Bharavi: Kiratarjuniya 5

अथ जयाय नु मेरुमहीभृतो रभसया नु दिगन्तदिदृक्षया । अभिययौ स हिमाचलम् उच्छ्रितं समुदितं नु विलङ्घयितुं नभः

atha jayāya nu merumahībhṛto rabhasayā nu digantadidṛkṣayā / abhiyayau sa himācalam ucchritaṃ samuditaṃ nu vilaṅghayituṃ nabhaḥ

Sanskrit only: no published translation is held for this verse.

तपनमण्डलदीतितम् एकतः सततनैशतमोवृतम् अन्यतः । हसितभिन्नतमिस्रचयं पुरः शिवम् इवानुगतं गजचर्मणा

tapanamaṇḍaladītitam ekataḥ satatanaiśatamovṛtam anyataḥ / hasitabhinnatamisracayaṃ puraḥ śivam ivānugataṃ gajacarmaṇā

Sanskrit only: no published translation is held for this verse.

क्षितिनभःसुरलोकनिवासिभिः कृतनिकेतम् अदृष्टपरस्परैः । प्रथयितुं विभुताम् अभिनिर्मितं प्रतिनिधिं जगताम् इव शम्भुना

kṣitinabhaḥsuralokanivāsibhiḥ kṛtaniketam adṛṣṭaparasparaiḥ / prathayituṃ vibhutām abhinirmitaṃ pratinidhiṃ jagatām iva śambhunā

Sanskrit only: no published translation is held for this verse.

भुजगराजसितेन नभःश्रिया कनकराजिविराजितसानुना । समुदितं निचयेन तडित्वतीं लघयता शरदम्बुदसंहतिम्

bhujagarājasitena nabhaḥśriyā kanakarājivirājitasānunā / samuditaṃ nicayena taḍitvatīṃ laghayatā śaradambudasaṃhatim

Sanskrit only: no published translation is held for this verse.

मणिमयूखचयांशुकभासुराः सुरवधूपरिभुक्तलतागृहाः । दधतम् उच्चशिलान्तरगोपुराः पुर इवोदितपुष्पवना भुवः

maṇimayūkhacayāṃśukabhāsurāḥ suravadhūparibhuktalatāgṛhāḥ / dadhatam uccaśilāntaragopurāḥ pura ivoditapuṣpavanā bhuvaḥ

Sanskrit only: no published translation is held for this verse.

अविरतोज्झितवारिविपाण्डुभिर् विरहितैर् अचिरद्युतितेजसा । उदितपक्षम् इवारतनिःस्वनैः पृथुनितम्बविलम्बिभिर् अम्बुदैः

aviratojjhitavārivipāṇḍubhir virahitair aciradyutitejasā / uditapakṣam ivārataniḥsvanaiḥ pṛthunitambavilambibhir ambudaiḥ

Sanskrit only: no published translation is held for this verse.

दधतम् आकरिभिः करिभिः क्षतैः समवतारसमैर् असमैस् तटैः । विविधकामहिता महिताम्भसः स्फुटसरोजवना जवना नदीः

dadhatam ākaribhiḥ karibhiḥ kṣataiḥ samavatārasamair asamais taṭaiḥ / vividhakāmahitā mahitāmbhasaḥ sphuṭasarojavanā javanā nadīḥ

Sanskrit only: no published translation is held for this verse.

नवविनिद्रजपाकुसुमत्विषां द्युतिमतां निकरेण महाश्मनाम् । विहितसांध्यमयूखम् इव क्वचिन् निचितकाञ्चनभित्तिषु सानुषु

navavinidrajapākusumatviṣāṃ dyutimatāṃ nikareṇa mahāśmanām / vihitasāṃdhyamayūkham iva kvacin nicitakāñcanabhittiṣu sānuṣu

Sanskrit only: no published translation is held for this verse.

पृथुकदम्बकदम्बकराजितं ग्रहितमालतमालवनाकुलम् । लघुतुषारतुषारजलश्च्युतं धृतसदानसदाननदन्तिनम्

pṛthukadambakadambakarājitaṃ grahitamālatamālavanākulam / laghutuṣāratuṣārajalaścyutaṃ dhṛtasadānasadānanadantinam

Sanskrit only: no published translation is held for this verse.

रहितरत्नचयान् न शिलोच्चयान् अफलताभवना न दरीभुवः । विपुलिनाम्बुरुहा न सरिद्वधूर् अकुसुमान् दधतं न महीरुहः

rahitaratnacayān na śiloccayān aphalatābhavanā na darībhuvaḥ / vipulināmburuhā na saridvadhūr akusumān dadhataṃ na mahīruhaḥ

Sanskrit only: no published translation is held for this verse.

व्यथितसिन्धुम् अनीरशनैः शनैर् अमरलोकवधूजघनैर् घनैः । फणभृताम् अभितो विततं ततं दयितरम्यलताबकुलैः कुलैः

vyathitasindhum anīraśanaiḥ śanair amaralokavadhūjaghanair ghanaiḥ / phaṇabhṛtām abhito vitataṃ tataṃ dayitaramyalatābakulaiḥ kulaiḥ

Sanskrit only: no published translation is held for this verse.

ससुरचापम् अनेकमणिप्रभैर् अपपयोविशदं हिमपाण्डुभिः । अविचलं शिखरैर् उपबिभ्रतं ध्वनितसूचितम् अम्बुमुचां चयम्

sasuracāpam anekamaṇiprabhair apapayoviśadaṃ himapāṇḍubhiḥ / avicalaṃ śikharair upabibhrataṃ dhvanitasūcitam ambumucāṃ cayam

Sanskrit only: no published translation is held for this verse.

विकचवारिरुहं दधतं सरः सकलहंसगणं शुचि मानसम् । शिवम् अगात्मजया च कृतेर्ष्यया सकलहं सगणं शुचिमानसम्

vikacavāriruhaṃ dadhataṃ saraḥ sakalahaṃsagaṇaṃ śuci mānasam / śivam agātmajayā ca kṛterṣyayā sakalahaṃ sagaṇaṃ śucimānasam

Sanskrit only: no published translation is held for this verse.

ग्रहविमानगणान् अभितो दिवं ज्वलयतौषधिजेन कृशानुना । मुहुर् अनुस्मरयन्तम् अनुक्षपं त्रिपुरदाहम् उपापतिसेविनः

grahavimānagaṇān abhito divaṃ jvalayatauṣadhijena kṛśānunā / muhur anusmarayantam anukṣapaṃ tripuradāham upāpatisevinaḥ

Sanskrit only: no published translation is held for this verse.

विततशीकरराशिभिर् उच्छ्रितैर् उपलरोधविवर्तिभिर् अम्बुभिः । दधतम् उन्नतसानुसमुद्धतां धृतसितव्यजनाम् इव जाह्नवीम्

vitataśīkararāśibhir ucchritair upalarodhavivartibhir ambubhiḥ / dadhatam unnatasānusamuddhatāṃ dhṛtasitavyajanām iva jāhnavīm

Sanskrit only: no published translation is held for this verse.

अनुचरेण धनाधिपतेर् अथो नगविलोकनविस्मितमानसः । स जगदे वचनं प्रियम् आदरान् मुखरतावसरे हि विराजते

anucareṇa dhanādhipater atho nagavilokanavismitamānasaḥ / sa jagade vacanaṃ priyam ādarān mukharatāvasare hi virājate

Sanskrit only: no published translation is held for this verse.

अलम् एष विलोकितः प्रजानां सहसा संहतिम् अंहसां विहन्तुम् । घनवर्त्म सहस्रधेव कुर्वन् हिमगौरैर् अचलाधिपः शिरोभिः

alam eṣa vilokitaḥ prajānāṃ sahasā saṃhatim aṃhasāṃ vihantum / ghanavartma sahasradheva kurvan himagaurair acalādhipaḥ śirobhiḥ

Sanskrit only: no published translation is held for this verse.

इह दुरधिगमैः किंचिद् एवागमैः सततम् असुतरं वर्णयन्त्य् अन्तरम् । अमुम् अतिविपिनं वेद दिग्व्यापिनं पुरुषम् इव परं पद्मयोनिः परम्

iha duradhigamaiḥ kiṃcid evāgamaiḥ satatam asutaraṃ varṇayanty antaram / amum ativipinaṃ veda digvyāpinaṃ puruṣam iva paraṃ padmayoniḥ param

Sanskrit only: no published translation is held for this verse.

रुचिरपल्लवपुष्पलतागृहैर् उपलसज्जलजैर् जलराशिभिः । नयति संततम् उत्सुकताम् अयं धृतिमतीर् उपकान्तम् अपि स्त्रियः

rucirapallavapuṣpalatāgṛhair upalasajjalajair jalarāśibhiḥ / nayati saṃtatam utsukatām ayaṃ dhṛtimatīr upakāntam api striyaḥ

Sanskrit only: no published translation is held for this verse.

सुलभैः सदा नयवतायवता निधिगुह्यकाधिपरमैः परमैः । अमुना धनैः क्षितिभृतातिभृता समतीत्य भाति जगती जगती

sulabhaiḥ sadā nayavatāyavatā nidhiguhyakādhiparamaiḥ paramaiḥ / amunā dhanaiḥ kṣitibhṛtātibhṛtā samatītya bhāti jagatī jagatī

Sanskrit only: no published translation is held for this verse.

अखिलम् इदम् अमुष्य गैरीगुरोस् त्रिभुवनम् अपि नैति मन्ये तुलाम् । अधिवसति सदा यद् एनं जनैर् अविदितविभवो भवानीपतिः

akhilam idam amuṣya gairīguros tribhuvanam api naiti manye tulām / adhivasati sadā yad enaṃ janair aviditavibhavo bhavānīpatiḥ

Sanskrit only: no published translation is held for this verse.

वीतजन्मजरसं परं शुचि ब्रह्मणः पदम् उपैतुम् इच्छताम् । आगमाद् इव तमोपहाद् इतः सम्भवन्ति मतयो भवच्छिदः

vītajanmajarasaṃ paraṃ śuci brahmaṇaḥ padam upaitum icchatām / āgamād iva tamopahād itaḥ sambhavanti matayo bhavacchidaḥ

Sanskrit only: no published translation is held for this verse.

दिव्यस्त्रीणां सचरणलाक्षारागा रागायाते निपतितपुष्पापीडाः । पीडाभाजः कुसुमचिताः साशंसं शंसन्त्य् अस्मिन् सुरतविशेषं शय्याः

divyastrīṇāṃ sacaraṇalākṣārāgā rāgāyāte nipatitapuṣpāpīḍāḥ / pīḍābhājaḥ kusumacitāḥ sāśaṃsaṃ śaṃsanty asmin surataviśeṣaṃ śayyāḥ

Sanskrit only: no published translation is held for this verse.

गुणसम्पदा समधिगम्य परं महिमानम् अत्र महिते जगताम् । नयशालिनि श्रिय इवाधिपतौ विरमन्ति न ज्वलितुम् औषधयः

guṇasampadā samadhigamya paraṃ mahimānam atra mahite jagatām / nayaśālini śriya ivādhipatau viramanti na jvalitum auṣadhayaḥ

Sanskrit only: no published translation is held for this verse.

कुररीगणः कृतरवस् तरवः कुसुमानताः सकमलं कमलम् । इह सिन्धवश् च वरणावरणाः करिणां मुदे सनलदानलदाः

kurarīgaṇaḥ kṛtaravas taravaḥ kusumānatāḥ sakamalaṃ kamalam / iha sindhavaś ca varaṇāvaraṇāḥ kariṇāṃ mude sanaladānaladāḥ

Sanskrit only: no published translation is held for this verse.

सादृश्यं गतम् अपनिद्रचूतगन्धैर् आमोदं मदजलसेकजं दधानः । एतस्मिन् मदयति कोकिलान् अकाले लीनालिः सुरकरिणां कपोलकाषः

sādṛśyaṃ gatam apanidracūtagandhair āmodaṃ madajalasekajaṃ dadhānaḥ / etasmin madayati kokilān akāle līnāliḥ surakariṇāṃ kapolakāṣaḥ

Sanskrit only: no published translation is held for this verse.

सनाकवनितं नितम्बरुचिरं चिरं सुनिनदैर् नदैर् वृतम् अमुम् । मता फलवतो ऽवतो रसपरा परास्तवसुधा सुधाधिवसति

sanākavanitaṃ nitambaruciraṃ ciraṃ suninadair nadair vṛtam amum / matā phalavato 'vato rasaparā parāstavasudhā sudhādhivasati

Sanskrit only: no published translation is held for this verse.

श्रीमल्लताभवनम् ओषधयः प्रदीपाः शय्या नवानि हरिचन्दनपल्लवानि । अस्मिन् रतिश्रमनुदश् च सरोजवाताः स्मर्तुं दिशन्ति न दिवः सुरसुन्दरीभ्यः

śrīmallatābhavanam oṣadhayaḥ pradīpāḥ śayyā navāni haricandanapallavāni / asmin ratiśramanudaś ca sarojavātāḥ smartuṃ diśanti na divaḥ surasundarībhyaḥ

Sanskrit only: no published translation is held for this verse.

ईशार्थम् अम्भसि चिराय तपश् चरन्त्या यादोविलङ्घनविलोलविलोचनायाः । आलम्बताग्रकरम् अत्र भवो भवान्याः श्च्योतन्निदाघसलिलाङ्गुलिना करेण

īśārtham ambhasi cirāya tapaś carantyā yādovilaṅghanavilolavilocanāyāḥ / ālambatāgrakaram atra bhavo bhavānyāḥ ścyotannidāghasalilāṅgulinā kareṇa

Sanskrit only: no published translation is held for this verse.

येनापविद्धसलिलः स्फुटनागसद्मा देवासुरैर् अमृतम् अम्बुनिधिर् ममन्थे । व्यावर्तनैर् अहिपतेर् अयम् आहिताङ्कः खं व्यालिखन्न् इव विभाति स मन्दराद्रिः

yenāpaviddhasalilaḥ sphuṭanāgasadmā devāsurair amṛtam ambunidhir mamanthe / vyāvartanair ahipater ayam āhitāṅkaḥ khaṃ vyālikhann iva vibhāti sa mandarādriḥ

Sanskrit only: no published translation is held for this verse.

नीतोच्छ्रायं मुहुर् अशिशिररश्मेर् उस्रैर् आनीलाभैर् विरचितपरभागा रत्नैः । ज्योत्स्नाशङ्काम् इव वितरति हंसश्येनी मध्ये ऽप्य् अह्नः स्फटिकरजतभित्तिच्छाया

nītocchrāyaṃ muhur aśiśiraraśmer usrair ānīlābhair viracitaparabhāgā ratnaiḥ / jyotsnāśaṅkām iva vitarati haṃsaśyenī madhye 'py ahnaḥ sphaṭikarajatabhitticchāyā

Sanskrit only: no published translation is held for this verse.

दधत इव विलासशालि नृत्यं मृदु पतता पवनेन कम्पितानि । इह ललितविलासिनीजनभ्रू- गतिकुटिलेषु पयःसु पङ्कजानि

dadhata iva vilāsaśāli nṛtyaṃ mṛdu patatā pavanena kampitāni / iha lalitavilāsinījanabhrū- gatikuṭileṣu payaḥsu paṅkajāni

Sanskrit only: no published translation is held for this verse.

अस्मिन्न् अगृह्यत पिनाकभृता सलीलम् आबद्धवेपथुर् अधीरविलोचनायाः । विन्यस्तमङ्गलमहौषधिर् ईश्वरायाः स्रस्तोरगप्रतिसरेण करेण पाणिः

asminn agṛhyata pinākabhṛtā salīlam ābaddhavepathur adhīravilocanāyāḥ / vinyastamaṅgalamahauṣadhir īśvarāyāḥ srastoragapratisareṇa kareṇa pāṇiḥ

Sanskrit only: no published translation is held for this verse.

क्रामद्भिर् घनपदवीम् अनेकसंख्यैस् तेजोभिः शुचिमणिजन्मभिर् विभिन्नः । उस्राणां व्यभिचरतीव सप्तसप्तेः पर्यस्यन्न् इह निचयः सहस्रसंख्याम्

krāmadbhir ghanapadavīm anekasaṃkhyais tejobhiḥ śucimaṇijanmabhir vibhinnaḥ / usrāṇāṃ vyabhicaratīva saptasapteḥ paryasyann iha nicayaḥ sahasrasaṃkhyām

Sanskrit only: no published translation is held for this verse.

व्यधत्त यस्मिन् पुरम् उच्चगोपुरं पुरां विजेतुर् धृतये धनाधिपः । स एष कैलास उपान्तसर्पिणः करोत्य् अकालास्तमयं विवस्वतः

vyadhatta yasmin puram uccagopuraṃ purāṃ vijetur dhṛtaye dhanādhipaḥ / sa eṣa kailāsa upāntasarpiṇaḥ karoty akālāstamayaṃ vivasvataḥ

Sanskrit only: no published translation is held for this verse.

नानारत्नज्योतिषां संनिपातैश् छन्नेष्व् अन्तःसानु वप्रान्तरेषु । बद्धां बद्धां भित्तिशङ्काम् अमुष्मिन् नावानावान् मातरिश्वा निहन्ति

nānāratnajyotiṣāṃ saṃnipātaiś channeṣv antaḥsānu vaprāntareṣu / baddhāṃ baddhāṃ bhittiśaṅkām amuṣmin nāvānāvān mātariśvā nihanti

Sanskrit only: no published translation is held for this verse.

रम्या नवद्युतिर् अपैति न शाद्वलेभ्यः श्यामीभवन्त्य् अनुदिनं नलिनीवनानि । अस्मिन् विचित्रकुसुमस्तबकाचितानां शाखाभृतां परिणमन्ति न पल्लवानि

ramyā navadyutir apaiti na śādvalebhyaḥ śyāmībhavanty anudinaṃ nalinīvanāni / asmin vicitrakusumastabakācitānāṃ śākhābhṛtāṃ pariṇamanti na pallavāni

Sanskrit only: no published translation is held for this verse.

परिसरविषयेषु लीढमुक्ता हरिततृणोद्गमशङ्कया मृगीभिः । इह नवशुककोमला मणीनां रविकरसंवलिताः फलन्ति भासः

parisaraviṣayeṣu līḍhamuktā haritatṛṇodgamaśaṅkayā mṛgībhiḥ / iha navaśukakomalā maṇīnāṃ ravikarasaṃvalitāḥ phalanti bhāsaḥ

Sanskrit only: no published translation is held for this verse.

उत्फुल्लस्थलनलिनीवनाद् अमुष्माद् उद्धूतः सरसिजसम्भवः परागः । वात्याभिर् वियति विवर्तितः समन्ताद् आधत्ते कनकमयातपत्रलक्ष्मीम्

utphullasthalanalinīvanād amuṣmād uddhūtaḥ sarasijasambhavaḥ parāgaḥ / vātyābhir viyati vivartitaḥ samantād ādhatte kanakamayātapatralakṣmīm

Sanskrit only: no published translation is held for this verse.

इह सनियमयोः सुरापगायाम् उषसि सयावकसव्यपादरेखा । कथयति शिवयोः शरीरयोगं विषमपदा पदवी विवर्तनेषु

iha saniyamayoḥ surāpagāyām uṣasi sayāvakasavyapādarekhā / kathayati śivayoḥ śarīrayogaṃ viṣamapadā padavī vivartaneṣu

Sanskrit only: no published translation is held for this verse.

संमूर्छतां रजतभित्तिमयूखजालैर् आलोकपादपलतान्तरनिर्गतानाम् । घर्मद्युतेर् इह मुहुः पटलानि धाम्नाम् आदर्शमण्डलनिभानि समुल्लसन्ति

saṃmūrchatāṃ rajatabhittimayūkhajālair ālokapādapalatāntaranirgatānām / gharmadyuter iha muhuḥ paṭalāni dhāmnām ādarśamaṇḍalanibhāni samullasanti

Sanskrit only: no published translation is held for this verse.

शुक्लैर् मयूखनिचयैः परिवीतमूर्तिर् वप्राभिघातपरिमण्डलितोरुदेहः । शृङ्गाण्य् अमुष्य भजते गणभर्तुर् उक्षा कुर्वन् वधूजनमनःसु शशाङ्कशङ्काम्

śuklair mayūkhanicayaiḥ parivītamūrtir vaprābhighātaparimaṇḍalitorudehaḥ / śṛṅgāṇy amuṣya bhajate gaṇabhartur ukṣā kurvan vadhūjanamanaḥsu śaśāṅkaśaṅkām

Sanskrit only: no published translation is held for this verse.

सम्प्रति लब्धजन्म शनकैः कथम् अपि लघुनि क्षीणपयस्य् उपेयुषि भिदां जलधरपटले । खण्डितविग्रहं बलभिदो धनुर् इह विविधाः पूरयितुं भवन्ति विभवः शिखरमणिरुचः

samprati labdhajanma śanakaiḥ katham api laghuni kṣīṇapayasy upeyuṣi bhidāṃ jaladharapaṭale / khaṇḍitavigrahaṃ balabhido dhanur iha vividhāḥ pūrayituṃ bhavanti vibhavaḥ śikharamaṇirucaḥ

Sanskrit only: no published translation is held for this verse.

स्नपितनवलतातरुप्रवालैर् अमृतलवस्रुतिशालिभिर् मयूखैः । सततम् असितयामिनीषु शम्भो अमलयतीह वनान्तम् इन्दुलेखा

snapitanavalatātarupravālair amṛtalavasrutiśālibhir mayūkhaiḥ / satatam asitayāminīṣu śambho amalayatīha vanāntam indulekhā

Sanskrit only: no published translation is held for this verse.

क्षिपति यो ऽनुवनं विततां बृहद् बृहतिकाम् इव रौचनिकीं रुचम् । अयम् अनेकहिरण्मयकंदरस् तव पितुर् दयितो जगतीधरः

kṣipati yo 'nuvanaṃ vitatāṃ bṛhad bṛhatikām iva raucanikīṃ rucam / ayam anekahiraṇmayakaṃdaras tava pitur dayito jagatīdharaḥ

Sanskrit only: no published translation is held for this verse.

सक्तिं लवाद् अपनयत्य् अनिले लतानां वैरोचनैर् द्विगुणिताः सहसा मयूखैः । रोधोभुवां मुहुर् अमुत्र हिरण्मयीनां भासस् तडिद्विलसितानि विडम्बयन्ति

saktiṃ lavād apanayaty anile latānāṃ vairocanair dviguṇitāḥ sahasā mayūkhaiḥ / rodhobhuvāṃ muhur amutra hiraṇmayīnāṃ bhāsas taḍidvilasitāni viḍambayanti

Sanskrit only: no published translation is held for this verse.

कषणकम्पनिरस्तमहाहिभिः क्षणविमत्तमतङ्गजवर्जितैः । इह मदस्नपितैर् अनुमीयते सुरगजस्य गतं हरिचन्दनैः

kaṣaṇakampanirastamahāhibhiḥ kṣaṇavimattamataṅgajavarjitaiḥ / iha madasnapitair anumīyate suragajasya gataṃ haricandanaiḥ

Sanskrit only: no published translation is held for this verse.

जलदजालघनैर् असिताश्मनाम् उपहतप्रचयेह मरीचिभिः । भवति दीप्तिर् अदीपितकंदरा तिमिरसंवलितेव विवस्वतः

jaladajālaghanair asitāśmanām upahatapracayeha marīcibhiḥ / bhavati dīptir adīpitakaṃdarā timirasaṃvaliteva vivasvataḥ

Sanskrit only: no published translation is held for this verse.

भव्यो भवन्न् अपि मुनेर् इह शासनेन क्षात्रे स्थितः पथि तपस्य हतप्रमादः । प्रायेण सत्य् अपि हितार्थकरे विधौ हि श्रेयांसि लब्धुम् असुखानि विनान्तरायैः

bhavyo bhavann api muner iha śāsanena kṣātre sthitaḥ pathi tapasya hatapramādaḥ / prāyeṇa saty api hitārthakare vidhau hi śreyāṃsi labdhum asukhāni vināntarāyaiḥ

Sanskrit only: no published translation is held for this verse.

मा भूवन्न् अपथहृतस् तवेन्द्रियाश्वाः संतापे दिशतु शिवः शिवां प्रसक्तिम् । रक्षन्तस् तपसि बलं च लोकपालाः कल्याणीम् अधिकफलां क्रियां क्रियायुः

mā bhūvann apathahṛtas tavendriyāśvāḥ saṃtāpe diśatu śivaḥ śivāṃ prasaktim / rakṣantas tapasi balaṃ ca lokapālāḥ kalyāṇīm adhikaphalāṃ kriyāṃ kriyāyuḥ

Sanskrit only: no published translation is held for this verse.

इत्य् उक्त्वा सपदि हितं प्रियं प्रियार्हे धाम स्वं गतवति राजराजभृत्ये । सोत्कण्ठं किम् अपि पृथासुतः प्रदध्यौ संधत्ते भृशम् अरतिं हि सद्वियोगः

ity uktvā sapadi hitaṃ priyaṃ priyārhe dhāma svaṃ gatavati rājarājabhṛtye / sotkaṇṭhaṃ kim api pṛthāsutaḥ pradadhyau saṃdhatte bhṛśam aratiṃ hi sadviyogaḥ

Sanskrit only: no published translation is held for this verse.

तम् अनतिशयनीयं सर्वतः सारयोगाद् अविरहितम् अनेकेनाङ्कभाजा फलेन । अकृशम् अकृशलक्ष्मीश् चेतसाशंसितं स स्वम् इव पुरुषकारं शैलम् अभ्याससाद

tam anatiśayanīyaṃ sarvataḥ sārayogād avirahitam anekenāṅkabhājā phalena / akṛśam akṛśalakṣmīś cetasāśaṃsitaṃ sa svam iva puruṣakāraṃ śailam abhyāsasāda

Sanskrit only: no published translation is held for this verse.