Library·Bhāgavata Purāṇa·10·10.79
श्री-शुक उवाच ततः पर्वण्य् उपावृत्ते प्रचण्डः पांशु-वर्षणः भीमो वायुर् अभूद् राजन् पूय-गन्धस् तु सर्वशः
śrī-śuka uvāca tataḥ parvaṇy upāvṛtte pracaṇḍaḥ pāṃśu-varṣaṇaḥ bhīmo vāyur abhūd rājan pūya-gandhas tu sarvaśaḥ
Sanskrit only: no published translation is held for this verse.
ततो ऽमेध्य-मयं वर्षं बल्वलेन विनिर्मितम् अभवद् यज्ञ-शालायां सो ऽन्वदृश्यत शूल-धृक्
tato 'medhya-mayaṃ varṣaṃ balvalena vinirmitam abhavad yajña-śālāyāṃ so 'nvadṛśyata śūla-dhṛk
Sanskrit only: no published translation is held for this verse.
तं विलोक्य बृहत्-कायं भिन्नाञ्जन-चयोपमम् तप्त-ताम्र-शिखा-श्मश्रुं दंष्ट्रोग्र-भ्रु-कुटी-मुखम्
taṃ vilokya bṛhat-kāyaṃ bhinnāñjana-cayopamam tapta-tāmra-śikhā-śmaśruṃ daṃṣṭrogra-bhru-kuṭī-mukham
Sanskrit only: no published translation is held for this verse.
सस्मार मूषलं रामः पर-सैन्य-विदारणम् हलं च दैत्य-दमनं ते तूर्णम् उपतस्थतुः
sasmāra mūṣalaṃ rāmaḥ para-sainya-vidāraṇam halaṃ ca daitya-damanaṃ te tūrṇam upatasthatuḥ
Sanskrit only: no published translation is held for this verse.
तम् आकृष्य हलाग्रेण बल्वलं गगने-चरम् मूषलेनाहनत् क्रुद्धो मूर्ध्नि ब्रह्म-द्रुहं बलः
tam ākṛṣya halāgreṇa balvalaṃ gagane-caram mūṣalenāhanat kruddho mūrdhni brahma-druhaṃ balaḥ
Sanskrit only: no published translation is held for this verse.
सो ऽपतद् भुवि निर्भिन्न- ललाटो ऽसृक् समुत्सृजन् मुञ्चन्न् आर्त-स्वरं शैलो यथा वज्र-हतो ऽरुणः
so 'patad bhuvi nirbhinna- lalāṭo 'sṛk samutsṛjan muñcann ārta-svaraṃ śailo yathā vajra-hato 'ruṇaḥ
Sanskrit only: no published translation is held for this verse.
संस्तुत्य मुनयो रामं प्रयुज्यावितथाशिषः अभ्यषिञ्चन् महा-भागा वृत्र-घ्नं विबुधा यथा
saṃstutya munayo rāmaṃ prayujyāvitathāśiṣaḥ abhyaṣiñcan mahā-bhāgā vṛtra-ghnaṃ vibudhā yathā
Sanskrit only: no published translation is held for this verse.
वैजयन्तीं ददुर् मालां श्री-धामाम्लान-पङ्कजां रामाय वाससी दिव्ये दिव्यान्य् आभरणानि च
vaijayantīṃ dadur mālāṃ śrī-dhāmāmlāna-paṅkajāṃ rāmāya vāsasī divye divyāny ābharaṇāni ca
Sanskrit only: no published translation is held for this verse.
अथ तैर् अभ्यनुज्ञातः कौशिकीम् एत्य ब्राह्मणैः स्नात्वा सरोवरम् अगाद् यतः सरयूर् आस्रवत्
atha tair abhyanujñātaḥ kauśikīm etya brāhmaṇaiḥ snātvā sarovaram agād yataḥ sarayūr āsravat
Sanskrit only: no published translation is held for this verse.
अनु-स्रोतेन सरयूं प्रयागम् उपगम्य सः स्नात्वा सन्तर्प्य देवादीन् जगाम पुलहाश्रमम्
anu-srotena sarayūṃ prayāgam upagamya saḥ snātvā santarpya devādīn jagāma pulahāśramam
Sanskrit only: no published translation is held for this verse.
गोमतीं गण्डकीं स्नात्वा विपाशां शोण आप्लुतः गयां गत्वा पितॄन् इष्ट्वा गङ्गा-सागर-सङ्गमे
gomatīṃ gaṇḍakīṃ snātvā vipāśāṃ śoṇa āplutaḥ gayāṃ gatvā pitṝn iṣṭvā gaṅgā-sāgara-saṅgame
Sanskrit only: no published translation is held for this verse.
उपस्पृश्य महेन्द्राद्रौ रामं दृष्ट्वाभिवाद्य च सप्त-गोदावरीं वेणां पम्पां भीमरथीं ततः
upaspṛśya mahendrādrau rāmaṃ dṛṣṭvābhivādya ca sapta-godāvarīṃ veṇāṃ pampāṃ bhīmarathīṃ tataḥ
Sanskrit only: no published translation is held for this verse.
स्कन्दं दृष्ट्वा ययौ रामः श्री-शैलं गिरिशालयम् द्रविडेषु महा-पुण्यं दृष्ट्वाद्रिं वेङ्कटं प्रभुः
skandaṃ dṛṣṭvā yayau rāmaḥ śrī-śailaṃ giriśālayam draviḍeṣu mahā-puṇyaṃ dṛṣṭvādriṃ veṅkaṭaṃ prabhuḥ
Sanskrit only: no published translation is held for this verse.
काम-कोष्णीं पुरीं काञ्चीं कावेरीं च सरिद्-वराम् श्री-रन्गाख्यं महा-पुण्यं यत्र सन्निहितो हरिः
kāma-koṣṇīṃ purīṃ kāñcīṃ kāverīṃ ca sarid-varām śrī-rangākhyaṃ mahā-puṇyaṃ yatra sannihito hariḥ
Sanskrit only: no published translation is held for this verse.
ऋषभाद्रिं हरेः क्षेत्रं दक्षिणां मथुरां तथा सामुद्रं सेतुम् अगमत् महा-पातक-नाशनम्
ṛṣabhādriṃ hareḥ kṣetraṃ dakṣiṇāṃ mathurāṃ tathā sāmudraṃ setum agamat mahā-pātaka-nāśanam
Sanskrit only: no published translation is held for this verse.
तत्रायुतम् अदाद् धेनूर् ब्राह्मणेभ्यो हलायुधः कृतमालां ताम्रपर्णीं मलयं च कुलाचलम्
tatrāyutam adād dhenūr brāhmaṇebhyo halāyudhaḥ kṛtamālāṃ tāmraparṇīṃ malayaṃ ca kulācalam
Sanskrit only: no published translation is held for this verse.
तत्रागस्त्यं समासीनं नमस्कृत्याभिवाद्य च योजितस् तेन चाशीर्भिर् अनुज्ञातो गतो ऽर्णवम् दक्षिणं तत्र कन्याख्यां दुर्गां देवीं ददर्श सः
tatrāgastyaṃ samāsīnaṃ namaskṛtyābhivādya ca yojitas tena cāśīrbhir anujñāto gato 'rṇavam dakṣiṇaṃ tatra kanyākhyāṃ durgāṃ devīṃ dadarśa saḥ
Sanskrit only: no published translation is held for this verse.
ततः फाल्गुनम् आसाद्य पञ्चाप्सरसम् उत्तमम् विष्णुः सन्निहितो यत्र स्नात्वास्पर्शद् गवायुतम्
tataḥ phālgunam āsādya pañcāpsarasam uttamam viṣṇuḥ sannihito yatra snātvāsparśad gavāyutam
Sanskrit only: no published translation is held for this verse.
ततो ऽभिव्रज्य भगवान् केरलांस् तु त्रिगर्तकान् गोकर्णाख्यं शिव-क्षेत्रं सान्निध्यं यत्र धूर्जटेः
tato 'bhivrajya bhagavān keralāṃs tu trigartakān gokarṇākhyaṃ śiva-kṣetraṃ sānnidhyaṃ yatra dhūrjaṭeḥ
Sanskrit only: no published translation is held for this verse.
आर्यां द्वैपायनीं दृष्ट्वा शूर्पारकम् अगाद् बलः तापीं पयोष्णीं निर्विन्ध्याम् उपस्पृश्याथ दण्डकम्
āryāṃ dvaipāyanīṃ dṛṣṭvā śūrpārakam agād balaḥ tāpīṃ payoṣṇīṃ nirvindhyām upaspṛśyātha daṇḍakam
Sanskrit only: no published translation is held for this verse.
प्रविश्य रेवाम् अगमद् यत्र माहिष्मती पुरी मनु-तीर्थम् उपस्पृश्य प्रभासं पुनर् आगमत्
praviśya revām agamad yatra māhiṣmatī purī manu-tīrtham upaspṛśya prabhāsaṃ punar āgamat
Sanskrit only: no published translation is held for this verse.
श्रुत्वा द्विजैः कथ्यमानं कुरु-पाण्डव-संयुगे सर्व-राजन्य-निधनं भारं मेने हृतं भुवः
śrutvā dvijaiḥ kathyamānaṃ kuru-pāṇḍava-saṃyuge sarva-rājanya-nidhanaṃ bhāraṃ mene hṛtaṃ bhuvaḥ
Sanskrit only: no published translation is held for this verse.
स भीम-दुर्योधनयोर् गदाभ्यां युध्यतोर् मृधे वारयिष्यन् विनशनं जगाम यदु-नन्दनः
sa bhīma-duryodhanayor gadābhyāṃ yudhyator mṛdhe vārayiṣyan vinaśanaṃ jagāma yadu-nandanaḥ
Sanskrit only: no published translation is held for this verse.
युधिष्ठिरस् तु तं दृष्ट्वा यमौ कृष्णार्जुनाव् अपि अभिवाद्याभवंस् तुष्णीं किं विवक्षुर् इहागतः
yudhiṣṭhiras tu taṃ dṛṣṭvā yamau kṛṣṇārjunāv api abhivādyābhavaṃs tuṣṇīṃ kiṃ vivakṣur ihāgataḥ
Sanskrit only: no published translation is held for this verse.
गदा-पाणी उभौ दृष्ट्वा संरब्धौ विजयैषिणौ मण्डलानि विचित्राणि चरन्ताव् इदम् अब्रवीत्
gadā-pāṇī ubhau dṛṣṭvā saṃrabdhau vijayaiṣiṇau maṇḍalāni vicitrāṇi carantāv idam abravīt
Sanskrit only: no published translation is held for this verse.
युवां तुल्य-बलौ वीरौ हे राजन् हे वृकोदर एकं प्राणाधिकं मन्ये उतैकं शिक्षयाधिकम्
yuvāṃ tulya-balau vīrau he rājan he vṛkodara ekaṃ prāṇādhikaṃ manye utaikaṃ śikṣayādhikam
Sanskrit only: no published translation is held for this verse.
तस्माद् एकतरस्येह युवयोः सम-वीर्ययोः न लक्ष्यते जयो ऽन्यो वा विरमत्व् अफलो रणः
tasmād ekatarasyeha yuvayoḥ sama-vīryayoḥ na lakṣyate jayo 'nyo vā viramatv aphalo raṇaḥ
Sanskrit only: no published translation is held for this verse.
न तद्-वाक्यं जगृहतुर् बद्ध-वैरौ नृपार्थवत् अनुस्मरन्ताव् अन्योन्यं दुरुक्तं दुष्कृतानि च
na tad-vākyaṃ jagṛhatur baddha-vairau nṛpārthavat anusmarantāv anyonyaṃ duruktaṃ duṣkṛtāni ca
Sanskrit only: no published translation is held for this verse.
दिष्टं तद् अनुमन्वानो रामो द्वारवतीं ययौ उग्रसेनादिभिः प्रीतैर् ज्ञातिभिः समुपागतः
diṣṭaṃ tad anumanvāno rāmo dvāravatīṃ yayau ugrasenādibhiḥ prītair jñātibhiḥ samupāgataḥ
Sanskrit only: no published translation is held for this verse.
तं पुनर् नैमिषं प्राप्तम् ऋषयो ऽयाजयन् मुदा क्रत्व्-अङ्गं क्रतुभिः सर्वैर् निवृत्ताखिल-विग्रहम्
taṃ punar naimiṣaṃ prāptam ṛṣayo 'yājayan mudā kratv-aṅgaṃ kratubhiḥ sarvair nivṛttākhila-vigraham
Sanskrit only: no published translation is held for this verse.
तेभ्यो विशुद्धं विज्ञानं भगवान् व्यतरद् विभुः येनैवात्मन्य् अदो विश्वम् आत्मानं विश्व-गं विदुः
tebhyo viśuddhaṃ vijñānaṃ bhagavān vyatarad vibhuḥ yenaivātmany ado viśvam ātmānaṃ viśva-gaṃ viduḥ
Sanskrit only: no published translation is held for this verse.
स्व-पत्यावभृथ-स्नातो ज्ञाति-बन्धु-सुहृद्-वृतः रेजे स्व-ज्योत्स्नयेवेन्दुः सु-वासाः सुष्ठ्व् अलङ्कृतः
sva-patyāvabhṛtha-snāto jñāti-bandhu-suhṛd-vṛtaḥ reje sva-jyotsnayevenduḥ su-vāsāḥ suṣṭhv alaṅkṛtaḥ
Sanskrit only: no published translation is held for this verse.
ईदृग्-विधान्य् असङ्ख्यानि बलस्य बल-शालिनः अनन्तस्याप्रमेयस्य माया-मर्त्यस्य सन्ति हि
īdṛg-vidhāny asaṅkhyāni balasya bala-śālinaḥ anantasyāprameyasya māyā-martyasya santi hi
Sanskrit only: no published translation is held for this verse.
यो ऽनुस्मरेत रामस्य कर्माण्य् अद्भुत-कर्मणः सायं प्रातर् अनन्तस्य विष्णोः स दयितो भवेत्
yo 'nusmareta rāmasya karmāṇy adbhuta-karmaṇaḥ sāyaṃ prātar anantasya viṣṇoḥ sa dayito bhavet
Sanskrit only: no published translation is held for this verse.