Bharata: Natyasastra 14

अन्त्याद् द्विगुणिताद्रूपाद् द्विद्विरेकं गुरोर्भवेत् । द्विगुणाञ्च लघोः कृत्वा संख्यां पिण्डेन योजयेत्

antyād dviguṇitādrūpād dvidvirekaṃ gurorbhavet / dviguṇāñca laghoḥ kṛtvā saṃkhyāṃ piṇḍena yojayet

Sanskrit only: no published translation is held for this verse.

आद्यं सर्वगुरु ज्ञेयं वृत्तन्तु समसंज्ञितम् । कोशं तु सर्वलघ्वन्त्यं मिश्ररूपाणि सर्वतः

ādyaṃ sarvaguru jñeyaṃ vṛttantu samasaṃjñitam / kośaṃ tu sarvalaghvantyaṃ miśrarūpāṇi sarvataḥ

Sanskrit only: no published translation is held for this verse.

वृत्तानां तु समानानां संख्यां संयोज्य तावतीम् । राश्यूनामर्धविषमां समासादभिनिर्दिशेत्

vṛttānāṃ tu samānānāṃ saṃkhyāṃ saṃyojya tāvatīm / rāśyūnāmardhaviṣamāṃ samāsādabhinirdiśet

Sanskrit only: no published translation is held for this verse.

एकादिकां तथा संख्यां छन्दसो विनिवेश्य तु । यावत् पूर्णन्तु पूर्वेण पूरयेदुत्तरं गणम्

ekādikāṃ tathā saṃkhyāṃ chandaso viniveśya tu / yāvat pūrṇantu pūrveṇa pūrayeduttaraṃ gaṇam

Sanskrit only: no published translation is held for this verse.

समानां विषमाणां च संगुणय्य तथा स्फुटम् । राश्यूनामभिजानीयाद्विषमाणां समासतः

samānāṃ viṣamāṇāṃ ca saṃguṇayya tathā sphuṭam / rāśyūnāmabhijānīyādviṣamāṇāṃ samāsataḥ

Sanskrit only: no published translation is held for this verse.

एवं कृत्वा तु सर्वेषां परेषां पूर्वपूरणम् । क्रमान्नैधनमेकैकं प्रतिलोमं विसर्जयेत्

evaṃ kṛtvā tu sarveṣāṃ pareṣāṃ pūrvapūraṇam / kramānnaidhanamekaikaṃ pratilomaṃ visarjayet

Sanskrit only: no published translation is held for this verse.

सर्वेषां छन्दसामेवं लघ्वक्षरविनिश्चयम् । जानीत समवृत्तानां संख्यां संक्षेपतस्तथा

sarveṣāṃ chandasāmevaṃ laghvakṣaraviniścayam / jānīta samavṛttānāṃ saṃkhyāṃ saṃkṣepatastathā

Sanskrit only: no published translation is held for this verse.

वृत्तस्य परिमाणन्तु छित्वार्धेन यथाक्रमम् । न्यसेल्लघु यथा सैकमक्षरं गुरु चाप्यथ

vṛttasya parimāṇantu chitvārdhena yathākramam / nyasellaghu yathā saikamakṣaraṃ guru cāpyatha

Sanskrit only: no published translation is held for this verse.

एवं विन्यस्य वृत्तानां नष्टोद्दिष्टविभागतः । गुरुलघ्वक्षराणीह सर्वछन्दस्सु दर्शयेत्

evaṃ vinyasya vṛttānāṃ naṣṭoddiṣṭavibhāgataḥ / gurulaghvakṣarāṇīha sarvachandassu darśayet

Sanskrit only: no published translation is held for this verse.

इति छन्दांसि यानीह मयोक्तानि द्विजोत्तमाः । वृत्तान्येतेषु नाट्ये ऽस्मिन् प्रयोज्यानि निबोधत

iti chandāṃsi yānīha mayoktāni dvijottamāḥ / vṛttānyeteṣu nāṭye 'smin prayojyāni nibodhata

Sanskrit only: no published translation is held for this verse.