Bharata: Natyasastra 1

बलिप्रदानैर्होमैश्च मन्त्रौषधिसमन्वितैः । भोज्यैर्भक्षैश्च पानैश्च बलिः समुपकल्पताम्

balipradānairhomaiśca mantrauṣadhisamanvitaiḥ / bhojyairbhakṣaiśca pānaiśca baliḥ samupakalpatām

Sanskrit only: no published translation is held for this verse.

मर्त्यलोकगताः सर्वे शुभां पूजामवाप्स्यथ । अपूजयित्वा रङ्गं तु नैव प्रेक्षां प्रवर्तयेत्

martyalokagatāḥ sarve śubhāṃ pūjāmavāpsyatha / apūjayitvā raṅgaṃ tu naiva prekṣāṃ pravartayet

Sanskrit only: no published translation is held for this verse.

अपूजयित्वा रङ्गं तु यः प्रेक्षां कल्पयिष्यति । निष्फलं तस्य तत् ज्ञानं तिर्यग्योनिं च यास्यति

apūjayitvā raṅgaṃ tu yaḥ prekṣāṃ kalpayiṣyati / niṣphalaṃ tasya tat jñānaṃ tiryagyoniṃ ca yāsyati

Sanskrit only: no published translation is held for this verse.

यज्ञेन संमितं ह्येदद्रङ्गदैवतपूजनम् । तस्मात्सर्वप्रयत्नेन कर्तव्यं नाट्ययोक्तृभिः

yajñena saṃmitaṃ hyedadraṅgadaivatapūjanam / tasmātsarvaprayatnena kartavyaṃ nāṭyayoktṛbhiḥ

Sanskrit only: no published translation is held for this verse.

नर्तको ऽर्थपतिर्वापि यः पूजां न करिष्यति । न कारयिष्यन्त्यन्यैर्वा प्राप्नोत्यपचयं तु सः

nartako 'rthapatirvāpi yaḥ pūjāṃ na kariṣyati / na kārayiṣyantyanyairvā prāpnotyapacayaṃ tu saḥ

Sanskrit only: no published translation is held for this verse.

यथाविधिं यथादृष्टं यस्तु पूजां करिष्यति । स लप्स्यते शुभानर्थान् स्वर्गलोकं च यास्यति

yathāvidhiṃ yathādṛṣṭaṃ yastu pūjāṃ kariṣyati / sa lapsyate śubhānarthān svargalokaṃ ca yāsyati

Sanskrit only: no published translation is held for this verse.

एवमुक्त्वा तु भगवान्द्रुहिणः सहदेवतैः । रङ्गपूजां कुरुश्वेति मामेवं समचोदयत्

evamuktvā tu bhagavāndruhiṇaḥ sahadevataiḥ / raṅgapūjāṃ kuruśveti māmevaṃ samacodayat

Sanskrit only: no published translation is held for this verse.