Library·Bhāgavata Purāṇa·10·10.88
श्री-राजोवाच देवासुर-मनुष्येसु ये भजन्त्य् अशिवं शिवम् प्रायस् ते धनिनो भोजा न तु लक्ष्म्याः पतिं हरिम्
śrī-rājovāca devāsura-manuṣyesu ye bhajanty aśivaṃ śivam prāyas te dhanino bhojā na tu lakṣmyāḥ patiṃ harim
Sanskrit only: no published translation is held for this verse.
एतद् वेदितुम् इच्छामः सन्देहो ऽत्र महान् हि नः विरुद्ध-शीलयोः प्रभ्वोर् विरुद्धा भजतां गतिः
etad veditum icchāmaḥ sandeho 'tra mahān hi naḥ viruddha-śīlayoḥ prabhvor viruddhā bhajatāṃ gatiḥ
Sanskrit only: no published translation is held for this verse.
श्री-शुक उवाच शिवः शक्ति-युतः शश्वत् त्रि-लिङ्गो गुण-संवृतः वैकारिकस् तैजसश् च तामसश् चेत्य् अहं त्रिधा
śrī-śuka uvāca śivaḥ śakti-yutaḥ śaśvat tri-liṅgo guṇa-saṃvṛtaḥ vaikārikas taijasaś ca tāmasaś cety ahaṃ tridhā
Sanskrit only: no published translation is held for this verse.
ततो विकारा अभवन् षोडशामीषु कञ्चन उपधावन् विभूतीनां सर्वासाम् अश्नुते गतिम्
tato vikārā abhavan ṣoḍaśāmīṣu kañcana upadhāvan vibhūtīnāṃ sarvāsām aśnute gatim
Sanskrit only: no published translation is held for this verse.
हरिर् हि निर्गुणः साक्षात् पुरुषः प्रकृतेः परः स सर्व-दृग् उपद्रष्टा तं भजन् निर्गुणो भवेत्
harir hi nirguṇaḥ sākṣāt puruṣaḥ prakṛteḥ paraḥ sa sarva-dṛg upadraṣṭā taṃ bhajan nirguṇo bhavet
Sanskrit only: no published translation is held for this verse.
निवृत्तेष्व् अश्व-मेधेषु राजा युष्मत्-पितामहः शृण्वन् भगवतो धर्मान् अपृच्छद् इदम् अच्युतम्
nivṛtteṣv aśva-medheṣu rājā yuṣmat-pitāmahaḥ śṛṇvan bhagavato dharmān apṛcchad idam acyutam
Sanskrit only: no published translation is held for this verse.
स आह भगवांस् तस्मै प्रीतः शुश्रूषवे प्रभुः नृणां निःश्रेयसार्थाय यो ऽवतीर्णो यदोः कुले
sa āha bhagavāṃs tasmai prītaḥ śuśrūṣave prabhuḥ nṛṇāṃ niḥśreyasārthāya yo 'vatīrṇo yadoḥ kule
Sanskrit only: no published translation is held for this verse.
श्री-भगवान् उवाच यस्याहम् अनुगृह्णामि हरिष्ये तद्-धनं शनैः ततो ऽधनं त्यजन्त्य् अस्य स्वजना दुःख-दुःखितम्
śrī-bhagavān uvāca yasyāham anugṛhṇāmi hariṣye tad-dhanaṃ śanaiḥ tato 'dhanaṃ tyajanty asya svajanā duḥkha-duḥkhitam
Sanskrit only: no published translation is held for this verse.
स यदा वितथोद्योगो निर्विण्णः स्याद् धनेहया मत्-परैः कृत-मैत्रस्य करिष्ये मद्-अनुग्रहम्
sa yadā vitathodyogo nirviṇṇaḥ syād dhanehayā mat-paraiḥ kṛta-maitrasya kariṣye mad-anugraham
Sanskrit only: no published translation is held for this verse.
तद् ब्रह्म परमं सूक्ष्मं चिन्-मात्रं सद् अनन्तकम् विज्ञायात्मतया धीरः संसारात् परिमुच्यते
tad brahma paramaṃ sūkṣmaṃ cin-mātraṃ sad anantakam vijñāyātmatayā dhīraḥ saṃsārāt parimucyate
Sanskrit only: no published translation is held for this verse.
अतो मां सु-दुराराध्यं हित्वान्यान् भजते जनः ततस् त आशु-तोषेभ्यो लब्ध-राज्य-श्रियोद्धताः मत्ताः प्रमत्ता वर-दान् विस्मयन्त्य् अवजानते
ato māṃ su-durārādhyaṃ hitvānyān bhajate janaḥ tatas ta āśu-toṣebhyo labdha-rājya-śriyoddhatāḥ mattāḥ pramattā vara-dān vismayanty avajānate
Sanskrit only: no published translation is held for this verse.
श्री-शुक उवाच शाप-प्रसादयोर् ईशा ब्रह्म-विष्णु-शिवादयः सद्यः शाप-प्रसादो ऽङ्ग शिवो ब्रह्मा न चाच्युतः
śrī-śuka uvāca śāpa-prasādayor īśā brahma-viṣṇu-śivādayaḥ sadyaḥ śāpa-prasādo 'ṅga śivo brahmā na cācyutaḥ
Sanskrit only: no published translation is held for this verse.
अत्र चोदाहरन्तीमम् इतिहासं पुरातनम् वृकासुराय गिरिशो वरं दत्त्वाप सङ्कटम्
atra codāharantīmam itihāsaṃ purātanam vṛkāsurāya giriśo varaṃ dattvāpa saṅkaṭam
Sanskrit only: no published translation is held for this verse.
वृको नामासुरः पुत्रः शकुनेः पथि नारदम् दृष्ट्वाशु-तोषं पप्रच्छ देवेषु त्रिषु दुर्मतिः
vṛko nāmāsuraḥ putraḥ śakuneḥ pathi nāradam dṛṣṭvāśu-toṣaṃ papraccha deveṣu triṣu durmatiḥ
Sanskrit only: no published translation is held for this verse.
स आह देवं गिरिशम् उपाधावाशु सिद्ध्यसि यो ऽल्पाभ्यां गुण-दोषाभ्याम् आशु तुष्यति कुप्यति
sa āha devaṃ giriśam upādhāvāśu siddhyasi yo 'lpābhyāṃ guṇa-doṣābhyām āśu tuṣyati kupyati
Sanskrit only: no published translation is held for this verse.
दशास्य-बाणयोस् तुष्टः स्तुवतोर् वन्दिनोर् इव ऐश्वर्यम् अतुलं दत्त्वा तत आप सु-सङ्कटम्
daśāsya-bāṇayos tuṣṭaḥ stuvator vandinor iva aiśvaryam atulaṃ dattvā tata āpa su-saṅkaṭam
Sanskrit only: no published translation is held for this verse.
इत्य् आदिष्टस् तम् असुर उपाधावत् स्व-गात्रतः केदार आत्म-क्रव्येण जुह्वानो ग्नि-मुखं हरम्
ity ādiṣṭas tam asura upādhāvat sva-gātrataḥ kedāra ātma-kravyeṇa juhvāno gni-mukhaṃ haram
Sanskrit only: no published translation is held for this verse.
देवोपलब्धिम् अप्राप्य निर्वेदात् सप्तमे ऽहनि शिरो ऽवृश्चत् सुधितिना तत्-तीर्थ-क्लिन्न-मूर्धजम्
devopalabdhim aprāpya nirvedāt saptame 'hani śiro 'vṛścat sudhitinā tat-tīrtha-klinna-mūrdhajam
Sanskrit only: no published translation is held for this verse.
तदा महा-कारुणिको स धूर्जटिर् यथा वयं चाग्निर् इवोत्थितो ऽनलात् निगृह्य दोर्भ्यां भुजयोर् न्यवारयत् तत्-स्पर्शनाद् भूय उपस्कृताकृतिः
tadā mahā-kāruṇiko sa dhūrjaṭir yathā vayaṃ cāgnir ivotthito 'nalāt nigṛhya dorbhyāṃ bhujayor nyavārayat tat-sparśanād bhūya upaskṛtākṛtiḥ
Sanskrit only: no published translation is held for this verse.
तम् आह चाङ्गालम् अलं वृणीष्व मे यथाभिकामं वितरामि ते वरम् प्रीयेय तोयेन नृणां प्रपद्यताम् अहो त्वयात्मा भृशम् अर्द्यते वृथा
tam āha cāṅgālam alaṃ vṛṇīṣva me yathābhikāmaṃ vitarāmi te varam prīyeya toyena nṛṇāṃ prapadyatām aho tvayātmā bhṛśam ardyate vṛthā
Sanskrit only: no published translation is held for this verse.
देवं स वव्रे पापीयान् वरं भूत-भयावहम् यस्य यस्य करं शीर्ष्णि धास्ये स म्रियताम् इति
devaṃ sa vavre pāpīyān varaṃ bhūta-bhayāvaham yasya yasya karaṃ śīrṣṇi dhāsye sa mriyatām iti
Sanskrit only: no published translation is held for this verse.
तच् छ्रुत्वा भगवान् रुद्रो दुर्मना इव भारत ॐ इति प्रहसंस् तस्मै ददे ऽहेर् अमृतं यथा
tac chrutvā bhagavān rudro durmanā iva bhārata oṃ iti prahasaṃs tasmai dade 'her amṛtaṃ yathā
Sanskrit only: no published translation is held for this verse.
स तद्-वर-परीक्षार्थं शम्भोर् मूर्ध्नि किलासुरः स्व-हस्तं धातुम् आरेभे सो ऽबिभ्यत् स्व-कृताच् छिवः
sa tad-vara-parīkṣārthaṃ śambhor mūrdhni kilāsuraḥ sva-hastaṃ dhātum ārebhe so 'bibhyat sva-kṛtāc chivaḥ
Sanskrit only: no published translation is held for this verse.
तेनोपसृष्टः सन्त्रस्तः पराधावन् स-वेपथुः यावद् अन्तं दिवो भूमेः कष्ठानाम् उदगाद् उदक्
tenopasṛṣṭaḥ santrastaḥ parādhāvan sa-vepathuḥ yāvad antaṃ divo bhūmeḥ kaṣṭhānām udagād udak
Sanskrit only: no published translation is held for this verse.
अजानन्तः प्रति-विधिं तूष्णीम् आसन् सुरेश्वराः ततो वैकुण्ठम् अगमद् भास्वरं तमसः परम्
ajānantaḥ prati-vidhiṃ tūṣṇīm āsan sureśvarāḥ tato vaikuṇṭham agamad bhāsvaraṃ tamasaḥ param
Sanskrit only: no published translation is held for this verse.
यत्र नारायणः साक्षान् न्यासिनां परमो गतिः शान्तानां न्यस्त-दण्डानां यतो नावर्तते गतः
yatra nārāyaṇaḥ sākṣān nyāsināṃ paramo gatiḥ śāntānāṃ nyasta-daṇḍānāṃ yato nāvartate gataḥ
Sanskrit only: no published translation is held for this verse.
तं तथा व्यसनं दृष्ट्वा भगवान् वृजिनार्दनः दूरात् प्रत्युदियाद् भूत्वा बटुको योग-मायया
taṃ tathā vyasanaṃ dṛṣṭvā bhagavān vṛjinārdanaḥ dūrāt pratyudiyād bhūtvā baṭuko yoga-māyayā
Sanskrit only: no published translation is held for this verse.
मेखलाजिन-दण्डाक्षैस् तेजसाग्निर् इव ज्वलन् अभिवादयाम् आस च तं कुश-पाणिर् विनीत-वत्
mekhalājina-daṇḍākṣais tejasāgnir iva jvalan abhivādayām āsa ca taṃ kuśa-pāṇir vinīta-vat
Sanskrit only: no published translation is held for this verse.
श्री-भगवान् उवाच शाकुनेय भवान् व्यक्तं श्रान्तः किं दूरम् आगतः क्षणं विश्रम्यतां पुंस आत्मायं सर्व-काम-धुक्
śrī-bhagavān uvāca śākuneya bhavān vyaktaṃ śrāntaḥ kiṃ dūram āgataḥ kṣaṇaṃ viśramyatāṃ puṃsa ātmāyaṃ sarva-kāma-dhuk
Sanskrit only: no published translation is held for this verse.
यदि नः श्रवणायालं युष्मद्-व्यवसितं विभो भण्यतां प्रायशः पुम्भिर् धृतैः स्वार्थान् समीहते
yadi naḥ śravaṇāyālaṃ yuṣmad-vyavasitaṃ vibho bhaṇyatāṃ prāyaśaḥ pumbhir dhṛtaiḥ svārthān samīhate
Sanskrit only: no published translation is held for this verse.
श्री-शुक उवाच एवं भगवता पृष्टो वचसामृत-वर्षिणा गत-क्लमो ऽब्रवीत् तस्मै यथा-पूर्वम् अनुष्ठितम्
śrī-śuka uvāca evaṃ bhagavatā pṛṣṭo vacasāmṛta-varṣiṇā gata-klamo 'bravīt tasmai yathā-pūrvam anuṣṭhitam
Sanskrit only: no published translation is held for this verse.
श्री-भगवान् उवाच एवं चेत् तर्हि तद्-वाक्यं न वयं श्रद्दधीमहि यो दक्ष-शापात् पैशाच्यं प्राप्तः प्रेत-पिशाच-राट्
śrī-bhagavān uvāca evaṃ cet tarhi tad-vākyaṃ na vayaṃ śraddadhīmahi yo dakṣa-śāpāt paiśācyaṃ prāptaḥ preta-piśāca-rāṭ
Sanskrit only: no published translation is held for this verse.
यदि वस् तत्र विश्रम्भो दानवेन्द्र जगद्-गुरौ तर्ह्य् अङ्गाशु स्व-शिरसि हस्तं न्यस्य प्रतीयताम्
yadi vas tatra viśrambho dānavendra jagad-gurau tarhy aṅgāśu sva-śirasi hastaṃ nyasya pratīyatām
Sanskrit only: no published translation is held for this verse.
यद्य् असत्यं वचः शम्भोः कथञ्चिद् दानवर्षभ तदैनं जह्य् असद्-वाचं न यद् वक्तानृतं पुनः
yady asatyaṃ vacaḥ śambhoḥ kathañcid dānavarṣabha tadainaṃ jahy asad-vācaṃ na yad vaktānṛtaṃ punaḥ
Sanskrit only: no published translation is held for this verse.
इत्थं भगवतश् चित्रैर् वचोभिः स सु-पेशलैः भिन्न-धीर् विस्मृतः शीर्ष्णि स्व-हस्तं कुमतिर् न्यधात्
itthaṃ bhagavataś citrair vacobhiḥ sa su-peśalaiḥ bhinna-dhīr vismṛtaḥ śīrṣṇi sva-hastaṃ kumatir nyadhāt
Sanskrit only: no published translation is held for this verse.
अथापतद् भिन्न-शिराः व्रजाहत इव क्षणात् जय-शब्दो नमः-शब्दः साधु-शब्दो ऽभवद् दिवि
athāpatad bhinna-śirāḥ vrajāhata iva kṣaṇāt jaya-śabdo namaḥ-śabdaḥ sādhu-śabdo 'bhavad divi
Sanskrit only: no published translation is held for this verse.
मुमुचुः पुष्प-वर्षाणि हते पापे वृकासुरे देवर्षि-पितृ-गन्धर्वा मोचितः सङ्कटाच् छिवः
mumucuḥ puṣpa-varṣāṇi hate pāpe vṛkāsure devarṣi-pitṛ-gandharvā mocitaḥ saṅkaṭāc chivaḥ
Sanskrit only: no published translation is held for this verse.
मुक्तं गिरिशम् अभ्याह भगवान् पुरुषोत्तमः अहो देव महा-देव पापो ऽयं स्वेन पाप्मना
muktaṃ giriśam abhyāha bhagavān puruṣottamaḥ aho deva mahā-deva pāpo 'yaṃ svena pāpmanā
Sanskrit only: no published translation is held for this verse.
हतः को नु महत्स्व् ईश जन्तुर् वै कृत-किल्बिषः क्षेमी स्यात् किम् उ विश्वेशे कृतागस्को जगद्-गुरौ
hataḥ ko nu mahatsv īśa jantur vai kṛta-kilbiṣaḥ kṣemī syāt kim u viśveśe kṛtāgasko jagad-gurau
Sanskrit only: no published translation is held for this verse.
य एवम् अव्याकृत-शक्त्य्-उदन्वतः परस्य साक्षात् परमात्मनो हरेः गिरित्र-मोक्षं कथयेच् छृणोति वा विमुच्यते संसृतिभिस् तथारिभिः
ya evam avyākṛta-śakty-udanvataḥ parasya sākṣāt paramātmano hareḥ giritra-mokṣaṃ kathayec chṛṇoti vā vimucyate saṃsṛtibhis tathāribhiḥ
Sanskrit only: no published translation is held for this verse.