Library·Bhāgavata Purāṇa·10·10.78
श्री-शुक उवाच शिशुपालस्य शाल्वस्य पौण्ड्रकस्यापि दुर्मतिः पर-लोक-गतानां च कुर्वन् पारोक्ष्य-सौहृदम्
śrī-śuka uvāca śiśupālasya śālvasya pauṇḍrakasyāpi durmatiḥ para-loka-gatānāṃ ca kurvan pārokṣya-sauhṛdam
Sanskrit only: no published translation is held for this verse.
एकः पदातिः सङ्क्रुद्धो गदा-पाणिः प्रकम्पयन् पद्भ्याम् इमां महा-राज महा-सत्त्वो व्यदृश्यत
ekaḥ padātiḥ saṅkruddho gadā-pāṇiḥ prakampayan padbhyām imāṃ mahā-rāja mahā-sattvo vyadṛśyata
Sanskrit only: no published translation is held for this verse.
तं तथायान्तम् आलोक्य गदाम् आदाय सत्वरः अवप्लुत्य रथात् कृष्णः सिन्धुं वेलेव प्रत्यधात्
taṃ tathāyāntam ālokya gadām ādāya satvaraḥ avaplutya rathāt kṛṣṇaḥ sindhuṃ veleva pratyadhāt
Sanskrit only: no published translation is held for this verse.
गदाम् उद्यम्य कारूषो मुकुन्दं प्राह दुर्मदः दिष्ट्या दिष्ट्या भवान् अद्य मम दृष्टि-पथं गतः
gadām udyamya kārūṣo mukundaṃ prāha durmadaḥ diṣṭyā diṣṭyā bhavān adya mama dṛṣṭi-pathaṃ gataḥ
Sanskrit only: no published translation is held for this verse.
त्वं मातुलेयो नः कृष्ण मित्र-ध्रुङ् मां जिघांससि अतस् त्वां गदया मन्द हनिष्ये वज्र-कल्पया
tvaṃ mātuleyo naḥ kṛṣṇa mitra-dhruṅ māṃ jighāṃsasi atas tvāṃ gadayā manda haniṣye vajra-kalpayā
Sanskrit only: no published translation is held for this verse.
तर्ह्य् आनृण्यम् उपैम्य् अज्ञ मित्राणां मित्र-वत्सलः बन्धु-रूपम् अरिं हत्वा व्याधिं देह-चरं यथा
tarhy ānṛṇyam upaimy ajña mitrāṇāṃ mitra-vatsalaḥ bandhu-rūpam ariṃ hatvā vyādhiṃ deha-caraṃ yathā
Sanskrit only: no published translation is held for this verse.
एवं रूक्षैस् तुदन् वाक्यैः कृष्णं तोत्रैर् इव द्विपम् गदयाताडयन् मूर्ध्नि सिंह-वद् व्यनदच् च सः
evaṃ rūkṣais tudan vākyaiḥ kṛṣṇaṃ totrair iva dvipam gadayātāḍayan mūrdhni siṃha-vad vyanadac ca saḥ
Sanskrit only: no published translation is held for this verse.
गदयाभिहतो ऽप्य् आजौ न चचाल यदूद्वहः कृष्णो ऽपि तम् अहन् गुर्व्या कौमोदक्या स्तनान्तरे
gadayābhihato 'py ājau na cacāla yadūdvahaḥ kṛṣṇo 'pi tam ahan gurvyā kaumodakyā stanāntare
Sanskrit only: no published translation is held for this verse.
गदा-निर्भिन्न-हृदय उद्वमन् रुधिरं मुखात् प्रसार्य केश-बाह्व्-अङ्घ्रीन् धरण्यां न्यपतद् व्यसुः
gadā-nirbhinna-hṛdaya udvaman rudhiraṃ mukhāt prasārya keśa-bāhv-aṅghrīn dharaṇyāṃ nyapatad vyasuḥ
Sanskrit only: no published translation is held for this verse.
ततः सूक्ष्मतरं ज्योतिः कृष्णम् आविशद् अद्भुतम् पश्यतां सर्व-भूतानां यथा चैद्य-वधे नृप
tataḥ sūkṣmataraṃ jyotiḥ kṛṣṇam āviśad adbhutam paśyatāṃ sarva-bhūtānāṃ yathā caidya-vadhe nṛpa
Sanskrit only: no published translation is held for this verse.
विदूरथस् तु तद्-भ्राता भ्रातृ-शोक-परिप्लुतः आगच्छद् असि-चर्माभ्याम् उच्छ्वसंस् तज्-जिघांसया
vidūrathas tu tad-bhrātā bhrātṛ-śoka-pariplutaḥ āgacchad asi-carmābhyām ucchvasaṃs taj-jighāṃsayā
Sanskrit only: no published translation is held for this verse.
तस्य चापततः कृष्णश् चक्रेण क्षुर-नेमिना शिरो जहार राजेन्द्र स-किरीटं स-कुण्डलम्
tasya cāpatataḥ kṛṣṇaś cakreṇa kṣura-neminā śiro jahāra rājendra sa-kirīṭaṃ sa-kuṇḍalam
Sanskrit only: no published translation is held for this verse.
एवं सौभं च शाल्वं च दन्तवक्रं सहानुजम् हत्वा दुर्विषहान् अन्यैर् ईडितः सुर-मानवैः
evaṃ saubhaṃ ca śālvaṃ ca dantavakraṃ sahānujam hatvā durviṣahān anyair īḍitaḥ sura-mānavaiḥ
Sanskrit only: no published translation is held for this verse.
मुनिभिः सिद्ध-गन्धर्वैर् विद्याधर-महोरगैः अप्सरोभिः पितृ-गणैर् यक्षैः किन्नर-चारणैः
munibhiḥ siddha-gandharvair vidyādhara-mahoragaiḥ apsarobhiḥ pitṛ-gaṇair yakṣaiḥ kinnara-cāraṇaiḥ
Sanskrit only: no published translation is held for this verse.
उपगीयमान-विजयः कुसुमैर् अभिवर्षितः वृतश् च वृष्णि-प्रवरैर् विवेशालङ्कृतां पुरीम्
upagīyamāna-vijayaḥ kusumair abhivarṣitaḥ vṛtaś ca vṛṣṇi-pravarair viveśālaṅkṛtāṃ purīm
Sanskrit only: no published translation is held for this verse.
एवं योगेश्वरः कृष्णो भगवान् जगद्-ईश्वरः ईयते पशु-दृष्टीनां निर्जितो जयतीति सः
evaṃ yogeśvaraḥ kṛṣṇo bhagavān jagad-īśvaraḥ īyate paśu-dṛṣṭīnāṃ nirjito jayatīti saḥ
Sanskrit only: no published translation is held for this verse.
श्रुत्वा युद्धोद्यमं रामः कुरूणां सह पाण्डवैः तीर्थाभिषेक-व्याजेन मध्य-स्थः प्रययौ किल
śrutvā yuddhodyamaṃ rāmaḥ kurūṇāṃ saha pāṇḍavaiḥ tīrthābhiṣeka-vyājena madhya-sthaḥ prayayau kila
Sanskrit only: no published translation is held for this verse.
स्नात्वा प्रभासे सन्तर्प्य देवर्षि-पितृ-मानवान् सरस्वतीं प्रति-स्रोतं ययौ ब्राह्मण-संवृतः
snātvā prabhāse santarpya devarṣi-pitṛ-mānavān sarasvatīṃ prati-srotaṃ yayau brāhmaṇa-saṃvṛtaḥ
Sanskrit only: no published translation is held for this verse.
पृथूदकं बिन्दु-सरस् त्रितकूपं सुदर्शनम् विशालं ब्रह्म-तीर्थं च चक्रं प्राचीं सरस्वतीम्
pṛthūdakaṃ bindu-saras tritakūpaṃ sudarśanam viśālaṃ brahma-tīrthaṃ ca cakraṃ prācīṃ sarasvatīm
Sanskrit only: no published translation is held for this verse.
यमुनाम् अनु यान्य् एव गङ्गाम् अनु च भारत जगाम नैमिषं यत्र ऋषयः सत्रम् आसते
yamunām anu yāny eva gaṅgām anu ca bhārata jagāma naimiṣaṃ yatra ṛṣayaḥ satram āsate
Sanskrit only: no published translation is held for this verse.
तम् आगतम् अभिप्रेत्य मुनयो दीर्घ-सत्रिणः अभिनन्द्य यथा-न्यायं प्रणम्योत्थाय चार्चयन्
tam āgatam abhipretya munayo dīrgha-satriṇaḥ abhinandya yathā-nyāyaṃ praṇamyotthāya cārcayan
Sanskrit only: no published translation is held for this verse.
सो ऽर्चितः स-परीवारः कृतासन-परिग्रहः रोमहर्षणम् आसीनं महर्षेः शिष्यम् ऐक्षत
so 'rcitaḥ sa-parīvāraḥ kṛtāsana-parigrahaḥ romaharṣaṇam āsīnaṃ maharṣeḥ śiṣyam aikṣata
Sanskrit only: no published translation is held for this verse.
अप्रत्युत्थायिनं सूतम् अकृत-प्रह्वणाञ्जलिम् अध्यासीनं च तान् विप्रांश् चुकोपोद्वीक्ष्य माधवः
apratyutthāyinaṃ sūtam akṛta-prahvaṇāñjalim adhyāsīnaṃ ca tān viprāṃś cukopodvīkṣya mādhavaḥ
Sanskrit only: no published translation is held for this verse.
यस्माद् असाव् इमान् विप्रान् अध्यास्ते प्रतिलोम-जः धर्म-पालांस् तथैवास्मान् वधम् अर्हति दुर्मतिः
yasmād asāv imān viprān adhyāste pratiloma-jaḥ dharma-pālāṃs tathaivāsmān vadham arhati durmatiḥ
Sanskrit only: no published translation is held for this verse.
ऋषेर् भगवतो भूत्वा शिष्यो ऽधीत्य बहूनि च सेतिहास-पुराणानि धर्म-शास्त्राणि सर्वशः
ṛṣer bhagavato bhūtvā śiṣyo 'dhītya bahūni ca setihāsa-purāṇāni dharma-śāstrāṇi sarvaśaḥ
Sanskrit only: no published translation is held for this verse.
अदान्तस्याविनीतस्य वृथा पण्डित-मानिनः न गुणाय भवन्ति स्म नटस्येवाजितात्मनः
adāntasyāvinītasya vṛthā paṇḍita-māninaḥ na guṇāya bhavanti sma naṭasyevājitātmanaḥ
Sanskrit only: no published translation is held for this verse.
एतद्-अर्थो हि लोके ऽस्मिन्न् अवतारो मया कृतः वध्या मे धर्म-ध्वजिनस् ते हि पातकिनो ऽधिकाः
etad-artho hi loke 'sminn avatāro mayā kṛtaḥ vadhyā me dharma-dhvajinas te hi pātakino 'dhikāḥ
Sanskrit only: no published translation is held for this verse.
एतावद् उक्त्वा भगवान् निवृत्तो ऽसद्-वधाद् अपि भावित्वात् तं कुशाग्रेण कर-स्थेनाहनत् प्रभुः
etāvad uktvā bhagavān nivṛtto 'sad-vadhād api bhāvitvāt taṃ kuśāgreṇa kara-sthenāhanat prabhuḥ
Sanskrit only: no published translation is held for this verse.
हाहेति-वादिनः सर्वे मुनयः खिन्न-मानसाः ऊचुः सङ्कर्षणं देवम् अधर्मस् ते कृतः प्रभो
hāheti-vādinaḥ sarve munayaḥ khinna-mānasāḥ ūcuḥ saṅkarṣaṇaṃ devam adharmas te kṛtaḥ prabho
Sanskrit only: no published translation is held for this verse.
अस्य ब्रह्मासनं दत्तम् अस्माभिर् यदु-नन्दन आयुश् चात्माक्लमं तावद् यावत् सत्रं समाप्यते
asya brahmāsanaṃ dattam asmābhir yadu-nandana āyuś cātmāklamaṃ tāvad yāvat satraṃ samāpyate
Sanskrit only: no published translation is held for this verse.
अजानतैवाचरितस् त्वया ब्रह्म-वधो यथा योगेश्वरस्य भवतो नाम्नायो ऽपि नियामकः
ajānataivācaritas tvayā brahma-vadho yathā yogeśvarasya bhavato nāmnāyo 'pi niyāmakaḥ
Sanskrit only: no published translation is held for this verse.
यद्य् एतद्-ब्रह्म-हत्यायाः पावनं लोक-पावन चरिष्यति भवांल् लोक- सङ्ग्रहो ऽनन्य-चोदितः
yady etad-brahma-hatyāyāḥ pāvanaṃ loka-pāvana cariṣyati bhavāṃl loka- saṅgraho 'nanya-coditaḥ
Sanskrit only: no published translation is held for this verse.
श्री-भगवान् उवाच चरिष्ये वध-निर्वेशं लोकानुग्रह-काम्यया नियमः प्रथमे कल्पे यावान् स तु विधीयताम्
śrī-bhagavān uvāca cariṣye vadha-nirveśaṃ lokānugraha-kāmyayā niyamaḥ prathame kalpe yāvān sa tu vidhīyatām
Sanskrit only: no published translation is held for this verse.
दीर्घम् आयुर् बतैतस्य सत्त्वम् इन्द्रियम् एव च आशासितं यत् तद् ब्रूते साधये योग-मायया
dīrgham āyur bataitasya sattvam indriyam eva ca āśāsitaṃ yat tad brūte sādhaye yoga-māyayā
Sanskrit only: no published translation is held for this verse.
ऋषय ऊचुः अस्त्रस्य तव वीर्यस्य मृत्योर् अस्माकम् एव च यथा भवेद् वचः सत्यं तथा राम विधीयताम्
ṛṣaya ūcuḥ astrasya tava vīryasya mṛtyor asmākam eva ca yathā bhaved vacaḥ satyaṃ tathā rāma vidhīyatām
Sanskrit only: no published translation is held for this verse.
श्री-भगवान् उवाच आत्मा वै पुत्र उत्पन्न इति वेदानुशासनम् तस्माद् अस्य भवेद् वक्ता आयुर्-इन्द्रिय-सत्त्व-वान्
śrī-bhagavān uvāca ātmā vai putra utpanna iti vedānuśāsanam tasmād asya bhaved vaktā āyur-indriya-sattva-vān
Sanskrit only: no published translation is held for this verse.
किं वः कामो मुनि-श्रेष्ठा ब्रूताहं करवाण्य् अथ अजानतस् त्व् अपचितिं यथा मे चिन्त्यतां बुधाः
kiṃ vaḥ kāmo muni-śreṣṭhā brūtāhaṃ karavāṇy atha ajānatas tv apacitiṃ yathā me cintyatāṃ budhāḥ
Sanskrit only: no published translation is held for this verse.
ऋषय ऊचुः इल्वलस्य सुतो घोरो बल्वलो नाम दानवः स दूषयति नः सत्रम् एत्य पर्वणि पर्वणि
ṛṣaya ūcuḥ ilvalasya suto ghoro balvalo nāma dānavaḥ sa dūṣayati naḥ satram etya parvaṇi parvaṇi
Sanskrit only: no published translation is held for this verse.
तं पापं जहि दाशार्ह तन् नः शुश्रूषणं परम् पूय-शोणित-विन्-मूत्र- सुरा-मांसाभिवर्षिणम्
taṃ pāpaṃ jahi dāśārha tan naḥ śuśrūṣaṇaṃ param pūya-śoṇita-vin-mūtra- surā-māṃsābhivarṣiṇam
Sanskrit only: no published translation is held for this verse.
ततश् च भारतं वर्षं परीत्य सु-समाहितः चरित्वा द्वादश-मासांस् तीर्थ-स्नायी विशुध्यसि
tataś ca bhārataṃ varṣaṃ parītya su-samāhitaḥ caritvā dvādaśa-māsāṃs tīrtha-snāyī viśudhyasi
Sanskrit only: no published translation is held for this verse.