Library·Bhāgavata Purāṇa·10·10.66
श्री-शुक उवाच नन्द-व्रजं गते रामे करूषाधिपतिर् नृप वासुदेवो ऽहम् इत्य् अज्ञो दूतं कृष्णाय प्राहिणोत्
śrī-śuka uvāca nanda-vrajaṃ gate rāme karūṣādhipatir nṛpa vāsudevo 'ham ity ajño dūtaṃ kṛṣṇāya prāhiṇot
Sanskrit only: no published translation is held for this verse.
त्वं वासुदेवो भगवान् अवतीऋनो जगत्-पतिः इति प्रस्तोभितो बालैर् मेन आत्मानम् अच्युतम्
tvaṃ vāsudevo bhagavān avatīṛno jagat-patiḥ iti prastobhito bālair mena ātmānam acyutam
Sanskrit only: no published translation is held for this verse.
दूतं च प्राहिणोन् मन्दः कृष्णायाव्यक्त-वर्त्मने द्वारकायां यथा बालो नृपो बाल-कृतो ऽबुधः
dūtaṃ ca prāhiṇon mandaḥ kṛṣṇāyāvyakta-vartmane dvārakāyāṃ yathā bālo nṛpo bāla-kṛto 'budhaḥ
Sanskrit only: no published translation is held for this verse.
दूतस् तु द्वारकाम् एत्य सभायाम् आस्थितं प्रभुम् कृष्णं कमल-पत्राक्षं राज-सन्देशम् अब्रवीत्
dūtas tu dvārakām etya sabhāyām āsthitaṃ prabhum kṛṣṇaṃ kamala-patrākṣaṃ rāja-sandeśam abravīt
Sanskrit only: no published translation is held for this verse.
वासुदेवो ऽवतीर्नो ऽहम् एक एव न चापरः भूतानाम् अनुकम्पार्थं त्वं तु मिथ्याभिधां त्यज
vāsudevo 'vatīrno 'ham eka eva na cāparaḥ bhūtānām anukampārthaṃ tvaṃ tu mithyābhidhāṃ tyaja
Sanskrit only: no published translation is held for this verse.
यानि त्वम् अस्मच्-चिह्नानि मौढ्याद् बिभर्षि सात्वत त्यक्त्वैहि मां त्वं शरणं नो चेद् देहि ममाहवम्
yāni tvam asmac-cihnāni mauḍhyād bibharṣi sātvata tyaktvaihi māṃ tvaṃ śaraṇaṃ no ced dehi mamāhavam
Sanskrit only: no published translation is held for this verse.
श्री-शुक उवाच कत्थनं तद् उपाकर्ण्य पौण्ड्रकस्याल्प-मेधसः उग्रसेनादयः सभ्या उच्चकैर् जहसुस् तदा
śrī-śuka uvāca katthanaṃ tad upākarṇya pauṇḍrakasyālpa-medhasaḥ ugrasenādayaḥ sabhyā uccakair jahasus tadā
Sanskrit only: no published translation is held for this verse.
उवाच दूतं भगवान् परिहास-कथाम् अनु उत्स्रक्ष्ये मूढ चिह्नानि यैस् त्वम् एवं विकत्थसे
uvāca dūtaṃ bhagavān parihāsa-kathām anu utsrakṣye mūḍha cihnāni yais tvam evaṃ vikatthase
Sanskrit only: no published translation is held for this verse.
मुखं तद् अपिधायाज्ञ कङ्क-गृध्र-वटैर् वृतः शयिष्यसे हतस् तत्र भविता शरणं शुनाम्
mukhaṃ tad apidhāyājña kaṅka-gṛdhra-vaṭair vṛtaḥ śayiṣyase hatas tatra bhavitā śaraṇaṃ śunām
Sanskrit only: no published translation is held for this verse.
इति दूतस् तम् आक्षेपं स्वामिने सर्वम् आहरत् कृष्णो ऽपि रथम् आस्थाय काशीम् उपजगाम ह
iti dūtas tam ākṣepaṃ svāmine sarvam āharat kṛṣṇo 'pi ratham āsthāya kāśīm upajagāma ha
Sanskrit only: no published translation is held for this verse.
पौण्ड्रको ऽपि तद्-उद्योगम् उपलभ्य महा-रथः अक्षौहिणीभ्यां संयुक्तो निश्चक्राम पुराद् द्रुतम्
pauṇḍrako 'pi tad-udyogam upalabhya mahā-rathaḥ akṣauhiṇībhyāṃ saṃyukto niścakrāma purād drutam
Sanskrit only: no published translation is held for this verse.
तस्य काशी-पतिर् मित्रं पार्ष्णि-ग्राहो ऽन्वयान् नृप अक्षौहिणीभिस् तिसृभिर् अपश्यत् पौण्ड्रकं हरिः
tasya kāśī-patir mitraṃ pārṣṇi-grāho 'nvayān nṛpa akṣauhiṇībhis tisṛbhir apaśyat pauṇḍrakaṃ hariḥ
Sanskrit only: no published translation is held for this verse.
शङ्खार्य्-असि-गदा-शार्ङ्ग- श्रीवत्साद्य्-उपलक्षितम् बिभ्राणं कौस्तुभ-मणिं वन-माला-विभूषितम्
śaṅkhāry-asi-gadā-śārṅga- śrīvatsādy-upalakṣitam bibhrāṇaṃ kaustubha-maṇiṃ vana-mālā-vibhūṣitam
Sanskrit only: no published translation is held for this verse.
कौशेय-वाससी पीते वसानं गरुड-ध्वजम् अमूल्य-मौल्य्-आभरणं स्फुरन्-मकर-कुण्डलम्
kauśeya-vāsasī pīte vasānaṃ garuḍa-dhvajam amūlya-mauly-ābharaṇaṃ sphuran-makara-kuṇḍalam
Sanskrit only: no published translation is held for this verse.
दृष्ट्वा तम् आत्मनस् तुल्यं वेषं कृत्रिमम् आस्थितम् यथा नटं रङ्ग-गतं विजहास भृशं हरीः
dṛṣṭvā tam ātmanas tulyaṃ veṣaṃ kṛtrimam āsthitam yathā naṭaṃ raṅga-gataṃ vijahāsa bhṛśaṃ harīḥ
Sanskrit only: no published translation is held for this verse.
शुलैर् गदाभिः परिघैः शक्त्य्-ऋष्टि-प्रास-तोमरैः असिभिः पट्टिशैर् बाणैः प्राहरन्न् अरयो हरिम्
śulair gadābhiḥ parighaiḥ śakty-ṛṣṭi-prāsa-tomaraiḥ asibhiḥ paṭṭiśair bāṇaiḥ prāharann arayo harim
Sanskrit only: no published translation is held for this verse.
कृष्णस् तु तत् पौण्ड्रक-काशिराजयोर् बलं गज-स्यन्दन-वाजि-पत्ति-मत् गदासि-चक्रेषुभिर् आर्दयद् भृशं यथा युगान्ते हुत-भुक् पृथक् प्रजाः
kṛṣṇas tu tat pauṇḍraka-kāśirājayor balaṃ gaja-syandana-vāji-patti-mat gadāsi-cakreṣubhir ārdayad bhṛśaṃ yathā yugānte huta-bhuk pṛthak prajāḥ
Sanskrit only: no published translation is held for this verse.
आयोधनं तद् रथ-वाजि-कुञ्जर- द्विपत्-खरोष्ट्रैर् अरिणावखण्डितैः बभौ चितं मोद-वहं मनस्विनाम् आक्रीडनं भूत-पतेर् इवोल्बणम्
āyodhanaṃ tad ratha-vāji-kuñjara- dvipat-kharoṣṭrair ariṇāvakhaṇḍitaiḥ babhau citaṃ moda-vahaṃ manasvinām ākrīḍanaṃ bhūta-pater ivolbaṇam
Sanskrit only: no published translation is held for this verse.
अथाह पौण्ड्रकं शौरिर् भो भो पौण्ड्रक यद् भवान् दूत-वाक्येन माम् आह तान्य् अस्त्रण्य् उत्सृजामि ते
athāha pauṇḍrakaṃ śaurir bho bho pauṇḍraka yad bhavān dūta-vākyena mām āha tāny astraṇy utsṛjāmi te
Sanskrit only: no published translation is held for this verse.
त्याजयिष्ये ऽभिधानं मे यत् त्वयाज्ञ मृषा धृतम् व्रजामि शरनं ते ऽद्य यदि नेच्छामि संयुगम्
tyājayiṣye 'bhidhānaṃ me yat tvayājña mṛṣā dhṛtam vrajāmi śaranaṃ te 'dya yadi necchāmi saṃyugam
Sanskrit only: no published translation is held for this verse.
इति क्षिप्त्वा शितैर् बाणैर् विरथी-कृत्य पौण्ड्रकम् शिरो ऽवृश्चद् रथाङ्गेन वज्रेणेन्द्रो यथा गिरेः
iti kṣiptvā śitair bāṇair virathī-kṛtya pauṇḍrakam śiro 'vṛścad rathāṅgena vajreṇendro yathā gireḥ
Sanskrit only: no published translation is held for this verse.
तथा काशी-पतेः कायाच् छिर उत्कृत्य पत्रिभिः न्यपातयत् काशी-पुर्यां पद्म-कोशम् इवानिलः
tathā kāśī-pateḥ kāyāc chira utkṛtya patribhiḥ nyapātayat kāśī-puryāṃ padma-kośam ivānilaḥ
Sanskrit only: no published translation is held for this verse.
एवं मत्सरिणम् हत्वा पौण्ड्रकं स-सखं हरिः द्वारकाम् आविशत् सिद्धैर् गीयमान-कथामृतः
evaṃ matsariṇam hatvā pauṇḍrakaṃ sa-sakhaṃ hariḥ dvārakām āviśat siddhair gīyamāna-kathāmṛtaḥ
Sanskrit only: no published translation is held for this verse.
स नित्यं भगवद्-ध्यान- प्रध्वस्ताखिल-बन्धनः बिभ्राणश् च हरे राजन् स्वरूपं तन्-मयो ऽभवत्
sa nityaṃ bhagavad-dhyāna- pradhvastākhila-bandhanaḥ bibhrāṇaś ca hare rājan svarūpaṃ tan-mayo 'bhavat
Sanskrit only: no published translation is held for this verse.
शिरः पतितम् आलोक्य राज-द्वारे स-कुण्डलम् किम् इदं कस्य वा वक्त्रम् इति संशिशिरे जनाः
śiraḥ patitam ālokya rāja-dvāre sa-kuṇḍalam kim idaṃ kasya vā vaktram iti saṃśiśire janāḥ
Sanskrit only: no published translation is held for this verse.
राज्ञः काशी-पतेर् ज्ञात्वा महिष्यः पुत्र-बान्धवाः पौराश् च हा हता राजन् नाथ नाथेति प्रारुदन्
rājñaḥ kāśī-pater jñātvā mahiṣyaḥ putra-bāndhavāḥ paurāś ca hā hatā rājan nātha nātheti prārudan
Sanskrit only: no published translation is held for this verse.
सुदक्षिणस् तस्य सुतः कृत्वा संस्था-विधिं पतेः निहत्य पितृ-हन्तारं यास्याम्य् अपचितिं पितुः
sudakṣiṇas tasya sutaḥ kṛtvā saṃsthā-vidhiṃ pateḥ nihatya pitṛ-hantāraṃ yāsyāmy apacitiṃ pituḥ
Sanskrit only: no published translation is held for this verse.
इत्य् आत्मनाभिसन्धाय सोपाध्यायो महेश्वरम् सु-दक्षिणो ऽर्चयाम् आस परमेण समाधिना
ity ātmanābhisandhāya sopādhyāyo maheśvaram su-dakṣiṇo 'rcayām āsa parameṇa samādhinā
Sanskrit only: no published translation is held for this verse.
प्रीतो ऽविमुक्ते भगवांस् तस्मै वरम् अदाद् विभुः पितृ-हन्तृ-वधोपायं स वव्रे वरम् ईप्सितम्
prīto 'vimukte bhagavāṃs tasmai varam adād vibhuḥ pitṛ-hantṛ-vadhopāyaṃ sa vavre varam īpsitam
Sanskrit only: no published translation is held for this verse.
दक्षिणाग्निं परिचर ब्राह्मणैः समम् ऋत्विजम् अभिचार-विधानेन स चाग्निः प्रमथैर् वृतः
dakṣiṇāgniṃ paricara brāhmaṇaiḥ samam ṛtvijam abhicāra-vidhānena sa cāgniḥ pramathair vṛtaḥ
Sanskrit only: no published translation is held for this verse.
साधयिष्यति सङ्कल्पम् अब्रह्मण्ये प्रयोजितः इत्य् आदिष्टस् तथा चक्रे कृष्णायाभिचरन् व्रती
sādhayiṣyati saṅkalpam abrahmaṇye prayojitaḥ ity ādiṣṭas tathā cakre kṛṣṇāyābhicaran vratī
Sanskrit only: no published translation is held for this verse.
ततो ऽग्निर् उत्थितः कुण्डान् मूर्तिमान् अति-भीषणः तप्त-ताम्र-शिखा-श्मश्रुर् अङ्गारोद्गारि-लोचनः
tato 'gnir utthitaḥ kuṇḍān mūrtimān ati-bhīṣaṇaḥ tapta-tāmra-śikhā-śmaśrur aṅgārodgāri-locanaḥ
Sanskrit only: no published translation is held for this verse.
दंष्ट्रोग्र-भ्रु-कुटी-दण्ड- कठोरास्यः स्व-जिह्वया आलिहन् सृक्वणी नग्नो विधुन्वंस् त्रि-शिखं ज्वलत्
daṃṣṭrogra-bhru-kuṭī-daṇḍa- kaṭhorāsyaḥ sva-jihvayā ālihan sṛkvaṇī nagno vidhunvaṃs tri-śikhaṃ jvalat
Sanskrit only: no published translation is held for this verse.
पद्भ्यां ताल-प्रमाणाभ्यां कम्पयन्न् अवनी-तलम् सो ऽभ्यधावद् वृतो भूतैर् द्वारकां प्रदहन् दिशः
padbhyāṃ tāla-pramāṇābhyāṃ kampayann avanī-talam so 'bhyadhāvad vṛto bhūtair dvārakāṃ pradahan diśaḥ
Sanskrit only: no published translation is held for this verse.
तम् आभिचार-दहनम् आयान्तं द्वारकौकसः विलोक्य तत्रसुः सर्वे वन-दाहे मृगा यथा
tam ābhicāra-dahanam āyāntaṃ dvārakaukasaḥ vilokya tatrasuḥ sarve vana-dāhe mṛgā yathā
Sanskrit only: no published translation is held for this verse.
अक्षैः सभायां क्रीडन्तं भगवन्तं भयातुराः त्राहि त्राहि त्रि-लोकेश वह्नेः प्रदहतः पुरम्
akṣaiḥ sabhāyāṃ krīḍantaṃ bhagavantaṃ bhayāturāḥ trāhi trāhi tri-lokeśa vahneḥ pradahataḥ puram
Sanskrit only: no published translation is held for this verse.
श्रुत्वा तज् जन-वैक्लव्यं दृष्ट्वा स्वानां च साध्वसम् शरण्यः सम्प्रहस्याह मा भैष्टेत्य् अवितास्म्य् अहम्
śrutvā taj jana-vaiklavyaṃ dṛṣṭvā svānāṃ ca sādhvasam śaraṇyaḥ samprahasyāha mā bhaiṣṭety avitāsmy aham
Sanskrit only: no published translation is held for this verse.
सर्वस्यान्तर्-बहिः-साक्षी कृत्यां माहेश्वरीं विभुः विज्ञाय तद्-विघातार्थं पार्श्व-स्थं चक्रम् आदिशत्
sarvasyāntar-bahiḥ-sākṣī kṛtyāṃ māheśvarīṃ vibhuḥ vijñāya tad-vighātārthaṃ pārśva-sthaṃ cakram ādiśat
Sanskrit only: no published translation is held for this verse.
तत् सूर्य-कोटि-प्रतिमं सुदर्शनं जाज्वल्यमानं प्रलयानल-प्रभम् स्व-तेजसा खं ककुभो ऽथ रोदसी चक्रं मुकुन्दास्त्रं अथाग्निम् आर्दयत्
tat sūrya-koṭi-pratimaṃ sudarśanaṃ jājvalyamānaṃ pralayānala-prabham sva-tejasā khaṃ kakubho 'tha rodasī cakraṃ mukundāstraṃ athāgnim ārdayat
Sanskrit only: no published translation is held for this verse.
कृत्यानलः प्रतिहतः स रथान्ग-पाणेर् अस्त्रौजसा स नृप भग्न-मुखो निवृत्तः वाराणसीं परिसमेत्य सुदक्षिणं तं सर्त्विग्-जनं समदहत् स्व-कृतो ऽभिचारः
kṛtyānalaḥ pratihataḥ sa rathānga-pāṇer astraujasā sa nṛpa bhagna-mukho nivṛttaḥ vārāṇasīṃ parisametya sudakṣiṇaṃ taṃ sartvig-janaṃ samadahat sva-kṛto 'bhicāraḥ
Sanskrit only: no published translation is held for this verse.
चक्रं च विष्णोस् तद्-अनुप्रविष्टं वारानसीं साट्ट-सभालयापणाम् स-गोपुराट्टालक-कोष्ठ-सङ्कुलां स-कोश-हस्त्य्-अश्व-रथान्न-शालिनीम्
cakraṃ ca viṣṇos tad-anupraviṣṭaṃ vārānasīṃ sāṭṭa-sabhālayāpaṇām sa-gopurāṭṭālaka-koṣṭha-saṅkulāṃ sa-kośa-hasty-aśva-rathānna-śālinīm
Sanskrit only: no published translation is held for this verse.
दग्ध्वा वाराणसीं सर्वां विष्णोश् चक्रं सुदर्शनम् भूयः पार्श्वम् उपातिष्ठत् कृष्णस्याक्लिष्ट-कर्मणः
dagdhvā vārāṇasīṃ sarvāṃ viṣṇoś cakraṃ sudarśanam bhūyaḥ pārśvam upātiṣṭhat kṛṣṇasyākliṣṭa-karmaṇaḥ
Sanskrit only: no published translation is held for this verse.
य एनं श्रावयेन् मर्त्य उत्तमः-श्लोक-विक्रमम् समाहितो वा शृणुयात् सर्व-पापैः प्रमुच्यते
ya enaṃ śrāvayen martya uttamaḥ-śloka-vikramam samāhito vā śṛṇuyāt sarva-pāpaiḥ pramucyate
Sanskrit only: no published translation is held for this verse.