Library·Bhāgavata Purāṇa·10·10.36
श्री बादरायणिर् उवाच अथ तर्ह्य् आगतो गोष्ठम् अरिष्टो वृषभासुरः महीम् महा-ककुत्-कायः कम्पयन् खुर-विक्षताम्
śrī bādarāyaṇir uvāca atha tarhy āgato goṣṭham ariṣṭo vṛṣabhāsuraḥ mahīm mahā-kakut-kāyaḥ kampayan khura-vikṣatām
Sanskrit only: no published translation is held for this verse.
रम्भमाणः खरतरं पदा च विलिखन् महीम् उद्यम्य पुच्छं वप्राणि विषाणाग्रेण चोद्धरन् किञ्चित् किञ्चिच् छकृन् मुञ्चन् मूत्रयन् स्तब्ध-लोचनः
rambhamāṇaḥ kharataraṃ padā ca vilikhan mahīm udyamya pucchaṃ vaprāṇi viṣāṇāgreṇa coddharan kiñcit kiñcic chakṛn muñcan mūtrayan stabdha-locanaḥ
Sanskrit only: no published translation is held for this verse.
यस्य निर्ह्रादितेनाङ्ग निष्ठुरेण गवां नृणाम् पतन्त्य् अकालतो गर्भाः स्रवन्ति स्म भयेन वै
yasya nirhrāditenāṅga niṣṭhureṇa gavāṃ nṛṇām patanty akālato garbhāḥ sravanti sma bhayena vai
Sanskrit only: no published translation is held for this verse.
निर्विशन्ति घना यस्य ककुद्य् अचल-शङ्कया तं तीक्ष्ण-शृङ्गम् उद्वीक्ष्य गोप्यो गोपाश् च तत्रसुः
nirviśanti ghanā yasya kakudy acala-śaṅkayā taṃ tīkṣṇa-śṛṅgam udvīkṣya gopyo gopāś ca tatrasuḥ
Sanskrit only: no published translation is held for this verse.
पशवो दुद्रुवुर् भीता राजन् सन्त्यज्य गो-कुलम् कृष्ण कृष्णेति ते सर्वे गोविन्दं शरणं ययुः
paśavo dudruvur bhītā rājan santyajya go-kulam kṛṣṇa kṛṣṇeti te sarve govindaṃ śaraṇaṃ yayuḥ
Sanskrit only: no published translation is held for this verse.
भगवान् अपि तद् वीक्ष्य गो-कुलं भय-विद्रुतम् मा भैष्टेति गिराश्वास्य वृषासुरम् उपाह्वयत्
bhagavān api tad vīkṣya go-kulaṃ bhaya-vidrutam mā bhaiṣṭeti girāśvāsya vṛṣāsuram upāhvayat
Sanskrit only: no published translation is held for this verse.
गोपालैः पशुभिर् मन्द त्रासितैः किम् असत्तम मयि शास्तरि दुष्टानां त्वद्-विधानां दुरात्मनाम्
gopālaiḥ paśubhir manda trāsitaiḥ kim asattama mayi śāstari duṣṭānāṃ tvad-vidhānāṃ durātmanām
Sanskrit only: no published translation is held for this verse.
इत्य् आस्फोत्याच्युतो ऽरिष्टं तल-शब्देन कोपयन् सख्युर् अंसे भुजाभोगं प्रसार्यावस्थितो हरिः
ity āsphotyācyuto 'riṣṭaṃ tala-śabdena kopayan sakhyur aṃse bhujābhogaṃ prasāryāvasthito hariḥ
Sanskrit only: no published translation is held for this verse.
सो ऽप्य् एवं कोपितो ऽरिष्टः खुरेणावनिम् उल्लिखन् उद्यत्-पुच्छ-भ्रमन्-मेघः क्रुद्धः कृष्णम् उपाद्रवत्
so 'py evaṃ kopito 'riṣṭaḥ khureṇāvanim ullikhan udyat-puccha-bhraman-meghaḥ kruddhaḥ kṛṣṇam upādravat
Sanskrit only: no published translation is held for this verse.
अग्र-न्यस्त-विषाणाग्रः स्तब्धासृग्-लोचनो ऽच्युतम् कटाक्षिप्याद्रवत् तूर्णम् इन्द्र-मुक्तो ऽशनिर् यथा
agra-nyasta-viṣāṇāgraḥ stabdhāsṛg-locano 'cyutam kaṭākṣipyādravat tūrṇam indra-mukto 'śanir yathā
Sanskrit only: no published translation is held for this verse.
गृहीत्वा शृङ्गयोस् तं वा अष्टादश पदानि सः प्रत्यपोवाह भगवान् गजः प्रति-गजं यथा
gṛhītvā śṛṅgayos taṃ vā aṣṭādaśa padāni saḥ pratyapovāha bhagavān gajaḥ prati-gajaṃ yathā
Sanskrit only: no published translation is held for this verse.
सो ऽपविद्धो भगवता पुनर् उत्थाय सत्वरम् आपतत् स्विन्न-सर्वाङ्गो निःश्वसन् क्रोध-मूर्च्छितः
so 'paviddho bhagavatā punar utthāya satvaram āpatat svinna-sarvāṅgo niḥśvasan krodha-mūrcchitaḥ
Sanskrit only: no published translation is held for this verse.
तम् आपतन्तं स निगृह्य शृङ्गयोः पदा समाक्रम्य निपात्य भू-तले निष्पीडयाम् आस यथार्द्रम् अम्बरं कृत्वा विषाणेन जघान सो ऽपतत्
tam āpatantaṃ sa nigṛhya śṛṅgayoḥ padā samākramya nipātya bhū-tale niṣpīḍayām āsa yathārdram ambaraṃ kṛtvā viṣāṇena jaghāna so 'patat
Sanskrit only: no published translation is held for this verse.
असृग् वमन् मूत्र-शकृत् समुत्सृजन् क्षिपंश् च पादान् अनवस्थितेक्षणः जगाम कृच्छ्रं निरृतेर् अथ क्षयं पुष्पैः किरन्तो हरिम् ईडिरे सुराः
asṛg vaman mūtra-śakṛt samutsṛjan kṣipaṃś ca pādān anavasthitekṣaṇaḥ jagāma kṛcchraṃ nirṛter atha kṣayaṃ puṣpaiḥ kiranto harim īḍire surāḥ
Sanskrit only: no published translation is held for this verse.
एवं कुकुद्मिनं हत्वा स्तूयमानः द्विजातिभिः विवेश गोष्ठं स-बलो गोपीनां नयनोत्सवः
evaṃ kukudminaṃ hatvā stūyamānaḥ dvijātibhiḥ viveśa goṣṭhaṃ sa-balo gopīnāṃ nayanotsavaḥ
Sanskrit only: no published translation is held for this verse.
अरिष्टे निहते दैत्ये कृष्णेनाद्भुत-कर्मणा कंसायाथाह भगवान् नारदो देव-दर्शनः
ariṣṭe nihate daitye kṛṣṇenādbhuta-karmaṇā kaṃsāyāthāha bhagavān nārado deva-darśanaḥ
Sanskrit only: no published translation is held for this verse.
यशोदायाः सुतां कन्यां देवक्याः कृष्णम् एव च रामं च रोहिणी-पुत्रं वसुदेवेन बिभ्यता न्यस्तौ स्व-मित्रे नन्दे वै याभ्यां ते पुरुषा हताः
yaśodāyāḥ sutāṃ kanyāṃ devakyāḥ kṛṣṇam eva ca rāmaṃ ca rohiṇī-putraṃ vasudevena bibhyatā nyastau sva-mitre nande vai yābhyāṃ te puruṣā hatāḥ
Sanskrit only: no published translation is held for this verse.
निशम्य तद् भोज-पतिः कोपात् प्रचलितेन्द्रियः निशातम् असिम् आदत्त वसुदेव-जिघांसया
niśamya tad bhoja-patiḥ kopāt pracalitendriyaḥ niśātam asim ādatta vasudeva-jighāṃsayā
Sanskrit only: no published translation is held for this verse.
निवारितो नारदेन तत्-सुतौ मृत्युम् आत्मनः ज्ञात्वा लोह-मयैः पाशैर् बबन्ध सह भार्यया
nivārito nāradena tat-sutau mṛtyum ātmanaḥ jñātvā loha-mayaiḥ pāśair babandha saha bhāryayā
Sanskrit only: no published translation is held for this verse.
प्रतियाते तु देवर्षौ कंस आभाष्य केशिनम् प्रेषयाम् आस हन्येतां भवता राम-केशवौ
pratiyāte tu devarṣau kaṃsa ābhāṣya keśinam preṣayām āsa hanyetāṃ bhavatā rāma-keśavau
Sanskrit only: no published translation is held for this verse.
ततो मुष्टिक-चाणूर शल-तोशलकादिकान् अमात्यान् हस्तिपांश् चैव समाहूयाह भोज-राट्
tato muṣṭika-cāṇūra śala-tośalakādikān amātyān hastipāṃś caiva samāhūyāha bhoja-rāṭ
Sanskrit only: no published translation is held for this verse.
भो भो निशम्यताम् एतद् वीर-चाणूर-मुष्टिकौ नन्द-व्रजे किलासाते सुताव् आनकदुन्दुभेः
bho bho niśamyatām etad vīra-cāṇūra-muṣṭikau nanda-vraje kilāsāte sutāv ānakadundubheḥ
Sanskrit only: no published translation is held for this verse.
राम-कृष्णौ ततो मह्यं मृत्युः किल निदर्शितः भवद्भ्याम् इह सम्प्राप्तौ हन्येतां मल्ल-लीलया
rāma-kṛṣṇau tato mahyaṃ mṛtyuḥ kila nidarśitaḥ bhavadbhyām iha samprāptau hanyetāṃ malla-līlayā
Sanskrit only: no published translation is held for this verse.
मञ्चाः क्रियन्तां विविधा मल्ल-रङ्ग-परिश्रिताः पौरा जानपदाः सर्वे पश्यन्तु स्वैर-संयुगम्
mañcāḥ kriyantāṃ vividhā malla-raṅga-pariśritāḥ paurā jānapadāḥ sarve paśyantu svaira-saṃyugam
Sanskrit only: no published translation is held for this verse.
महामात्र त्वया भद्र रङ्ग-द्वार्य् उपनीयताम् द्विपः कुवलयापीडो जहि तेन ममाहितौ
mahāmātra tvayā bhadra raṅga-dvāry upanīyatām dvipaḥ kuvalayāpīḍo jahi tena mamāhitau
Sanskrit only: no published translation is held for this verse.
आरभ्यतां धनुर्-यागश् चतुर्दश्यां यथा-विधि विशसन्तु पशून् मेध्यान् भूत-राजाय मीढुषे
ārabhyatāṃ dhanur-yāgaś caturdaśyāṃ yathā-vidhi viśasantu paśūn medhyān bhūta-rājāya mīḍhuṣe
Sanskrit only: no published translation is held for this verse.
इत्य् आज्ञाप्यार्थ-तन्त्र-ज्ञ आहूय यदु-पुङ्गवम् गृहीत्वा पाणिना पाणिं ततो ऽक्रूरम् उवाच ह
ity ājñāpyārtha-tantra-jña āhūya yadu-puṅgavam gṛhītvā pāṇinā pāṇiṃ tato 'krūram uvāca ha
Sanskrit only: no published translation is held for this verse.
भो भो दान-पते मह्यं क्रियतां मैत्रम् आदृतः नान्यस् त्वत्तो हिततमो विद्यते भोज-वृष्णिषु
bho bho dāna-pate mahyaṃ kriyatāṃ maitram ādṛtaḥ nānyas tvatto hitatamo vidyate bhoja-vṛṣṇiṣu
Sanskrit only: no published translation is held for this verse.
अतस् त्वाम् आश्रितः सौम्य कार्य-गौरव-साधनम् यथेन्द्रो विष्णुम् आश्रित्य स्वार्थम् अध्यगमद् विभुः
atas tvām āśritaḥ saumya kārya-gaurava-sādhanam yathendro viṣṇum āśritya svārtham adhyagamad vibhuḥ
Sanskrit only: no published translation is held for this verse.
गच्छ नन्द-व्रजं तत्र सुताव् आनकदुन्दुभेः आसाते ताव् इहानेन रथेनानय मा चिरम्
gaccha nanda-vrajaṃ tatra sutāv ānakadundubheḥ āsāte tāv ihānena rathenānaya mā ciram
Sanskrit only: no published translation is held for this verse.
निसृष्टः किल मे मृत्युर् देवैर् वैकुण्ठ-संश्रयैः ताव् आनय समं गोपैर् नन्दाद्यैः साभ्युपायनैः
nisṛṣṭaḥ kila me mṛtyur devair vaikuṇṭha-saṃśrayaiḥ tāv ānaya samaṃ gopair nandādyaiḥ sābhyupāyanaiḥ
Sanskrit only: no published translation is held for this verse.
घातयिष्य इहानीतौ काल-कल्पेन हस्तिना यदि मुक्तौ ततो मल्लैर् घातये वैद्युतोपमैः
ghātayiṣya ihānītau kāla-kalpena hastinā yadi muktau tato mallair ghātaye vaidyutopamaiḥ
Sanskrit only: no published translation is held for this verse.
तयोर् निहतयोस् तप्तान् वसुदेव-पुरोगमान् तद्-बन्धून् निहनिष्यामि वृष्णि-भोज-दशार्हकान्
tayor nihatayos taptān vasudeva-purogamān tad-bandhūn nihaniṣyāmi vṛṣṇi-bhoja-daśārhakān
Sanskrit only: no published translation is held for this verse.
उग्रसेनं च पितरं स्थविरं राज्य-कामुकं तद्-भ्रातरं देवकं च ये चान्ये विद्विषो मम
ugrasenaṃ ca pitaraṃ sthaviraṃ rājya-kāmukaṃ tad-bhrātaraṃ devakaṃ ca ye cānye vidviṣo mama
Sanskrit only: no published translation is held for this verse.
ततश् चैषा मही मित्र भवित्री नष्ट-कण्टका
tataś caiṣā mahī mitra bhavitrī naṣṭa-kaṇṭakā
Sanskrit only: no published translation is held for this verse.
जरासन्धो मम गुरुर् द्विविदो दयितः सखा शम्बरो नरको बाणो मय्य् एव कृत-सौहृदाः तैर् अहं सुर-पक्षीयान् हत्वा भोक्ष्ये महीं नृपान्
jarāsandho mama gurur dvivido dayitaḥ sakhā śambaro narako bāṇo mayy eva kṛta-sauhṛdāḥ tair ahaṃ sura-pakṣīyān hatvā bhokṣye mahīṃ nṛpān
Sanskrit only: no published translation is held for this verse.
एतज् ज्ञात्वानय क्षिप्रं राम-कृष्णाव् इहार्भकौ धनुर्-मख-निरीक्षार्थं द्रष्टुं यदु-पुर-श्रियम्
etaj jñātvānaya kṣipraṃ rāma-kṛṣṇāv ihārbhakau dhanur-makha-nirīkṣārthaṃ draṣṭuṃ yadu-pura-śriyam
Sanskrit only: no published translation is held for this verse.
श्री-अक्रूर उवाच राजन् मनीषितं सध्र्यक् तव स्वावद्य-मार्जनम् सिद्ध्य्-असिद्ध्योः समं कुर्याद् दैवं हि फल-साधनम्
śrī-akrūra uvāca rājan manīṣitaṃ sadhryak tava svāvadya-mārjanam siddhy-asiddhyoḥ samaṃ kuryād daivaṃ hi phala-sādhanam
Sanskrit only: no published translation is held for this verse.
मनोरथान् करोत्य् उच्चैर् जनो दैव-हतान् अपि युज्यते हर्ष-शोकाभ्यां तथाप्य् आज्ञां करोमि ते
manorathān karoty uccair jano daiva-hatān api yujyate harṣa-śokābhyāṃ tathāpy ājñāṃ karomi te
Sanskrit only: no published translation is held for this verse.
श्री-शुक उवाच एवम् आदिश्य चाक्रूरं मन्त्रिणश् च विषृज्य सः प्रविवेश गृहं कंसस् तथाक्रूरः स्वम् आलयम्
śrī-śuka uvāca evam ādiśya cākrūraṃ mantriṇaś ca viṣṛjya saḥ praviveśa gṛhaṃ kaṃsas tathākrūraḥ svam ālayam
Sanskrit only: no published translation is held for this verse.