Baudhāyana Śulba-sūtra 19

श्मशानचितं चिन्वीतेति विज्ञायते

śmaśānacitaṃ cinvīteti vijñāyate

Sanskrit only: no published translation is held for this verse.

सर्वमग्निं चतुरश्रान्पञ्चदश भागान्कृत्वा तेषामाख्यातमुपधानम्

sarvamagniṃ caturaśrānpañcadaśa bhāgānkṛtvā teṣāmākhyātamupadhānam

Sanskrit only: no published translation is held for this verse.

त्रिभिर्भागैर्भागार्धव्यासं दीर्घचतुरश्रं विहृत्य पूर्वस्याः करण्या मध्याच्छ्रोणी प्रत्यालिख्यान्तावुद्धरेत् । तस्य दशधा विभागः

tribhirbhāgairbhāgārdhavyāsaṃ dīrghacaturaśraṃ vihṛtya pūrvasyāḥ karaṇyā madhyācchroṇī pratyālikhyāntāvuddharet | tasya daśadhā vibhāgaḥ

Sanskrit only: no published translation is held for this verse.

तानि विंशतिः सर्वोऽग्निः संपद्यते

tāni viṃśatiḥ sarvo'gniḥ saṃpadyate

Sanskrit only: no published translation is held for this verse.

अपरस्मिन्प्रस्तारे प्रौगमध्येऽनूचीनं विभजेत् । तस्य षड्धा विभागः । ते द्वे पर्श्वयोरुपदध्यात्

aparasminprastāre praugamadhye'nūcīnaṃ vibhajet | tasya ṣaḍdhā vibhāgaḥ | te dve parśvayorupadadhyāt

Sanskrit only: no published translation is held for this verse.

भागतृतीयायामश्चतुर्थव्यासाः कारयेत् । तासामर्ध्यास्तिर्यग्भेदाः

bhāgatṛtīyāyāmaścaturthavyāsāḥ kārayet | tāsāmardhyāstiryagbhedāḥ

Sanskrit only: no published translation is held for this verse.

ता अन्तयोरुपधाय शेषमग्निं बृहतीभिः प्राचीभिः प्रच्छादयेत् । अर्धेष्टकाभिः संख्यां पूरयेत्

tā antayorupadhāya śeṣamagniṃ bṛhatībhiḥ prācībhiḥ pracchādayet | ardheṣṭakābhiḥ saṃkhyāṃ pūrayet

Sanskrit only: no published translation is held for this verse.

ऊर्ध्वप्रमाणमग्नेः पञ्चमेन वर्धयेत्

ūrdhvapramāṇamagneḥ pañcamena vardhayet

Sanskrit only: no published translation is held for this verse.

तत्सर्वं त्रेधा विभज्य द्वयोर्भागयोश्चतुर्थेन वा नवमेन वा चतुर्दशेन वेष्टकाः कारयेत्

tatsarvaṃ tredhā vibhajya dvayorbhāgayoścaturthena vā navamena vā caturdaśena veṣṭakāḥ kārayet

Sanskrit only: no published translation is held for this verse.

ताभिश्चतस्रो वा नव वा चतुर्दश वा चितिरुपधाय शेषमवाञ्चमक्ष्णयापच्छिन्द्यात् । अर्धमुद्धरेत्

tābhiścatasro vā nava vā caturdaśa vā citirupadhāya śeṣamavāñcamakṣṇayāpacchindyāt | ardhamuddharet

Sanskrit only: no published translation is held for this verse.

तस्य नित्यो विभागो यथायोगमिष्टकानां ह्रासवृद्धि

tasya nityo vibhāgo yathāyogamiṣṭakānāṃ hrāsavṛddhi

Sanskrit only: no published translation is held for this verse.