Library·Bhāgavata Purāṇa·10·10.81
श्री-शुक उवाच स इत्थं द्विज-मुख्येन सह सङ्कथयन् हरिः सर्व-भूत-मनो-ऽभिज्ञः स्मयमान उवाच तम्
śrī-śuka uvāca sa itthaṃ dvija-mukhyena saha saṅkathayan hariḥ sarva-bhūta-mano-'bhijñaḥ smayamāna uvāca tam
Sanskrit only: no published translation is held for this verse.
ब्रह्मण्यो ब्राह्मणं कृष्णो भगवान् प्रहसन् प्रियम् प्रेम्णा निरीक्षणेनैव प्रेक्षन् खलु सतां गतिः
brahmaṇyo brāhmaṇaṃ kṛṣṇo bhagavān prahasan priyam premṇā nirīkṣaṇenaiva prekṣan khalu satāṃ gatiḥ
Sanskrit only: no published translation is held for this verse.
श्री-भगवान् उवाच किम् उपायनम् आनीतं ब्रह्मन् मे भवता गृहात् अण्व् अप्य् उपाहृतं भक्तैः प्रेम्णा भुर्य् एव मे भवेत् भूर्य् अप्य् अभक्तोपहृतं न मे तोषाय कल्पते
śrī-bhagavān uvāca kim upāyanam ānītaṃ brahman me bhavatā gṛhāt aṇv apy upāhṛtaṃ bhaktaiḥ premṇā bhury eva me bhavet bhūry apy abhaktopahṛtaṃ na me toṣāya kalpate
Sanskrit only: no published translation is held for this verse.
पत्रं पुष्पं फलं तोयं यो मे भक्त्या प्रयच्छति तद् अहं भक्त्य्-उपहृतम् अश्नामि प्रयतात्मनः
patraṃ puṣpaṃ phalaṃ toyaṃ yo me bhaktyā prayacchati tad ahaṃ bhakty-upahṛtam aśnāmi prayatātmanaḥ
Sanskrit only: no published translation is held for this verse.
इत्य् उक्तो ऽपि द्वियस् तस्मै व्रीडितः पतये श्रियः पृथुक-प्रसृतिं राजन् न प्रायच्छद् अवाङ्-मुखः
ity ukto 'pi dviyas tasmai vrīḍitaḥ pataye śriyaḥ pṛthuka-prasṛtiṃ rājan na prāyacchad avāṅ-mukhaḥ
Sanskrit only: no published translation is held for this verse.
सर्व-भूतात्म-दृक् साक्षात् तस्यागमन-कारणम् विज्ङायाचिन्तयन् नायं श्री-कामो माभजत् पुरा
sarva-bhūtātma-dṛk sākṣāt tasyāgamana-kāraṇam vijṅāyācintayan nāyaṃ śrī-kāmo mābhajat purā
Sanskrit only: no published translation is held for this verse.
पत्न्याः पति-व्रतायास् तु सखा प्रिय-चिकीर्षया प्राप्तो माम् अस्य दास्यामि सम्पदो ऽमर्त्य-दुर्लभाः
patnyāḥ pati-vratāyās tu sakhā priya-cikīrṣayā prāpto mām asya dāsyāmi sampado 'martya-durlabhāḥ
Sanskrit only: no published translation is held for this verse.
इत्थं विचिन्त्य वसनाच् चीर-बद्धान् द्वि-जन्मनः स्वयं जहार किम् इदम् इति पृथुक-तण्डुलान्
itthaṃ vicintya vasanāc cīra-baddhān dvi-janmanaḥ svayaṃ jahāra kim idam iti pṛthuka-taṇḍulān
Sanskrit only: no published translation is held for this verse.
नन्व् एतद् उपनीतं मे परम-प्रीणनं सखे तर्पयन्त्य् अङ्ग मां विश्वम् एते पृथुक-तण्डुलाः
nanv etad upanītaṃ me parama-prīṇanaṃ sakhe tarpayanty aṅga māṃ viśvam ete pṛthuka-taṇḍulāḥ
Sanskrit only: no published translation is held for this verse.
इति मुष्टिं सकृज् जग्ध्वा द्वितीयां जग्धुम् आददे तावच् छ्रीर् जगृहे हस्तं तत्-परा परमेष्ठिनः
iti muṣṭiṃ sakṛj jagdhvā dvitīyāṃ jagdhum ādade tāvac chrīr jagṛhe hastaṃ tat-parā parameṣṭhinaḥ
Sanskrit only: no published translation is held for this verse.
एतावतालं विश्वात्मन् सर्व-सम्पत्-समृद्धये अस्मिन् लोके ऽथ वामुष्मिन् पुंसस् त्वत्-तोष-कारणम्
etāvatālaṃ viśvātman sarva-sampat-samṛddhaye asmin loke 'tha vāmuṣmin puṃsas tvat-toṣa-kāraṇam
Sanskrit only: no published translation is held for this verse.
ब्राह्मणस् तां तु रजनीम् उषित्वाच्युत-मन्दिरे भुक्त्वा पीत्वा सुखं मेने आत्मानं स्वर्-गतं यथा
brāhmaṇas tāṃ tu rajanīm uṣitvācyuta-mandire bhuktvā pītvā sukhaṃ mene ātmānaṃ svar-gataṃ yathā
Sanskrit only: no published translation is held for this verse.
श्वो-भूते विश्व-भावेन स्व-सुखेनाभिवन्दितः जगाम स्वालयं तात पथ्य् अनव्रज्य नन्दितः
śvo-bhūte viśva-bhāvena sva-sukhenābhivanditaḥ jagāma svālayaṃ tāta pathy anavrajya nanditaḥ
Sanskrit only: no published translation is held for this verse.
स चालब्ध्वा धनं कृष्णान् न तु याचितवान् स्वयम् स्व-गृहान् व्रीडितो ऽगच्छन् महद्-दर्शन-निर्वृतः
sa cālabdhvā dhanaṃ kṛṣṇān na tu yācitavān svayam sva-gṛhān vrīḍito 'gacchan mahad-darśana-nirvṛtaḥ
Sanskrit only: no published translation is held for this verse.
अहो ब्रह्मण्य-देवस्य दृष्टा ब्रह्मण्यता मया यद् दरिद्रतमो लक्ष्मीम् आश्लिष्टो बिभ्रतोरसि
aho brahmaṇya-devasya dṛṣṭā brahmaṇyatā mayā yad daridratamo lakṣmīm āśliṣṭo bibhratorasi
Sanskrit only: no published translation is held for this verse.
क्वाहं दरिद्रः पापीयान् क्व कृष्णः श्री-निकेतनः ब्रह्म-बन्धुर् इति स्माहं बाहुभ्यां परिरम्भितः
kvāhaṃ daridraḥ pāpīyān kva kṛṣṇaḥ śrī-niketanaḥ brahma-bandhur iti smāhaṃ bāhubhyāṃ parirambhitaḥ
Sanskrit only: no published translation is held for this verse.
निवासितः प्रिया-जुष्टे पर्यङ्के भ्रातरो यथा महिष्या वीजितः श्रान्तो बाल-व्यजन-हस्तया
nivāsitaḥ priyā-juṣṭe paryaṅke bhrātaro yathā mahiṣyā vījitaḥ śrānto bāla-vyajana-hastayā
Sanskrit only: no published translation is held for this verse.
शुश्रूषया परमया पाद-संवाहनादिभिः पूजितो देव-देवेन विप्र-देवेन देव-वत्
śuśrūṣayā paramayā pāda-saṃvāhanādibhiḥ pūjito deva-devena vipra-devena deva-vat
Sanskrit only: no published translation is held for this verse.
स्वर्गापवर्गयोः पुंसां रसायां भुवि सम्पदाम् सर्वासाम् अपि सिद्धीनां मूलं तच्-चरणार्चनम्
svargāpavargayoḥ puṃsāṃ rasāyāṃ bhuvi sampadām sarvāsām api siddhīnāṃ mūlaṃ tac-caraṇārcanam
Sanskrit only: no published translation is held for this verse.
अधनो ऽयं धनं प्राप्य माद्यन्न् उच्चैर् न मां स्मरेत् इति कारुणिको नूनं धनं मे ऽभूरि नाददात्
adhano 'yaṃ dhanaṃ prāpya mādyann uccair na māṃ smaret iti kāruṇiko nūnaṃ dhanaṃ me 'bhūri nādadāt
Sanskrit only: no published translation is held for this verse.
इति तच् चिन्तयन्न् अन्तः प्राप्तो निय-गृहान्तिकम् सूर्यानलेन्दु-सङ्काशैर् विमानैः सर्वतो वृतम्
iti tac cintayann antaḥ prāpto niya-gṛhāntikam sūryānalendu-saṅkāśair vimānaiḥ sarvato vṛtam
Sanskrit only: no published translation is held for this verse.
विचित्रोपवनोद्यानैः कूजद्-द्विज-कुलाकुलैः प्रोत्फुल्ल-कमुदाम्भोज- कह्लारोत्पल-वारिभिः
vicitropavanodyānaiḥ kūjad-dvija-kulākulaiḥ protphulla-kamudāmbhoja- kahlārotpala-vāribhiḥ
Sanskrit only: no published translation is held for this verse.
जुष्टं स्व्-अलङ्कृतैः पुम्भिः स्त्रीभिश् च हरिणाक्षिभिः किम् इदं कस्य वा स्थानं कथं तद् इदम् इत्य् अभूत्
juṣṭaṃ sv-alaṅkṛtaiḥ pumbhiḥ strībhiś ca hariṇākṣibhiḥ kim idaṃ kasya vā sthānaṃ kathaṃ tad idam ity abhūt
Sanskrit only: no published translation is held for this verse.
एवं मीमांसमानं तं नरा नार्यो ऽमर-प्रभाः प्रत्यगृह्णन् महा-भागं गीत-वाद्येन भूयसा
evaṃ mīmāṃsamānaṃ taṃ narā nāryo 'mara-prabhāḥ pratyagṛhṇan mahā-bhāgaṃ gīta-vādyena bhūyasā
Sanskrit only: no published translation is held for this verse.
पतिम् आगतम् आकर्ण्य पत्न्य् उद्धर्षाति-सम्भ्रमा निश्चक्राम गृहात् तूर्णं रूपिणी श्रीर् इवालयात्
patim āgatam ākarṇya patny uddharṣāti-sambhramā niścakrāma gṛhāt tūrṇaṃ rūpiṇī śrīr ivālayāt
Sanskrit only: no published translation is held for this verse.
पति-व्रता पतिं दृष्ट्वा प्रेमोत्कण्ठाश्रु-लोचना मीलिताक्ष्य् अनमद् बुद्ध्या मनसा परिषस्वजे
pati-vratā patiṃ dṛṣṭvā premotkaṇṭhāśru-locanā mīlitākṣy anamad buddhyā manasā pariṣasvaje
Sanskrit only: no published translation is held for this verse.
पत्नीं वीक्ष्य विस्फुरन्तीं देवीं वैमानिकीम् इव दासीनां निष्क-कण्ठीनां मध्ये भान्तीं स विस्मितः
patnīṃ vīkṣya visphurantīṃ devīṃ vaimānikīm iva dāsīnāṃ niṣka-kaṇṭhīnāṃ madhye bhāntīṃ sa vismitaḥ
Sanskrit only: no published translation is held for this verse.
प्रीतः स्वयं तया युक्तः प्रविष्टो निज-मन्दिरम् मणि-स्तम्भ-शतोपेतं महेन्द्र-भवनं यथा
prītaḥ svayaṃ tayā yuktaḥ praviṣṭo nija-mandiram maṇi-stambha-śatopetaṃ mahendra-bhavanaṃ yathā
Sanskrit only: no published translation is held for this verse.
पयः-फेन-निभाः शय्या दान्ता रुक्म-परिच्छदाः पर्यङ्का हेम-दण्डानि चामर-व्यजनानि च
payaḥ-phena-nibhāḥ śayyā dāntā rukma-paricchadāḥ paryaṅkā hema-daṇḍāni cāmara-vyajanāni ca
Sanskrit only: no published translation is held for this verse.
आसनानि च हैमानि मृदूपस्तरणानि च मुक्तादाम-विलम्बीनि वितानानि द्युमन्ति च
āsanāni ca haimāni mṛdūpastaraṇāni ca muktādāma-vilambīni vitānāni dyumanti ca
Sanskrit only: no published translation is held for this verse.
स्वच्छ-स्फटिक-कुड्येषु महा-मारकतेषु च
svaccha-sphaṭika-kuḍyeṣu mahā-mārakateṣu ca
Sanskrit only: no published translation is held for this verse.
रत्न-दीपान् भ्राजमानान् ललना रत्न-संयुताः विलोक्य ब्राह्मणस् तत्र समृद्धीः सर्व-सम्पदाम् तर्कयाम् आस निर्व्यग्रः स्व-समृद्धिम् अहैतुकीम्
ratna-dīpān bhrājamānān lalanā ratna-saṃyutāḥ vilokya brāhmaṇas tatra samṛddhīḥ sarva-sampadām tarkayām āsa nirvyagraḥ sva-samṛddhim ahaitukīm
Sanskrit only: no published translation is held for this verse.
नूनं बतैतन् मम दुर्भगस्य शश्वद् दरिद्रस्य समृद्धि-हेतुः महा-विभूतेर् अवलोकतो ऽन्यो नैवोपपद्येत यदूत्तमस्य
nūnaṃ bataitan mama durbhagasya śaśvad daridrasya samṛddhi-hetuḥ mahā-vibhūter avalokato 'nyo naivopapadyeta yadūttamasya
Sanskrit only: no published translation is held for this verse.
नन्व् अब्रुवाणो दिशते समक्षं याचिष्णवे भूर्य् अपि भूरि-भोजः पर्जन्य-वत् तत् स्वयम् ईक्षमाणो दाशार्हकाणाम् ऋषभः सखा मे
nanv abruvāṇo diśate samakṣaṃ yāciṣṇave bhūry api bhūri-bhojaḥ parjanya-vat tat svayam īkṣamāṇo dāśārhakāṇām ṛṣabhaḥ sakhā me
Sanskrit only: no published translation is held for this verse.
किञ्चित् करोत्य् उर्व् अपि यत् स्व-दत्तं सुहृत्-कृतं फल्ग्व् अपि भूरि-कारी मयोपणीतं पृथुकैक-मुष्टिं प्रत्यग्रहीत् प्रीति-युतो महात्मा
kiñcit karoty urv api yat sva-dattaṃ suhṛt-kṛtaṃ phalgv api bhūri-kārī mayopaṇītaṃ pṛthukaika-muṣṭiṃ pratyagrahīt prīti-yuto mahātmā
Sanskrit only: no published translation is held for this verse.
तस्यैव मे सौहृद-सख्य-मैत्री- दास्यं पुनर् जन्मनि जन्मनि स्यात् महानुभावेन गुणालयेन विषज्जतस् तत्-पुरुष-प्रसङ्गः
tasyaiva me sauhṛda-sakhya-maitrī- dāsyaṃ punar janmani janmani syāt mahānubhāvena guṇālayena viṣajjatas tat-puruṣa-prasaṅgaḥ
Sanskrit only: no published translation is held for this verse.
भक्ताय चित्रा भगवान् हि सम्पदो राज्यं विभूतीर् न समर्थयत्य् अजः अदीर्घ-बोधाय विचक्षणः स्वयं पश्यन् निपातं धनिनां मदोद्भवम्
bhaktāya citrā bhagavān hi sampado rājyaṃ vibhūtīr na samarthayaty ajaḥ adīrgha-bodhāya vicakṣaṇaḥ svayaṃ paśyan nipātaṃ dhanināṃ madodbhavam
Sanskrit only: no published translation is held for this verse.
इत्थं व्यवसितो बुद्ध्या भक्तो ऽतीव जनार्दने विषयान् जायया त्यक्ष्यन् बुभुजे नाति-लम्पटः
itthaṃ vyavasito buddhyā bhakto 'tīva janārdane viṣayān jāyayā tyakṣyan bubhuje nāti-lampaṭaḥ
Sanskrit only: no published translation is held for this verse.
तस्य वै देव-देवस्य हरेर् यज्ञ-पतेः प्रभोः ब्राह्मणाः प्रभवो दैवं न तेभ्यो विद्यते परम्
tasya vai deva-devasya harer yajña-pateḥ prabhoḥ brāhmaṇāḥ prabhavo daivaṃ na tebhyo vidyate param
Sanskrit only: no published translation is held for this verse.
एवं स विप्रो भगवत्-सुहृत् तदा दृष्ट्वा स्व-भृत्यैर् अजितं पराजितम् तद्-ध्यान-वेगोद्ग्रथितात्म-बन्धनस् तद्-धाम लेभे ऽचिरतः सतां गतिम्
evaṃ sa vipro bhagavat-suhṛt tadā dṛṣṭvā sva-bhṛtyair ajitaṃ parājitam tad-dhyāna-vegodgrathitātma-bandhanas tad-dhāma lebhe 'cirataḥ satāṃ gatim
Sanskrit only: no published translation is held for this verse.
एतद् ब्रह्मण्य-देवस्य श्रुत्वा ब्रह्मण्यतां नरः लब्ध-भावो भगवति कर्म-बन्धाद् विमुच्यते
etad brahmaṇya-devasya śrutvā brahmaṇyatāṃ naraḥ labdha-bhāvo bhagavati karma-bandhād vimucyate
Sanskrit only: no published translation is held for this verse.