Baudhāyana Śulba-sūtra 16

रथचक्रचितं चिन्वीतेति विज्ञायते

rathacakracitaṃ cinvīteti vijñāyate

Sanskrit only: no published translation is held for this verse.

द्वयानि तु खलु रथचक्राणि भवन्ति साराणि च प्रधियुक्तानि च । अविशेषात्ते मन्यामहेऽन्यतरस्याकृतिरिति

dvayāni tu khalu rathacakrāṇi bhavanti sārāṇi ca pradhiyuktāni ca | aviśeṣātte manyāmahe'nyatarasyākṛtiriti

Sanskrit only: no published translation is held for this verse.

अथाग्निं विमिमीते । यावानग्निः सारत्निप्रादेशस्तावतीं भूमिं परिमण्डलां कृत्वा तस्मिन्यावत्संभवेत्तावत्समचतुरश्रं कृत्वा तस्य करण्या द्वादशेनेष्टकाः कारयेत्

athāgniṃ vimimīte | yāvānagniḥ sāratniprādeśastāvatīṃ bhūmiṃ parimaṇḍalāṃ kṛtvā tasminyāvatsaṃbhavettāvatsamacaturaśraṃ kṛtvā tasya karaṇyā dvādaśeneṣṭakāḥ kārayet

Sanskrit only: no published translation is held for this verse.

तासां षट् प्रधावुपधाय शेषमष्टधा विभजेत्

tāsāṃ ṣaṭ pradhāvupadhāya śeṣamaṣṭadhā vibhajet

Sanskrit only: no published translation is held for this verse.

अपरं प्रस्तारं तथोपदध्याद्यथा प्रध्यनीकेषु स्रक्तयो भवन्ति

aparaṃ prastāraṃ tathopadadhyādyathā pradhyanīkeṣu sraktayo bhavanti

Sanskrit only: no published translation is held for this verse.

अथापरः

athāparaḥ

Sanskrit only: no published translation is held for this verse.

पुरुषार्धात्पञ्चदशेनेष्टकाः समचतुरश्राः कारयेन्मानार्थाः

puruṣārdhātpañcadaśeneṣṭakāḥ samacaturaśrāḥ kārayenmānārthāḥ

Sanskrit only: no published translation is held for this verse.

तासां द्वे शते पञ्चविंशतिश्च सारत्निप्रादेशः सप्तविधः संपद्यते

tāsāṃ dve śate pañcaviṃśatiśca sāratniprādeśaḥ saptavidhaḥ saṃpadyate

Sanskrit only: no published translation is held for this verse.

तास्वन्याश्चतुःषष्टिमावपेत् । ताभिः समचतुरश्रं करोति । तस्य षोडशेष्टका पार्श्वमानी भवति । त्रयस्त्रिंशदतिशिष्यन्ते । ताभिरन्तान्सर्वशः परिचिनुयात्

tāsvanyāścatuḥṣaṣṭimāvapet | tābhiḥ samacaturaśraṃ karoti | tasya ṣoḍaśeṣṭakā pārśvamānī bhavati | trayastriṃśadatiśiṣyante | tābhirantānsarvaśaḥ paricinuyāt

Sanskrit only: no published translation is held for this verse.

नाभिः षोडश मध्यमाः । चतुःषष्टिरराश्चतुःषष्टिर्वेदिः । नेमिः शेषाः

nābhiḥ ṣoḍaśa madhyamāḥ | catuḥṣaṣṭirarāścatuḥṣaṣṭirvediḥ | nemiḥ śeṣāḥ

Sanskrit only: no published translation is held for this verse.

नाभिमन्ततः परिलिखेत् । नेमिमन्ततश्चान्तरतश्च परिलिख्य । नेमिनाभ्योरन्तरालं द्वात्रिंशद्धा विभज्य विपर्यासं भागानुद्धरेत् । एवमावाप उद्धृतो भवति

nābhimantataḥ parilikhet | nemimantataścāntarataśca parilikhya | neminābhyorantarālaṃ dvātriṃśaddhā vibhajya viparyāsaṃ bhāgānuddharet | evamāvāpa uddhṛto bhavati

Sanskrit only: no published translation is held for this verse.

नेमिं चतुःषष्टिं कृत्वा व्यवलिख्य मध्ये परिकृषेत् । ता अष्टाविंशतिशतं भवन्ति

nemiṃ catuḥṣaṣṭiṃ kṛtvā vyavalikhya madhye parikṛṣet | tā aṣṭāviṃśatiśataṃ bhavanti

Sanskrit only: no published translation is held for this verse.

अरांश्चतुर्धा चतुर्धा नाभिमष्टधा विभजेत्

arāṃścaturdhā caturdhā nābhimaṣṭadhā vibhajet

Sanskrit only: no published translation is held for this verse.

एष प्रथमः प्रस्तारः

eṣa prathamaḥ prastāraḥ

Sanskrit only: no published translation is held for this verse.

अपरस्मिन्प्रस्तारे नाभिमन्ततश्चतुर्थवेलायां परिकृषेत् । नेमिमन्तरतः

aparasminprastāre nābhimantataścaturthavelāyāṃ parikṛṣet | nemimantarataḥ

Sanskrit only: no published translation is held for this verse.

नेमिमन्तरतश्चतुःषष्टिं कृत्वा व्यवलिखेत्

nemimantarataścatuḥṣaṣṭiṃ kṛtvā vyavalikhet

Sanskrit only: no published translation is held for this verse.

अराणां पञ्चधा विभाग आपरिकर्षणयोः

arāṇāṃ pañcadhā vibhāga āparikarṣaṇayoḥ

Sanskrit only: no published translation is held for this verse.

नेम्यामन्तरालेषु द्वे द्वे नाभ्यामन्तरालेष्वेकैकां

nemyāmantarāleṣu dve dve nābhyāmantarāleṣvekaikāṃ

Sanskrit only: no published translation is held for this verse.

यच्छेषं नाभेस्तदष्टधा विभजेत्

yaccheṣaṃ nābhestadaṣṭadhā vibhajet

Sanskrit only: no published translation is held for this verse.

स एष षोडशकरणः सारो रथचक्रचित्

sa eṣa ṣoḍaśakaraṇaḥ sāro rathacakracit

Sanskrit only: no published translation is held for this verse.