Library·Bhāgavata Purāṇa·10·10.57
श्री-बादरायणिर् उवाच विज्ञातार्थो ऽपि गोविन्दो दग्धान् आकर्ण्य पाण्डवान् कुन्तीं च कुल्य-करणे सह-रामो ययौ कुरून्
śrī-bādarāyaṇir uvāca vijñātārtho 'pi govindo dagdhān ākarṇya pāṇḍavān kuntīṃ ca kulya-karaṇe saha-rāmo yayau kurūn
Sanskrit only: no published translation is held for this verse.
भीष्मं कृपं स विदुरं गान्धारीं द्रोणम् एव च तुल्य-दुःखौ च सङ्गम्य हा कष्टम् इति होचतुः
bhīṣmaṃ kṛpaṃ sa viduraṃ gāndhārīṃ droṇam eva ca tulya-duḥkhau ca saṅgamya hā kaṣṭam iti hocatuḥ
Sanskrit only: no published translation is held for this verse.
लब्ध्वैतद् अन्तरं राजन् शतधन्वानम् ऊचतुः अक्रूर-कृतवर्माणौ मनिः कस्मान् न गृह्यते
labdhvaitad antaraṃ rājan śatadhanvānam ūcatuḥ akrūra-kṛtavarmāṇau maniḥ kasmān na gṛhyate
Sanskrit only: no published translation is held for this verse.
यो ऽस्मभ्यं सम्प्रतिश्रुत्य कन्या-रत्नं विगर्ह्य नः कृष्णायादान् न सत्राजित् कस्माद् भ्रातरम् अन्वियात्
yo 'smabhyaṃ sampratiśrutya kanyā-ratnaṃ vigarhya naḥ kṛṣṇāyādān na satrājit kasmād bhrātaram anviyāt
Sanskrit only: no published translation is held for this verse.
एवं भिन्न-मतिस् ताभ्यां सत्राजितम् असत्तमः शयानम् अवधील् लोभात् स पापः क्षीण जीवितः
evaṃ bhinna-matis tābhyāṃ satrājitam asattamaḥ śayānam avadhīl lobhāt sa pāpaḥ kṣīṇa jīvitaḥ
Sanskrit only: no published translation is held for this verse.
स्त्रीणां विक्रोशमानानां क्रन्दन्तीनाम् अनाथ-वत् हत्वा पशून् सौनिक-वन् मणिम् आदाय जग्मिवान्
strīṇāṃ vikrośamānānāṃ krandantīnām anātha-vat hatvā paśūn saunika-van maṇim ādāya jagmivān
Sanskrit only: no published translation is held for this verse.
सत्यभामा च पितरं हतं वीक्ष्य शुचार्पिता व्यलपत् तात तातेति हा हतास्मीति मुह्यती
satyabhāmā ca pitaraṃ hataṃ vīkṣya śucārpitā vyalapat tāta tāteti hā hatāsmīti muhyatī
Sanskrit only: no published translation is held for this verse.
तैल-द्रोण्यां मृतं प्रास्य जगाम गजसाह्वयम् कृष्णाय विदितार्थाय तप्ताचख्यौ पितुर् वधम्
taila-droṇyāṃ mṛtaṃ prāsya jagāma gajasāhvayam kṛṣṇāya viditārthāya taptācakhyau pitur vadham
Sanskrit only: no published translation is held for this verse.
तद् आकर्ण्येश्वरौ राजन्न् अनुसृत्य नृ-लोकताम् अहो नः परमं कष्टम् इत्य् अस्राक्षौ विलेपतुः
tad ākarṇyeśvarau rājann anusṛtya nṛ-lokatām aho naḥ paramaṃ kaṣṭam ity asrākṣau vilepatuḥ
Sanskrit only: no published translation is held for this verse.
आगत्य भगवांस् तस्मात् स-भार्यः साग्रजः पुरम् शतधन्वानम् आरेभे हन्तुं हर्तुं मणिं ततः
āgatya bhagavāṃs tasmāt sa-bhāryaḥ sāgrajaḥ puram śatadhanvānam ārebhe hantuṃ hartuṃ maṇiṃ tataḥ
Sanskrit only: no published translation is held for this verse.
सो ऽपि कृतोद्यमं ज्ञात्वा भीतः प्राण-परीप्सया साहाय्ये कृतवर्माणम् अयाचत स चाब्रवीत्
so 'pi kṛtodyamaṃ jñātvā bhītaḥ prāṇa-parīpsayā sāhāyye kṛtavarmāṇam ayācata sa cābravīt
Sanskrit only: no published translation is held for this verse.
नाहम् ईस्वरयोः कुर्यां हेलनं राम-कृष्णयोः को नु क्षेमाय कल्पेत तयोर् वृजिनम् आचरन्
nāham īsvarayoḥ kuryāṃ helanaṃ rāma-kṛṣṇayoḥ ko nu kṣemāya kalpeta tayor vṛjinam ācaran
Sanskrit only: no published translation is held for this verse.
कंसः सहानुगो ऽपीतो यद्-द्वेषात् त्याजितः श्रिया जरासन्धः सप्तदश- संयुगाद् विरथो गतः
kaṃsaḥ sahānugo 'pīto yad-dveṣāt tyājitaḥ śriyā jarāsandhaḥ saptadaśa- saṃyugād viratho gataḥ
Sanskrit only: no published translation is held for this verse.
प्रत्याख्यातः स चाक्रूरं पार्ष्णि-ग्राहम् अयाचत सो ऽप्य् आह को विरुध्येत विद्वान् ईश्वरयोर् बलम्
pratyākhyātaḥ sa cākrūraṃ pārṣṇi-grāham ayācata so 'py āha ko virudhyeta vidvān īśvarayor balam
Sanskrit only: no published translation is held for this verse.
य इदं लीलया विश्वं सृजत्य् अवति हन्ति च चेष्टां विश्व-सृजो यस्य न विदुर् मोहिताजया
ya idaṃ līlayā viśvaṃ sṛjaty avati hanti ca ceṣṭāṃ viśva-sṛjo yasya na vidur mohitājayā
Sanskrit only: no published translation is held for this verse.
यः सप्त-हायनः शैलम् उत्पाट्यैकेन पाणिना दधार लीलया बाल उच्छिलीन्ध्रम् इवार्भकः
yaḥ sapta-hāyanaḥ śailam utpāṭyaikena pāṇinā dadhāra līlayā bāla ucchilīndhram ivārbhakaḥ
Sanskrit only: no published translation is held for this verse.
नमस् तस्मै भगवते कृष्णायाद्भुत-कर्मणे अनन्तायादि-भूताय कूट-स्थायात्मने नमः
namas tasmai bhagavate kṛṣṇāyādbhuta-karmaṇe anantāyādi-bhūtāya kūṭa-sthāyātmane namaḥ
Sanskrit only: no published translation is held for this verse.
प्रत्याख्यातः स तेनापि शतधन्वा महा-मणिम् तस्मिन् न्यस्याश्वम् आरुह्य शत-योजन-गं ययौ
pratyākhyātaḥ sa tenāpi śatadhanvā mahā-maṇim tasmin nyasyāśvam āruhya śata-yojana-gaṃ yayau
Sanskrit only: no published translation is held for this verse.
गरुड-ध्वजम् आरुह्य रथं राम-जनार्दनौ अन्वयातां महा-वेगैर् अश्वै राजन् गुरु-द्रुहम्
garuḍa-dhvajam āruhya rathaṃ rāma-janārdanau anvayātāṃ mahā-vegair aśvai rājan guru-druham
Sanskrit only: no published translation is held for this verse.
मिथिलायाम् उपवने विसृज्य पतितं हयम् पद्भ्याम् अधावत् सन्त्रस्तः कृष्णो ऽप्य् अन्वद्रवद् रुषा
mithilāyām upavane visṛjya patitaṃ hayam padbhyām adhāvat santrastaḥ kṛṣṇo 'py anvadravad ruṣā
Sanskrit only: no published translation is held for this verse.
पदातेर् भगवांस् तस्य पदातिस् तिग्म-नेमिना चक्रेण शिर उत्कृत्य वाससोर् व्यचिनोन् मणिम्
padāter bhagavāṃs tasya padātis tigma-neminā cakreṇa śira utkṛtya vāsasor vyacinon maṇim
Sanskrit only: no published translation is held for this verse.
अलब्ध-मणिर् आगत्य कृष्ण आहाग्रजान्तिकम् वृथा हतः शतधनुर् मणिस् तत्र न विद्यते
alabdha-maṇir āgatya kṛṣṇa āhāgrajāntikam vṛthā hataḥ śatadhanur maṇis tatra na vidyate
Sanskrit only: no published translation is held for this verse.
तत आह बलो नूनं स मणिः शतधन्वना कस्मिंश्चित् पुरुषे न्यस्तस् तम् अन्वेष पुरं व्रज
tata āha balo nūnaṃ sa maṇiḥ śatadhanvanā kasmiṃścit puruṣe nyastas tam anveṣa puraṃ vraja
Sanskrit only: no published translation is held for this verse.
अहं वैदेहम् इच्छामि द्रष्टुं प्रियतमं मम इत्य् उक्त्वा मिथिलां राजन् विवेश यद-नन्दनः
ahaṃ vaideham icchāmi draṣṭuṃ priyatamaṃ mama ity uktvā mithilāṃ rājan viveśa yada-nandanaḥ
Sanskrit only: no published translation is held for this verse.
तं दृष्ट्वा सहसोत्थाय मैथिलः प्रीत-मानसः अर्हयां आस विधि-वद् अर्हणीयं समर्हणैः
taṃ dṛṣṭvā sahasotthāya maithilaḥ prīta-mānasaḥ arhayāṃ āsa vidhi-vad arhaṇīyaṃ samarhaṇaiḥ
Sanskrit only: no published translation is held for this verse.
उवास तस्यां कतिचिन् मिथिलायां समा विभुः मानितः प्रीति-युक्तेन जनकेन महात्मना ततो ऽशिक्षद् गदां काले धार्तराष्ट्रः सुयोधनः
uvāsa tasyāṃ katicin mithilāyāṃ samā vibhuḥ mānitaḥ prīti-yuktena janakena mahātmanā tato 'śikṣad gadāṃ kāle dhārtarāṣṭraḥ suyodhanaḥ
Sanskrit only: no published translation is held for this verse.
केशवो द्वारकाम् एत्य निधनं शतधन्वनः अप्राप्तिं च मणेः प्राह प्रियायाः प्रिय-कृद् विभुः
keśavo dvārakām etya nidhanaṃ śatadhanvanaḥ aprāptiṃ ca maṇeḥ prāha priyāyāḥ priya-kṛd vibhuḥ
Sanskrit only: no published translation is held for this verse.
ततः स कारयाम् आस क्रिया बन्धोर् हतस्य वै साकं सुहृद्भिर् भगवान् या याः स्युः साम्परायिकीः
tataḥ sa kārayām āsa kriyā bandhor hatasya vai sākaṃ suhṛdbhir bhagavān yā yāḥ syuḥ sāmparāyikīḥ
Sanskrit only: no published translation is held for this verse.
अक्रूरः कृतवर्मा च श्रुत्वा शतधनोर् वधम् व्यूषतुर् भय-वित्रस्तौ द्वारकायाः प्रयोजकौ
akrūraḥ kṛtavarmā ca śrutvā śatadhanor vadham vyūṣatur bhaya-vitrastau dvārakāyāḥ prayojakau
Sanskrit only: no published translation is held for this verse.
अक्रूरे प्रोषिते ऽरिष्टान्य् आसन् वै द्वारकौकसाम् शारीरा मानसास् तापा मुहुर् दैविक-भौतिकाः
akrūre proṣite 'riṣṭāny āsan vai dvārakaukasām śārīrā mānasās tāpā muhur daivika-bhautikāḥ
Sanskrit only: no published translation is held for this verse.
इत्य् अङ्गोपदिशन्त्य् एके विस्मृत्य प्राग् उदाहृतम् मुनि-वास-निवासे किं घटेतारिष्ट-दर्शनम्
ity aṅgopadiśanty eke vismṛtya prāg udāhṛtam muni-vāsa-nivāse kiṃ ghaṭetāriṣṭa-darśanam
Sanskrit only: no published translation is held for this verse.
देवे ऽवर्षति काशीशः श्वफल्कायागताय वै स्व-सुतां गाण्दिनीं प्रादात् ततो ऽवर्षत् स्म काशिषु
deve 'varṣati kāśīśaḥ śvaphalkāyāgatāya vai sva-sutāṃ gāṇdinīṃ prādāt tato 'varṣat sma kāśiṣu
Sanskrit only: no published translation is held for this verse.
तत्-सुतस् तत्-प्रभावो ऽसाव् अक्रूरो यत्र यत्र ह देवो ऽभिवर्षते तत्र नोपतापा न मारीकाः
tat-sutas tat-prabhāvo 'sāv akrūro yatra yatra ha devo 'bhivarṣate tatra nopatāpā na mārīkāḥ
Sanskrit only: no published translation is held for this verse.
इति वृद्ध-वचः श्रुत्वा नैतावद् इह कारणम् इति मत्वा समानाय्य प्राहाक्रूरं जनार्दनः
iti vṛddha-vacaḥ śrutvā naitāvad iha kāraṇam iti matvā samānāyya prāhākrūraṃ janārdanaḥ
Sanskrit only: no published translation is held for this verse.
पूजयित्वाभिभाष्यैनं कथयित्वा प्रियाः कथाः विज्ञताखिल-चित्त ज्ञः स्मयमान उवाच ह
pūjayitvābhibhāṣyainaṃ kathayitvā priyāḥ kathāḥ vijñatākhila-citta jñaḥ smayamāna uvāca ha
Sanskrit only: no published translation is held for this verse.
ननु दान-पते न्यस्तस् त्वय्य् आस्ते शतधन्वना स्यमन्तको मनिः श्रीमान् विदितः पूर्वम् एव नः
nanu dāna-pate nyastas tvayy āste śatadhanvanā syamantako maniḥ śrīmān viditaḥ pūrvam eva naḥ
Sanskrit only: no published translation is held for this verse.
सत्राजितो ऽनपत्यत्वाद् गृह्णीयुर् दुहितुः सुताः दायं निनीयापः पिण्डान् विमुच्यर्णं च शेषितम्
satrājito 'napatyatvād gṛhṇīyur duhituḥ sutāḥ dāyaṃ ninīyāpaḥ piṇḍān vimucyarṇaṃ ca śeṣitam
Sanskrit only: no published translation is held for this verse.
तथापि दुर्धरस् त्व् अन्यैस् त्वय्य् आस्तां सु-व्रते मणिः किन्तु माम् अग्रजः सम्यङ् न प्रत्येति मणिं प्रति
tathāpi durdharas tv anyais tvayy āstāṃ su-vrate maṇiḥ kintu mām agrajaḥ samyaṅ na pratyeti maṇiṃ prati
Sanskrit only: no published translation is held for this verse.
दर्शयस्व महा-भाग बन्धूनां शान्तिम् आवह अव्युच्छिन्ना मखास् ते ऽद्य वर्तन्ते रुक्म-वेदयः
darśayasva mahā-bhāga bandhūnāṃ śāntim āvaha avyucchinnā makhās te 'dya vartante rukma-vedayaḥ
Sanskrit only: no published translation is held for this verse.
एवं सामभिर् आलब्धः श्वफल्क-तनयो मणिम् आदाय वाससाच्छन्नः ददौ सूर्य-सम-प्रभम्
evaṃ sāmabhir ālabdhaḥ śvaphalka-tanayo maṇim ādāya vāsasācchannaḥ dadau sūrya-sama-prabham
Sanskrit only: no published translation is held for this verse.
स्यमन्तकं दर्शयित्वा ज्ञातिभ्यो रज आत्मनः विमृज्य मणिना भूयस् तस्मै प्रत्यर्पयत् प्रभुः
syamantakaṃ darśayitvā jñātibhyo raja ātmanaḥ vimṛjya maṇinā bhūyas tasmai pratyarpayat prabhuḥ
Sanskrit only: no published translation is held for this verse.
यस् त्व् एतद् भगवत ईश्वरस्य विष्णोर् वीर्याढ्यं वृजिन-हरं सु-मङ्गलं च आख्यानं पठति शृणोत्य् अनुस्मरेद् वा दुष्कीर्तिं दुरितम् अपोह्य याति शान्तिम्
yas tv etad bhagavata īśvarasya viṣṇor vīryāḍhyaṃ vṛjina-haraṃ su-maṅgalaṃ ca ākhyānaṃ paṭhati śṛṇoty anusmared vā duṣkīrtiṃ duritam apohya yāti śāntim
Sanskrit only: no published translation is held for this verse.