Bhāgavata Purāṇa 10.17

श्री-राजोवाच नागालयं रमणकं कथं तत्याज कालियः कृतं किं वा सुपर्णस्य तेनैकेनासमञ्जसम्

śrī-rājovāca nāgālayaṃ ramaṇakaṃ kathaṃ tatyāja kāliyaḥ kṛtaṃ kiṃ vā suparṇasya tenaikenāsamañjasam

Sanskrit only: no published translation is held for this verse.

श्री-शुक उवाच उपहार्यैः सर्प-जनैर् मासि मासीह यो बलिः वानस्पत्यो महा-बाहो नागानां प्राङ्-निरूपितः

śrī-śuka uvāca upahāryaiḥ sarpa-janair māsi māsīha yo baliḥ vānaspatyo mahā-bāho nāgānāṃ prāṅ-nirūpitaḥ

Sanskrit only: no published translation is held for this verse.

स्वं स्वं भागं प्रयच्छन्ति नागाः पर्वणि पर्वणि गोपीथायात्मनः सर्वे सुपर्णाय महात्मने

svaṃ svaṃ bhāgaṃ prayacchanti nāgāḥ parvaṇi parvaṇi gopīthāyātmanaḥ sarve suparṇāya mahātmane

Sanskrit only: no published translation is held for this verse.

विष-वीर्य-मदाविष्टः काद्रवेयस् तु कालियः कदर्थी-कृत्य गरुडं स्वयं तं बुभुजे बलिम्

viṣa-vīrya-madāviṣṭaḥ kādraveyas tu kāliyaḥ kadarthī-kṛtya garuḍaṃ svayaṃ taṃ bubhuje balim

Sanskrit only: no published translation is held for this verse.

तच् छ्रुत्वा कुपितो राजन् भगवान् भगवत्-प्रियः विजिघांसुर् महा-वेगः कालियं समपाद्रवत्

tac chrutvā kupito rājan bhagavān bhagavat-priyaḥ vijighāṃsur mahā-vegaḥ kāliyaṃ samapādravat

Sanskrit only: no published translation is held for this verse.

तम् आपतन्तं तरसा विषायुधः प्रत्यभ्ययाद् उत्थित-नैक-मस्तकः दद्भिः सुपर्णं व्यदशद् दद्-आयुधः कराल-जिह्रोच्छ्वसितोग्र-लोचनः

tam āpatantaṃ tarasā viṣāyudhaḥ pratyabhyayād utthita-naika-mastakaḥ dadbhiḥ suparṇaṃ vyadaśad dad-āyudhaḥ karāla-jihrocchvasitogra-locanaḥ

Sanskrit only: no published translation is held for this verse.

तं तार्क्ष्य-पुत्रः स निरस्य मन्युमान् प्रचण्ड-वेगो मधुसूदनासनः पक्षेण सव्येन हिरण्य-रोचिषा जघान कद्रु-सुतम् उग्र-विक्रमः

taṃ tārkṣya-putraḥ sa nirasya manyumān pracaṇḍa-vego madhusūdanāsanaḥ pakṣeṇa savyena hiraṇya-rociṣā jaghāna kadru-sutam ugra-vikramaḥ

Sanskrit only: no published translation is held for this verse.

सुपर्ण-पक्षाभिहतः कालियो ऽतीव विह्वलः ह्रदं विवेश कालिन्द्यास् तद्-अगम्यं दुरासदम्

suparṇa-pakṣābhihataḥ kāliyo 'tīva vihvalaḥ hradaṃ viveśa kālindyās tad-agamyaṃ durāsadam

Sanskrit only: no published translation is held for this verse.

तत्रैकदा जल-चरं गरुडो भक्ष्यम् ईप्सितम् निवारितः सौभरिणा प्रसह्य क्षुधितो ऽहरत्

tatraikadā jala-caraṃ garuḍo bhakṣyam īpsitam nivāritaḥ saubhariṇā prasahya kṣudhito 'harat

Sanskrit only: no published translation is held for this verse.

मीनान् सु-दुःखितान् दृष्ट्वा दीनान् मीन-पतौ हते कृपया सौभरिः प्राह तत्रत्य-क्षेमम् आचरन्

mīnān su-duḥkhitān dṛṣṭvā dīnān mīna-patau hate kṛpayā saubhariḥ prāha tatratya-kṣemam ācaran

Sanskrit only: no published translation is held for this verse.

अत्र प्रविश्य गरुडो यदि मत्स्यान् स खादति सद्यः प्राणैर् वियुज्येत सत्यम् एतद् ब्रवीम्य् अहम्

atra praviśya garuḍo yadi matsyān sa khādati sadyaḥ prāṇair viyujyeta satyam etad bravīmy aham

Sanskrit only: no published translation is held for this verse.

तत् कालियः परं वेद नान्यः कश्चन लेलिहः अवात्सीद् गरुडाद् भीतः कृष्णेन च विवासितः

tat kāliyaḥ paraṃ veda nānyaḥ kaścana lelihaḥ avātsīd garuḍād bhītaḥ kṛṣṇena ca vivāsitaḥ

Sanskrit only: no published translation is held for this verse.

कृष्णं ह्रदाद् विनिष्क्रान्तं दिव्य-स्रग्-गन्ध-वाससम् महा-मणि-गणाकीर्णं जाम्बूनद-परिष्कृतम्

kṛṣṇaṃ hradād viniṣkrāntaṃ divya-srag-gandha-vāsasam mahā-maṇi-gaṇākīrṇaṃ jāmbūnada-pariṣkṛtam

Sanskrit only: no published translation is held for this verse.

उपलभ्योत्थिताः सर्वे लब्ध-प्राणा इवासवः प्रमोद-निभृतात्मानो गोपाः प्रीत्याभिरेभिरे

upalabhyotthitāḥ sarve labdha-prāṇā ivāsavaḥ pramoda-nibhṛtātmāno gopāḥ prītyābhirebhire

Sanskrit only: no published translation is held for this verse.

यशोदा रोहिणी नन्दो गोप्यो गोपाश् च कौरव कृष्णं समेत्य लब्धेहा आसन् शुष्का नगा अपि

yaśodā rohiṇī nando gopyo gopāś ca kaurava kṛṣṇaṃ sametya labdhehā āsan śuṣkā nagā api

Sanskrit only: no published translation is held for this verse.

रामश् चाच्युतम् आलिङ्ग्य जहासास्यानुभाव-वित् प्रेम्णा तम् अङ्कम् आरोप्य पुनः पुनर् उदैक्षत गावो वृषा वत्सतर्यो लेभिरे परमां मुदम्

rāmaś cācyutam āliṅgya jahāsāsyānubhāva-vit premṇā tam aṅkam āropya punaḥ punar udaikṣata gāvo vṛṣā vatsataryo lebhire paramāṃ mudam

Sanskrit only: no published translation is held for this verse.

नन्दं विप्राः समागत्य गुरवः स-कलत्रकाः ऊचुस् ते कालिय-ग्रस्तो दिष्ट्या मुक्तस् तवात्मजः

nandaṃ viprāḥ samāgatya guravaḥ sa-kalatrakāḥ ūcus te kāliya-grasto diṣṭyā muktas tavātmajaḥ

Sanskrit only: no published translation is held for this verse.

देहि दानं द्वि-जातीनां कृष्ण-निर्मुक्ति-हेतवे नन्दः प्रीत-मना राजन् गाः सुवर्णं तदादिशत्

dehi dānaṃ dvi-jātīnāṃ kṛṣṇa-nirmukti-hetave nandaḥ prīta-manā rājan gāḥ suvarṇaṃ tadādiśat

Sanskrit only: no published translation is held for this verse.

यशोदापि महा-भागा नष्ट-लब्ध-प्रजा सती परिष्वज्याङ्कम् आरोप्य मुमोचाश्रु-कलां मुहुः

yaśodāpi mahā-bhāgā naṣṭa-labdha-prajā satī pariṣvajyāṅkam āropya mumocāśru-kalāṃ muhuḥ

Sanskrit only: no published translation is held for this verse.

तां रात्रिं तत्र राजेन्द्र क्षुत्-तृड्भ्यां श्रम-कर्षिताः ऊषुर् व्रयौकसो गावः कालिन्द्या उपकूलतः

tāṃ rātriṃ tatra rājendra kṣut-tṛḍbhyāṃ śrama-karṣitāḥ ūṣur vrayaukaso gāvaḥ kālindyā upakūlataḥ

Sanskrit only: no published translation is held for this verse.

तदा शुचि-वनोद्भूतो दावाग्निः सर्वतो व्रजम् सुप्तं निशीथ आवृत्य प्रदग्धुम् उपचक्रमे

tadā śuci-vanodbhūto dāvāgniḥ sarvato vrajam suptaṃ niśītha āvṛtya pradagdhum upacakrame

Sanskrit only: no published translation is held for this verse.

तत उत्थाय सम्भ्रान्ता दह्यमाना व्रजौकसः कृष्णं ययुस् ते शरणं माया-मनुजम् ईश्वरम्

tata utthāya sambhrāntā dahyamānā vrajaukasaḥ kṛṣṇaṃ yayus te śaraṇaṃ māyā-manujam īśvaram

Sanskrit only: no published translation is held for this verse.

कृष्ण कृष्ण महा-भग हे रामामित-विक्रम एष घोरतमो वह्निस् तावकान् ग्रसते हि नः

kṛṣṇa kṛṣṇa mahā-bhaga he rāmāmita-vikrama eṣa ghoratamo vahnis tāvakān grasate hi naḥ

Sanskrit only: no published translation is held for this verse.

सु-दुस्तरान् नः स्वान् पाहि कालाग्नेः सुहृदः प्रभो न शक्नुमस् त्वच्-चरणं सन्त्यक्तुम् अकुतो-भयम्

su-dustarān naḥ svān pāhi kālāgneḥ suhṛdaḥ prabho na śaknumas tvac-caraṇaṃ santyaktum akuto-bhayam

Sanskrit only: no published translation is held for this verse.

इत्थं स्व-जन-वैक्लव्यं निरीक्ष्य जगद्-ईश्वरः तम् अग्निम् अपिबत् तीव्रम् अनन्तो ऽनन्त-शक्ति-धृक्

itthaṃ sva-jana-vaiklavyaṃ nirīkṣya jagad-īśvaraḥ tam agnim apibat tīvram ananto 'nanta-śakti-dhṛk

Sanskrit only: no published translation is held for this verse.