Baudhāyana Śulba-sūtra 17

द्रोणचितं चिन्वीतेति विज्ञायते

droṇacitaṃ cinvīteti vijñāyate

Sanskrit only: no published translation is held for this verse.

द्वयानि तु खलु द्रोणानि भवन्ति चतुरश्राणि च परिमण्डलानि च । अविशेषात्ते मन्यामहेऽन्यतरस्याकृतिरिति

dvayāni tu khalu droṇāni bhavanti caturaśrāṇi ca parimaṇḍalāni ca | aviśeṣātte manyāmahe'nyatarasyākṛtiriti

Sanskrit only: no published translation is held for this verse.

अथाग्निं विमिमीते । चतुरश्र आत्मा भवति । तस्य त्रयः पुरुषास्त्रिभागोनाः पर्श्वमानी

athāgniṃ vimimīte | caturaśra ātmā bhavati | tasya trayaḥ puruṣāstribhāgonāḥ parśvamānī

Sanskrit only: no published translation is held for this verse.

पश्चात्त्सरुर्भवति । तस्यार्धपुरुषो दशाङ्गुलानि च प्राची । त्रिभागोनः पुरुष उदीचीति

paścāttsarurbhavati | tasyārdhapuruṣo daśāṅgulāni ca prācī | tribhāgonaḥ puruṣa udīcīti

Sanskrit only: no published translation is held for this verse.

एवं सारत्निप्रादेशः सप्तविधः संपद्यते

evaṃ sāratniprādeśaḥ saptavidhaḥ saṃpadyate

Sanskrit only: no published translation is held for this verse.

अथेष्टकानां विकाराः । पुरुषस्य षष्ठ्यस्ता एवैकतोऽध्यर्धाः । तासामर्ध्यास्तिर्यग्भेदाः पुरुषस्य चतुर्थ्य इति

atheṣṭakānāṃ vikārāḥ | puruṣasya ṣaṣṭhyastā evaikato'dhyardhāḥ | tāsāmardhyāstiryagbhedāḥ puruṣasya caturthya iti

Sanskrit only: no published translation is held for this verse.

तासां त्सरुश्रोण्यन्तरालयोः षट् षष्टीरुपधाय शेषमग्निं बृहतीभिः प्रच्छादयेत् । अर्धेष्टकाभिः संख्यां पूरयेत्

tāsāṃ tsaruśroṇyantarālayoḥ ṣaṭ ṣaṣṭīrupadhāya śeṣamagniṃ bṛhatībhiḥ pracchādayet | ardheṣṭakābhiḥ saṃkhyāṃ pūrayet

Sanskrit only: no published translation is held for this verse.

अपरस्मिन्प्रस्तारे दक्षिणेंऽसेऽध्यर्धामुदीचीमुपदध्यात् । तथोत्तरे

aparasminprastāre dakṣiṇeṃ'se'dhyardhāmudīcīmupadadhyāt | tathottare

Sanskrit only: no published translation is held for this verse.

पूर्वस्मिन्ननीके षड्भागीया उपदध्यात्

pūrvasminnanīke ṣaḍbhāgīyā upadadhyāt

Sanskrit only: no published translation is held for this verse.

दक्षिणोत्तरयोश्चतुर्भागीयाः

dakṣiṇottarayoścaturbhāgīyāḥ

Sanskrit only: no published translation is held for this verse.

त्सरोः पुरस्तात्पार्श्वयोर्द्ध्वे चतुर्भागीये उपदध्यात् । तयोरवस्तादभितो द्वे द्वे अध्यर्धे विषूची । तयोरवस्तान्मध्यदेशे द्वे षष्ठ्यौ प्राच्यौ

tsaroḥ purastātpārśvayorddhve caturbhāgīye upadadhyāt | tayoravastādabhito dve dve adhyardhe viṣūcī | tayoravastānmadhyadeśe dve ṣaṣṭhyau prācyau

Sanskrit only: no published translation is held for this verse.

शेषमग्निं बृहतीभिः प्राचीभिः प्रच्छादयेत् । अर्धेष्टकाभिः संख्यां पूरयेत्

śeṣamagniṃ bṛhatībhiḥ prācībhiḥ pracchādayet | ardheṣṭakābhiḥ saṃkhyāṃ pūrayet

Sanskrit only: no published translation is held for this verse.