Baudhāyana Śulba-sūtra 4

प्राग्वंशः षोडशप्रक्रमायामो द्वादशव्यासोऽपि वा द्वादशप्रक्रमायामो दशव्यासः

prāgvaṃśaḥ ṣoḍaśaprakramāyāmo dvādaśavyāso'pi vā dvādaśaprakramāyāmo daśavyāsaḥ

Sanskrit only: no published translation is held for this verse.

तस्य मध्ये द्वादशिको विहारः

tasya madhye dvādaśiko vihāraḥ

Sanskrit only: no published translation is held for this verse.

त्रिंशत्पदानि प्रक्रमा वा पश्चात्तिरश्ची भवति षट्त्रिंशत्प्राची चतुर्विंशतिः पुरस्तात्तिरश्चीति महावेदेर्विज्ञायते । मानयोगस्तस्या व्याख्यातः । आहवनीयात्षट् प्रक्रमान्महावेदिः

triṃśatpadāni prakramā vā paścāttiraścī bhavati ṣaṭtriṃśatprācī caturviṃśatiḥ purastāttiraścīti mahāvedervijñāyate | mānayogastasyā vyākhyātaḥ | āhavanīyātṣaṭ prakramānmahāvediḥ

Sanskrit only: no published translation is held for this verse.

तत एकस्मिन्सदः । तद्दशकम् । उदक् सप्तविंशत्यरत्नयः । अष्टादशेत्येकेषाम्

tata ekasminsadaḥ | taddaśakam | udak saptaviṃśatyaratnayaḥ | aṣṭādaśetyekeṣām

Sanskrit only: no published translation is held for this verse.

ततश्चतुर्षु हविर्धानम् । तद्दशकं द्वादशकं वा मानयोगस्तयोर्व्याख्यातः

tataścaturṣu havirdhānam | taddaśakaṃ dvādaśakaṃ vā mānayogastayorvyākhyātaḥ

Sanskrit only: no published translation is held for this verse.

यूपावटीयाच्छङ्कोरर्धप्रक्रममवशिष्योत्तरवेदिं विमिमीते । दशपदोत्तरवेदिर्भवतीति सोमे विज्ञायते । मानयोगस्तस्या व्याख्यातः

yūpāvaṭīyācchaṅkorardhaprakramamavaśiṣyottaravediṃ vimimīte | daśapadottaravedirbhavatīti some vijñāyate | mānayogastasyā vyākhyātaḥ

Sanskrit only: no published translation is held for this verse.

चात्वालः शम्यामात्रोऽपरिमितो वा

cātvālaḥ śamyāmātro'parimito vā

Sanskrit only: no published translation is held for this verse.

अथोपरवाः प्रादेशमुखाः प्रादेशान्तरालाः । अरत्निमात्रं समचतुरश्रं विहृत्य स्रक्तिषु शङ्कून्निहन्यात् । अर्धप्रादेशेनार्धप्रादेशेनैकैकं मण्डलं परिलिखेत्

athoparavāḥ prādeśamukhāḥ prādeśāntarālāḥ | aratnimātraṃ samacaturaśraṃ vihṛtya sraktiṣu śaṅkūnnihanyāt | ardhaprādeśenārdhaprādeśenaikaikaṃ maṇḍalaṃ parilikhet

Sanskrit only: no published translation is held for this verse.

सदसः पूर्वार्धाद्द्विप्रक्रममवशिष्य धिष्ण्यानां द्विप्रादेशो विष्कम्भस्तथान्तरालाः

sadasaḥ pūrvārdhāddviprakramamavaśiṣya dhiṣṇyānāṃ dviprādeśo viṣkambhastathāntarālāḥ

Sanskrit only: no published translation is held for this verse.

आग्नीध्रागारस्य पार्श्वमानी पञ्चारत्निः

āgnīdhrāgārasya pārśvamānī pañcāratniḥ

Sanskrit only: no published translation is held for this verse.

एतेन मार्जालीयो व्याख्यातः । तस्योदीचीं द्वारं कुर्वन्ति

etena mārjālīyo vyākhyātaḥ | tasyodīcīṃ dvāraṃ kurvanti

Sanskrit only: no published translation is held for this verse.

रथाक्षान्तराला यूपावटा भवन्तीत्येकादशिन्यां विज्ञायते । तस्या दशानां च रथाक्षाणामेकादशानां च पदानामष्टाङ्गुलस्य च चतुर्विंशं भागमाददीत । स प्रक्रमः स्यात् । तेन वेदिं विमिमीते

rathākṣāntarālā yūpāvaṭā bhavantītyekādaśinyāṃ vijñāyate | tasyā daśānāṃ ca rathākṣāṇāmekādaśānāṃ ca padānāmaṣṭāṅgulasya ca caturviṃśaṃ bhāgamādadīta | sa prakramaḥ syāt | tena vediṃ vimimīte

Sanskrit only: no published translation is held for this verse.

अथाश्वमेधे विंशत्याश्च रथाक्षाणामेकविंशत्याश्च पदानामष्टाङ्गुलस्य च चतुर्विंशं भागमाददीत । स प्रक्रमः स्यात् । तेन वेदिं विमिमीते

athāśvamedhe viṃśatyāśca rathākṣāṇāmekaviṃśatyāśca padānāmaṣṭāṅgulasya ca caturviṃśaṃ bhāgamādadīta | sa prakramaḥ syāt | tena vediṃ vimimīte

Sanskrit only: no published translation is held for this verse.

अथ प्राच्येकादशिन्यां यूपार्थं वेदेः पूर्वार्धात्पदार्धव्यासमपच्छिद्य तत्पुरस्तात्प्राञ्चं दध्यात् । नात्राष्टाङ्गुलं विद्यते । न व्यतिषङ्गः

atha prācyekādaśinyāṃ yūpārthaṃ vedeḥ pūrvārdhātpadārdhavyāsamapacchidya tatpurastātprāñcaṃ dadhyāt | nātrāṣṭāṅgulaṃ vidyate | na vyatiṣaṅgaḥ

Sanskrit only: no published translation is held for this verse.

यूपावटाः पदविष्कम्भास्त्रिपदपरिणाहानि यूपोपराणीति

yūpāvaṭāḥ padaviṣkambhāstripadapariṇāhāni yūpoparāṇīti

Sanskrit only: no published translation is held for this verse.