Bhāgavata Purāṇa 10.51

श्री-शुक उवाच तं विलोक्य विनिष्क्रान्तम् उज्जिहानम् इवोडुपम् दर्शनीयतमं श्यामं पीत-कौशेय-वाससम्

śrī-śuka uvāca taṃ vilokya viniṣkrāntam ujjihānam ivoḍupam darśanīyatamaṃ śyāmaṃ pīta-kauśeya-vāsasam

Sanskrit only: no published translation is held for this verse.

श्रीवत्स-वक्षसं भ्राजत् कौस्तुभामुक्त-कन्धरम् पृथु-दीर्घ-चतुर्-बाहुं नव-कञ्जारुणेक्षणम्

śrīvatsa-vakṣasaṃ bhrājat kaustubhāmukta-kandharam pṛthu-dīrgha-catur-bāhuṃ nava-kañjāruṇekṣaṇam

Sanskrit only: no published translation is held for this verse.

नित्य-प्रमुदितं श्रीमत् सु-कपोलं शुचि-स्मितम् मुखारविन्दं बिभ्राणं स्फुरन्-मकर-कुण्डलम्

nitya-pramuditaṃ śrīmat su-kapolaṃ śuci-smitam mukhāravindaṃ bibhrāṇaṃ sphuran-makara-kuṇḍalam

Sanskrit only: no published translation is held for this verse.

वासुदेवो ह्य् अयम् इति पुमान् श्रीवत्स-लाञ्छनः चतुर्-भुजो ऽरविन्दाक्षो वन-माल्य् अति-सुन्दरः

vāsudevo hy ayam iti pumān śrīvatsa-lāñchanaḥ catur-bhujo 'ravindākṣo vana-māly ati-sundaraḥ

Sanskrit only: no published translation is held for this verse.

लक्षणैर् नारद-प्रोक्तैर् नान्यो भवितुम् अर्हति निरायुधश् चलन् पद्भ्यां योत्स्ये ऽनेन निरायुधः

lakṣaṇair nārada-proktair nānyo bhavitum arhati nirāyudhaś calan padbhyāṃ yotsye 'nena nirāyudhaḥ

Sanskrit only: no published translation is held for this verse.

इति निश्चित्य यवनः प्राद्रवद् तं पराङ्-मुखम् अन्वधावज् जिघृक्षुस् तं दुरापम् अपि योगिनाम्

iti niścitya yavanaḥ prādravad taṃ parāṅ-mukham anvadhāvaj jighṛkṣus taṃ durāpam api yoginām

Sanskrit only: no published translation is held for this verse.

हस्त-प्राप्तम् इवात्मानं हरीणा स पदे पदे नीतो दर्शयता दूरं यवनेशो ऽद्रि-कन्दरम्

hasta-prāptam ivātmānaṃ harīṇā sa pade pade nīto darśayatā dūraṃ yavaneśo 'dri-kandaram

Sanskrit only: no published translation is held for this verse.

पलायनं यदु-कुले जातस्य तव नोचितम् इति क्षिपन्न् अनुगतो नैनं प्रापाहताशुभः

palāyanaṃ yadu-kule jātasya tava nocitam iti kṣipann anugato nainaṃ prāpāhatāśubhaḥ

Sanskrit only: no published translation is held for this verse.

एवं क्षिप्तो ऽपि भगवान् प्राविशद् गिरि-कन्दरम् सो ऽपि प्रविष्टस् तत्रान्यं शयानं ददृशे नरम्

evaṃ kṣipto 'pi bhagavān prāviśad giri-kandaram so 'pi praviṣṭas tatrānyaṃ śayānaṃ dadṛśe naram

Sanskrit only: no published translation is held for this verse.

नन्व् असौ दूरम् आनीय शेते माम् इह साधु-वत् इति मत्वाच्युतं मूढस् तं पदा समताडयत्

nanv asau dūram ānīya śete mām iha sādhu-vat iti matvācyutaṃ mūḍhas taṃ padā samatāḍayat

Sanskrit only: no published translation is held for this verse.

स उत्थाय चिरं सुप्तः शनैर् उन्मील्य लोचने दिशो विलोकयन् पार्श्वे तम् अद्राक्षीद् अवस्थितम्

sa utthāya ciraṃ suptaḥ śanair unmīlya locane diśo vilokayan pārśve tam adrākṣīd avasthitam

Sanskrit only: no published translation is held for this verse.

स तावत् तस्य रुष्टस्य दृष्टि-पातेन भारत देह-जेनाग्निना दग्धो भस्म-साद् अभवत् क्षणात्

sa tāvat tasya ruṣṭasya dṛṣṭi-pātena bhārata deha-jenāgninā dagdho bhasma-sād abhavat kṣaṇāt

Sanskrit only: no published translation is held for this verse.

श्री-राजोवाच को नाम स पुमान् ब्रह्मन् कस्य किं-वीर्य एव च कस्माद् गुहां गतः शिष्ये किं-तेजो यवनार्दनः

śrī-rājovāca ko nāma sa pumān brahman kasya kiṃ-vīrya eva ca kasmād guhāṃ gataḥ śiṣye kiṃ-tejo yavanārdanaḥ

Sanskrit only: no published translation is held for this verse.

श्री-शुक उवाच स इक्ष्वाकु-कुले जातो मान्धातृ-तनयो महान् मुचुकुन्द इति ख्यातो ब्रह्मण्यः सत्य-सङ्गरः

śrī-śuka uvāca sa ikṣvāku-kule jāto māndhātṛ-tanayo mahān mucukunda iti khyāto brahmaṇyaḥ satya-saṅgaraḥ

Sanskrit only: no published translation is held for this verse.

स याचितः सुर-गणैर् इन्द्राद्यैर् आत्म-रक्षणे असुरेभ्यः परित्रस्तैस् तद्-रक्षां सो ऽकरोच् चिरम्

sa yācitaḥ sura-gaṇair indrādyair ātma-rakṣaṇe asurebhyaḥ paritrastais tad-rakṣāṃ so 'karoc ciram

Sanskrit only: no published translation is held for this verse.

लब्ध्वा गुहं ते स्वः-पालं मुचुकुन्दम् अथाब्रुवन् राजन् विरमतां कृच्छ्राद् भवान् नः परिपालनात्

labdhvā guhaṃ te svaḥ-pālaṃ mucukundam athābruvan rājan viramatāṃ kṛcchrād bhavān naḥ paripālanāt

Sanskrit only: no published translation is held for this verse.

नर-लोकं परित्यज्य राज्यं निहत-कण्टकम् अस्मान् पालयतो वीर कामास् ते सर्व उज्झिताः

nara-lokaṃ parityajya rājyaṃ nihata-kaṇṭakam asmān pālayato vīra kāmās te sarva ujjhitāḥ

Sanskrit only: no published translation is held for this verse.

सुता महिष्यो भवतो ज्ञातयो ऽमात्य-मन्त्रिनः प्रजाश् च तुल्य-कालीना नाधुना सन्ति कालिताः

sutā mahiṣyo bhavato jñātayo 'mātya-mantrinaḥ prajāś ca tulya-kālīnā nādhunā santi kālitāḥ

Sanskrit only: no published translation is held for this verse.

कालो बलीयान् बलिनां भगवान् ईश्वरो ऽव्ययः प्रजाः कालयते क्रीडन् पशु-पालो यथा पशून्

kālo balīyān balināṃ bhagavān īśvaro 'vyayaḥ prajāḥ kālayate krīḍan paśu-pālo yathā paśūn

Sanskrit only: no published translation is held for this verse.

वरं वृणीष्व भद्रं ते ऋते कैवल्यम् अद्य नः एक एवेश्वरस् तस्य भगवान् विष्णुर् अव्ययः

varaṃ vṛṇīṣva bhadraṃ te ṛte kaivalyam adya naḥ eka eveśvaras tasya bhagavān viṣṇur avyayaḥ

Sanskrit only: no published translation is held for this verse.

एवम् उक्तः स वै देवान् अभिवन्द्य महा-यशाः अशयिष्ट गुहा-विष्टो निद्रया देव-दत्तया

evam uktaḥ sa vai devān abhivandya mahā-yaśāḥ aśayiṣṭa guhā-viṣṭo nidrayā deva-dattayā

Sanskrit only: no published translation is held for this verse.

यवने भस्म-सान् नीते भगवान् सात्वतर्षभः आत्मानं दर्शयाम् आस मुचुकुन्दाय धीमते

yavane bhasma-sān nīte bhagavān sātvatarṣabhaḥ ātmānaṃ darśayām āsa mucukundāya dhīmate

Sanskrit only: no published translation is held for this verse.

तम् आलोक्य घन-श्यामं पीत-कौशेय-वाससम् श्रीवत्स-वक्षसं भ्राजत् कौस्तुभेन विराजितम्

tam ālokya ghana-śyāmaṃ pīta-kauśeya-vāsasam śrīvatsa-vakṣasaṃ bhrājat kaustubhena virājitam

Sanskrit only: no published translation is held for this verse.

चतुर्-भुजं रोचमानं वैजयन्त्या च मालया चारु-प्रसन्न-वदनं स्फुरन्-मकर-कुण्डलम्

catur-bhujaṃ rocamānaṃ vaijayantyā ca mālayā cāru-prasanna-vadanaṃ sphuran-makara-kuṇḍalam

Sanskrit only: no published translation is held for this verse.

प्रेक्षणीयं नृ-लोकस्य सानुराग-स्मितेक्षणम् अपीव्य-वयसं मत्त- मृगेन्द्रोदार-विक्रमम्

prekṣaṇīyaṃ nṛ-lokasya sānurāga-smitekṣaṇam apīvya-vayasaṃ matta- mṛgendrodāra-vikramam

Sanskrit only: no published translation is held for this verse.

पर्यपृच्छन् महा-बुद्धिस् तेजसा तस्य धर्षितः शङ्कितः शनकै राजा दुर्धर्षम् इव तेजसा

paryapṛcchan mahā-buddhis tejasā tasya dharṣitaḥ śaṅkitaḥ śanakai rājā durdharṣam iva tejasā

Sanskrit only: no published translation is held for this verse.

श्री-मुचुकुन्द उवाच को भवान् इह सम्प्राप्तो विपिने गिरि-गह्वरे पद्भ्यां पद्म-पलाशाभ्यां विचरस्य् उरु-कण्टके

śrī-mucukunda uvāca ko bhavān iha samprāpto vipine giri-gahvare padbhyāṃ padma-palāśābhyāṃ vicarasy uru-kaṇṭake

Sanskrit only: no published translation is held for this verse.

किं स्वित् तेजस्विनां तेजो भगवान् वा विभावसुः सूर्यः सोमो महेन्द्रो वा लोक-पालो परो ऽपि वा

kiṃ svit tejasvināṃ tejo bhagavān vā vibhāvasuḥ sūryaḥ somo mahendro vā loka-pālo paro 'pi vā

Sanskrit only: no published translation is held for this verse.

मन्ये त्वां देव-देवानां त्रयाणां पुरुषर्षभम् यद् बाधसे गुहा-ध्वान्तं प्रदीपः प्रभया यथा

manye tvāṃ deva-devānāṃ trayāṇāṃ puruṣarṣabham yad bādhase guhā-dhvāntaṃ pradīpaḥ prabhayā yathā

Sanskrit only: no published translation is held for this verse.

शुश्रूषताम् अव्यलीकम् अस्माकं नर-पुङ्गव स्व-जन्म कर्म गोत्रं वा कथ्यतां यदि रोचते

śuśrūṣatām avyalīkam asmākaṃ nara-puṅgava sva-janma karma gotraṃ vā kathyatāṃ yadi rocate

Sanskrit only: no published translation is held for this verse.

वयं तु पुरुष-व्याघ्र ऐक्ष्वाकाः क्षत्र-बन्धवः मुचुकुन्द इति प्रोक्तो यौवनाश्वात्मजः प्रभो

vayaṃ tu puruṣa-vyāghra aikṣvākāḥ kṣatra-bandhavaḥ mucukunda iti prokto yauvanāśvātmajaḥ prabho

Sanskrit only: no published translation is held for this verse.

चिर-प्रजागर-श्रान्तो निद्रयापहतेन्द्रियः शये ऽस्मिन् विजने कामं केनाप्य् उत्थापितो ऽधुना

cira-prajāgara-śrānto nidrayāpahatendriyaḥ śaye 'smin vijane kāmaṃ kenāpy utthāpito 'dhunā

Sanskrit only: no published translation is held for this verse.

सो ऽपि भस्मी-कृतो नूनम् आत्मीयेनैव पाप्मना अनन्तरं भवान् श्रीमांल् लक्षितो ऽमित्र-शासनः

so 'pi bhasmī-kṛto nūnam ātmīyenaiva pāpmanā anantaraṃ bhavān śrīmāṃl lakṣito 'mitra-śāsanaḥ

Sanskrit only: no published translation is held for this verse.

तेजसा ते ऽविषह्येण भूरि द्रष्टुं न शक्नुमः हतौजसा महा-भाग माननीयो ऽसि देहिनाम्

tejasā te 'viṣahyeṇa bhūri draṣṭuṃ na śaknumaḥ hataujasā mahā-bhāga mānanīyo 'si dehinām

Sanskrit only: no published translation is held for this verse.

एवं सम्भाषितो राज्ञा भगवान् भूत-भावनः प्रत्याह प्रहसन् वाण्या मेघ-नाद-गभीरया

evaṃ sambhāṣito rājñā bhagavān bhūta-bhāvanaḥ pratyāha prahasan vāṇyā megha-nāda-gabhīrayā

Sanskrit only: no published translation is held for this verse.

श्री-भगवान् उवाच जन्म-कर्माभिधानानि सन्ति मे ऽङ्ग सहस्रशः न शक्यन्ते ऽनुसङ्ख्यातुम् अनन्तत्वान् मयापि हि

śrī-bhagavān uvāca janma-karmābhidhānāni santi me 'ṅga sahasraśaḥ na śakyante 'nusaṅkhyātum anantatvān mayāpi hi

Sanskrit only: no published translation is held for this verse.

क्वचिद् रजांसि विममे पार्थिवान्य् उरु-जन्मभिः गुण-कर्माभिधानानि न मे जन्मानि कर्हिचित्

kvacid rajāṃsi vimame pārthivāny uru-janmabhiḥ guṇa-karmābhidhānāni na me janmāni karhicit

Sanskrit only: no published translation is held for this verse.

काल-त्रयोपपन्नानि जन्म-कर्माणि मे नृप अनुक्रमन्तो नैवान्तं गच्छन्ति परमर्षयः

kāla-trayopapannāni janma-karmāṇi me nṛpa anukramanto naivāntaṃ gacchanti paramarṣayaḥ

Sanskrit only: no published translation is held for this verse.

तथाप्य् अद्यतनान्य् अङ्ग शृनुष्व गदतो मम विज्ञापितो विरिञ्चेन पुराहं धर्म-गुप्तये

tathāpy adyatanāny aṅga śṛnuṣva gadato mama vijñāpito viriñcena purāhaṃ dharma-guptaye

Sanskrit only: no published translation is held for this verse.

भूमेर् भारायमाणानाम् असुराणां क्षयाय च अवतीर्णो यदु-कुले गृह आनकदुन्दुभेः वदन्ति वासुदेवेति वसुदेव-सुतं हि माम्

bhūmer bhārāyamāṇānām asurāṇāṃ kṣayāya ca avatīrṇo yadu-kule gṛha ānakadundubheḥ vadanti vāsudeveti vasudeva-sutaṃ hi mām

Sanskrit only: no published translation is held for this verse.

कालनेमिर् हतः कंसः प्रलम्बाद्याश् च सद्-द्विषः अयं च यवनो दग्धो राजंस् ते तिग्म-चक्षुषा

kālanemir hataḥ kaṃsaḥ pralambādyāś ca sad-dviṣaḥ ayaṃ ca yavano dagdho rājaṃs te tigma-cakṣuṣā

Sanskrit only: no published translation is held for this verse.

सो ऽहं तवानुग्रहार्थं गुहाम् एताम् उपागतः प्रार्थितः प्रचुरं पूर्वं त्वयाहं भक्त-वत्सलः

so 'haṃ tavānugrahārthaṃ guhām etām upāgataḥ prārthitaḥ pracuraṃ pūrvaṃ tvayāhaṃ bhakta-vatsalaḥ

Sanskrit only: no published translation is held for this verse.

वरान् वृणीष्व राजर्षे सर्वान् कामान् ददामि ते मां प्रसन्नो जनः कश्चिन् न भूयो ऽर्हति शोचितुम्

varān vṛṇīṣva rājarṣe sarvān kāmān dadāmi te māṃ prasanno janaḥ kaścin na bhūyo 'rhati śocitum

Sanskrit only: no published translation is held for this verse.

श्री-शुक उवाच इत्य् उक्तस् तं प्रणम्याह मुचुकुन्दो मुदान्वितः ज्ञात्वा नारायणं देवं गर्ग-वाक्यम् अनुस्मरन्

śrī-śuka uvāca ity uktas taṃ praṇamyāha mucukundo mudānvitaḥ jñātvā nārāyaṇaṃ devaṃ garga-vākyam anusmaran

Sanskrit only: no published translation is held for this verse.

श्री-मुचुकुन्द उवाच विमोहितो ऽयं जन ईश मायया त्वदीयया त्वां न भजत्य् अनर्थ-दृक् सुखाय दुःख-प्रभवेषु सज्जते गृहेषु योषित् पुरुषश् च वञ्चितः

śrī-mucukunda uvāca vimohito 'yaṃ jana īśa māyayā tvadīyayā tvāṃ na bhajaty anartha-dṛk sukhāya duḥkha-prabhaveṣu sajjate gṛheṣu yoṣit puruṣaś ca vañcitaḥ

Sanskrit only: no published translation is held for this verse.

लब्ध्वा जनो दुर्लभम् अत्र मानुषं कथञ्चिद् अव्यङ्गम् अयत्नतो ऽनघ पादारविन्दं न भजत्य् असन्-मतिर् गृहान्ध-कूपे पतितो यथा पशुः

labdhvā jano durlabham atra mānuṣaṃ kathañcid avyaṅgam ayatnato 'nagha pādāravindaṃ na bhajaty asan-matir gṛhāndha-kūpe patito yathā paśuḥ

Sanskrit only: no published translation is held for this verse.

ममैष कालो ऽजित निष्फलो गतो राज्य-श्रियोन्नद्ध-मदस्य भू-पतेः मर्त्यात्म-बुद्धेः सुत-दार-कोश-भूष्व् आसज्जमानस्य दुरन्त-चिन्तया

mamaiṣa kālo 'jita niṣphalo gato rājya-śriyonnaddha-madasya bhū-pateḥ martyātma-buddheḥ suta-dāra-kośa-bhūṣv āsajjamānasya duranta-cintayā

Sanskrit only: no published translation is held for this verse.

कलेवरे ऽस्मिन् घट-कुड्य-सन्निभे निरूढ-मानो नर-देव इत्य् अहम् वृतो रथेभाश्व-पदात्य्-अनीकपैर् गां पर्यटंस् त्वागणयन् सु-दुर्मदः

kalevare 'smin ghaṭa-kuḍya-sannibhe nirūḍha-māno nara-deva ity aham vṛto rathebhāśva-padāty-anīkapair gāṃ paryaṭaṃs tvāgaṇayan su-durmadaḥ

Sanskrit only: no published translation is held for this verse.

प्रमत्तम् उच्चैर् इतिकृत्य-चिन्तया प्रवृद्ध-लोभं विषयेषु लालसम् त्वम् अप्रमत्तः सहसाभिपद्यसे क्षुल्-लेलिहानो ऽहिर् इवाखुम् अन्तकः

pramattam uccair itikṛtya-cintayā pravṛddha-lobhaṃ viṣayeṣu lālasam tvam apramattaḥ sahasābhipadyase kṣul-lelihāno 'hir ivākhum antakaḥ

Sanskrit only: no published translation is held for this verse.

पुरा रथैर् हेम-परिष्कृतैश् चरन् मतं-गजैर् वा नर-देव-संज्ञितः स एव कालेन दुरत्ययेन ते कलेवरो विट्-कृमि-भस्म-संज्ञितः

purā rathair hema-pariṣkṛtaiś caran mataṃ-gajair vā nara-deva-saṃjñitaḥ sa eva kālena duratyayena te kalevaro viṭ-kṛmi-bhasma-saṃjñitaḥ

Sanskrit only: no published translation is held for this verse.

निर्जित्य दिक्-चक्रम् अभूत-विग्रहो वरासन-स्थः सम-राज-वन्दितः गृहेषु मैथुन्य-सुखेषु योषितां क्रीडा-मृगः पूरुष ईश नीयते

nirjitya dik-cakram abhūta-vigraho varāsana-sthaḥ sama-rāja-vanditaḥ gṛheṣu maithunya-sukheṣu yoṣitāṃ krīḍā-mṛgaḥ pūruṣa īśa nīyate

Sanskrit only: no published translation is held for this verse.

करोति कर्माणि तपः-सुनिष्ठितो निवृत्त-भोगस् तद्-अपेक्षयाददत् पुनश् च भूयासम् अहं स्व-राड् इति प्रवृद्ध-तर्षो न सुखाय कल्पते

karoti karmāṇi tapaḥ-suniṣṭhito nivṛtta-bhogas tad-apekṣayādadat punaś ca bhūyāsam ahaṃ sva-rāḍ iti pravṛddha-tarṣo na sukhāya kalpate

Sanskrit only: no published translation is held for this verse.

भवापवर्गो भ्रमतो यदा भवेज् जनस्य तर्ह्य् अच्युत सत्-समागमः सत्-सङ्गमो यर्हि तदैव सद्-गतौ परावरेशे त्वयि जायते मतिः

bhavāpavargo bhramato yadā bhavej janasya tarhy acyuta sat-samāgamaḥ sat-saṅgamo yarhi tadaiva sad-gatau parāvareśe tvayi jāyate matiḥ

Sanskrit only: no published translation is held for this verse.

मन्ये ममानुग्रह ईश ते कृतो राज्यानुबन्धापगमो यदृच्छया यः प्रार्थ्यते साधुभिर् एक-चर्यया वनं विविक्षद्भिर् अखण्ड-भूमि-पैः

manye mamānugraha īśa te kṛto rājyānubandhāpagamo yadṛcchayā yaḥ prārthyate sādhubhir eka-caryayā vanaṃ vivikṣadbhir akhaṇḍa-bhūmi-paiḥ

Sanskrit only: no published translation is held for this verse.

न कामये ऽन्यं तव पाद-सेवनाद् अकिञ्चन-प्रार्थ्यतमाद् वरं विभो आराध्य कस् त्वां ह्य् अपवर्ग-दं हरे वृणीत आर्यो वरम् आत्म-बन्धनम्

na kāmaye 'nyaṃ tava pāda-sevanād akiñcana-prārthyatamād varaṃ vibho ārādhya kas tvāṃ hy apavarga-daṃ hare vṛṇīta āryo varam ātma-bandhanam

Sanskrit only: no published translation is held for this verse.

तस्माद् विसृज्याशिष ईश सर्वतो रजस्-तमः-सत्त्व-गुणानुबन्धनाः निरञ्जनं निर्गुणम् अद्वयं परं त्वां ज्ञाप्ति-मात्रं पुरुषं व्रजाम्य् अहम्

tasmād visṛjyāśiṣa īśa sarvato rajas-tamaḥ-sattva-guṇānubandhanāḥ nirañjanaṃ nirguṇam advayaṃ paraṃ tvāṃ jñāpti-mātraṃ puruṣaṃ vrajāmy aham

Sanskrit only: no published translation is held for this verse.

चिरम् इह वृजिनार्तस् तप्यमानो ऽनुतापैर् अवितृष-षड्-अमित्रो ऽलब्ध-शान्तिः कथञ्चित् शरण-द समुपेतस् त्वत्-पदाब्जं परात्मन् अभयम् ऋतम् अशोकं पाहि मापन्नम् ईश

ciram iha vṛjinārtas tapyamāno 'nutāpair avitṛṣa-ṣaḍ-amitro 'labdha-śāntiḥ kathañcit śaraṇa-da samupetas tvat-padābjaṃ parātman abhayam ṛtam aśokaṃ pāhi māpannam īśa

Sanskrit only: no published translation is held for this verse.

श्री-भगवान् उवाच सार्वभौम महा-राज मतिस् ते विमलोर्जिता वरैः प्रलोभितस्यापि न कामैर् विहता यतः

śrī-bhagavān uvāca sārvabhauma mahā-rāja matis te vimalorjitā varaiḥ pralobhitasyāpi na kāmair vihatā yataḥ

Sanskrit only: no published translation is held for this verse.

प्रलोभितो वरैर् यत् त्वम् अप्रमादाय विद्धि तत् न धीर् एकान्त-भक्तानाम् आशीर्भिर् भिद्यते क्वचित्

pralobhito varair yat tvam apramādāya viddhi tat na dhīr ekānta-bhaktānām āśīrbhir bhidyate kvacit

Sanskrit only: no published translation is held for this verse.

युञ्जानानाम् अभक्तानां प्राणायामादिभिर् मनः अक्षीण-वासनं राजन् दृश्यते पुनर् उत्थितम्

yuñjānānām abhaktānāṃ prāṇāyāmādibhir manaḥ akṣīṇa-vāsanaṃ rājan dṛśyate punar utthitam

Sanskrit only: no published translation is held for this verse.

विचरस्व महीं कामं मय्य् आवेशित-मानसः अस्त्व् एवं नित्यदा तुभ्यं भक्तिर् मय्य् अनपायिनी

vicarasva mahīṃ kāmaṃ mayy āveśita-mānasaḥ astv evaṃ nityadā tubhyaṃ bhaktir mayy anapāyinī

Sanskrit only: no published translation is held for this verse.

क्षात्र-धर्म-स्थितो जन्तून् न्यवधीर् मृगयादिभिः समाहितस् तत् तपसा जह्य् अघं मद्-उपाश्रितः

kṣātra-dharma-sthito jantūn nyavadhīr mṛgayādibhiḥ samāhitas tat tapasā jahy aghaṃ mad-upāśritaḥ

Sanskrit only: no published translation is held for this verse.

जन्मन्य् अनन्तरे राजन् सर्व-भूत-सुहृत्तमः भूत्वा द्विज-वरस् त्वं वै माम् उपैष्यसि केवलम्

janmany anantare rājan sarva-bhūta-suhṛttamaḥ bhūtvā dvija-varas tvaṃ vai mām upaiṣyasi kevalam

Sanskrit only: no published translation is held for this verse.