Library·Bhāgavata Purāṇa·1·1.6
सूत उवाच एवं निशम्य भगवान् देवर्षेर्जन्म कर्म च भूयः पप्रच्छ तं ब्रह्मन् व्यासः सत्यवतीसुतः
sūta uvāca evaṃ niśamya bhagavān devarṣerjanma karma ca bhūyaḥ papraccha taṃ brahman vyāsaḥ satyavatīsutaḥ
Sanskrit only: no published translation is held for this verse.
व्यास उवाच भिक्षुभिर्विप्रवसिते विज्ञानादेष्टृभिस्तव वर्तमानो वयस्याद्ये ततः किम् अकरोद्भवान्
vyāsa uvāca bhikṣubhirvipravasite vijñānādeṣṭṛbhistava vartamāno vayasyādye tataḥ kim akarodbhavān
Sanskrit only: no published translation is held for this verse.
स्वायम्भुव कया वृत्त्या वर्तितं ते परं वयः कथं चेदम् उदस्राक्षीः काले प्राप्ते कलेवरम्
svāyambhuva kayā vṛttyā vartitaṃ te paraṃ vayaḥ kathaṃ cedam udasrākṣīḥ kāle prāpte kalevaram
Sanskrit only: no published translation is held for this verse.
प्राक्कल्पविषयाम् एतां स्मृतिं ते मुनिसत्तम न ह्येष व्यवधात् काल एष सर्वनिराकृतिः
prākkalpaviṣayām etāṃ smṛtiṃ te munisattama na hyeṣa vyavadhāt kāla eṣa sarvanirākṛtiḥ
Sanskrit only: no published translation is held for this verse.
नारद उवाच भिक्षुभिर्विप्रवसिते विज्ञानादेष्टृभिर्मम वर्तमानो वयस्याद्ये तत एतदकारषम्
nārada uvāca bhikṣubhirvipravasite vijñānādeṣṭṛbhirmama vartamāno vayasyādye tata etadakāraṣam
Sanskrit only: no published translation is held for this verse.
एकात्मजा मे जननी योषिन् मूढा च किङ्करी मय्यात्मजे ऽनन्यगतौ चक्रे स्नेहानुबन्धनम्
ekātmajā me jananī yoṣin mūḍhā ca kiṅkarī mayyātmaje 'nanyagatau cakre snehānubandhanam
Sanskrit only: no published translation is held for this verse.
सास्वतन्त्रा न कल्पासीद्योगक्षेमं ममेच्छती ईशस्य हि वशे लोको योषा दारुमयी यथा
sāsvatantrā na kalpāsīdyogakṣemaṃ mamecchatī īśasya hi vaśe loko yoṣā dārumayī yathā
Sanskrit only: no published translation is held for this verse.
अहं च तद्ब्रह्मकुले ऊषिवांस्तदुपेक्षया दिग्देशकालाव्युत्पन्नो बालकः पञ्चहायनः
ahaṃ ca tadbrahmakule ūṣivāṃstadupekṣayā digdeśakālāvyutpanno bālakaḥ pañcahāyanaḥ
Sanskrit only: no published translation is held for this verse.
एकदा निर्गतां गेहाद्दुहन्तीं निशि गां पथि सर्पो ऽदशत् पदा स्पृष्टः कृपणां कालचोदितः
ekadā nirgatāṃ gehādduhantīṃ niśi gāṃ pathi sarpo 'daśat padā spṛṣṭaḥ kṛpaṇāṃ kālacoditaḥ
Sanskrit only: no published translation is held for this verse.
तदा तदहम् ईशस्य भक्तानां शम् अभीप्सतः अनुग्रहं मन्यमानः प्रातिष्ठं दिशम् उत्तराम्
tadā tadaham īśasya bhaktānāṃ śam abhīpsataḥ anugrahaṃ manyamānaḥ prātiṣṭhaṃ diśam uttarām
Sanskrit only: no published translation is held for this verse.
स्फीताञ् जनपदांस्तत्र पुरग्रामव्रजाकरान् खेटखर्वटवाटीश्च वनान्युपवनानि च
sphītāñ janapadāṃstatra puragrāmavrajākarān kheṭakharvaṭavāṭīśca vanānyupavanāni ca
Sanskrit only: no published translation is held for this verse.
चित्रधातुविचित्राद्रीन् इभभग्नभुजद्रुमान् जलाशयाञ् छिवजलान् नलिनीः सुरसेविताः
citradhātuvicitrādrīn ibhabhagnabhujadrumān jalāśayāñ chivajalān nalinīḥ surasevitāḥ
Sanskrit only: no published translation is held for this verse.
चित्रस्वनैः पत्ररथैर्विभ्रमद्भ्रमरश्रियः नलवेणुशरस्तन्ब कुशकीचकगह्वरम्
citrasvanaiḥ patrarathairvibhramadbhramaraśriyaḥ nalaveṇuśarastanba kuśakīcakagahvaram
Sanskrit only: no published translation is held for this verse.
एक एवातियातो ऽहम् अद्राक्षं विपिनं महत् घोरं प्रतिभयाकारं व्यालोलूकशिवाजिरम्
eka evātiyāto 'ham adrākṣaṃ vipinaṃ mahat ghoraṃ pratibhayākāraṃ vyālolūkaśivājiram
Sanskrit only: no published translation is held for this verse.
परिश्रान्तेन्द्रियात्माहं तृट्परीतो बुभुक्षितः स्नात्वा पीत्वा ह्रदे नद्या उपस्पृष्टो गतश्रमः
pariśrāntendriyātmāhaṃ tṛṭparīto bubhukṣitaḥ snātvā pītvā hrade nadyā upaspṛṣṭo gataśramaḥ
Sanskrit only: no published translation is held for this verse.
तस्मिन् निर्मनुजे ऽरण्ये पिप्पलोपस्थ आश्रितः आत्मनात्मानम् आत्मस्थं यथाश्रुतम् अचिन्तयम्
tasmin nirmanuje 'raṇye pippalopastha āśritaḥ ātmanātmānam ātmasthaṃ yathāśrutam acintayam
Sanskrit only: no published translation is held for this verse.
ध्यायतश्चरणाम्भोजं भावनिर्जितचेतसा औत्कण्ठ्याश्रुकलाक्षस्य हृद्यासीन् मे शनैर्हरिः
dhyāyataścaraṇāmbhojaṃ bhāvanirjitacetasā autkaṇṭhyāśrukalākṣasya hṛdyāsīn me śanairhariḥ
Sanskrit only: no published translation is held for this verse.
प्रेमातिभरनिर्भिन्न पुलकाङ्गो ऽतिनिर्वृतः आनन्दसम्प्लवे लीनो नापश्यम् उभयं मुने
premātibharanirbhinna pulakāṅgo 'tinirvṛtaḥ ānandasamplave līno nāpaśyam ubhayaṃ mune
Sanskrit only: no published translation is held for this verse.
रूपं भगवतो यत् तन् मनःकान्तं शुचापहम् अपश्यन् सहसोत्तस्थे वैक्लव्याद्दुर्मना इव
rūpaṃ bhagavato yat tan manaḥkāntaṃ śucāpaham apaśyan sahasottasthe vaiklavyāddurmanā iva
Sanskrit only: no published translation is held for this verse.
दिदृक्षुस्तदहं भूयः प्रणिधाय मनो हृदि वीक्षमाणो ऽपि नापश्यम् अवितृप्त इवातुरः
didṛkṣustadahaṃ bhūyaḥ praṇidhāya mano hṛdi vīkṣamāṇo 'pi nāpaśyam avitṛpta ivāturaḥ
Sanskrit only: no published translation is held for this verse.
एवं यतन्तं विजने माम् आहागोचरो गिराम् गम्भीरश्लक्ष्णया वाचा शुचः प्रशमयन्न् इव
evaṃ yatantaṃ vijane mām āhāgocaro girām gambhīraślakṣṇayā vācā śucaḥ praśamayann iva
Sanskrit only: no published translation is held for this verse.
हन्तास्मिञ् जन्मनि भवान् मा मां द्रष्टुम् इहार्हति अविपक्वकषायाणां दुर्दर्शो ऽहं कुयोगिनाम्
hantāsmiñ janmani bhavān mā māṃ draṣṭum ihārhati avipakvakaṣāyāṇāṃ durdarśo 'haṃ kuyoginām
Sanskrit only: no published translation is held for this verse.
सकृद्यद्दर्शितं रूपम् एतत् कामाय ते ऽनघ मत्कामः शनकैः साधु सर्वान् मुञ्चति हृच्छयान्
sakṛdyaddarśitaṃ rūpam etat kāmāya te 'nagha matkāmaḥ śanakaiḥ sādhu sarvān muñcati hṛcchayān
Sanskrit only: no published translation is held for this verse.
सत्सेवयादीर्घयापि जाता मयि दृढा मतिः हित्वावद्यम् इमं लोकं गन्ता मज्जनताम् असि
satsevayādīrghayāpi jātā mayi dṛḍhā matiḥ hitvāvadyam imaṃ lokaṃ gantā majjanatām asi
Sanskrit only: no published translation is held for this verse.
मतिर्मयि निबद्धेयं न विपद्येत कर्हिचित् प्रजासर्गनिरोधे ऽपि स्मृतिश्च मदनुग्रहात्
matirmayi nibaddheyaṃ na vipadyeta karhicit prajāsarganirodhe 'pi smṛtiśca madanugrahāt
Sanskrit only: no published translation is held for this verse.
एतावदुक्त्वोपरराम तन् महद् भूतं नभोलिङ्गम् अलिङ्गम् ईश्वरम् अहं च तस्मै महतां महीयसे शीर्ष्णावनामं विदधे ऽनुकम्पितः
etāvaduktvopararāma tan mahad bhūtaṃ nabholiṅgam aliṅgam īśvaram ahaṃ ca tasmai mahatāṃ mahīyase śīrṣṇāvanāmaṃ vidadhe 'nukampitaḥ
Sanskrit only: no published translation is held for this verse.
नामान्यनन्तस्य हतत्रपः पठन् गुह्यानि भद्राणि कृतानि च स्मरन् गां पर्यटंस्तुष्टमना गतस्पृहः कालं प्रतीक्षन् विमदो विमत्सरः
nāmānyanantasya hatatrapaḥ paṭhan guhyāni bhadrāṇi kṛtāni ca smaran gāṃ paryaṭaṃstuṣṭamanā gataspṛhaḥ kālaṃ pratīkṣan vimado vimatsaraḥ
Sanskrit only: no published translation is held for this verse.
एवं कृष्णमतेर्ब्रह्मन् नासक्तस्यामलात्मनः कालः प्रादुरभूत् काले तडित् सौदामनी यथा
evaṃ kṛṣṇamaterbrahman nāsaktasyāmalātmanaḥ kālaḥ prādurabhūt kāle taḍit saudāmanī yathā
Sanskrit only: no published translation is held for this verse.
प्रयुज्यमाने मयि तां शुद्धां भागवतीं तनुम् आरब्धकर्मनिर्वाणो न्यपतत् पाञ्चभौतिकः
prayujyamāne mayi tāṃ śuddhāṃ bhāgavatīṃ tanum ārabdhakarmanirvāṇo nyapatat pāñcabhautikaḥ
Sanskrit only: no published translation is held for this verse.
कल्पान्त इदम् आदाय शयाने ऽम्भस्युदन्वतः शिशयिषोरनुप्राणं विविशे ऽन्तरहं विभोः
kalpānta idam ādāya śayāne 'mbhasyudanvataḥ śiśayiṣoranuprāṇaṃ viviśe 'ntarahaṃ vibhoḥ
Sanskrit only: no published translation is held for this verse.
सहस्रयुगपर्यन्ते उत्थायेदं सिसृक्षतः मरीचिमिश्रा ऋषयः प्राणेभ्यो ऽहं च जज्ञिरे
sahasrayugaparyante utthāyedaṃ sisṛkṣataḥ marīcimiśrā ṛṣayaḥ prāṇebhyo 'haṃ ca jajñire
Sanskrit only: no published translation is held for this verse.
अन्तर्बहिश्च लोकांस्त्रीन् पर्येम्यस्कन्दितव्रतः अनुग्रहान् महाविष्णोरविघातगतिः क्वचित्
antarbahiśca lokāṃstrīn paryemyaskanditavrataḥ anugrahān mahāviṣṇoravighātagatiḥ kvacit
Sanskrit only: no published translation is held for this verse.
देवदत्ताम् इमां वीणां स्वरब्रह्मविभूषिताम् मूर्च्छयित्वा हरिकथां गायमानश्चराम्यहम्
devadattām imāṃ vīṇāṃ svarabrahmavibhūṣitām mūrcchayitvā harikathāṃ gāyamānaścarāmyaham
Sanskrit only: no published translation is held for this verse.
प्रगायतः स्ववीर्याणि तीर्थपादः प्रियश्रवाः आहूत इव मे शीघ्रं दर्शनं याति चेतसि
pragāyataḥ svavīryāṇi tīrthapādaḥ priyaśravāḥ āhūta iva me śīghraṃ darśanaṃ yāti cetasi
Sanskrit only: no published translation is held for this verse.
एतद्ध्यातुरचित्तानां मात्रास्पर्शेच्छया मुहुः भवसिन्धुप्लवो दृष्टो हरिचर्यानुवर्णनम्
etaddhyāturacittānāṃ mātrāsparśecchayā muhuḥ bhavasindhuplavo dṛṣṭo haricaryānuvarṇanam
Sanskrit only: no published translation is held for this verse.
यमादिभिर्योगपथैः कामलोभहतो मुहुः मुकुन्दसेवया यद्वत् तथात्माद्धा न शाम्यति
yamādibhiryogapathaiḥ kāmalobhahato muhuḥ mukundasevayā yadvat tathātmāddhā na śāmyati
Sanskrit only: no published translation is held for this verse.
सर्वं तदिदम् आख्यातं यत् पृष्टो ऽहं त्वयानघ जन्मकर्मरहस्यं मे भवतश्चात्मतोषणम्
sarvaṃ tadidam ākhyātaṃ yat pṛṣṭo 'haṃ tvayānagha janmakarmarahasyaṃ me bhavataścātmatoṣaṇam
Sanskrit only: no published translation is held for this verse.
सूत उवाच एवं सम्भाष्य भगवान् नारदो वासवीसुतम् आमन्त्र्य वीणां रणयन् ययौ यादृच्छिको मुनिः
sūta uvāca evaṃ sambhāṣya bhagavān nārado vāsavīsutam āmantrya vīṇāṃ raṇayan yayau yādṛcchiko muniḥ
Sanskrit only: no published translation is held for this verse.
अहो देवर्षिर्धन्यो ऽयं यत्कीर्तिं शार्ङ्गधन्वनः गायन् माद्यन्न् इदं तन्त्र्या रमयत्यातुरं जगत्
aho devarṣirdhanyo 'yaṃ yatkīrtiṃ śārṅgadhanvanaḥ gāyan mādyann idaṃ tantryā ramayatyāturaṃ jagat
Sanskrit only: no published translation is held for this verse.