Baudhāyana Śulba-sūtra 20

कूर्मचितं चिन्वीत यः कामयेत ब्रह्मलोकमभिजयेयमिति । विज्ञायते

kūrmacitaṃ cinvīta yaḥ kāmayeta brahmalokamabhijayeyamiti | vijñāyate

Sanskrit only: no published translation is held for this verse.

द्वयाः खलु कूर्मा भवन्ति वक्राङ्गाश्च परिमण्डलाश्च । अविशेषात्ते मन्यामहेऽन्यतरस्याकृतिरिति

dvayāḥ khalu kūrmā bhavanti vakrāṅgāśca parimaṇḍalāśca | aviśeṣātte manyāmahe'nyatarasyākṛtiriti

Sanskrit only: no published translation is held for this verse.

अथाग्निं विमिमीते । चतुरश्र आत्मा भवति । तस्य दश प्रक्रमाः पार्श्वमानी भवति । तस्य द्वाभ्यां द्वाभ्यां प्रक्रमाभ्यां स्रक्तीनामपच्छेदः

athāgniṃ vimimīte | caturaśra ātmā bhavati | tasya daśa prakramāḥ pārśvamānī bhavati | tasya dvābhyāṃ dvābhyāṃ prakramābhyāṃ sraktīnāmapacchedaḥ

Sanskrit only: no published translation is held for this verse.

पूर्वस्मिन्ननीके प्रक्रमप्रमाणानि चत्वारि चतुरश्राणि कृत्वा तेषां ये अन्त्ये ते अक्ष्णयापच्छिन्द्यात् । एवं दक्षिणत एवं पश्चादेवमुत्तरतः । स आत्मा

pūrvasminnanīke prakramapramāṇāni catvāri caturaśrāṇi kṛtvā teṣāṃ ye antye te akṣṇayāpacchindyāt | evaṃ dakṣiṇata evaṃ paścādevamuttarataḥ | sa ātmā

Sanskrit only: no published translation is held for this verse.

शिरः पञ्चपदायाममर्धपुरुषव्यासम् । तस्यांसौ प्रक्रमेण प्रक्रमेणापच्छिन्द्यात्

śiraḥ pañcapadāyāmamardhapuruṣavyāsam | tasyāṃsau prakrameṇa prakrameṇāpacchindyāt

Sanskrit only: no published translation is held for this verse.

स्रक्त्यपच्छेदे पादानुन्नयेत् । तस्य द्विपदाक्ष्णया तिरश्ची तद्द्विगुणायाममनूची । तस्य द्विपदाक्ष्णया पूर्वमंसमपच्छिन्द्यात् । एतेनेतरेषां पादानामपच्छेदा व्याख्याताः । अपरयोः पादयोरपरावंसावपच्छिन्द्यात्

sraktyapacchede pādānunnayet | tasya dvipadākṣṇayā tiraścī taddviguṇāyāmamanūcī | tasya dvipadākṣṇayā pūrvamaṃsamapacchindyāt | etenetareṣāṃ pādānāmapacchedā vyākhyātāḥ | aparayoḥ pādayoraparāvaṃsāvapacchindyāt

Sanskrit only: no published translation is held for this verse.

एवं सारत्निप्रादेशः सप्तविधः संपद्यते

evaṃ sāratniprādeśaḥ saptavidhaḥ saṃpadyate

Sanskrit only: no published translation is held for this verse.

तस्येष्टकाः कारयेत्पुरुषस्य चतुर्थ्यस्तासामर्ध्याः पाद्याश्च

tasyeṣṭakāḥ kārayetpuruṣasya caturthyastāsāmardhyāḥ pādyāśca

Sanskrit only: no published translation is held for this verse.

अध्यर्धपाद्याश्चतुर्भिः परिगृह्णीयात्प्रक्रमेण द्वाभ्यां पदाभ्यां पदसविशेषेणेति

adhyardhapādyāścaturbhiḥ parigṛhṇīyātprakrameṇa dvābhyāṃ padābhyāṃ padasaviśeṣeṇeti

Sanskrit only: no published translation is held for this verse.

ते द्वे यथा दीर्घसंश्लिष्टे स्यातां तथैकां कारयेत्

te dve yathā dīrghasaṃśliṣṭe syātāṃ tathaikāṃ kārayet

Sanskrit only: no published translation is held for this verse.

द्विपदाक्ष्णयार्धेन समचतुरश्रामेकां

dvipadākṣṇayārdhena samacaturaśrāmekāṃ

Sanskrit only: no published translation is held for this verse.

उपधाने शिरसोऽग्रे चतुरश्रामुपदध्यात् । हंसमुख्याववस्तात्

upadhāne śiraso'gre caturaśrāmupadadhyāt | haṃsamukhyāvavastāt

Sanskrit only: no published translation is held for this verse.

पञ्च पञ्च चतुरश्रा द्वे द्वे पादेष्टके इति पादेषूपदध्यात्

pañca pañca caturaśrā dve dve pādeṣṭake iti pādeṣūpadadhyāt

Sanskrit only: no published translation is held for this verse.

यद्यदपच्छिन्नं तस्मिन्नर्धेष्टका उपदध्यात्

yadyadapacchinnaṃ tasminnardheṣṭakā upadadhyāt

Sanskrit only: no published translation is held for this verse.

शेषमग्निं चतुर्भागीयाभिः प्रच्छादयेत् । अर्धेष्टकाभिः संख्यां पूरयेत्

śeṣamagniṃ caturbhāgīyābhiḥ pracchādayet | ardheṣṭakābhiḥ saṃkhyāṃ pūrayet

Sanskrit only: no published translation is held for this verse.

अपरस्मिन्प्रस्तारे शिरसोऽग्रे हंसमुखीमुपदध्यात्पादेष्टके अभितः

aparasminprastāre śiraso'gre haṃsamukhīmupadadhyātpādeṣṭake abhitaḥ

Sanskrit only: no published translation is held for this verse.

तयोरवस्तादभितो द्वे द्वे अध्यर्ध पाद्ये विषूची

tayoravastādabhito dve dve adhyardha pādye viṣūcī

Sanskrit only: no published translation is held for this verse.

तयोरवस्तादभितश्छेदसंहिते द्वे पादेष्टके

tayoravastādabhitaśchedasaṃhite dve pādeṣṭake

Sanskrit only: no published translation is held for this verse.

द्वे द्वे द्विपदे तिस्रस्तिस्रोऽर्धेष्टका इति पादेषूपदध्यात्

dve dve dvipade tisrastisro'rdheṣṭakā iti pādeṣūpadadhyāt

Sanskrit only: no published translation is held for this verse.

यद्यदपच्छिन्नं तस्मिन्नर्धेष्टकाः पादेष्टकश्चोपदध्यात्

yadyadapacchinnaṃ tasminnardheṣṭakāḥ pādeṣṭakaścopadadhyāt

Sanskrit only: no published translation is held for this verse.

शेषमग्निं चतुर्भागीयाभिः प्रच्छादयेत्। अर्धेष्टकाभिः संख्यां पूरयेत्

śeṣamagniṃ caturbhāgīyābhiḥ pracchādayet| ardheṣṭakābhiḥ saṃkhyāṃ pūrayet

Sanskrit only: no published translation is held for this verse.