Baudhāyana Śulba-sūtra 6

पशुधर्मो ह वा अग्निः । यथा ह वै पशोर्दक्षिणेषामस्थ्नां यद्दक्षिणं पार्श्वं तदुत्तरेषामुत्तरं यदुत्तरेषां दक्षिणं तद्दक्षिणेषामुत्तरं यदवाक् चोर्ध्वं च तत्समानमेवमिष्टकानां रूपाण्युपदध्यात्

paśudharmo ha vā agniḥ | yathā ha vai paśordakṣiṇeṣāmasthnāṃ yaddakṣiṇaṃ pārśvaṃ taduttareṣāmuttaraṃ yaduttareṣāṃ dakṣiṇaṃ taddakṣiṇeṣāmuttaraṃ yadavāk cordhvaṃ ca tatsamānamevamiṣṭakānāṃ rūpāṇyupadadhyāt

Sanskrit only: no published translation is held for this verse.

या दक्षिणावृतो लेखास्ता दक्षिणत उपदध्यात् सव्यावृत उत्तरतः । ऋजुलेखाः पश्चाच्च पुरस्ताच्च भवन्ति । त्र्यालिखिता मध्ये । अथ या विशयस्था यथा ह वै पशोः पृष्ठवंशो नैवैकस्मिन्पार्श्वे व्यतिरेकेण वर्तते नैवापरस्मिन्नेवं तासामुपधानं प्रतीयात्

yā dakṣiṇāvṛto lekhāstā dakṣiṇata upadadhyāt savyāvṛta uttarataḥ | ṛjulekhāḥ paścācca purastācca bhavanti | tryālikhitā madhye | atha yā viśayasthā yathā ha vai paśoḥ pṛṣṭhavaṃśo naivaikasminpārśve vyatirekeṇa vartate naivāparasminnevaṃ tāsāmupadhānaṃ pratīyāt

Sanskrit only: no published translation is held for this verse.

अथापि ब्राह्मणं भवति । प्रजापतिर्वा अथर्वाग्निरेव दध्यङ्ङाथर्वणस्तस्येष्टका अस्थानीति

athāpi brāhmaṇaṃ bhavati | prajāpatirvā atharvāgnireva dadhyaṅṅātharvaṇastasyeṣṭakā asthānīti

Sanskrit only: no published translation is held for this verse.

तस्माद् बहिस्तन्वं चेच्चिनुयात्तन्वोपप्लवमध्यैरात्मोपप्लवमध्यात् संदध्यात्

tasmād bahistanvaṃ ceccinuyāttanvopaplavamadhyairātmopaplavamadhyāt saṃdadhyāt

Sanskrit only: no published translation is held for this verse.

प्राञ्चमेनं चिनुत इति विज्ञायते

prāñcamenaṃ cinuta iti vijñāyate

Sanskrit only: no published translation is held for this verse.

अमृन्मयीभिरनिष्टकाभिर्न संख्यां पूरयेत्

amṛnmayībhiraniṣṭakābhirna saṃkhyāṃ pūrayet

Sanskrit only: no published translation is held for this verse.

इष्टकचिद्वा अन्योऽग्निः पशुचिदन्य इत्येतस्माद्ब्राह्मणात्

iṣṭakacidvā anyo'gniḥ paśucidanya ityetasmādbrāhmaṇāt

Sanskrit only: no published translation is held for this verse.

पशुर्वा एष यदग्निर्योनिः खलु वा एषा पशोर्विक्रियते यत्प्राचीनमैष्टाकाद्यजुः क्रियत इति च

paśurvā eṣa yadagniryoniḥ khalu vā eṣā paśorvikriyate yatprācīnamaiṣṭākādyajuḥ kriyata iti ca

Sanskrit only: no published translation is held for this verse.

लोकबाधीनि द्रव्याण्यवटेषूपदध्यात्

lokabādhīni dravyāṇyavaṭeṣūpadadhyāt

Sanskrit only: no published translation is held for this verse.

मण्डलमृषभं विकर्णीमितीष्टकासु लक्ष्माणि प्रतीयात्

maṇḍalamṛṣabhaṃ vikarṇīmitīṣṭakāsu lakṣmāṇi pratīyāt

Sanskrit only: no published translation is held for this verse.

इष्टकामन्त्रयोरिष्टकाव्यतिरेके लोकंपृणाः संप्रद्यन्ते परिमाणाभावात्

iṣṭakāmantrayoriṣṭakāvyatireke lokaṃpṛṇāḥ saṃpradyante parimāṇābhāvāt

Sanskrit only: no published translation is held for this verse.

अतीतानेव वेष्टकागणानत्रोपदध्यात्

atītāneva veṣṭakāgaṇānatropadadhyāt

Sanskrit only: no published translation is held for this verse.

पञ्च लोकंपृणाः

pañca lokaṃpṛṇāḥ

Sanskrit only: no published translation is held for this verse.

मन्त्रव्यतिरेकेऽक्ताः शर्कराः संधिषूपदध्यात्

mantravyatireke'ktāḥ śarkarāḥ saṃdhiṣūpadadhyāt

Sanskrit only: no published translation is held for this verse.

प्राचीरुपदधाति प्रतीचीरुपदधातीति गणेषु रीतिवादः

prācīrupadadhāti pratīcīrupadadhātīti gaṇeṣu rītivādaḥ

Sanskrit only: no published translation is held for this verse.

प्राचीमुपदधाति प्रतीचीमुपदधातीति कर्तुर्मुखवादः

prācīmupadadhāti pratīcīmupadadhātīti karturmukhavādaḥ

Sanskrit only: no published translation is held for this verse.

पुरस्तादन्याः प्रतीचीरुपदधाति पश्चादन्याः प्राचीरित्यपवर्गः

purastādanyāḥ pratīcīrupadadhāti paścādanyāḥ prācīrityapavargaḥ

Sanskrit only: no published translation is held for this verse.

चतुरश्रास्वेवैतदुपपद्यते

caturaśrāsvevaitadupapadyate

Sanskrit only: no published translation is held for this verse.