Bhāgavata Purāṇa 10.84

श्री-शुक उवाच श्रुत्वा पृथा सुबल-पुत्र्य् अथ याज्ञसेनी माधव्य् अथ क्षितिप-पत्न्य उत स्व-गोप्यः कृष्णे ऽखिलात्मनि हरौ प्रणयानुबन्धं सर्वा विसिस्म्युर् अलम् अश्रु-कलाकुलाक्ष्यः

śrī-śuka uvāca śrutvā pṛthā subala-putry atha yājñasenī mādhavy atha kṣitipa-patnya uta sva-gopyaḥ kṛṣṇe 'khilātmani harau praṇayānubandhaṃ sarvā visismyur alam aśru-kalākulākṣyaḥ

Sanskrit only: no published translation is held for this verse.

इति सम्भाषमाणासु स्त्रीभिः स्त्रीषु नृभिर् नृषु आययुर् मुनयस् तत्र कृष्ण-राम-दिदृक्षया

iti sambhāṣamāṇāsu strībhiḥ strīṣu nṛbhir nṛṣu āyayur munayas tatra kṛṣṇa-rāma-didṛkṣayā

Sanskrit only: no published translation is held for this verse.

द्वैपायनो नारदश् च च्यवनो देवलो ऽसितः विश्वामित्रः शतानन्दो भरद्वाजो ऽथ गौतमः

dvaipāyano nāradaś ca cyavano devalo 'sitaḥ viśvāmitraḥ śatānando bharadvājo 'tha gautamaḥ

Sanskrit only: no published translation is held for this verse.

रामः स-शिष्यो भगवान् वसिष्ठो गालवो भृगुः पुलस्त्यः कश्यपो ऽत्रिश् च मार्कण्डेयो बृहस्पतिः

rāmaḥ sa-śiṣyo bhagavān vasiṣṭho gālavo bhṛguḥ pulastyaḥ kaśyapo 'triś ca mārkaṇḍeyo bṛhaspatiḥ

Sanskrit only: no published translation is held for this verse.

द्वितस् त्रितश् चैकतश् च ब्रह्म-पुत्रास् तथाङ्गिराः अगस्त्यो याज्ञवल्क्यश् च वामदेवादयो ऽपरे

dvitas tritaś caikataś ca brahma-putrās tathāṅgirāḥ agastyo yājñavalkyaś ca vāmadevādayo 'pare

Sanskrit only: no published translation is held for this verse.

तान् दृष्ट्वा सहसोत्थाय प्राग् आसीना नृपादयः पाण्डवाः कृष्ण-रामौ च प्रणेमुर् विश्व-वन्दितान्

tān dṛṣṭvā sahasotthāya prāg āsīnā nṛpādayaḥ pāṇḍavāḥ kṛṣṇa-rāmau ca praṇemur viśva-vanditān

Sanskrit only: no published translation is held for this verse.

तान् आनर्चुर् यथा सर्वे सह-रामो ऽच्युतो ऽर्चयत् स्वागतासन-पाद्यार्घ्य- माल्य-धूपानुलेपनैः

tān ānarcur yathā sarve saha-rāmo 'cyuto 'rcayat svāgatāsana-pādyārghya- mālya-dhūpānulepanaiḥ

Sanskrit only: no published translation is held for this verse.

उवाच सुखम् आसीनान् भगवान् धर्म-गुप्-तनुः सदसस् तस्य महतो यत-वाचो ऽनुशृण्वतः

uvāca sukham āsīnān bhagavān dharma-gup-tanuḥ sadasas tasya mahato yata-vāco 'nuśṛṇvataḥ

Sanskrit only: no published translation is held for this verse.

श्री-भगवान् उवाच अहो वयं जन्म-भृतो लब्धं कार्त्स्न्येन तत्-फलम् देवानाम् अपि दुष्प्रापं यद् योगेश्वर-दर्शनम्

śrī-bhagavān uvāca aho vayaṃ janma-bhṛto labdhaṃ kārtsnyena tat-phalam devānām api duṣprāpaṃ yad yogeśvara-darśanam

Sanskrit only: no published translation is held for this verse.

किं स्वल्प-तपसां नॄणाम् अर्चायां देव-चक्षुषाम् दर्शन-स्पर्शन-प्रश्न- प्रह्व-पादार्चनादिकम्

kiṃ svalpa-tapasāṃ nṝṇām arcāyāṃ deva-cakṣuṣām darśana-sparśana-praśna- prahva-pādārcanādikam

Sanskrit only: no published translation is held for this verse.

न ह्य् अम्-मयानि तीर्थानि न देवा मृच्-छिला-मयाः ते पुनन्त्य् उरु-कालेन दर्शनाद् एव साधवः

na hy am-mayāni tīrthāni na devā mṛc-chilā-mayāḥ te punanty uru-kālena darśanād eva sādhavaḥ

Sanskrit only: no published translation is held for this verse.

नाग्निर् न सूर्यो न च चन्द्र-तारका न भूर् जलं खं श्वसनो ऽथ वाङ् मनः उपासिता भेद-कृतो हरन्त्य् अघं विपश्चितो घ्नन्ति मुहूर्त-सेवया

nāgnir na sūryo na ca candra-tārakā na bhūr jalaṃ khaṃ śvasano 'tha vāṅ manaḥ upāsitā bheda-kṛto haranty aghaṃ vipaścito ghnanti muhūrta-sevayā

Sanskrit only: no published translation is held for this verse.

यस्यात्म-बुद्धिः कुणपे त्रि-धातुके स्व-धीः कलत्रादिषु भौम इज्य-धीः यत्-तीर्थ-बुद्धिः सलिले न कर्हिचिज् जनेष्व् अभिज्ञेषु स एव गो-खरः

yasyātma-buddhiḥ kuṇape tri-dhātuke sva-dhīḥ kalatrādiṣu bhauma ijya-dhīḥ yat-tīrtha-buddhiḥ salile na karhicij janeṣv abhijñeṣu sa eva go-kharaḥ

Sanskrit only: no published translation is held for this verse.

श्री-शुक उवाच निशम्येत्थं भगवतः कृष्णस्याकुण्थ-मेधसः वचो दुरन्वयं विप्रास् तूष्णीम् आसन् भ्रमद्-धियः

śrī-śuka uvāca niśamyetthaṃ bhagavataḥ kṛṣṇasyākuṇtha-medhasaḥ vaco duranvayaṃ viprās tūṣṇīm āsan bhramad-dhiyaḥ

Sanskrit only: no published translation is held for this verse.

चिरं विमृश्य मुनय ईश्वरस्येशितव्यताम् जन-सङ्ग्रह इत्य् ऊचुः स्मयन्तस् तं जगद्-गुरुम्

ciraṃ vimṛśya munaya īśvarasyeśitavyatām jana-saṅgraha ity ūcuḥ smayantas taṃ jagad-gurum

Sanskrit only: no published translation is held for this verse.

श्री-मुनय ऊचुः यन्-मायया तत्त्व-विद्-उत्तमा वयं विमोहिता विश्व-सृजाम् अधीश्वराः यद् ईशितव्यायति गूढ ईहया अहो विचित्रम् भगवद्-विचेष्टितम्

śrī-munaya ūcuḥ yan-māyayā tattva-vid-uttamā vayaṃ vimohitā viśva-sṛjām adhīśvarāḥ yad īśitavyāyati gūḍha īhayā aho vicitram bhagavad-viceṣṭitam

Sanskrit only: no published translation is held for this verse.

अनीह एतद् बहुधैक आत्मना सृजत्य् अवत्य् अत्ति न बध्यते यथा भौमैर् हि भूमिर् बहु-नाम-रूपिणी अहो विभूम्नश् चरितं विडम्बनम्

anīha etad bahudhaika ātmanā sṛjaty avaty atti na badhyate yathā bhaumair hi bhūmir bahu-nāma-rūpiṇī aho vibhūmnaś caritaṃ viḍambanam

Sanskrit only: no published translation is held for this verse.

अथापि काले स्व-जनाभिगुप्तये बिभर्षि सत्त्वं खल-निग्रहाय च स्व-लीलया वेद-पथं सनातनं वर्णाश्रमात्मा पुरुषः परो भवान्

athāpi kāle sva-janābhiguptaye bibharṣi sattvaṃ khala-nigrahāya ca sva-līlayā veda-pathaṃ sanātanaṃ varṇāśramātmā puruṣaḥ paro bhavān

Sanskrit only: no published translation is held for this verse.

ब्रह्म ते हृदयं शुक्लं तपः-स्वाध्याय-संयमैः यत्रोपलब्धं सद् व्यक्तम् अव्यक्तं च ततः परम्

brahma te hṛdayaṃ śuklaṃ tapaḥ-svādhyāya-saṃyamaiḥ yatropalabdhaṃ sad vyaktam avyaktaṃ ca tataḥ param

Sanskrit only: no published translation is held for this verse.

तस्माद् ब्रह्म-कुलं ब्रह्मन् शास्त्र-योनेस् त्वम् आत्मनः सभाजयसि सद् धाम तद् ब्रह्मण्याग्रणीर् भवान्

tasmād brahma-kulaṃ brahman śāstra-yones tvam ātmanaḥ sabhājayasi sad dhāma tad brahmaṇyāgraṇīr bhavān

Sanskrit only: no published translation is held for this verse.

अद्य नो जन्म-साफल्यं विद्यायास् तपसो दृशः त्वया सङ्गम्य सद्-गत्या यद् अन्तः श्रेयसां परः

adya no janma-sāphalyaṃ vidyāyās tapaso dṛśaḥ tvayā saṅgamya sad-gatyā yad antaḥ śreyasāṃ paraḥ

Sanskrit only: no published translation is held for this verse.

नमस् तस्मै भगवते कृष्णायाकुण्ठ-मेधसे स्व-योगमाययाच्छन्न- महिम्ने परमात्मने

namas tasmai bhagavate kṛṣṇāyākuṇṭha-medhase sva-yogamāyayācchanna- mahimne paramātmane

Sanskrit only: no published translation is held for this verse.

न यं विदन्त्य् अमी भू-पा एकारामाश् च वृष्णयः माया-जवनिकाच्छन्नम् आत्मानं कालम् ईश्वरम्

na yaṃ vidanty amī bhū-pā ekārāmāś ca vṛṣṇayaḥ māyā-javanikācchannam ātmānaṃ kālam īśvaram

Sanskrit only: no published translation is held for this verse.

यथा शयानः पुरुष आत्मानं गुण-तत्त्व-दृक् नाम-मात्रेन्द्रियाभातं न वेद रहितं परम्

yathā śayānaḥ puruṣa ātmānaṃ guṇa-tattva-dṛk nāma-mātrendriyābhātaṃ na veda rahitaṃ param

Sanskrit only: no published translation is held for this verse.

एवं त्वा नाम-मात्रेषु विषयेष्व् इन्द्रियेहया मायया विभ्रमच्-चित्तो न वेद स्मृत्य्-उपप्लवात्

evaṃ tvā nāma-mātreṣu viṣayeṣv indriyehayā māyayā vibhramac-citto na veda smṛty-upaplavāt

Sanskrit only: no published translation is held for this verse.

तस्याद्य ते ददृशिमाङ्घ्रिम् अघौघ-मर्ष- तीर्थास्पदं हृदि कृतं सु-विपक्व-योगैः उत्सिक्त-भक्त्य्-उपहताशय जीव-कोशा आपुर् भवद्-गतिम् अथानुगृहान भक्तान्

tasyādya te dadṛśimāṅghrim aghaugha-marṣa- tīrthāspadaṃ hṛdi kṛtaṃ su-vipakva-yogaiḥ utsikta-bhakty-upahatāśaya jīva-kośā āpur bhavad-gatim athānugṛhāna bhaktān

Sanskrit only: no published translation is held for this verse.

श्री-शुक उवाच इत्य् अनुज्ञाप्य दाशार्हं धृतराष्ट्रं युधिष्ठिरम् राजर्षे स्वाश्रमान् गन्तुं मुनयो दधिरे मनः

śrī-śuka uvāca ity anujñāpya dāśārhaṃ dhṛtarāṣṭraṃ yudhiṣṭhiram rājarṣe svāśramān gantuṃ munayo dadhire manaḥ

Sanskrit only: no published translation is held for this verse.

तद् वीक्ष्य तान् उपव्रज्य वसुदेवो महा-यशाः प्रणम्य चोपसङ्गृह्य बभाषेदं सु-यन्त्रितः

tad vīkṣya tān upavrajya vasudevo mahā-yaśāḥ praṇamya copasaṅgṛhya babhāṣedaṃ su-yantritaḥ

Sanskrit only: no published translation is held for this verse.

श्री-वसुदेव उवाच नमो वः सर्व-देवेभ्य ऋषयः श्रोतुम् अर्हथ कर्मणा कर्म-निर्हारो यथा स्यान् नस् तद् उच्यताम्

śrī-vasudeva uvāca namo vaḥ sarva-devebhya ṛṣayaḥ śrotum arhatha karmaṇā karma-nirhāro yathā syān nas tad ucyatām

Sanskrit only: no published translation is held for this verse.

श्री-नारद उवाच नाति-चित्रम् इदं विप्रा वसुदेवो बुभुत्सया कृष्णम् मत्वार्भकं यन् नः पृच्छति श्रेय आत्मनः

śrī-nārada uvāca nāti-citram idaṃ viprā vasudevo bubhutsayā kṛṣṇam matvārbhakaṃ yan naḥ pṛcchati śreya ātmanaḥ

Sanskrit only: no published translation is held for this verse.

सन्निकर्षो ऽत्र मर्त्यानाम् अनादरण-कारणम् गाङ्गं हित्वा यथान्याम्भस् तत्रत्यो याति शुद्धये

sannikarṣo 'tra martyānām anādaraṇa-kāraṇam gāṅgaṃ hitvā yathānyāmbhas tatratyo yāti śuddhaye

Sanskrit only: no published translation is held for this verse.

यस्यानुभूतिः कालेन लयोत्पत्त्य्-आदिनास्य वै स्वतो ऽन्यस्माच् च गुणतो न कुतश्चन रिष्यति

yasyānubhūtiḥ kālena layotpatty-ādināsya vai svato 'nyasmāc ca guṇato na kutaścana riṣyati

Sanskrit only: no published translation is held for this verse.

तं क्लेश-कर्म-परिपाक-गुण-प्रवाहैर् अव्याहतानुभवम् ईश्वरम् अद्वितीयम् प्राणादिभिः स्व-विभवैर् उपगूढम् अन्यो मन्येत सूर्यम् इव मेघ-हिमोपरागैः

taṃ kleśa-karma-paripāka-guṇa-pravāhair avyāhatānubhavam īśvaram advitīyam prāṇādibhiḥ sva-vibhavair upagūḍham anyo manyeta sūryam iva megha-himoparāgaiḥ

Sanskrit only: no published translation is held for this verse.

अथोचुर् मुनयो राजन्न् आभाष्यानल्सदुन्दभिम् सर्वेषां शृण्वतां राज्ञां तथैवाच्युत-रामयोः

athocur munayo rājann ābhāṣyānalsadundabhim sarveṣāṃ śṛṇvatāṃ rājñāṃ tathaivācyuta-rāmayoḥ

Sanskrit only: no published translation is held for this verse.

कर्मणा कर्म-निर्हार एष साधु-निरूपितः यच् छ्रद्धया यजेद् विष्णुं सर्व-यज्ञेश्वरं मखैः

karmaṇā karma-nirhāra eṣa sādhu-nirūpitaḥ yac chraddhayā yajed viṣṇuṃ sarva-yajñeśvaraṃ makhaiḥ

Sanskrit only: no published translation is held for this verse.

चित्तस्योपशमो ऽयं वै कविभिः शास्त्र-चक्षुसा दर्शितः सु-गमो योगो धर्मश् चात्म-मुद्-आवहः

cittasyopaśamo 'yaṃ vai kavibhiḥ śāstra-cakṣusā darśitaḥ su-gamo yogo dharmaś cātma-mud-āvahaḥ

Sanskrit only: no published translation is held for this verse.

अयं स्वस्त्य्-अयनः पन्था द्वि-जातेर् गृह-मेधिनः यच् छ्रद्धयाप्त-वित्तेन शुक्लेनेज्येत पूरुषः

ayaṃ svasty-ayanaḥ panthā dvi-jāter gṛha-medhinaḥ yac chraddhayāpta-vittena śuklenejyeta pūruṣaḥ

Sanskrit only: no published translation is held for this verse.

वित्तैषणां यज्ञ-दानैर् गृहैर् दार-सुतैषणाम् आत्म-लोकैषणां देव कालेन विसृजेद् बुधः ग्रामे त्यक्तैषणाः सर्वे ययुर् धीरास् तपो-वनम्

vittaiṣaṇāṃ yajña-dānair gṛhair dāra-sutaiṣaṇām ātma-lokaiṣaṇāṃ deva kālena visṛjed budhaḥ grāme tyaktaiṣaṇāḥ sarve yayur dhīrās tapo-vanam

Sanskrit only: no published translation is held for this verse.

ऋणैस् त्रिभिर् द्विजो जातो देवर्षि-पितॄणां प्रभो यज्ञाध्ययन-पुत्रैस् तान्य् अनिस्तीर्य त्यजन् पतेत्

ṛṇais tribhir dvijo jāto devarṣi-pitṝṇāṃ prabho yajñādhyayana-putrais tāny anistīrya tyajan patet

Sanskrit only: no published translation is held for this verse.

त्वं त्व् अद्य मुक्तो द्वाभ्यां वै ऋषि-पित्रोर् महा-मते यज्ञैर् देवर्णम् उन्मुच्य निरृणो ऽशरणो भव

tvaṃ tv adya mukto dvābhyāṃ vai ṛṣi-pitror mahā-mate yajñair devarṇam unmucya nirṛṇo 'śaraṇo bhava

Sanskrit only: no published translation is held for this verse.

वसुदेव भवान् नूनं भक्त्या परमया हरिम् जगताम् ईश्वरं प्रार्चः स यद् वां पुत्रतां गतः

vasudeva bhavān nūnaṃ bhaktyā paramayā harim jagatām īśvaraṃ prārcaḥ sa yad vāṃ putratāṃ gataḥ

Sanskrit only: no published translation is held for this verse.

श्री-शुक उवाच इति तद्-वचनं श्रुत्वा वसुदेवो महा-मनाः तान् ऋषीन् ऋत्विजो वव्रे मूर्ध्नानम्य प्रसाद्य च

śrī-śuka uvāca iti tad-vacanaṃ śrutvā vasudevo mahā-manāḥ tān ṛṣīn ṛtvijo vavre mūrdhnānamya prasādya ca

Sanskrit only: no published translation is held for this verse.

त एनम् ऋषयो राजन् वृता धर्मेण धार्मिकम् तस्मिन्न् अयाजयन् क्षेत्रे मखैर् उत्तम-कल्पकैः

ta enam ṛṣayo rājan vṛtā dharmeṇa dhārmikam tasminn ayājayan kṣetre makhair uttama-kalpakaiḥ

Sanskrit only: no published translation is held for this verse.

तद्-दीक्षायां प्रवृत्तायां वृष्णयः पुष्कर-स्रजः स्नाताः सु-वाससो राजन् राजानः सुष्ठ्व्-अलङ्कृताः

tad-dīkṣāyāṃ pravṛttāyāṃ vṛṣṇayaḥ puṣkara-srajaḥ snātāḥ su-vāsaso rājan rājānaḥ suṣṭhv-alaṅkṛtāḥ

Sanskrit only: no published translation is held for this verse.

तन्-महिष्यश् च मुदिता निष्क-कण्ठ्यः सु-वाससः दीक्षा-शालाम् उपाजग्मुर् आलिप्ता वस्तु-पाणयः

tan-mahiṣyaś ca muditā niṣka-kaṇṭhyaḥ su-vāsasaḥ dīkṣā-śālām upājagmur āliptā vastu-pāṇayaḥ

Sanskrit only: no published translation is held for this verse.

नेदुर् मृदङ्ग-पटह- शङ्ख-भेर्य्-आनकादयः ननृतुर् नट-नर्तक्यस् तुष्टुवुः सूत-मागधाः जगुः सु-कण्ठ्यो गन्धर्व्यः सङ्गीतं सह-भर्तृकाः

nedur mṛdaṅga-paṭaha- śaṅkha-bhery-ānakādayaḥ nanṛtur naṭa-nartakyas tuṣṭuvuḥ sūta-māgadhāḥ jaguḥ su-kaṇṭhyo gandharvyaḥ saṅgītaṃ saha-bhartṛkāḥ

Sanskrit only: no published translation is held for this verse.

तम् अभ्यषिञ्चन् विधि-वद् अक्तम् अभ्यक्तम् ऋत्विजः पत्नीभिर् अष्टा-दशभिः सोम-राजम् इवोडुभिः

tam abhyaṣiñcan vidhi-vad aktam abhyaktam ṛtvijaḥ patnībhir aṣṭā-daśabhiḥ soma-rājam ivoḍubhiḥ

Sanskrit only: no published translation is held for this verse.

ताभिर् दुकूल-वलयैर् हार-नूपुर-कुण्डलैः स्व्-अलङ्कृताभिर् विबभौ दीक्षितो ऽजिन-संवृतः

tābhir dukūla-valayair hāra-nūpura-kuṇḍalaiḥ sv-alaṅkṛtābhir vibabhau dīkṣito 'jina-saṃvṛtaḥ

Sanskrit only: no published translation is held for this verse.

तस्यर्त्विजो महा-राज रत्न-कौशेय-वाससः स-सदस्या विरेजुस् ते यथा वृत्र-हणो ऽध्वरे

tasyartvijo mahā-rāja ratna-kauśeya-vāsasaḥ sa-sadasyā virejus te yathā vṛtra-haṇo 'dhvare

Sanskrit only: no published translation is held for this verse.

तदा रामश् च कृष्णश् च स्वैः स्वैर् बन्धुभिर् अन्वितौ रेजतुः स्व-सुतैर् दारैर् जीवेशौ स्व-विभूतिभिः

tadā rāmaś ca kṛṣṇaś ca svaiḥ svair bandhubhir anvitau rejatuḥ sva-sutair dārair jīveśau sva-vibhūtibhiḥ

Sanskrit only: no published translation is held for this verse.

ईजे ऽनु-यज्ञं विधिना अग्नि-होत्रादि-लक्षणैः प्राकृतैर् वैकृतैर् यज्ञैर् द्रव्य-ज्ञान-क्रियेश्वरम्

īje 'nu-yajñaṃ vidhinā agni-hotrādi-lakṣaṇaiḥ prākṛtair vaikṛtair yajñair dravya-jñāna-kriyeśvaram

Sanskrit only: no published translation is held for this verse.

अथर्त्विग्भ्यो ऽददात् काले यथाम्नातं स दक्षिणाः स्व्-अलङ्कृतेभ्यो ऽलङ्कृत्य गो-भू-कन्या महा-धनाः

athartvigbhyo 'dadāt kāle yathāmnātaṃ sa dakṣiṇāḥ sv-alaṅkṛtebhyo 'laṅkṛtya go-bhū-kanyā mahā-dhanāḥ

Sanskrit only: no published translation is held for this verse.

पत्नी-संयाजावभृथ्यैश् चरित्वा ते महर्षयः सस्नू राम-ह्रदे विप्रा यजमान-पुरः-सराः

patnī-saṃyājāvabhṛthyaiś caritvā te maharṣayaḥ sasnū rāma-hrade viprā yajamāna-puraḥ-sarāḥ

Sanskrit only: no published translation is held for this verse.

स्नातो ऽलङ्कार-वासांसि वन्दिभ्यो ऽदात् तथा स्त्रियः ततः स्व्-अलङ्कृतो वर्णान् आ-श्वभ्यो ऽन्नेन पूजयत्

snāto 'laṅkāra-vāsāṃsi vandibhyo 'dāt tathā striyaḥ tataḥ sv-alaṅkṛto varṇān ā-śvabhyo 'nnena pūjayat

Sanskrit only: no published translation is held for this verse.

बन्धून् स-दारान् स-सुतान् पारिबर्हेण भूयसा विदर्भ-कोशल-कुरून् काशि-केकय-सृञ्जयान्

bandhūn sa-dārān sa-sutān pāribarheṇa bhūyasā vidarbha-kośala-kurūn kāśi-kekaya-sṛñjayān

Sanskrit only: no published translation is held for this verse.

सदस्यर्त्विक्-सुर-गणान् नृ-भूत-पितृ-चारणान् श्री-निकेतम् अनुज्ञाप्य शंसन्तः प्रययुः क्रतुम्

sadasyartvik-sura-gaṇān nṛ-bhūta-pitṛ-cāraṇān śrī-niketam anujñāpya śaṃsantaḥ prayayuḥ kratum

Sanskrit only: no published translation is held for this verse.

धृतराष्ट्रो ऽनुजः पार्था भीष्मो द्रोणः पृथा यमौ नारदो भगवान् व्यासः सुहृत्-सम्बन्धि-बान्धवाः

dhṛtarāṣṭro 'nujaḥ pārthā bhīṣmo droṇaḥ pṛthā yamau nārado bhagavān vyāsaḥ suhṛt-sambandhi-bāndhavāḥ

Sanskrit only: no published translation is held for this verse.

बन्धून् परिष्वज्य यदून् सौहृदाक्लिन्न-चेतसः ययुर् विरह-कृच्छ्रेण स्व-देशांश् चापरे जनाः

bandhūn pariṣvajya yadūn sauhṛdāklinna-cetasaḥ yayur viraha-kṛcchreṇa sva-deśāṃś cāpare janāḥ

Sanskrit only: no published translation is held for this verse.

नन्दस् तु सह गोपालैर् बृहत्या पूजयार्चितः कृष्ण-रामोग्रसेनाद्यैर् न्यवात्सीद् बन्धु-वत्सलः

nandas tu saha gopālair bṛhatyā pūjayārcitaḥ kṛṣṇa-rāmograsenādyair nyavātsīd bandhu-vatsalaḥ

Sanskrit only: no published translation is held for this verse.

वसुदेवो ऽञ्जसोत्तीर्य मनोरथ-महार्णवम् सुहृद्-वृतः प्रीत-मना नन्दम् आह करे स्पृशन्

vasudevo 'ñjasottīrya manoratha-mahārṇavam suhṛd-vṛtaḥ prīta-manā nandam āha kare spṛśan

Sanskrit only: no published translation is held for this verse.

श्री-वसुदेव उवाच भ्रातर् ईश-कृतः पाशो नृनां यः स्नेह-संज्ञितः तं दुस्त्यजम् अहं मन्ये शूराणाम् अपि योगिनाम्

śrī-vasudeva uvāca bhrātar īśa-kṛtaḥ pāśo nṛnāṃ yaḥ sneha-saṃjñitaḥ taṃ dustyajam ahaṃ manye śūrāṇām api yoginām

Sanskrit only: no published translation is held for this verse.

अस्मास्व् अप्रतिकल्पेयं यत् कृताज्ञेषु सत्तमैः मैत्र्य् अर्पिताफला चापि न निवर्तेत कर्हिचित्

asmāsv apratikalpeyaṃ yat kṛtājñeṣu sattamaiḥ maitry arpitāphalā cāpi na nivarteta karhicit

Sanskrit only: no published translation is held for this verse.

प्राग् अकल्पाच् च कुशलं भ्रातर् वो नाचराम हि अधुना श्री-मदान्धाक्षा न पश्यामः पुरः सतः

prāg akalpāc ca kuśalaṃ bhrātar vo nācarāma hi adhunā śrī-madāndhākṣā na paśyāmaḥ puraḥ sataḥ

Sanskrit only: no published translation is held for this verse.

मा राज्य-श्रीर् अभूत् पुंसः श्रेयस्-कामस्य मान-द स्व-जनान् उत बन्धून् वा न पश्यति ययान्ध-दृक्

mā rājya-śrīr abhūt puṃsaḥ śreyas-kāmasya māna-da sva-janān uta bandhūn vā na paśyati yayāndha-dṛk

Sanskrit only: no published translation is held for this verse.

श्री-शुक उवाच एवं सौहृद-शैथिल्य- चित्त आनकदुन्दुभिः रुरोद तत्-कृतां मैत्रीं स्मरन्न् अश्रु-विलोचनः

śrī-śuka uvāca evaṃ sauhṛda-śaithilya- citta ānakadundubhiḥ ruroda tat-kṛtāṃ maitrīṃ smarann aśru-vilocanaḥ

Sanskrit only: no published translation is held for this verse.

नन्दस् तु सख्युः प्रिय-कृत् प्रेम्णा गोविन्द-रामयोः अद्य श्व इति मासांस् त्रीन् यदुभिर् मानितो ऽवसत्

nandas tu sakhyuḥ priya-kṛt premṇā govinda-rāmayoḥ adya śva iti māsāṃs trīn yadubhir mānito 'vasat

Sanskrit only: no published translation is held for this verse.

ततः कामैः पूर्यमाणः स-व्रजः सह-बान्धवः परार्ध्याभरण-क्षौम- नानानर्घ्य-परिच्छदैः

tataḥ kāmaiḥ pūryamāṇaḥ sa-vrajaḥ saha-bāndhavaḥ parārdhyābharaṇa-kṣauma- nānānarghya-paricchadaiḥ

Sanskrit only: no published translation is held for this verse.

वसुदेवोग्रसेनाभ्यां कृष्णोद्धव-बलादिभिः दत्तम् आदाय पारिबर्हं यापितो यदुभिर् ययौ

vasudevograsenābhyāṃ kṛṣṇoddhava-balādibhiḥ dattam ādāya pāribarhaṃ yāpito yadubhir yayau

Sanskrit only: no published translation is held for this verse.

नन्दो गोपाश् च गोप्यश् च गोविन्द-चरणाम्बुजे मनः क्षिप्तं पुनर् हर्तुम् अनीशा मथुरां ययुः

nando gopāś ca gopyaś ca govinda-caraṇāmbuje manaḥ kṣiptaṃ punar hartum anīśā mathurāṃ yayuḥ

Sanskrit only: no published translation is held for this verse.

बन्धुषु प्रतियातेषु वृष्णयः कृष्ण-देवताः वीक्ष्य प्रावृषम् आसन्नाद् ययुर् द्वारवतीं पुनः

bandhuṣu pratiyāteṣu vṛṣṇayaḥ kṛṣṇa-devatāḥ vīkṣya prāvṛṣam āsannād yayur dvāravatīṃ punaḥ

Sanskrit only: no published translation is held for this verse.

जनेभ्यः कथयां चक्रुर् यदु-देव-महोत्सवम् यद् आसीत् तीर्थ-यात्रायां सुहृत्-सन्दर्शनादिकम्

janebhyaḥ kathayāṃ cakrur yadu-deva-mahotsavam yad āsīt tīrtha-yātrāyāṃ suhṛt-sandarśanādikam

Sanskrit only: no published translation is held for this verse.