Library·Bhāgavata Purāṇa·10·10.76
श्री-शुक उवाच अथान्यद् अपि कृष्णस्य शृणु कर्माद्भुतं नृप क्रीडा-नर-शरीरस्य यथा सौभ-पतिर् हतः
śrī-śuka uvāca athānyad api kṛṣṇasya śṛṇu karmādbhutaṃ nṛpa krīḍā-nara-śarīrasya yathā saubha-patir hataḥ
Sanskrit only: no published translation is held for this verse.
शिशुपाल-सखः शाल्वो रुक्मिण्य्-उद्वाह आगतः यदुभिर् निर्जितः सङ्ख्ये जरासन्धादयस् तथा
śiśupāla-sakhaḥ śālvo rukmiṇy-udvāha āgataḥ yadubhir nirjitaḥ saṅkhye jarāsandhādayas tathā
Sanskrit only: no published translation is held for this verse.
शाल्वः प्रतिज्ञाम् अकरोच् छृण्वतां सर्व-भूभुजाम् अयादवां क्ष्मां करिष्ये पौरुषं मम पश्यत
śālvaḥ pratijñām akaroc chṛṇvatāṃ sarva-bhūbhujām ayādavāṃ kṣmāṃ kariṣye pauruṣaṃ mama paśyata
Sanskrit only: no published translation is held for this verse.
इति मूढः प्रतिज्ञाय देवं पशु-पतिं प्रभुम् आराधयाम् आस नृपः पांशु-मुष्टिं सकृद् ग्रसन्
iti mūḍhaḥ pratijñāya devaṃ paśu-patiṃ prabhum ārādhayām āsa nṛpaḥ pāṃśu-muṣṭiṃ sakṛd grasan
Sanskrit only: no published translation is held for this verse.
संवत्सरान्ते भगवान् आशु-तोष उमा-पतिः वरेण च्छन्दयाम् आस शाल्वं शरणम् आगतम्
saṃvatsarānte bhagavān āśu-toṣa umā-patiḥ vareṇa cchandayām āsa śālvaṃ śaraṇam āgatam
Sanskrit only: no published translation is held for this verse.
देवासुर-मनुष्याणां गन्धर्वोरग-रक्षसाम् अभेद्यं काम-गं वव्रे स यानं वृष्णि-भीषणम्
devāsura-manuṣyāṇāṃ gandharvoraga-rakṣasām abhedyaṃ kāma-gaṃ vavre sa yānaṃ vṛṣṇi-bhīṣaṇam
Sanskrit only: no published translation is held for this verse.
तथेति गिरिशादिष्टो मयः पर-पुरं-जयः पुरं निर्माय शाल्वाय प्रादात् सौभम् अयस्-मयम्
tatheti giriśādiṣṭo mayaḥ para-puraṃ-jayaḥ puraṃ nirmāya śālvāya prādāt saubham ayas-mayam
Sanskrit only: no published translation is held for this verse.
स लब्ध्वा काम-गं यानं तमो-धाम दुरासदम् ययस् द्वारवतीं शाल्वो वैरं वृष्णि-कृतं स्मरन्
sa labdhvā kāma-gaṃ yānaṃ tamo-dhāma durāsadam yayas dvāravatīṃ śālvo vairaṃ vṛṣṇi-kṛtaṃ smaran
Sanskrit only: no published translation is held for this verse.
निरुध्य सेनया शाल्वो महत्या भरतर्षभ पुरीं बभञ्जोपवनान् उद्यानानि च सर्वशः
nirudhya senayā śālvo mahatyā bharatarṣabha purīṃ babhañjopavanān udyānāni ca sarvaśaḥ
Sanskrit only: no published translation is held for this verse.
स-गोपुराणि द्वाराणि प्रासादाट्टाल-तोलिकाः विहारान् स विमानाग्र्यान् निपेतुः शस्त्र-वृष्टयः
sa-gopurāṇi dvārāṇi prāsādāṭṭāla-tolikāḥ vihārān sa vimānāgryān nipetuḥ śastra-vṛṣṭayaḥ
Sanskrit only: no published translation is held for this verse.
शिला-द्रुमाश् चाशनयः सर्पा आसार-शर्कराः प्रचण्डश् चक्रवातो ऽभूद् रजसाच्छादिता दिशः
śilā-drumāś cāśanayaḥ sarpā āsāra-śarkarāḥ pracaṇḍaś cakravāto 'bhūd rajasācchāditā diśaḥ
Sanskrit only: no published translation is held for this verse.
इत्य् अर्द्यमाना सौभेन कृष्णस्य नगरी भृशम् नाभ्यपद्यत शं राजंस् त्रि-पुरेण यथा मही
ity ardyamānā saubhena kṛṣṇasya nagarī bhṛśam nābhyapadyata śaṃ rājaṃs tri-pureṇa yathā mahī
Sanskrit only: no published translation is held for this verse.
प्रद्युम्नो भगवान् वीक्ष्य बाध्यमाना निजाः प्रजाः म भैष्टेत्य् अभ्यधाद् वीरो रथारूढो महा-यशाः
pradyumno bhagavān vīkṣya bādhyamānā nijāḥ prajāḥ ma bhaiṣṭety abhyadhād vīro rathārūḍho mahā-yaśāḥ
Sanskrit only: no published translation is held for this verse.
सात्यकिश् चारुदेष्णश् च साम्बो ऽक्रूरः सहानुजः हार्दिक्यो भानुविन्दश् च गदश् च शुक-सारणौ
sātyakiś cārudeṣṇaś ca sāmbo 'krūraḥ sahānujaḥ hārdikyo bhānuvindaś ca gadaś ca śuka-sāraṇau
Sanskrit only: no published translation is held for this verse.
अपरे च महेष्व्-आसा रथ-यूथप-यूथपाः निर्ययुर् दंशिता गुप्ता रथेभाश्व-पदातिभिः
apare ca maheṣv-āsā ratha-yūthapa-yūthapāḥ niryayur daṃśitā guptā rathebhāśva-padātibhiḥ
Sanskrit only: no published translation is held for this verse.
ततः प्रववृते युद्धं शाल्वानां यदुभिः सह यथासुराणां विबुधैस् तुमुलं लोम-हर्षणम्
tataḥ pravavṛte yuddhaṃ śālvānāṃ yadubhiḥ saha yathāsurāṇāṃ vibudhais tumulaṃ loma-harṣaṇam
Sanskrit only: no published translation is held for this verse.
ताश् च सौभ-पतेर् माया दिव्यास्त्रै रुक्मिणी-सुतः क्षणेन नाशयाम् आस नैशं तम इवोष्ण-गुः
tāś ca saubha-pater māyā divyāstrai rukmiṇī-sutaḥ kṣaṇena nāśayām āsa naiśaṃ tama ivoṣṇa-guḥ
Sanskrit only: no published translation is held for this verse.
विव्याध पञ्च-विंशत्या स्वर्ण-पुङ्खैर् अयो-मुखैः शाल्वस्य ध्वजिनी-पालं शरैः सन्नत-पर्वभिः
vivyādha pañca-viṃśatyā svarṇa-puṅkhair ayo-mukhaiḥ śālvasya dhvajinī-pālaṃ śaraiḥ sannata-parvabhiḥ
Sanskrit only: no published translation is held for this verse.
शतेनाताडयच् छाल्वम् एकैकेनास्य सैनिकान् दशभिर् दशभिर् नेतॄन् वाहनानि त्रिभिस् त्रिभिः
śatenātāḍayac chālvam ekaikenāsya sainikān daśabhir daśabhir netṝn vāhanāni tribhis tribhiḥ
Sanskrit only: no published translation is held for this verse.
तद् अद्भुतं महत् कर्म प्रद्युम्नस्य महात्मनः दृष्ट्वा तं पूजयाम् आसुः सर्वे स्व-पर-सैनिकाः
tad adbhutaṃ mahat karma pradyumnasya mahātmanaḥ dṛṣṭvā taṃ pūjayām āsuḥ sarve sva-para-sainikāḥ
Sanskrit only: no published translation is held for this verse.
बहु-रूपैक-रूपं तद् दृश्यते न च दृश्यते माया-मयं मय-कृतं दुर्विभाव्यं परैर् अभूत्
bahu-rūpaika-rūpaṃ tad dṛśyate na ca dṛśyate māyā-mayaṃ maya-kṛtaṃ durvibhāvyaṃ parair abhūt
Sanskrit only: no published translation is held for this verse.
क्वचिद् भूमौ क्वचिद् व्योम्नि गिरि-मूर्ध्नि जले क्वचित् अलात-चक्र-वद् भ्राम्यत् सौभं तद् दुरवस्थितम्
kvacid bhūmau kvacid vyomni giri-mūrdhni jale kvacit alāta-cakra-vad bhrāmyat saubhaṃ tad duravasthitam
Sanskrit only: no published translation is held for this verse.
यत्र यत्रोपलक्ष्येत स-सौभः सह-सैनिकः शाल्वस् ततस् ततो ऽमुञ्चञ् छरान् सात्वत-यूथपाः
yatra yatropalakṣyeta sa-saubhaḥ saha-sainikaḥ śālvas tatas tato 'muñcañ charān sātvata-yūthapāḥ
Sanskrit only: no published translation is held for this verse.
शरैर् अग्न्य्-अर्क-संस्पर्शैर् आशी-विष-दुरासदैः पीड्यमान-पुरानीकः शाल्वो ऽमुह्यत् परेरितैः
śarair agny-arka-saṃsparśair āśī-viṣa-durāsadaiḥ pīḍyamāna-purānīkaḥ śālvo 'muhyat pareritaiḥ
Sanskrit only: no published translation is held for this verse.
शाल्वानीकप-शस्त्रौघैर् वृष्णि-वीरा भृशार्दिताः न तत्यजू रणं स्वं स्वं लोक-द्वय-जिगीषवः
śālvānīkapa-śastraughair vṛṣṇi-vīrā bhṛśārditāḥ na tatyajū raṇaṃ svaṃ svaṃ loka-dvaya-jigīṣavaḥ
Sanskrit only: no published translation is held for this verse.
शाल्वामात्यो द्युमान् नाम प्रद्युम्नं प्रक् प्रपीडितः आसाद्य गदया मौर्व्या व्याहत्य व्यनदद् बली
śālvāmātyo dyumān nāma pradyumnaṃ prak prapīḍitaḥ āsādya gadayā maurvyā vyāhatya vyanadad balī
Sanskrit only: no published translation is held for this verse.
प्रद्युम्नं गदया सीर्ण- वक्षः-स्थलम् अरिं-दमम् अपोवाह रणात् सूतो धर्म-विद् दारुकात्मजः
pradyumnaṃ gadayā sīrṇa- vakṣaḥ-sthalam ariṃ-damam apovāha raṇāt sūto dharma-vid dārukātmajaḥ
Sanskrit only: no published translation is held for this verse.
लब्ध-सम्ज्ञो मुहूर्तेन कार्ष्णिः सारथिम् अब्रवीत् अहो असाध्व् इदं सूत यद् रणान् मे ऽपसर्पणम्
labdha-samjño muhūrtena kārṣṇiḥ sārathim abravīt aho asādhv idaṃ sūta yad raṇān me 'pasarpaṇam
Sanskrit only: no published translation is held for this verse.
न यदूनां कुले जातः श्रूयते रण-विच्युतः विना मत् क्लीब-चित्तेन सूतेन प्राप्त-किल्बिषात्
na yadūnāṃ kule jātaḥ śrūyate raṇa-vicyutaḥ vinā mat klība-cittena sūtena prāpta-kilbiṣāt
Sanskrit only: no published translation is held for this verse.
किं नु वक्ष्ये ऽभिसङ्गम्य पितरौ राम-केशवौ युद्धात् सम्यग् अपक्रान्तः पृष्टस् तत्रात्मनः क्षमम्
kiṃ nu vakṣye 'bhisaṅgamya pitarau rāma-keśavau yuddhāt samyag apakrāntaḥ pṛṣṭas tatrātmanaḥ kṣamam
Sanskrit only: no published translation is held for this verse.
व्यक्तं मे कथयिष्यन्ति हसन्त्यो भ्रातृ-जामयः क्लैब्यं कथं कथं वीर तवान्यैः कथ्यतां मृधे
vyaktaṃ me kathayiṣyanti hasantyo bhrātṛ-jāmayaḥ klaibyaṃ kathaṃ kathaṃ vīra tavānyaiḥ kathyatāṃ mṛdhe
Sanskrit only: no published translation is held for this verse.
सारथिर् उवाच धर्मं विजानतायुष्मन् कृतम् एतन् मया विभो सूतः कृच्छ्र-गतं रक्षेद् रथिनं सारथिं रथी
sārathir uvāca dharmaṃ vijānatāyuṣman kṛtam etan mayā vibho sūtaḥ kṛcchra-gataṃ rakṣed rathinaṃ sārathiṃ rathī
Sanskrit only: no published translation is held for this verse.
एतद् विदित्वा तु भवान् मयापोवाहितो रणात् उपसृष्टः परेणेति मूर्च्छितो गदया हतः
etad viditvā tu bhavān mayāpovāhito raṇāt upasṛṣṭaḥ pareṇeti mūrcchito gadayā hataḥ
Sanskrit only: no published translation is held for this verse.