Bhāgavata Purāṇa 1.1

जन्माद्यस्य यतो ऽन्वयादितरतश्चार्थेष्वभिज्ञः स्वराट् तेने ब्रह्म हृदा य आदिकवये मुह्यन्ति यत् सूरयः तेजोवारिमृदां यथा विनिमयो यत्र त्रिसर्गो ऽमृषा धाम्ना स्वेन सदा निरस्तकुहकं सत्यं परं धीमहि

janmādyasya yato 'nvayāditarataścārtheṣvabhijñaḥ svarāṭ tene brahma hṛdā ya ādikavaye muhyanti yat sūrayaḥ tejovārimṛdāṃ yathā vinimayo yatra trisargo 'mṛṣā dhāmnā svena sadā nirastakuhakaṃ satyaṃ paraṃ dhīmahi

Sanskrit only: no published translation is held for this verse.

धर्मः प्रोज्झितकैतवो ऽत्र परमो निर्मत्सराणां सतां वेद्यं वास्तवम् अत्र वस्तु शिवदं तापत्रयोन्मूलनम् श्रीमद्भागवते महामुनिकृते किं वा परैरीश्वरः सद्यो हृद्यवरुध्यते ऽत्र कृतिभिः शुश्रूषुभिस्तत्क्षणात्

dharmaḥ projjhitakaitavo 'tra paramo nirmatsarāṇāṃ satāṃ vedyaṃ vāstavam atra vastu śivadaṃ tāpatrayonmūlanam śrīmadbhāgavate mahāmunikṛte kiṃ vā parairīśvaraḥ sadyo hṛdyavarudhyate 'tra kṛtibhiḥ śuśrūṣubhistatkṣaṇāt

Sanskrit only: no published translation is held for this verse.

निगमकल्पतरोर्गलितं फलं शुकमुखादमृतद्रवसंयुतम् पिबत भागवतं रसम् आलयं मुहुरहो रसिका भुवि भावुकाः

nigamakalpatarorgalitaṃ phalaṃ śukamukhādamṛtadravasaṃyutam pibata bhāgavataṃ rasam ālayaṃ muhuraho rasikā bhuvi bhāvukāḥ

Sanskrit only: no published translation is held for this verse.

नैमिषे ऽनिमिषक्षेत्रे ईशयः शौनकादयः सत्रं स्वर्गाय लोकाय सहस्रसमम् आसत

naimiṣe 'nimiṣakṣetre īśayaḥ śaunakādayaḥ satraṃ svargāya lokāya sahasrasamam āsata

Sanskrit only: no published translation is held for this verse.

त एकदा तु मुनयः प्रातर्हुतहुताग्नयः सत्कृतं सूतम् आसीनं पप्रच्छुरिदम् आदरात्

ta ekadā tu munayaḥ prātarhutahutāgnayaḥ satkṛtaṃ sūtam āsīnaṃ papracchuridam ādarāt

Sanskrit only: no published translation is held for this verse.

ऋषय ऊचुः त्वया खलु पुराणानि सेतिहासानि चानघ आख्यातान्यप्यधीतानि धर्मशास्त्राणि यान्युत

ṛṣaya ūcuḥ tvayā khalu purāṇāni setihāsāni cānagha ākhyātānyapyadhītāni dharmaśāstrāṇi yānyuta

Sanskrit only: no published translation is held for this verse.

यानि वेदविदां श्रेष्ठो भगवान् बादरायणः अन्ये च मुनयः सूत परावरविदो विदुः

yāni vedavidāṃ śreṣṭho bhagavān bādarāyaṇaḥ anye ca munayaḥ sūta parāvaravido viduḥ

Sanskrit only: no published translation is held for this verse.

वेत्थ त्वं सौम्य तत् सर्वं तत्त्वतस्तदनुग्रहात् ब्रूयुः स्निग्धस्य शिष्यस्य गुरवो गुह्यम् अप्युत

vettha tvaṃ saumya tat sarvaṃ tattvatastadanugrahāt brūyuḥ snigdhasya śiṣyasya guravo guhyam apyuta

Sanskrit only: no published translation is held for this verse.

तत्र तत्राञ्जसायुष्मन् भवता यद्विनिश्चितम् पुंसाम् एकान्ततः श्रेयस्तन् नः शंसितुम् अर्हसि

tatra tatrāñjasāyuṣman bhavatā yadviniścitam puṃsām ekāntataḥ śreyastan naḥ śaṃsitum arhasi

Sanskrit only: no published translation is held for this verse.

प्रायेणाल्पायुषः सभ्य कलावस्मिन् युगे जनाः मन्दाः सुमन्दमतयो मन्दभाग्या ह्युपद्रुताः

prāyeṇālpāyuṣaḥ sabhya kalāvasmin yuge janāḥ mandāḥ sumandamatayo mandabhāgyā hyupadrutāḥ

Sanskrit only: no published translation is held for this verse.

भूरीणि भूरिकर्माणि श्रोतव्यानि विभागशः अतः साधो ऽत्र यत् सारं समुद्धृत्य मनीषया ब्रूहि भद्राय भूतानां येनात्मा सुप्रसीदति

bhūrīṇi bhūrikarmāṇi śrotavyāni vibhāgaśaḥ ataḥ sādho 'tra yat sāraṃ samuddhṛtya manīṣayā brūhi bhadrāya bhūtānāṃ yenātmā suprasīdati

Sanskrit only: no published translation is held for this verse.

सूत जानासि भद्रं ते भगवान् सात्वतां पतिः देवक्यां वसुदेवस्य जातो यस्य चिकीर्षया

sūta jānāsi bhadraṃ te bhagavān sātvatāṃ patiḥ devakyāṃ vasudevasya jāto yasya cikīrṣayā

Sanskrit only: no published translation is held for this verse.

तन् नः शुष्रूषमाणानाम् अर्हस्यङ्गानुवर्णितुम् यस्यावतारो भूतानां क्षेमाय च भवाय च

tan naḥ śuṣrūṣamāṇānām arhasyaṅgānuvarṇitum yasyāvatāro bhūtānāṃ kṣemāya ca bhavāya ca

Sanskrit only: no published translation is held for this verse.

आपन्नः संसृतिं घोरां यन्नाम विवशो गृणन् ततः सद्यो विमुच्येत यद्बिभेति स्वयं भयम्

āpannaḥ saṃsṛtiṃ ghorāṃ yannāma vivaśo gṛṇan tataḥ sadyo vimucyeta yadbibheti svayaṃ bhayam

Sanskrit only: no published translation is held for this verse.

यत्पादसंश्रयाः सूत मुनयः प्रशमायनाः सद्यः पुनन्त्युपस्पृष्टाः स्वर्धुन्यापो ऽनुसेवया

yatpādasaṃśrayāḥ sūta munayaḥ praśamāyanāḥ sadyaḥ punantyupaspṛṣṭāḥ svardhunyāpo 'nusevayā

Sanskrit only: no published translation is held for this verse.

को वा भगवतस्तस्य पुण्यश्लोकेड्यकर्मणः शुद्धिकामो न शृणुयाद्यशः कलिमलापहम्

ko vā bhagavatastasya puṇyaślokeḍyakarmaṇaḥ śuddhikāmo na śṛṇuyādyaśaḥ kalimalāpaham

Sanskrit only: no published translation is held for this verse.

तस्य कर्माण्युदाराणि परिगीतानि सूरिभिः ब्रूहि नः श्रद्दधानानां लीलया दधतः कलाः

tasya karmāṇyudārāṇi parigītāni sūribhiḥ brūhi naḥ śraddadhānānāṃ līlayā dadhataḥ kalāḥ

Sanskrit only: no published translation is held for this verse.

अथाख्याहि हरेर्धीमन्न् अवतारकथाः शुभाः ईला विदधतः स्वैरम् ईश्वरस्यात्ममायया

athākhyāhi harerdhīmann avatārakathāḥ śubhāḥ īlā vidadhataḥ svairam īśvarasyātmamāyayā

Sanskrit only: no published translation is held for this verse.

वयं तु न वितृप्याम उत्तमश्लोकविक्रमे यच्छृण्वतां रसज्ञानां स्वादु स्वादु पदे पदे

vayaṃ tu na vitṛpyāma uttamaślokavikrame yacchṛṇvatāṃ rasajñānāṃ svādu svādu pade pade

Sanskrit only: no published translation is held for this verse.

कृतवान् किल कर्माणि सह रामेण केशवः अतिमर्त्यानि भगवान् गूढः कपटमानुषः

kṛtavān kila karmāṇi saha rāmeṇa keśavaḥ atimartyāni bhagavān gūḍhaḥ kapaṭamānuṣaḥ

Sanskrit only: no published translation is held for this verse.

कलिम् आगतम् आज्ञाय क्षेत्रे ऽस्मिन् वैष्णवे वयम् आसीना दीर्घसत्रेण कथायां सक्षणा हरेः

kalim āgatam ājñāya kṣetre 'smin vaiṣṇave vayam āsīnā dīrghasatreṇa kathāyāṃ sakṣaṇā hareḥ

Sanskrit only: no published translation is held for this verse.

त्वं नः सन्दर्शितो धात्रा दुस्तरं निस्तितीर्षताम् कलिं सत्त्वहरं पुंसां कर्णधार इवार्णवम्

tvaṃ naḥ sandarśito dhātrā dustaraṃ nistitīrṣatām kaliṃ sattvaharaṃ puṃsāṃ karṇadhāra ivārṇavam

Sanskrit only: no published translation is held for this verse.

ब्रूहि योगेश्वरे कृष्णे ब्रह्मण्ये धर्मवर्मणि स्वां काष्ठाम् अधुनोपेते धर्मः कं शरणं गतः

brūhi yogeśvare kṛṣṇe brahmaṇye dharmavarmaṇi svāṃ kāṣṭhām adhunopete dharmaḥ kaṃ śaraṇaṃ gataḥ

Sanskrit only: no published translation is held for this verse.