for this verse.

अथेष्टकानां विकाराः । पञ्चमभागीयाः सावयवाः । पादेष्टकां चतुर्भिः परिगृह्णीयादर्धप्रादेशेनाध्यर्धप्रादेशेन प्रादेशेन प्रादेशसविशेषेनेति । अध्यर्धेष्टकां चतुर्भिः परिगृह्णीयादर्धव्यायामेन द्वाभ्यामरत्निभ्यामरत्निसविशेषेनेति । ताः षट्

atheṣṭakānāṃ vikārāḥ | pañcamabhāgīyāḥ sāvayavāḥ | pādeṣṭakāṃ caturbhiḥ parigṛhṇīyādardhaprādeśenādhyardhaprādeśena prādeśena prādeśasaviśeṣeneti | adhyardheṣṭakāṃ caturbhiḥ parigṛhṇīyādardhavyāyāmena dvābhyāmaratnibhyāmaratnisaviśeṣeneti | tāḥ ṣaṭ

Sanskrit only: no published translation is held for this verse.

तासां चतुरश्रपाद्याः साष्टमभागाः पादयोरुपधाय शेषं यथायोगं यथासंख्यं यथाधर्मं चोपदध्यात्

tāsāṃ caturaśrapādyāḥ sāṣṭamabhāgāḥ pādayorupadhāya śeṣaṃ yathāyogaṃ yathāsaṃkhyaṃ yathādharmaṃ copadadhyāt

Sanskrit only: no published translation is held for this verse.