Library·Bhāgavata Purāṇa·10·10.67
श्री-राजोवाच भुयो ऽहं श्रोतुम् इच्छामि रामस्याद्भुत-कर्मणः अनन्तस्याप्रमेयस्य यद् अन्यत् कृतवान् प्रभुः
śrī-rājovāca bhuyo 'haṃ śrotum icchāmi rāmasyādbhuta-karmaṇaḥ anantasyāprameyasya yad anyat kṛtavān prabhuḥ
Sanskrit only: no published translation is held for this verse.
श्री-शुक उवाच नरकस्य सखा कश्चिद् द्विविदो नाम वानरः सुग्रीव-सचिवः सो ऽथ भ्राता मैन्दस्य वीर्यवान्
śrī-śuka uvāca narakasya sakhā kaścid dvivido nāma vānaraḥ sugrīva-sacivaḥ so 'tha bhrātā maindasya vīryavān
Sanskrit only: no published translation is held for this verse.
सख्युः सो ऽपचितिं कुर्वन् वानरो राष्ट्र-विप्लवम् पुर-ग्रामाकरान् घोषान् अदहद् वह्निम् उत्सृजन्
sakhyuḥ so 'pacitiṃ kurvan vānaro rāṣṭra-viplavam pura-grāmākarān ghoṣān adahad vahnim utsṛjan
Sanskrit only: no published translation is held for this verse.
क्वचित् स शैलान् उत्पाट्य तैर् देशान् समचूर्णयत् आनर्तान् सुतराम् एव यत्रास्ते मित्र-हा हरिः
kvacit sa śailān utpāṭya tair deśān samacūrṇayat ānartān sutarām eva yatrāste mitra-hā hariḥ
Sanskrit only: no published translation is held for this verse.
क्वचित् समुद्र-मध्य-स्थो दोर्भ्याम् उत्क्षिप्य तज्-जलम् देशान् नागायुत-प्राणो वेला-कूले न्यमज्जयत्
kvacit samudra-madhya-stho dorbhyām utkṣipya taj-jalam deśān nāgāyuta-prāṇo velā-kūle nyamajjayat
Sanskrit only: no published translation is held for this verse.
आश्रमान् ऋषि-मुख्यानां कृत्वा भग्न-वनस्पतीन् अदूषयच् छकृन्-मूत्रैर् अग्नीन् वैतानिकान् खलः
āśramān ṛṣi-mukhyānāṃ kṛtvā bhagna-vanaspatīn adūṣayac chakṛn-mūtrair agnīn vaitānikān khalaḥ
Sanskrit only: no published translation is held for this verse.
पुरुषान् योषितो दृप्तः क्ष्माभृद्-द्रोनी-गुहासु सः निक्षिप्य चाप्यधाच् छैलैः पेशष्कारीव कीटकम्
puruṣān yoṣito dṛptaḥ kṣmābhṛd-dronī-guhāsu saḥ nikṣipya cāpyadhāc chailaiḥ peśaṣkārīva kīṭakam
Sanskrit only: no published translation is held for this verse.
एवं देशान् विप्रकुर्वन् दूषयंश् च कुल-स्त्रियः श्रुत्वा सु-ललितं गीतं गिरिं रैवतकं ययौ
evaṃ deśān viprakurvan dūṣayaṃś ca kula-striyaḥ śrutvā su-lalitaṃ gītaṃ giriṃ raivatakaṃ yayau
Sanskrit only: no published translation is held for this verse.
तत्रापश्यद् यदु-पतिं रामं पुष्कर-मालिनम् सुदर्शनीय-सर्वाङ्गं ललना-यूथ-मध्य-गम्
tatrāpaśyad yadu-patiṃ rāmaṃ puṣkara-mālinam sudarśanīya-sarvāṅgaṃ lalanā-yūtha-madhya-gam
Sanskrit only: no published translation is held for this verse.
गायन्तं वारुणीं पीत्वा मद-विह्वल-लोचनम् विभ्राजमानं वपुषा प्रभिन्नम् इव वारणम्
gāyantaṃ vāruṇīṃ pītvā mada-vihvala-locanam vibhrājamānaṃ vapuṣā prabhinnam iva vāraṇam
Sanskrit only: no published translation is held for this verse.
दुष्टः शाखा-मृगः शाखाम् आरूढः कम्पयन् द्रुमान् चक्रे किलकिला-शब्दम् आत्मानं सम्प्रदर्शयन्
duṣṭaḥ śākhā-mṛgaḥ śākhām ārūḍhaḥ kampayan drumān cakre kilakilā-śabdam ātmānaṃ sampradarśayan
Sanskrit only: no published translation is held for this verse.
तस्य धार्ष्ट्यं कपेर् वीक्ष्य तरुण्यो जाति-चापलाः हास्य-प्रिया विजहसुर् बलदेव-परिग्रहाः
tasya dhārṣṭyaṃ kaper vīkṣya taruṇyo jāti-cāpalāḥ hāsya-priyā vijahasur baladeva-parigrahāḥ
Sanskrit only: no published translation is held for this verse.
ता हेलयाम् आस कपिर् भ्रू-क्षेपैर् सम्मुखादिभिः दर्शयन् स्व-गुदं तासां रामस्य च निरीक्षितः
tā helayām āsa kapir bhrū-kṣepair sammukhādibhiḥ darśayan sva-gudaṃ tāsāṃ rāmasya ca nirīkṣitaḥ
Sanskrit only: no published translation is held for this verse.
तं ग्राव्णा प्राहरत् क्रुद्धो बलः प्रहरतां वरः स वञ्चयित्वा ग्रावाणं मदिरा-कलशं कपिः
taṃ grāvṇā prāharat kruddho balaḥ praharatāṃ varaḥ sa vañcayitvā grāvāṇaṃ madirā-kalaśaṃ kapiḥ
Sanskrit only: no published translation is held for this verse.
गृहीत्वा हेलयाम् आस धूर्तस् तं कोपयन् हसन् निर्भिद्य कलशं दुष्टो वासांस्य् आस्फालयद् बलम् कदर्थी-कृत्य बलवान् विप्रचक्रे मदोद्धतः
gṛhītvā helayām āsa dhūrtas taṃ kopayan hasan nirbhidya kalaśaṃ duṣṭo vāsāṃsy āsphālayad balam kadarthī-kṛtya balavān vipracakre madoddhataḥ
Sanskrit only: no published translation is held for this verse.
तं तस्याविनयं दृष्ट्वा देशांश् च तद्-उपद्रुतान् क्रुद्धो मुषलम् आदत्त हलं चारि-जिघांसया
taṃ tasyāvinayaṃ dṛṣṭvā deśāṃś ca tad-upadrutān kruddho muṣalam ādatta halaṃ cāri-jighāṃsayā
Sanskrit only: no published translation is held for this verse.
द्विविदो ऽपि महा-वीर्यः शालम् उद्यम्य पाणिना अभ्येत्य तरसा तेन बलं मूर्धन्य् अताडयत्
dvivido 'pi mahā-vīryaḥ śālam udyamya pāṇinā abhyetya tarasā tena balaṃ mūrdhany atāḍayat
Sanskrit only: no published translation is held for this verse.
तं तु सङ्कर्षणो मूर्ध्नि पतन्तम् अचलो यथा प्रतिजग्राह बलवान् सुनन्देनाहनच् च तम्
taṃ tu saṅkarṣaṇo mūrdhni patantam acalo yathā pratijagrāha balavān sunandenāhanac ca tam
Sanskrit only: no published translation is held for this verse.
मूषलाहत-मस्तिष्को विरेजे रक्त-धारया गिरिर् यथा गैरिकया प्रहारं नानुचिन्तयन्
mūṣalāhata-mastiṣko vireje rakta-dhārayā girir yathā gairikayā prahāraṃ nānucintayan
Sanskrit only: no published translation is held for this verse.
पुनर् अन्यं समुत्क्षिप्य कृत्वा निष्पत्रम् ओजसा तेनाहनत् सु-सङ्क्रुद्धस् तं बलः शतधाच्छिनत्
punar anyaṃ samutkṣipya kṛtvā niṣpatram ojasā tenāhanat su-saṅkruddhas taṃ balaḥ śatadhācchinat
Sanskrit only: no published translation is held for this verse.
ततो ऽन्येन रुषा जघ्ने तं चापि शतधाच्छिनत्
tato 'nyena ruṣā jaghne taṃ cāpi śatadhācchinat
Sanskrit only: no published translation is held for this verse.
एवं युध्यन् भगवता भग्ने भग्ने पुनः पुनः आकृष्य सर्वतो वृक्षान् निर्वृक्षम् अकरोद् वनम्
evaṃ yudhyan bhagavatā bhagne bhagne punaḥ punaḥ ākṛṣya sarvato vṛkṣān nirvṛkṣam akarod vanam
Sanskrit only: no published translation is held for this verse.
ततो ऽमुञ्चच् छिला-वर्षं बलस्योपर्य् अमर्षितः तत् सर्वं चूर्णयां आस लीलया मुषलायुधः
tato 'muñcac chilā-varṣaṃ balasyopary amarṣitaḥ tat sarvaṃ cūrṇayāṃ āsa līlayā muṣalāyudhaḥ
Sanskrit only: no published translation is held for this verse.
स बाहू ताल-सङ्काशौ मुष्टी-कृत्य कपीश्वरः आसाद्य रोहिणी-पुत्रं ताभ्यां वक्षस्य् अरूरुजत्
sa bāhū tāla-saṅkāśau muṣṭī-kṛtya kapīśvaraḥ āsādya rohiṇī-putraṃ tābhyāṃ vakṣasy arūrujat
Sanskrit only: no published translation is held for this verse.
यादवेन्द्रो ऽपि तं दोर्भ्यां त्यक्त्वा मुषल-लाङ्गले जत्राव् अभ्यर्दयत् क्रुद्धः सो ऽपतद् रुधिरं वमन्
yādavendro 'pi taṃ dorbhyāṃ tyaktvā muṣala-lāṅgale jatrāv abhyardayat kruddhaḥ so 'patad rudhiraṃ vaman
Sanskrit only: no published translation is held for this verse.
चकम्पे तेन पतता स-टङ्कः स-वनस्पतिः पर्वतः कुरु-शार्दूल वायुना नौर् इवाम्भसि
cakampe tena patatā sa-ṭaṅkaḥ sa-vanaspatiḥ parvataḥ kuru-śārdūla vāyunā naur ivāmbhasi
Sanskrit only: no published translation is held for this verse.
जय-शब्दो नमः-शब्दः साधु साध्व् इति चाम्बरे सुर-सिद्ध-मुनीन्द्राणाम् आसीत् कुसुम-वर्षिणाम्
jaya-śabdo namaḥ-śabdaḥ sādhu sādhv iti cāmbare sura-siddha-munīndrāṇām āsīt kusuma-varṣiṇām
Sanskrit only: no published translation is held for this verse.
एवं निहत्य द्विविदं जगद्-व्यतिकरावहम् संस्तूयमानो भगवान् जनैः स्व-पुरम् आविशत्
evaṃ nihatya dvividaṃ jagad-vyatikarāvaham saṃstūyamāno bhagavān janaiḥ sva-puram āviśat
Sanskrit only: no published translation is held for this verse.