Bhāgavata Purāṇa 10.62

श्री-राजोवाच बाणस्य तनयाम् ऊषाम् उपयेमे यदूत्तमः तत्र युद्धम् अभूद् घोरं हरि-शङ्करयोर् महत् एतत् सर्वं महा-योगिन् समाख्यातुं त्वम् अर्हसि

śrī-rājovāca bāṇasya tanayām ūṣām upayeme yadūttamaḥ tatra yuddham abhūd ghoraṃ hari-śaṅkarayor mahat etat sarvaṃ mahā-yogin samākhyātuṃ tvam arhasi

Sanskrit only: no published translation is held for this verse.

श्री-शुक उवाच बाणः पुत्र-शत-ज्येष्ठो बलेर् आसीन् महात्मनः येन वामन-रूपाय हरये ऽदायि मेदिनी तस्यौरसः सुतो बानः शिव-भक्ति-रतः सदा मान्यो वदान्यो धीमांश् च सत्य-सन्धो दृढ-व्रतः शोणिताख्ये पुरे रम्ये स राज्यम् अकरोत् पुरा तस्य शम्भोः प्रसादेन किङ्करा इव ते ऽमराः सहस्र-बाहुर् वाद्येन ताण्दवे ऽतोषयन् मृडम्

śrī-śuka uvāca bāṇaḥ putra-śata-jyeṣṭho baler āsīn mahātmanaḥ yena vāmana-rūpāya haraye 'dāyi medinī tasyaurasaḥ suto bānaḥ śiva-bhakti-rataḥ sadā mānyo vadānyo dhīmāṃś ca satya-sandho dṛḍha-vrataḥ śoṇitākhye pure ramye sa rājyam akarot purā tasya śambhoḥ prasādena kiṅkarā iva te 'marāḥ sahasra-bāhur vādyena tāṇdave 'toṣayan mṛḍam

Sanskrit only: no published translation is held for this verse.

भगवान् सर्व-भूतेशः शरण्यो भक्त-वत्सलः वरेण छन्दयाम् आस स तं वव्रे पुराधिपम्

bhagavān sarva-bhūteśaḥ śaraṇyo bhakta-vatsalaḥ vareṇa chandayām āsa sa taṃ vavre purādhipam

Sanskrit only: no published translation is held for this verse.

स एकदाह गिरिशं पार्श्व-स्थं वीर्य-दुर्मदः किरीटेनार्क-वर्णेन संस्पृशंस् तत्-पदाम्बुजम्

sa ekadāha giriśaṃ pārśva-sthaṃ vīrya-durmadaḥ kirīṭenārka-varṇena saṃspṛśaṃs tat-padāmbujam

Sanskrit only: no published translation is held for this verse.

नमस्ये त्वां महा-देव लोकानां गुरुम् ईश्वरम् पुंसाम् अपूर्ण-कामानां काम-पूरामराङ्घ्रिपम्

namasye tvāṃ mahā-deva lokānāṃ gurum īśvaram puṃsām apūrṇa-kāmānāṃ kāma-pūrāmarāṅghripam

Sanskrit only: no published translation is held for this verse.

दोः-सहस्रं त्वया दत्तं परं भाराय मे ऽभवत् त्रि-लोक्यां प्रतियोद्धारं न लभे त्वद् ऋते समम्

doḥ-sahasraṃ tvayā dattaṃ paraṃ bhārāya me 'bhavat tri-lokyāṃ pratiyoddhāraṃ na labhe tvad ṛte samam

Sanskrit only: no published translation is held for this verse.

कण्डूत्या निभृतैर् दोर्भिर् युयुत्सुर् दिग्-गजान् अहम् आद्यायां चूर्णयन्न् अद्रीन् भीतास् ते ऽपि प्रदुद्रुवुः

kaṇḍūtyā nibhṛtair dorbhir yuyutsur dig-gajān aham ādyāyāṃ cūrṇayann adrīn bhītās te 'pi pradudruvuḥ

Sanskrit only: no published translation is held for this verse.

तच् छ्रुत्वा भगवान् क्रुद्धः केतुस् ते भज्यते यदा त्वद्-दर्प-घ्नं भवेन् मूढ संयुगं मत्-समेन ते

tac chrutvā bhagavān kruddhaḥ ketus te bhajyate yadā tvad-darpa-ghnaṃ bhaven mūḍha saṃyugaṃ mat-samena te

Sanskrit only: no published translation is held for this verse.

इत्य् उक्तः कुमतिर् हृष्टः स्व-गृहं प्राविशन् नृप प्रतीक्षन् गिरिशादेशं स्व-वीर्य-नशनम् कुधीः

ity uktaḥ kumatir hṛṣṭaḥ sva-gṛhaṃ prāviśan nṛpa pratīkṣan giriśādeśaṃ sva-vīrya-naśanam kudhīḥ

Sanskrit only: no published translation is held for this verse.

तस्योषा नाम दुहिता स्वप्ने प्राद्युम्निना रतिम् कन्यालभत कान्तेन प्राग् अदृष्ट-श्रुतेन सा

tasyoṣā nāma duhitā svapne prādyumninā ratim kanyālabhata kāntena prāg adṛṣṭa-śrutena sā

Sanskrit only: no published translation is held for this verse.

सा तत्र तम् अपश्यन्ती क्वासि कान्तेति वादिनी सखीनां मध्य उत्तस्थौ विह्वला व्रीडिता भृशम्

sā tatra tam apaśyantī kvāsi kānteti vādinī sakhīnāṃ madhya uttasthau vihvalā vrīḍitā bhṛśam

Sanskrit only: no published translation is held for this verse.

बाणस्य मन्त्री कुम्भाण्डश् चित्रलेखा च तत्-सुता सख्य् अपृच्छत् सखीम् ऊषां कौतूहल-समन्विता

bāṇasya mantrī kumbhāṇḍaś citralekhā ca tat-sutā sakhy apṛcchat sakhīm ūṣāṃ kautūhala-samanvitā

Sanskrit only: no published translation is held for this verse.

कं त्वं मृगयसे सु-भ्रु कीदृशस् ते मनोरथः हस्त-ग्राहं न ते ऽद्यापि राज-पुत्र्य् उपलक्षये

kaṃ tvaṃ mṛgayase su-bhru kīdṛśas te manorathaḥ hasta-grāhaṃ na te 'dyāpi rāja-putry upalakṣaye

Sanskrit only: no published translation is held for this verse.

दृष्टः कश्चिन् नरः स्वप्ने श्यामः कमल-लोचनः पीत-वासा बृहद्-बाहुर् योषितां हृदयं-गमः

dṛṣṭaḥ kaścin naraḥ svapne śyāmaḥ kamala-locanaḥ pīta-vāsā bṛhad-bāhur yoṣitāṃ hṛdayaṃ-gamaḥ

Sanskrit only: no published translation is held for this verse.

तम् अहं मृगये कान्तं पाययित्वाधरं मधु क्वापि यातः स्पृहयतीं क्षिप्त्वा मां वृजिनार्णवे

tam ahaṃ mṛgaye kāntaṃ pāyayitvādharaṃ madhu kvāpi yātaḥ spṛhayatīṃ kṣiptvā māṃ vṛjinārṇave

Sanskrit only: no published translation is held for this verse.

चित्रलेखोवाच व्यसनं ते ऽपकर्षामि त्रि-लोक्यां यदि भाव्यते तम् आनेष्ये वरं यस् ते मनो-हर्ता तम् आदिश

citralekhovāca vyasanaṃ te 'pakarṣāmi tri-lokyāṃ yadi bhāvyate tam āneṣye varaṃ yas te mano-hartā tam ādiśa

Sanskrit only: no published translation is held for this verse.

इत्य् उक्त्वा देव-गन्धर्व सिद्ध-चारण-पन्नगान् दैत्य-विद्याधरान् यक्षान् मनुजांश् च यथालिखत्

ity uktvā deva-gandharva siddha-cāraṇa-pannagān daitya-vidyādharān yakṣān manujāṃś ca yathālikhat

Sanskrit only: no published translation is held for this verse.

मनुजेषु च सा वृष्नीन् शूरम् आनकदुन्दुभिम् व्यलिखद् राम-कृष्णौ च प्रद्युम्नं वीक्ष्य लज्जिता

manujeṣu ca sā vṛṣnīn śūram ānakadundubhim vyalikhad rāma-kṛṣṇau ca pradyumnaṃ vīkṣya lajjitā

Sanskrit only: no published translation is held for this verse.

अनिरुद्धं विलिखितं वीक्ष्योषावाङ्-मुखी ह्रिया सो ऽसाव् असाव् इति प्राह स्मयमाना मही-पते

aniruddhaṃ vilikhitaṃ vīkṣyoṣāvāṅ-mukhī hriyā so 'sāv asāv iti prāha smayamānā mahī-pate

Sanskrit only: no published translation is held for this verse.

चित्रलेखा तम् आज्ञाय पौत्रं कृष्णस्य योगिनी ययौ विहायसा राजन् द्वारकां कृष्ण-पालिताम्

citralekhā tam ājñāya pautraṃ kṛṣṇasya yoginī yayau vihāyasā rājan dvārakāṃ kṛṣṇa-pālitām

Sanskrit only: no published translation is held for this verse.

तत्र सुप्तं सु-पर्यङ्के प्राद्युम्निं योगम् आस्थिता गृहीत्वा शोणित-पुरं सख्यै प्रियम् अदर्शयत्

tatra suptaṃ su-paryaṅke prādyumniṃ yogam āsthitā gṛhītvā śoṇita-puraṃ sakhyai priyam adarśayat

Sanskrit only: no published translation is held for this verse.

सा च तं सुन्दर-वरं विलोक्य मुदितानना दुष्प्रेक्ष्ये स्व-गृहे पुम्भी रेमे प्राद्युम्निना समम्

sā ca taṃ sundara-varaṃ vilokya muditānanā duṣprekṣye sva-gṛhe pumbhī reme prādyumninā samam

Sanskrit only: no published translation is held for this verse.

परार्ध्य-वासः-स्रग्-गन्ध- धूप-दीपासनादिभिः पान-भोजन-भक्ष्यैश् च वाक्यैः शुश्रूषणार्चितः

parārdhya-vāsaḥ-srag-gandha- dhūpa-dīpāsanādibhiḥ pāna-bhojana-bhakṣyaiś ca vākyaiḥ śuśrūṣaṇārcitaḥ

Sanskrit only: no published translation is held for this verse.

गूढः कन्या-पुरे शश्वत्- प्रवृद्ध-स्नेहया तया नाहर्-गणान् स बुबुधे ऊषयापहृतेन्द्रियः

gūḍhaḥ kanyā-pure śaśvat- pravṛddha-snehayā tayā nāhar-gaṇān sa bubudhe ūṣayāpahṛtendriyaḥ

Sanskrit only: no published translation is held for this verse.

तां तथा यदु-वीरेण भुज्यमानां हत-व्रताम् हेतुभिर् लक्षयां चक्रुर् आपृईतां दुरवच्छदैः

tāṃ tathā yadu-vīreṇa bhujyamānāṃ hata-vratām hetubhir lakṣayāṃ cakrur āpṛītāṃ duravacchadaiḥ

Sanskrit only: no published translation is held for this verse.

भटा आवेदयां चक्रू राजंस् ते दुहितुर् वयम् विचेष्टितं लक्षयाम कन्यायाः कुल-दूषणम्

bhaṭā āvedayāṃ cakrū rājaṃs te duhitur vayam viceṣṭitaṃ lakṣayāma kanyāyāḥ kula-dūṣaṇam

Sanskrit only: no published translation is held for this verse.

अनपायिभिर् अस्माभिर् गुप्तायाश् च गृहे प्रभो कन्याया दूषणं पुम्भिर् दुष्प्रेक्ष्याया न विद्महे

anapāyibhir asmābhir guptāyāś ca gṛhe prabho kanyāyā dūṣaṇaṃ pumbhir duṣprekṣyāyā na vidmahe

Sanskrit only: no published translation is held for this verse.

ततः प्रव्यथितो बाणो दुहितुः श्रुत-दूषणः त्वरितः कन्यकागारं प्राप्तो ऽद्राक्षीद् यदूद्वहम्

tataḥ pravyathito bāṇo duhituḥ śruta-dūṣaṇaḥ tvaritaḥ kanyakāgāraṃ prāpto 'drākṣīd yadūdvaham

Sanskrit only: no published translation is held for this verse.

कामात्मजं तं भुवनैक-सुन्दरं श्यामं पिशङ्गाम्बरम् अम्बुजेक्षणम् बृहद्-भुजं कुण्डल-कुन्तल-त्विषा स्मितावलोकेन च मण्डिताननम्

kāmātmajaṃ taṃ bhuvanaika-sundaraṃ śyāmaṃ piśaṅgāmbaram ambujekṣaṇam bṛhad-bhujaṃ kuṇḍala-kuntala-tviṣā smitāvalokena ca maṇḍitānanam

Sanskrit only: no published translation is held for this verse.

दीव्यन्तम् अक्षैः प्रिययाभिनृम्णया तद्-अङ्ग-सङ्ग-स्तन-कुङ्कुम-स्रजम् बाह्वोर् दधानं मधु-मल्लिकाश्रितां तस्याग्र आसीनम् अवेक्ष्य विस्मितः

dīvyantam akṣaiḥ priyayābhinṛmṇayā tad-aṅga-saṅga-stana-kuṅkuma-srajam bāhvor dadhānaṃ madhu-mallikāśritāṃ tasyāgra āsīnam avekṣya vismitaḥ

Sanskrit only: no published translation is held for this verse.

स तं प्रविष्टं वृतम् आततायिभिर् भटैर् अनीकैर् अवलोक्य माधवः उद्यम्य मौर्वं परिघं व्यवस्थितो यथान्तको दण्ड-धरो जिघांसया

sa taṃ praviṣṭaṃ vṛtam ātatāyibhir bhaṭair anīkair avalokya mādhavaḥ udyamya maurvaṃ parighaṃ vyavasthito yathāntako daṇḍa-dharo jighāṃsayā

Sanskrit only: no published translation is held for this verse.

जिघृक्षया तान् परितः प्रसर्पतः शुनो यथा शूकर-यूथपो ऽहनत् ते हन्यमाना भवनाद् विनिर्गता निर्भिन्न-मूर्धोरु-भुजाः प्रदुद्रुवुः

jighṛkṣayā tān paritaḥ prasarpataḥ śuno yathā śūkara-yūthapo 'hanat te hanyamānā bhavanād vinirgatā nirbhinna-mūrdhoru-bhujāḥ pradudruvuḥ

Sanskrit only: no published translation is held for this verse.

तं नाग-पाशैर् बलि-नन्दनो बली घ्नन्तं स्व-सैन्यं कुपितो बबन्ध ह ऊषा भृशं शोक-विषाद-विह्वला बद्धं निशम्याश्रु-कलाक्ष्य् अरौत्सीत्

taṃ nāga-pāśair bali-nandano balī ghnantaṃ sva-sainyaṃ kupito babandha ha ūṣā bhṛśaṃ śoka-viṣāda-vihvalā baddhaṃ niśamyāśru-kalākṣy arautsīt

Sanskrit only: no published translation is held for this verse.

जिघृक्षया तान् परितः प्रसर्पतः शुनो यथा शूकर-यूथपो ऽहनत् । ते हन्यमाना भवनाद् विनिर्गता निर्भिन्न-मूर्धोरु-भुजाः प्रदुद्रुवुः

jighṛkṣayā tān paritaḥ prasarpataḥ śuno yathā śūkara-yūthapo 'hanat / te hanyamānā bhavanād vinirgatā nirbhinna-mūrdhoru-bhujāḥ pradudruvuḥ

Sanskrit only: no published translation is held for this verse.

तं नाग-पाशैर् बलि-नन्दनो बली घ्नन्तं स्व-सैन्यं कुपितो बबन्ध ह । ऊषा भृशं शोक-विषाद-विह्वला बद्धं निशम्याश्रु-कलाक्ष्य् अरौत्सीत्

taṃ nāga-pāśair bali-nandano balī ghnantaṃ sva-sainyaṃ kupito babandha ha / ūṣā bhṛśaṃ śoka-viṣāda-vihvalā baddhaṃ niśamyāśru-kalākṣy arautsīt

Sanskrit only: no published translation is held for this verse.