Baudhāyana Śulba-sūtra 2

नानाचतुरश्रे समस्यन्कनीयसः करण्या वर्षीयसो वृध्रमुल्लिखेत् । वृध्रस्याक्ष्णयारज्जुः समस्तयोः पार्श्वमानी भवति

nānācaturaśre samasyankanīyasaḥ karaṇyā varṣīyaso vṛdhramullikhet | vṛdhrasyākṣṇayārajjuḥ samastayoḥ pārśvamānī bhavati

Sanskrit only: no published translation is held for this verse.

चतुरश्राच्चतुरश्रं निर्जिहीर्षन्यावन्निर्जिहीर्षेत्तस्य करण्या वर्षीयसो वृध्रमुल्लिखेत् । वृध्रस्य पार्श्वमानीमक्ष्णयेतरत्पार्श्वमुपसंहरेत् । सा यत्र निपतेत्तदपच्छिन्द्यात् । छिन्नया निरस्तम्

caturaśrāccaturaśraṃ nirjihīrṣanyāvannirjihīrṣettasya karaṇyā varṣīyaso vṛdhramullikhet | vṛdhrasya pārśvamānīmakṣṇayetaratpārśvamupasaṃharet | sā yatra nipatettadapacchindyāt | chinnayā nirastam

Sanskrit only: no published translation is held for this verse.

समचतुरश्रं दीर्घचतुरश्रं चिकीर्षंस्तदक्ष्णयापच्छिद्य भागं द्वेधा विभज्य पार्श्वयोरुपदध्याद्यथायोगम्

samacaturaśraṃ dīrghacaturaśraṃ cikīrṣaṃstadakṣṇayāpacchidya bhāgaṃ dvedhā vibhajya pārśvayorupadadhyādyathāyogam

Sanskrit only: no published translation is held for this verse.

अपि वै तस्मिंश्चतुरश्रं समस्य तस्य करण्यापच्छिद्य यदतिशिष्यते तदितरत्रोपदध्यात्

api vai tasmiṃścaturaśraṃ samasya tasya karaṇyāpacchidya yadatiśiṣyate taditaratropadadhyāt

Sanskrit only: no published translation is held for this verse.

दीर्घचतुरश्रं समचतुरश्रं चिकीर्षंस्तिर्यङ्मानीं करणीं कृत्वा शेषं द्वेधा विभज्य पार्श्वयोरुपदध्यात् । खण्डमावापेन तत्संपूरयेत् । तस्य निर्हार उक्तः

dīrghacaturaśraṃ samacaturaśraṃ cikīrṣaṃstiryaṅmānīṃ karaṇīṃ kṛtvā śeṣaṃ dvedhā vibhajya pārśvayorupadadhyāt | khaṇḍamāvāpena tatsaṃpūrayet | tasya nirhāra uktaḥ

Sanskrit only: no published translation is held for this verse.

चतुरश्रमेकतोऽणिमच्चिकीर्षन्नणिमतः करणीं तिर्यङ्मानीं कृत्वा शेषमक्ष्णया विभज्य विपर्यस्येतरत्रोपदध्यात्

caturaśramekato'ṇimaccikīrṣannaṇimataḥ karaṇīṃ tiryaṅmānīṃ kṛtvā śeṣamakṣṇayā vibhajya viparyasyetaratropadadhyāt

Sanskrit only: no published translation is held for this verse.

चतुरश्रं प्रौगं चिकीर्षन्यावच्चिकीर्षेद्द्विस्तावतीं भूमिं समचतुरश्रां कृत्वा पूर्वस्याः करण्याः मध्ये शङ्कुं निहन्यात् । तस्मिन्पाशौ प्रतिमुच्य दक्षिणोत्तरयोः श्रोण्योर्निपातयेत् । बहिस्पन्द्यमपच्छिन्द्यात्

caturaśraṃ praugaṃ cikīrṣanyāvaccikīrṣeddvistāvatīṃ bhūmiṃ samacaturaśrāṃ kṛtvā pūrvasyāḥ karaṇyāḥ madhye śaṅkuṃ nihanyāt | tasminpāśau pratimucya dakṣiṇottarayoḥ śroṇyornipātayet | bahispandyamapacchindyāt

Sanskrit only: no published translation is held for this verse.

चतुरश्रमुभयतः प्रौगं चिकीर्षन्यावच्चिकीर्षेद्द्विस्तावतीं भूमिं दीर्घचतुरश्रां कृत्वा पूर्वस्याः करण्याः मध्ये शङ्कुं निहन्यात् । तस्मिन्पाशौ प्रतिमुच्य दक्षिणोत्तरयोर्मध्यदेशयोर्निपातयेत् । बहिःस्पन्द्यमपच्छिन्द्यात् । एतेनापरं प्रौगं व्याख्यातम्

caturaśramubhayataḥ praugaṃ cikīrṣanyāvaccikīrṣeddvistāvatīṃ bhūmiṃ dīrghacaturaśrāṃ kṛtvā pūrvasyāḥ karaṇyāḥ madhye śaṅkuṃ nihanyāt | tasminpāśau pratimucya dakṣiṇottarayormadhyadeśayornipātayet | bahiḥspandyamapacchindyāt | etenāparaṃ praugaṃ vyākhyātam

Sanskrit only: no published translation is held for this verse.

चतुरश्रं मण्डलं चिकीर्षन्नक्ष्णयार्धं मध्यात्प्राचीमभ्यापातयेत् । यदतिशिष्यते तस्य सह तृतीयेन मण्डलं परिलिखेत्

caturaśraṃ maṇḍalaṃ cikīrṣannakṣṇayārdhaṃ madhyātprācīmabhyāpātayet | yadatiśiṣyate tasya saha tṛtīyena maṇḍalaṃ parilikhet

Sanskrit only: no published translation is held for this verse.

मण्डलं चतुरश्रं चिकीर्षन्विष्कम्भमष्टौ भागान्कृत्वा भागमेकोनत्रिंशधा विभज्याष्टाविंशतिभागानुद्धरेत् । भागस्य च षष्ठमष्टमभागोनम्

maṇḍalaṃ caturaśraṃ cikīrṣanviṣkambhamaṣṭau bhāgānkṛtvā bhāgamekonatriṃśadhā vibhajyāṣṭāviṃśatibhāgānuddharet | bhāgasya ca ṣaṣṭhamaṣṭamabhāgonam

Sanskrit only: no published translation is held for this verse.

अपि वा पञ्चदशभागान्कृत्वा द्वावुद्धरेत् । सैषानित्या चतुरश्रकरणी

api vā pañcadaśabhāgānkṛtvā dvāvuddharet | saiṣānityā caturaśrakaraṇī

Sanskrit only: no published translation is held for this verse.

प्रमाणं तृतीयेन वर्धयेत्तच्च चतुर्थेनात्मचतुस्त्रिंशोनेन । सविशेषः

pramāṇaṃ tṛtīyena vardhayettacca caturthenātmacatustriṃśonena | saviśeṣaḥ

Sanskrit only: no published translation is held for this verse.