Baudhāyana Śulba-sūtra 8

अथ वै भवति श्येनचितं चिन्वीत सुवर्गकाम इति

atha vai bhavati śyenacitaṃ cinvīta suvargakāma iti

Sanskrit only: no published translation is held for this verse.

आकृतिद्वैविध्यम् । चतुराश्रात्मा श्येनाकृतिश्च

ākṛtidvaividhyam | caturāśrātmā śyenākṛtiśca

Sanskrit only: no published translation is held for this verse.

विज्ञायते उभयं ब्राह्मणम्

vijñāyate ubhayaṃ brāhmaṇam

Sanskrit only: no published translation is held for this verse.

पञ्च दक्षिणायां श्रोण्यामुपदधाति पञ्चोत्तरस्याम् । बस्तो वय इति दक्षिणेंऽस उपदधाति । वृष्णिर्वय इत्युत्तरे । व्याघ्रो वय इति दक्षिणे पक्ष उपदधाति । सिंहो वय इत्युत्तरे पुरुषो वय इति मध्य इति च

pañca dakṣiṇāyāṃ śroṇyāmupadadhāti pañcottarasyām | basto vaya iti dakṣiṇeṃ'sa upadadhāti | vṛṣṇirvaya ityuttare | vyāghro vaya iti dakṣiṇe pakṣa upadadhāti | siṃho vaya ityuttare puruṣo vaya iti madhya iti ca

Sanskrit only: no published translation is held for this verse.

अथापरं वयसां वा एष प्रतिमया चीयते यदग्निरिति । उत्पततां छाययेत्यर्थः

athāparaṃ vayasāṃ vā eṣa pratimayā cīyate yadagniriti | utpatatāṃ chāyayetyarthaḥ

Sanskrit only: no published translation is held for this verse.

समचतुरश्राभिरग्निं चिनुते दैव्यस्य च मानुषस्य च व्यावृत्त्या इति मैत्रायणीयब्राह्मणं भवति

samacaturaśrābhiragniṃ cinute daivyasya ca mānuṣasya ca vyāvṛttyā iti maitrāyaṇīyabrāhmaṇaṃ bhavati

Sanskrit only: no published translation is held for this verse.

तस्येष्टकाः कारयेत् पुरुषस्य चतुर्थेन पञ्चमेन षष्ठेन दशमेनेति

tasyeṣṭakāḥ kārayet puruṣasya caturthena pañcamena ṣaṣṭhena daśameneti

Sanskrit only: no published translation is held for this verse.

अथाग्निं विमिमीते

athāgniṃ vimimīte

Sanskrit only: no published translation is held for this verse.

यावान्पुरुष ऊर्ध्वबाहुस्तावदन्तराले वेणोश्छिद्रे करोति । मध्ये तृतीयं । यदमुत्र स्पन्द्यया करोति तदिह वेणुना करोति

yāvānpuruṣa ūrdhvabāhustāvadantarāle veṇośchidre karoti | madhye tṛtīyaṃ | yadamutra spandyayā karoti tadiha veṇunā karoti

Sanskrit only: no published translation is held for this verse.

तस्यात्मा समचतुरश्रश्चत्वारः पुरुषाः । पक्षः समचतुरश्रः पुरुषः । स तु दक्षिणतोऽरत्निना द्राघीयान् । एतेनोत्तरः पक्षो व्याख्यातः । पुच्छः समचतुरश्रः पुरुषः । तमवस्तात्प्रादेशेन वर्धयेत् । एवं सारत्नि प्रादेशा सप्तविधः संप्रद्यतः

tasyātmā samacaturaśraścatvāraḥ puruṣāḥ | pakṣaḥ samacaturaśraḥ puruṣaḥ | sa tu dakṣiṇato'ratninā drāghīyān | etenottaraḥ pakṣo vyākhyātaḥ | pucchaḥ samacaturaśraḥ puruṣaḥ | tamavastātprādeśena vardhayet | evaṃ sāratni prādeśā saptavidhaḥ saṃpradyataḥ

Sanskrit only: no published translation is held for this verse.

उपधाने पक्षाग्रादुत्तरतः पुरुषतृतीयवेलायां चतस्रः पञ्चम्यस्तासामभितो द्वे द्वे पादेष्टके ततोऽष्टौ चतुर्थ्यः । पक्षशेषं षड्भागीयाभिः प्रच्छादयेत् । एतेनोत्तरः पक्षो व्याख्यातः

upadhāne pakṣāgrāduttarataḥ puruṣatṛtīyavelāyāṃ catasraḥ pañcamyastāsāmabhito dve dve pādeṣṭake tato'ṣṭau caturthyaḥ | pakṣaśeṣaṃ ṣaḍbhāgīyābhiḥ pracchādayet | etenottaraḥ pakṣo vyākhyātaḥ

Sanskrit only: no published translation is held for this verse.

पूर्वापरयोः पुच्छपार्श्वयोश्चतुर्भागीया उपदध्यात् । दक्षिणोत्तरयोः पादेष्टकाः । शेषमग्निं पञ्चमभागीयाभिः प्रच्छादयेत्

pūrvāparayoḥ pucchapārśvayoścaturbhāgīyā upadadhyāt | dakṣiṇottarayoḥ pādeṣṭakāḥ | śeṣamagniṃ pañcamabhāgīyābhiḥ pracchādayet

Sanskrit only: no published translation is held for this verse.

एष द्विशतः प्रस्तारः

eṣa dviśataḥ prastāraḥ

Sanskrit only: no published translation is held for this verse.

अपरस्मिन्प्रस्तारे पक्षाग्रादुत्तरतोऽर्धव्यायामवेलायां तिस्रस्तिस्रः षष्ठ्यो द्वे द्वे द्विपदे इति विपर्यासमुपदध्यात् । तथोत्तरे

aparasminprastāre pakṣāgrāduttarato'rdhavyāyāmavelāyāṃ tisrastisraḥ ṣaṣṭhyo dve dve dvipade iti viparyāsamupadadhyāt | tathottare

Sanskrit only: no published translation is held for this verse.

दक्षिणस्यां श्रोण्यां नव षष्ठ्यश्चतुरश्रकृताः । तथोत्तरस्याम्

dakṣiṇasyāṃ śroṇyāṃ nava ṣaṣṭhyaścaturaśrakṛtāḥ | tathottarasyām

Sanskrit only: no published translation is held for this verse.

नव नव षष्ठ्यो द्वे द्वे दिपदे इति दक्षिणादंसादुत्तरादंसाद्विपर्यासमुपदध्यात्

nava nava ṣaṣṭhyo dve dve dipade iti dakṣiṇādaṃsāduttarādaṃsādviparyāsamupadadhyāt

Sanskrit only: no published translation is held for this verse.

शेषमग्निं पञ्चमभागीयाभिः प्रच्छादयेत्

śeṣamagniṃ pañcamabhāgīyābhiḥ pracchādayet

Sanskrit only: no published translation is held for this verse.

एष द्विशतः प्रस्तारो व्यत्यासं चिनुयाद्यावतः प्रस्तारांश्चिकीर्षेत्

eṣa dviśataḥ prastāro vyatyāsaṃ cinuyādyāvataḥ prastārāṃścikīrṣet

Sanskrit only: no published translation is held for this verse.