Library·Bharavi: Kiratarjuniya·17
अथापदाम् उद्धरणक्षमेषु मित्रेष्व् इवास्त्रेषु तिरोहितेषु । धृतिं गुरुश्रीर् गुरुणाभिपुष्यन् स्वपौरुषेणेव शरासनेन
athāpadām uddharaṇakṣameṣu mitreṣv ivāstreṣu tirohiteṣu / dhṛtiṃ guruśrīr guruṇābhipuṣyan svapauruṣeṇeva śarāsanena
Sanskrit only: no published translation is held for this verse.
भूरिप्रभावेण रणाभियोगात् प्रीतो विजिह्मश् च तदीयवृद्ध्या । स्पष्टो ऽप्य् अविस्पष्टवपुःप्रकाशः सर्पन्महाधूम इवाद्रिवह्निः
bhūriprabhāveṇa raṇābhiyogāt prīto vijihmaś ca tadīyavṛddhyā / spaṣṭo 'py avispaṣṭavapuḥprakāśaḥ sarpanmahādhūma ivādrivahniḥ
Sanskrit only: no published translation is held for this verse.
तेजः समाश्रित्य परैर् अहार्यं निजं महन्मित्रम् इवोरुधैर्यम् । आसादयन्न् अस्खलितस्वभावं भीमे भुजालम्बम् इवारिदुर्गे
tejaḥ samāśritya parair ahāryaṃ nijaṃ mahanmitram ivorudhairyam / āsādayann askhalitasvabhāvaṃ bhīme bhujālambam ivāridurge
Sanskrit only: no published translation is held for this verse.
वंशोचितत्वाद् अभिमानवत्या सम्प्राप्तया सम्प्रियताम् असुभ्यः । समक्षम् आदित्सितया परेण वध्वेव कीर्त्या परितप्यमानः
vaṃśocitatvād abhimānavatyā samprāptayā sampriyatām asubhyaḥ / samakṣam āditsitayā pareṇa vadhveva kīrtyā paritapyamānaḥ
Sanskrit only: no published translation is held for this verse.
पतिं नगानाम् इव बद्धमूलम् उन्मूलयिष्यंस् तरसा विपक्षम् । लघुप्रयत्नं निगृहीतवीर्यस् त्रिमार्गगावेग इवेश्वरेण
patiṃ nagānām iva baddhamūlam unmūlayiṣyaṃs tarasā vipakṣam / laghuprayatnaṃ nigṛhītavīryas trimārgagāvega iveśvareṇa
Sanskrit only: no published translation is held for this verse.
संस्कारवत्त्वाद् रमयत्सु चेतः प्रयोगशिक्षागुणभूषणेषु । जयं यथार्थेषु शरेषु पार्थः शब्देषु भावार्थम् इवाशशंसे
saṃskāravattvād ramayatsu cetaḥ prayogaśikṣāguṇabhūṣaṇeṣu / jayaṃ yathārtheṣu śareṣu pārthaḥ śabdeṣu bhāvārtham ivāśaśaṃse
Sanskrit only: no published translation is held for this verse.
भूयः समाधानविवृद्धतेजा नैवं पुरा युद्धम् इति व्यथावान् । स निर्ववामास्रम् अमर्षनुन्नं विषं महानाग इवेक्षणाभ्याम्
bhūyaḥ samādhānavivṛddhatejā naivaṃ purā yuddham iti vyathāvān / sa nirvavāmāsram amarṣanunnaṃ viṣaṃ mahānāga ivekṣaṇābhyām
Sanskrit only: no published translation is held for this verse.
तस्याहवायासविलोलमौलेः संरम्भताम्रायतलोचनस्य । निर्वापयिष्यन्न् इव रोषतप्तं प्रस्नापयामास मुखं निदाघः
tasyāhavāyāsavilolamauleḥ saṃrambhatāmrāyatalocanasya / nirvāpayiṣyann iva roṣataptaṃ prasnāpayāmāsa mukhaṃ nidāghaḥ
Sanskrit only: no published translation is held for this verse.
क्रोधान्धकारान्तरितो रणाय भ्रूभेदरेखाः स बभार तिस्रः । घनोपरुद्धः प्रभवाय वृष्टेर् ऊर्ध्वांशुराजीर् इव तिग्मरश्मिः
krodhāndhakārāntarito raṇāya bhrūbhedarekhāḥ sa babhāra tisraḥ / ghanoparuddhaḥ prabhavāya vṛṣṭer ūrdhvāṃśurājīr iva tigmaraśmiḥ
Sanskrit only: no published translation is held for this verse.
स प्रध्वनय्याम्बुदनादि चापं हस्तेन दिङ्नाग इवाद्रिशृङ्गम् । बलानि शम्भोर् इषुभिस् तताप चेतांसि चिन्ताभिर् इवाशरीरः
sa pradhvanayyāmbudanādi cāpaṃ hastena diṅnāga ivādriśṛṅgam / balāni śambhor iṣubhis tatāpa cetāṃsi cintābhir ivāśarīraḥ
Sanskrit only: no published translation is held for this verse.
सद्वादितेवाभिनिविष्टबुद्धौ गुणाभ्यसूयेव विपक्षपाते । अगोचरे वाग् इव चोपरेमे शक्तिः शराणां शितिकण्ठकाये
sadvāditevābhiniviṣṭabuddhau guṇābhyasūyeva vipakṣapāte / agocare vāg iva copareme śaktiḥ śarāṇāṃ śitikaṇṭhakāye
Sanskrit only: no published translation is held for this verse.
उमापतिं पाण्डुसुतप्रणुन्नाः शिलीमुखा न व्यथयांबभूवुः । अभ्युत्थितस्याद्रिपतेर् नितम्बम् अर्कस्य पादा इव हैमनस्य
umāpatiṃ pāṇḍusutapraṇunnāḥ śilīmukhā na vyathayāṃbabhūvuḥ / abhyutthitasyādripater nitambam arkasya pādā iva haimanasya
Sanskrit only: no published translation is held for this verse.
सम्प्रीयमाणो ऽनुबभूव तीव्रं पराक्रमं तस्य पतिर् गणानाम् । विषाणभेदं हिमवान् असह्यं वप्रानतस्येव सुरद्विपस्य
samprīyamāṇo 'nubabhūva tīvraṃ parākramaṃ tasya patir gaṇānām / viṣāṇabhedaṃ himavān asahyaṃ vaprānatasyeva suradvipasya
Sanskrit only: no published translation is held for this verse.
तस्मै हि भारोद्धरणे समर्थं प्रदास्यता बाहुम् इव प्रतापम् । चिरं विषेहे ऽभिभवस् तदानीं स कारणानाम् अपि कारणेन
tasmai hi bhāroddharaṇe samarthaṃ pradāsyatā bāhum iva pratāpam / ciraṃ viṣehe 'bhibhavas tadānīṃ sa kāraṇānām api kāraṇena
Sanskrit only: no published translation is held for this verse.
प्रत्याहतौजाः कृतसत्त्ववेगः पराक्रमं ज्यायसि यस् तनोति । तेजांसि भानोर् इव निष्पतन्ति यशांसि वीर्यज्वलितानि तस्य
pratyāhataujāḥ kṛtasattvavegaḥ parākramaṃ jyāyasi yas tanoti / tejāṃsi bhānor iva niṣpatanti yaśāṃsi vīryajvalitāni tasya
Sanskrit only: no published translation is held for this verse.
दृष्टावदानाद् व्यथते ऽरिलोकः प्रध्वंसम् एति व्यथिताच् च तेजः । तेजोविहीनं विजहाति दर्पः शान्तार्चिषं दीपम् इव प्रकाशः
dṛṣṭāvadānād vyathate 'rilokaḥ pradhvaṃsam eti vyathitāc ca tejaḥ / tejovihīnaṃ vijahāti darpaḥ śāntārciṣaṃ dīpam iva prakāśaḥ
Sanskrit only: no published translation is held for this verse.
ततः प्रयात्यस्तमदावलेपः स जय्यतायाः पदवीं जिगीषोः । गन्धेन जेतुः प्रमुखागतस्य प्रतिद्विपस्येव मतङ्गजौघः
tataḥ prayātyastamadāvalepaḥ sa jayyatāyāḥ padavīṃ jigīṣoḥ / gandhena jetuḥ pramukhāgatasya pratidvipasyeva mataṅgajaughaḥ
Sanskrit only: no published translation is held for this verse.
एवं प्रतिद्वन्द्विषु तस्य कीर्तिं मौलीन्दुलेखाविशदां विधास्यन् । इयेष पर्यायजयावसादां रणक्रियां शम्भुर् अनुक्रमेण
evaṃ pratidvandviṣu tasya kīrtiṃ maulīndulekhāviśadāṃ vidhāsyan / iyeṣa paryāyajayāvasādāṃ raṇakriyāṃ śambhur anukrameṇa
Sanskrit only: no published translation is held for this verse.
मुनेर् विचित्रैर् इषुभिः स भूयान् निन्ये वशं भूतपतेर् बलौघः । सहात्मलाभेन समुत्पतद्भिर् जातिस्वभावैर् इव जीवलोकः
muner vicitrair iṣubhiḥ sa bhūyān ninye vaśaṃ bhūtapater balaughaḥ / sahātmalābhena samutpatadbhir jātisvabhāvair iva jīvalokaḥ
Sanskrit only: no published translation is held for this verse.
वितन्वतस् तस्य शरान्धकारं त्रस्तानि सैन्यानि रवं निशेमुः । प्रवर्षतः संततवेपथूनि क्षपाघनस्येव गवां कुलानि
vitanvatas tasya śarāndhakāraṃ trastāni sainyāni ravaṃ niśemuḥ / pravarṣataḥ saṃtatavepathūni kṣapāghanasyeva gavāṃ kulāni
Sanskrit only: no published translation is held for this verse.
स सायकान् साध्वसविप्लुतानां क्षिपन् परेषाम् अतिसौष्ठवेन । शशीव दोषावृतलोचनानां विभिद्यमानः पृथग् आबभासे
sa sāyakān sādhvasaviplutānāṃ kṣipan pareṣām atisauṣṭhavena / śaśīva doṣāvṛtalocanānāṃ vibhidyamānaḥ pṛthag ābabhāse
Sanskrit only: no published translation is held for this verse.
क्षोभेण तेनाथ गणाधिपानां भेदं ययव् आकृतिर् ईश्वरस्य । तरङ्गकम्पेन महाह्रदानां छायामयस्येव दिनस्य कर्तुः
kṣobheṇa tenātha gaṇādhipānāṃ bhedaṃ yayav ākṛtir īśvarasya / taraṅgakampena mahāhradānāṃ chāyāmayasyeva dinasya kartuḥ
Sanskrit only: no published translation is held for this verse.
प्रसेदिवांसं न तम् आप कोपः कुतः परस्मिन् पुरुषे विकारः । आकारवैषम्यम् इदं च भेजे दुर्लक्ष्यचिह्ना महतां हि वृत्तिः
prasedivāṃsaṃ na tam āpa kopaḥ kutaḥ parasmin puruṣe vikāraḥ / ākāravaiṣamyam idaṃ ca bheje durlakṣyacihnā mahatāṃ hi vṛttiḥ
Sanskrit only: no published translation is held for this verse.
विस्फार्यमाणस्य ततो भुजाभ्यां भूतानि भर्त्रा धनुर् अन्तकस्य । भिन्नाकृतिं ज्यां ददृशुः स्फुरन्तीं क्रुद्धस्य जिह्वाम् इव तक्षकस्य
visphāryamāṇasya tato bhujābhyāṃ bhūtāni bhartrā dhanur antakasya / bhinnākṛtiṃ jyāṃ dadṛśuḥ sphurantīṃ kruddhasya jihvām iva takṣakasya
Sanskrit only: no published translation is held for this verse.
स्व्यापसव्यध्वनितोग्रचापं पार्थः किराताधिपम् आशशङ्के । पर्यायसम्पादितकर्णतालं यन्ता गजं व्यालम् इवापराद्धः
svyāpasavyadhvanitogracāpaṃ pārthaḥ kirātādhipam āśaśaṅke / paryāyasampāditakarṇatālaṃ yantā gajaṃ vyālam ivāparāddhaḥ
Sanskrit only: no published translation is held for this verse.
निजघ्निरे तस्य हरेषुजालैः पतन्ति वृन्दानि शिलीमुखानाम् । ऊर्जस्विभिः सिन्धुमुखागतानि यादांसि यादोभिर् इवाम्बुराशेः
nijaghnire tasya hareṣujālaiḥ patanti vṛndāni śilīmukhānām / ūrjasvibhiḥ sindhumukhāgatāni yādāṃsi yādobhir ivāmburāśeḥ
Sanskrit only: no published translation is held for this verse.
विभेदम् अन्तः पदवीनिरोधं विध्वंसनं चाविदितप्रयोगः । नेतारिलोकेषु करोति यद् यत् तत् तच् चकारास्य शरेषु शम्भुः
vibhedam antaḥ padavīnirodhaṃ vidhvaṃsanaṃ cāviditaprayogaḥ / netārilokeṣu karoti yad yat tat tac cakārāsya śareṣu śambhuḥ
Sanskrit only: no published translation is held for this verse.
सोढावगीतप्रथमायुधस्य क्रोधोज्झितैर् वेगितया पतद्भिः । छिन्नैर् अपि त्रासितवाहिनीकैः पेते कृतार्थैर् इव तस्य बाणैः
soḍhāvagītaprathamāyudhasya krodhojjhitair vegitayā patadbhiḥ / chinnair api trāsitavāhinīkaiḥ pete kṛtārthair iva tasya bāṇaiḥ
Sanskrit only: no published translation is held for this verse.
अलंकृतानाम् ऋजुतागुणेन गुरूपदिष्टां गतिम् आस्थितानाम् । सताम् इवापर्वणि मार्गणानां भङ्गः स जिष्णोर् धृतिम् उन्ममाथ
alaṃkṛtānām ṛjutāguṇena gurūpadiṣṭāṃ gatim āsthitānām / satām ivāparvaṇi mārgaṇānāṃ bhaṅgaḥ sa jiṣṇor dhṛtim unmamātha
Sanskrit only: no published translation is held for this verse.
बाणच्छिदस् ते विशिखाः स्मरारेर् अवाङ्मुखीभूतफलाः पतन्तः । अखण्डितं पाण्डवसायकेभ्यः कृतस्य सद्यः प्रतिकारम् आपुः
bāṇacchidas te viśikhāḥ smarārer avāṅmukhībhūtaphalāḥ patantaḥ / akhaṇḍitaṃ pāṇḍavasāyakebhyaḥ kṛtasya sadyaḥ pratikāram āpuḥ
Sanskrit only: no published translation is held for this verse.
चित्रीयमाणान् अतिलाघवेन प्रमाथिनस् तान् भवमार्गणानाम् । समाकुलाया निचखान दूरं बाणान् ध्वजिन्या हृदयेष्व् अरातिः
citrīyamāṇān atilāghavena pramāthinas tān bhavamārgaṇānām / samākulāyā nicakhāna dūraṃ bāṇān dhvajinyā hṛdayeṣv arātiḥ
Sanskrit only: no published translation is held for this verse.
तस्यातियत्नाद् अतिरिच्यमाने पराक्रमे ऽन्योन्यविशेषणेन । हन्ता पुरां भूरि पृषत्कवर्षं निरास नैदाघ इवाम्बु मेघः
tasyātiyatnād atiricyamāne parākrame 'nyonyaviśeṣaṇena / hantā purāṃ bhūri pṛṣatkavarṣaṃ nirāsa naidāgha ivāmbu meghaḥ
Sanskrit only: no published translation is held for this verse.
अनामृशन्तः क्वचिद् एव मर्म प्रियैषिणानुप्रहिताः शिवेन । सुहृत्प्रयुक्ता इव नर्मवादाः शरा मुनेः प्रीतिकरा बभूवुः
anāmṛśantaḥ kvacid eva marma priyaiṣiṇānuprahitāḥ śivena / suhṛtprayuktā iva narmavādāḥ śarā muneḥ prītikarā babhūvuḥ
Sanskrit only: no published translation is held for this verse.
अस्त्रैः समानाम् अतिरेकिणीं वा पश्यनीषूणाम् अपि तस्य शक्तिम् । विषादवक्तव्यबलः प्रमाथी स्वम् आललम्बे बलम् इन्दुमौलिः
astraiḥ samānām atirekiṇīṃ vā paśyanīṣūṇām api tasya śaktim / viṣādavaktavyabalaḥ pramāthī svam ālalambe balam indumauliḥ
Sanskrit only: no published translation is held for this verse.
तपस् तपोवीर्यसमुद्धतस्य पारं यियासोः समरार्णवस्य । महेषुजालान्य् अखिलानि जिष्णोर् अर्कः पयांसीव समाचचाम
tapas tapovīryasamuddhatasya pāraṃ yiyāsoḥ samarārṇavasya / maheṣujālāny akhilāni jiṣṇor arkaḥ payāṃsīva samācacāma
Sanskrit only: no published translation is held for this verse.
रिक्ते सविस्रम्भम् अथ्+अर्जुनस्य निषङ्गवक्त्रे निपतात पाणिः । अन्यद्विपापीतजले सतर्षं मतङ्गजस्येव नगाश्मरन्ध्रे
rikte savisrambham ath+arjunasya niṣaṅgavaktre nipatāta pāṇiḥ / anyadvipāpītajale satarṣaṃ mataṅgajasyeva nagāśmarandhre
Sanskrit only: no published translation is held for this verse.
च्युते स तस्मिन्न् इषुधौ शरार्थाद् ध्वस्तार्थसारे सहसेव बन्धौ । तत्कालमोघप्रणयः प्रपेदे निर्वाच्यताकाम इवाभिमुख्यम्
cyute sa tasminn iṣudhau śarārthād dhvastārthasāre sahaseva bandhau / tatkālamoghapraṇayaḥ prapede nirvācyatākāma ivābhimukhyam
Sanskrit only: no published translation is held for this verse.
आघट्टयामास गतागताभ्यां सावेगम् अग्राङ्गुलिर् अस्य तूणौ । विधेयमार्गे मतिर् उत्सुकस्य नयप्रयोगाव् इव गां जिगीषोः
āghaṭṭayāmāsa gatāgatābhyāṃ sāvegam agrāṅgulir asya tūṇau / vidheyamārge matir utsukasya nayaprayogāv iva gāṃ jigīṣoḥ
Sanskrit only: no published translation is held for this verse.
बभार शून्याकृतिर् अर्जुनस् तौ महेषुधी वीतमहेषुजालौ । युगान्तसंशुष्कजलौ विजिह्मः पूर्वापरौ लोक इवाम्बुराशी
babhāra śūnyākṛtir arjunas tau maheṣudhī vītamaheṣujālau / yugāntasaṃśuṣkajalau vijihmaḥ pūrvāparau loka ivāmburāśī
Sanskrit only: no published translation is held for this verse.
तेनातिमित्तेन तथा न पार्थस् तयोर् यथा रिक्ततयानुतेपे । स्वाम् आपदं प्रोज्झ्य विपत्तिमग्नं शोचन्ति सन्तो ह्य् उपकारिपक्षम्
tenātimittena tathā na pārthas tayor yathā riktatayānutepe / svām āpadaṃ projjhya vipattimagnaṃ śocanti santo hy upakāripakṣam
Sanskrit only: no published translation is held for this verse.
प्रतिक्रियायै विधुरः स तस्मात् कृच्छ्रेण विश्लेषम् इयाय हस्तः । पराङ्मुखत्वे ऽपि कृतोपकारात् तूणीमुखान् मित्रकुलाद् इवार्यः
pratikriyāyai vidhuraḥ sa tasmāt kṛcchreṇa viśleṣam iyāya hastaḥ / parāṅmukhatve 'pi kṛtopakārāt tūṇīmukhān mitrakulād ivāryaḥ
Sanskrit only: no published translation is held for this verse.
पश्चात्क्रिया तूणयुगस्य भर्तुर् जज्ञे तदानीम् उपकारिणीव । सम्भावनायाम् अधरीकृतायां पत्युः पुरः साहसम् आसितव्यम्
paścātkriyā tūṇayugasya bhartur jajñe tadānīm upakāriṇīva / sambhāvanāyām adharīkṛtāyāṃ patyuḥ puraḥ sāhasam āsitavyam
Sanskrit only: no published translation is held for this verse.
तं शम्भुर् आक्षिप्तमहेषुजालं लोहैः शरैर् मर्मसु निस्तुतोद । हृत्तोत्तरं तत्त्वविचारमध्ये वक्तेव दोषैर् गुरुभिर् विपक्षम्
taṃ śambhur ākṣiptamaheṣujālaṃ lohaiḥ śarair marmasu nistutoda / hṛttottaraṃ tattvavicāramadhye vakteva doṣair gurubhir vipakṣam
Sanskrit only: no published translation is held for this verse.
जहार चास्माद् अचिरेण वर्म ज्वलन्मणिद्योतितहैमलेखम् । चण्डः पतङ्गान् मरुदेकनीलं तडित्वतः खण्डम् इवाम्बुदस्य
jahāra cāsmād acireṇa varma jvalanmaṇidyotitahaimalekham / caṇḍaḥ pataṅgān marudekanīlaṃ taḍitvataḥ khaṇḍam ivāmbudasya
Sanskrit only: no published translation is held for this verse.
विकोशनिर्धौततनोर् महासेः फणावतश् च त्वचि विच्युतायाम् । प्रतिद्विपाबद्धरुषः समक्षं नागस्य चाक्षिप्तमुखच्छदस्य
vikośanirdhautatanor mahāseḥ phaṇāvataś ca tvaci vicyutāyām / pratidvipābaddharuṣaḥ samakṣaṃ nāgasya cākṣiptamukhacchadasya
Sanskrit only: no published translation is held for this verse.
विबोधितस्य ध्वनिना घनानां हरेर् अपेतस्य च शैलरन्ध्रात् । निरस्तधूमस्य च रात्रिवह्नेर् विना तनुत्रेण रुचिं स भेजे
vibodhitasya dhvaninā ghanānāṃ harer apetasya ca śailarandhrāt / nirastadhūmasya ca rātrivahner vinā tanutreṇa ruciṃ sa bheje
Sanskrit only: no published translation is held for this verse.
अचित्ततायाम् अपि नाम युक्ताम् अनूर्ध्वतां प्राप्य तदीयकृच्छ्रे । महीं गतौ ताव् इषुधी तदानीं विवव्रतुश् चेतनयेव योगम्
acittatāyām api nāma yuktām anūrdhvatāṃ prāpya tadīyakṛcchre / mahīṃ gatau tāv iṣudhī tadānīṃ vivavratuś cetanayeva yogam
Sanskrit only: no published translation is held for this verse.
स्थितं विशुद्धे नभसीव सत्त्वे धाम्ना तपोवीर्यमयेन युक्तम् । शस्त्राभिघातैस् तम् अजस्रम् ईशस् त्वष्टा विवस्वन्तम् इवोल्लिलेख
sthitaṃ viśuddhe nabhasīva sattve dhāmnā tapovīryamayena yuktam / śastrābhighātais tam ajasram īśas tvaṣṭā vivasvantam ivollilekha
Sanskrit only: no published translation is held for this verse.
संरम्भवेगोज्झितवेदनेषु गात्रेषु बाहिर्यम् उपागतेषु । मुनेर् बभूवागणितेषुराशेर् लौहस् तिरस्कार इवात्ममन्युः
saṃrambhavegojjhitavedaneṣu gātreṣu bāhiryam upāgateṣu / muner babhūvāgaṇiteṣurāśer lauhas tiraskāra ivātmamanyuḥ
Sanskrit only: no published translation is held for this verse.
ततो ऽनुपूर्वायतवृत्तबाहुः श्रीमान् क्षरल्लोहितदिग्धदेहः । आस्कन्द्य वेगेन विमुक्तनादः क्षितिं विधुन्वन्न् इव पार्ष्णिघातैः
tato 'nupūrvāyatavṛttabāhuḥ śrīmān kṣarallohitadigdhadehaḥ / āskandya vegena vimuktanādaḥ kṣitiṃ vidhunvann iva pārṣṇighātaiḥ
Sanskrit only: no published translation is held for this verse.
साम्यं गतेनाशनिना मघोनः शशाङ्कखण्डाकृतिपाण्डुरेण । शम्भुं बिभित्सुर् धनुषा जघान स्तम्बं विषाणेन महान् इवेभः
sāmyaṃ gatenāśaninā maghonaḥ śaśāṅkakhaṇḍākṛtipāṇḍureṇa / śambhuṃ bibhitsur dhanuṣā jaghāna stambaṃ viṣāṇena mahān ivebhaḥ
Sanskrit only: no published translation is held for this verse.
रयेण सा संनिदधे पतन्ती भवोद्भवेनात्मनि चापयष्टिः । समुद्धता सिन्धुर् अनेकमार्गा परे स्थितेनौजसि जह्नुनेव
rayeṇa sā saṃnidadhe patantī bhavodbhavenātmani cāpayaṣṭiḥ / samuddhatā sindhur anekamārgā pare sthitenaujasi jahnuneva
Sanskrit only: no published translation is held for this verse.
विकार्मुकः कर्मसु शोचनीयः परिच्युतौदार्य इवोपचारः । विचिक्षिपे शूलभृता सलीलं स पत्रिभिर् दूरम् अदूरपातैः
vikārmukaḥ karmasu śocanīyaḥ paricyutaudārya ivopacāraḥ / vicikṣipe śūlabhṛtā salīlaṃ sa patribhir dūram adūrapātaiḥ
Sanskrit only: no published translation is held for this verse.
उपोढकल्याणफलो ऽभिरक्षन् वीरव्रतं पुण्यरणाश्रमस्थः । जपोपवासैर् इव संयतात्मा तेपे मुनिस् तैर् इषुभिः शिवस्य
upoḍhakalyāṇaphalo 'bhirakṣan vīravrataṃ puṇyaraṇāśramasthaḥ / japopavāsair iva saṃyatātmā tepe munis tair iṣubhiḥ śivasya
Sanskrit only: no published translation is held for this verse.
ततो ऽग्रभूमिं व्यवसायसिद्धेः सीमानम् अन्यैर् अतिदुस्तरं सः । तेजःश्रियाम् आश्रयम् उत्तमासिं साक्षाद् अहंकारम् इवाललम्बे
tato 'grabhūmiṃ vyavasāyasiddheḥ sīmānam anyair atidustaraṃ saḥ / tejaḥśriyām āśrayam uttamāsiṃ sākṣād ahaṃkāram ivālalambe
Sanskrit only: no published translation is held for this verse.
शरान् अवद्यन्न् अनवद्यकर्मा चचार चित्रं प्रविचारमार्गैः । हस्तेन निस्त्रिंशभृता स दीप्तः सार्कांशुना वारिधिर् ऊर्मिणेव
śarān avadyann anavadyakarmā cacāra citraṃ pravicāramārgaiḥ / hastena nistriṃśabhṛtā sa dīptaḥ sārkāṃśunā vāridhir ūrmiṇeva
Sanskrit only: no published translation is held for this verse.
यथा निजे वर्त्मनि भाति भाभिश् च्यायामयश् चाप्सु सहस्ररश्मिः । तथा नभस्य् आशु रणस्थलीषु स्पष्टद्विमूर्तिर् ददृशे स भूतैः
yathā nije vartmani bhāti bhābhiś cyāyāmayaś cāpsu sahasraraśmiḥ / tathā nabhasy āśu raṇasthalīṣu spaṣṭadvimūrtir dadṛśe sa bhūtaiḥ
Sanskrit only: no published translation is held for this verse.
शिवप्रणुन्नेन शिलीमुखेन त्सरुप्रदेशाद् अपवर्जिताङ्गः । ज्वलन्न् असिस् तस्य पपात पाणेर् घनस्य वप्राद् इव वैद्युतो ऽग्निः
śivapraṇunnena śilīmukhena tsarupradeśād apavarjitāṅgaḥ / jvalann asis tasya papāta pāṇer ghanasya vaprād iva vaidyuto 'gniḥ
Sanskrit only: no published translation is held for this verse.
आक्षिप्तचापावरणेषुजालश् छिन्नोत्तमासिः स मृधे ऽवधूतः । रिक्तः प्रकाशश् च बभूव भूमेर् उत्सादितोद्यान इव प्रदेशः
ākṣiptacāpāvaraṇeṣujālaś chinnottamāsiḥ sa mṛdhe 'vadhūtaḥ / riktaḥ prakāśaś ca babhūva bhūmer utsāditodyāna iva pradeśaḥ
Sanskrit only: no published translation is held for this verse.
स खण्डनं प्राप्य पराद् अमर्षवान् भुजद्वितीयो ऽपि विजेतुम् इच्छया । ससर्ज वृष्टिं परिरुग्णपादपां द्रवेतरेषां पयसाम् इवाश्मनाम्
sa khaṇḍanaṃ prāpya parād amarṣavān bhujadvitīyo 'pi vijetum icchayā / sasarja vṛṣṭiṃ parirugṇapādapāṃ dravetareṣāṃ payasām ivāśmanām
Sanskrit only: no published translation is held for this verse.
नीरन्ध्रं परिगमिते क्षयं पृषत्कैर् भूतानाम् अधिपतिना शिलाविताने । उच्छ्रायस्थगितनभोदिगन्तरालं चिक्षेप क्षितिरुहजालम् इन्द्रसूनुः
nīrandhraṃ parigamite kṣayaṃ pṛṣatkair bhūtānām adhipatinā śilāvitāne / ucchrāyasthagitanabhodigantarālaṃ cikṣepa kṣitiruhajālam indrasūnuḥ
Sanskrit only: no published translation is held for this verse.
निःशेषं शकलितवल्कलाङ्गसारैः कुर्वद्भिर् भुवम् अभितः कषायचित्राम् । ईशानः सकुसुमपल्लवैर् नगैस् तैर् आतेने बलिम् इव रङ्गदेवताभ्यः
niḥśeṣaṃ śakalitavalkalāṅgasāraiḥ kurvadbhir bhuvam abhitaḥ kaṣāyacitrām / īśānaḥ sakusumapallavair nagais tair ātene balim iva raṅgadevatābhyaḥ
Sanskrit only: no published translation is held for this verse.
उन्मज्जन् मकर इवामारापगाया वेगेन प्रतिमुखम् एत्य बाणनद्याः । गाण्डीवी कनकशिलानिभं भुजाभ्याम् आजघ्ने विषम् अविलोचनस्य वक्षः
unmajjan makara ivāmārāpagāyā vegena pratimukham etya bāṇanadyāḥ / gāṇḍīvī kanakaśilānibhaṃ bhujābhyām ājaghne viṣam avilocanasya vakṣaḥ
Sanskrit only: no published translation is held for this verse.
अभिलषत उपायं विक्रमं कीर्तिलक्ष्म्योर् असुगमम् अरिसैन्यैर् अङ्कम् अभ्यागतस्य । जनक इव शिशुत्वे सुप्रियस्यैकसूनोर् अविनयम् अपि सेहे पाण्डवस्य स्मरारिः
abhilaṣata upāyaṃ vikramaṃ kīrtilakṣmyor asugamam arisainyair aṅkam abhyāgatasya / janaka iva śiśutve supriyasyaikasūnor avinayam api sehe pāṇḍavasya smarāriḥ
Sanskrit only: no published translation is held for this verse.