Bhāgavata Purāṇa 10.19

श्री-शुक उवाच क्रीडासक्तेषु गोपेषु तद्-गावो दूर-चारिणीः स्वैरं चरन्त्यो विविशुस् तृण-लोभेन गह्वरम्

śrī-śuka uvāca krīḍāsakteṣu gopeṣu tad-gāvo dūra-cāriṇīḥ svairaṃ carantyo viviśus tṛṇa-lobhena gahvaram

Sanskrit only: no published translation is held for this verse.

अजा गावो महिष्यश् च निर्विशन्त्यो वनाद् वनम् ईषीकाटवीं निर्विविशुः क्रन्दन्त्यो दाव-तर्षिताः

ajā gāvo mahiṣyaś ca nirviśantyo vanād vanam īṣīkāṭavīṃ nirviviśuḥ krandantyo dāva-tarṣitāḥ

Sanskrit only: no published translation is held for this verse.

ते ऽपश्यन्तः पशून् गोपाः कृष्ण-रामादयस् तदा जातानुतापा न विदुर् विचिन्वन्तो गवां गतिम्

te 'paśyantaḥ paśūn gopāḥ kṛṣṇa-rāmādayas tadā jātānutāpā na vidur vicinvanto gavāṃ gatim

Sanskrit only: no published translation is held for this verse.

तृणैस् तत्-खुर-दच्-छिन्नैर् गोष्-पदैर् अङ्कितैर् गवाम् मार्गम् अन्वगमन् सर्वे नष्टाजीव्या विचेतसः

tṛṇais tat-khura-dac-chinnair goṣ-padair aṅkitair gavām mārgam anvagaman sarve naṣṭājīvyā vicetasaḥ

Sanskrit only: no published translation is held for this verse.

मुञ्जाटव्यां भ्रष्ट-मार्गं क्रन्दमानं स्व-गोधनम् सम्प्राप्य तृषिताः श्रान्तास् ततस् ते सन्न्यवर्तयन्

muñjāṭavyāṃ bhraṣṭa-mārgaṃ krandamānaṃ sva-godhanam samprāpya tṛṣitāḥ śrāntās tatas te sannyavartayan

Sanskrit only: no published translation is held for this verse.

ता आहूता भगवता मेघ-गम्भीरया गिरा स्व-नाम्नां निनदं श्रुत्वा प्रतिनेदुः प्रहर्षिताः

tā āhūtā bhagavatā megha-gambhīrayā girā sva-nāmnāṃ ninadaṃ śrutvā pratineduḥ praharṣitāḥ

Sanskrit only: no published translation is held for this verse.

ततः समन्ताद् दव-धूमकेतुर् यदृच्छयाभूत् क्षय-कृद् वनौकसाम् समीरितः सारथिनोल्बणोल्मुकैर् विलेलिहानः स्थिर-जङ्गमान् महान्

tataḥ samantād dava-dhūmaketur yadṛcchayābhūt kṣaya-kṛd vanaukasām samīritaḥ sārathinolbaṇolmukair vilelihānaḥ sthira-jaṅgamān mahān

Sanskrit only: no published translation is held for this verse.

तम् आपतन्तं परितो दवाग्निं गोपाश् च गावः प्रसमीक्ष्य भीताः ऊचुश् च कृष्णं स-बलं प्रपन्ना यथा हरिं मृत्यु-भयार्दिता जनाः

tam āpatantaṃ parito davāgniṃ gopāś ca gāvaḥ prasamīkṣya bhītāḥ ūcuś ca kṛṣṇaṃ sa-balaṃ prapannā yathā hariṃ mṛtyu-bhayārditā janāḥ

Sanskrit only: no published translation is held for this verse.

कृष्ण कृष्ण महा-वीर हे रामामोघ विक्रम दावाग्निना दह्यमानान् प्रपन्नांस् त्रातुम् अर्हथः

kṛṣṇa kṛṣṇa mahā-vīra he rāmāmogha vikrama dāvāgninā dahyamānān prapannāṃs trātum arhathaḥ

Sanskrit only: no published translation is held for this verse.

नूनं त्वद्-बान्धवाः कृष्ण न चार्हन्त्य् अवसादितुम् वयं हि सर्व-धर्म-ज्ञ त्वन्-नाथास् त्वत्-परायणाः

nūnaṃ tvad-bāndhavāḥ kṛṣṇa na cārhanty avasāditum vayaṃ hi sarva-dharma-jña tvan-nāthās tvat-parāyaṇāḥ

Sanskrit only: no published translation is held for this verse.

श्री-शुक उवाच वचो निशम्य कृपणं बन्धूनां भगवान् हरिः निमीलयत मा भैष्ट लोचनानीत्य् अभाषत

śrī-śuka uvāca vaco niśamya kṛpaṇaṃ bandhūnāṃ bhagavān hariḥ nimīlayata mā bhaiṣṭa locanānīty abhāṣata

Sanskrit only: no published translation is held for this verse.

तथेति मीलिताक्षेषु भगवान् अग्निम् उल्बणम् पीत्वा मुखेन तान् कृच्छ्राद् योगाधीशो व्यमोचयत्

tatheti mīlitākṣeṣu bhagavān agnim ulbaṇam pītvā mukhena tān kṛcchrād yogādhīśo vyamocayat

Sanskrit only: no published translation is held for this verse.

ततश् च ते ऽक्षीण्य् उन्मील्य पुनर् भाण्डीरम् आपिताः निशम्य विस्मिता आसन्न् आत्मानं गाश् च मोचिताः

tataś ca te 'kṣīṇy unmīlya punar bhāṇḍīram āpitāḥ niśamya vismitā āsann ātmānaṃ gāś ca mocitāḥ

Sanskrit only: no published translation is held for this verse.

कृष्णस्य योग-वीर्यं तद् योग-मायानुभावितम् दावाग्नेर् आत्मनः क्षेमं वीक्ष्य ते मेनिरे ऽमरम्

kṛṣṇasya yoga-vīryaṃ tad yoga-māyānubhāvitam dāvāgner ātmanaḥ kṣemaṃ vīkṣya te menire 'maram

Sanskrit only: no published translation is held for this verse.

गाः सन्निवर्त्य सायाह्ने सह-रामो जनार्दनः वेणुं विरणयन् गोष्ठम् अगाद् गोपैर् अभिष्टुतः

gāḥ sannivartya sāyāhne saha-rāmo janārdanaḥ veṇuṃ viraṇayan goṣṭham agād gopair abhiṣṭutaḥ

Sanskrit only: no published translation is held for this verse.

गोपीनां परमानन्द आसीद् गोविन्द-दर्शने क्षणं युग-शतम् इव यासां येन विनाभवत्

gopīnāṃ paramānanda āsīd govinda-darśane kṣaṇaṃ yuga-śatam iva yāsāṃ yena vinābhavat

Sanskrit only: no published translation is held for this verse.