Library·Bhāgavata Purāṇa·10·10.89
श्री-शुक उवाच सरस्वत्यास् तटे राजन्न् ऋषयः सत्रम् आसत वितर्कः समभूत् तेषां त्रिष्व् अधीशेषु को महान्
śrī-śuka uvāca sarasvatyās taṭe rājann ṛṣayaḥ satram āsata vitarkaḥ samabhūt teṣāṃ triṣv adhīśeṣu ko mahān
Sanskrit only: no published translation is held for this verse.
तस्य जिज्ञासया ते वै भृगुं ब्रह्म-सुतं नृप तज्-ज्ञप्त्यै प्रेषयाम् आसुः सो ऽभ्जगाद् ब्रह्मणः सभाम्
tasya jijñāsayā te vai bhṛguṃ brahma-sutaṃ nṛpa taj-jñaptyai preṣayām āsuḥ so 'bhjagād brahmaṇaḥ sabhām
Sanskrit only: no published translation is held for this verse.
न तस्मै प्रह्वणं स्तोत्रं चक्रे सत्त्व-परीक्षया तस्मै चुक्रोध भगवान् प्रज्वलन् स्वेन तेजसा
na tasmai prahvaṇaṃ stotraṃ cakre sattva-parīkṣayā tasmai cukrodha bhagavān prajvalan svena tejasā
Sanskrit only: no published translation is held for this verse.
स आत्मन्य् उत्थितम् मन्युम् आत्मजायात्मना प्रभुः अशीशमद् यथा वह्निं स्व-योन्या वारिणात्म-भूः
sa ātmany utthitam manyum ātmajāyātmanā prabhuḥ aśīśamad yathā vahniṃ sva-yonyā vāriṇātma-bhūḥ
Sanskrit only: no published translation is held for this verse.
ततः कैलासम् अगमत् स तं देवो महेश्वरः परिरब्धुं समारेभ उत्थाय भ्रातरं मुदा
tataḥ kailāsam agamat sa taṃ devo maheśvaraḥ parirabdhuṃ samārebha utthāya bhrātaraṃ mudā
Sanskrit only: no published translation is held for this verse.
नैच्छत् त्वम् अस्य् उत्पथ-ग इति देवश् चुकोप ह शूलम् उद्यम्य तं हन्तुम् आरेभे तिग्म-लोचनः
naicchat tvam asy utpatha-ga iti devaś cukopa ha śūlam udyamya taṃ hantum ārebhe tigma-locanaḥ
Sanskrit only: no published translation is held for this verse.
पतित्वा पादयोर् देवी सान्त्वयाम् आस तं गिरा अथो जगाम वैकुण्ठं यत्र देवो जनार्दनः
patitvā pādayor devī sāntvayām āsa taṃ girā atho jagāma vaikuṇṭhaṃ yatra devo janārdanaḥ
Sanskrit only: no published translation is held for this verse.
शयानं श्रिय उत्सङ्गे पदा वक्षस्य् अताडयत् तत उत्थाय भगवान् सह लक्ष्म्या सतां गतिः
śayānaṃ śriya utsaṅge padā vakṣasy atāḍayat tata utthāya bhagavān saha lakṣmyā satāṃ gatiḥ
Sanskrit only: no published translation is held for this verse.
स्व-तल्पाद् अवरुह्याथ ननाम शिरसा मुनिम् आह ते स्वागतं ब्रह्मन् निषीदात्रासने क्षणम् अजानताम् आगतान् वः क्षन्तुम् अर्हथ नः प्रभो
sva-talpād avaruhyātha nanāma śirasā munim āha te svāgataṃ brahman niṣīdātrāsane kṣaṇam ajānatām āgatān vaḥ kṣantum arhatha naḥ prabho
Sanskrit only: no published translation is held for this verse.
पुनीहि सह-लोकं मां लोक-पालांश् च मद्-गतान् पादोदकेन भवतस् तीर्थानां तीर्थ-कारिणा
punīhi saha-lokaṃ māṃ loka-pālāṃś ca mad-gatān pādodakena bhavatas tīrthānāṃ tīrtha-kāriṇā
Sanskrit only: no published translation is held for this verse.
अद्याहं भगवंल् लक्ष्म्या आसम् एकान्त-भाजनम् वत्स्यत्य् उरसि मे भूतिर् भवत्-पाद-हतांहसः
adyāhaṃ bhagavaṃl lakṣmyā āsam ekānta-bhājanam vatsyaty urasi me bhūtir bhavat-pāda-hatāṃhasaḥ
Sanskrit only: no published translation is held for this verse.
श्री-शुक उवाच एवं ब्रुवाणे वैकुण्ठे भृगुस् तन्-मन्द्रया गिरा निर्वृतस् तर्पितस् तूष्णीं भक्त्य्-उत्कण्ठो ऽश्रु-लोचनः
śrī-śuka uvāca evaṃ bruvāṇe vaikuṇṭhe bhṛgus tan-mandrayā girā nirvṛtas tarpitas tūṣṇīṃ bhakty-utkaṇṭho 'śru-locanaḥ
Sanskrit only: no published translation is held for this verse.
पुनश् च सत्रम् आव्रज्य मुनीनां ब्रह्म-वादिनाम् स्वानुभूतम् अशेषेण राजन् भृगुर् अवर्णयत्
punaś ca satram āvrajya munīnāṃ brahma-vādinām svānubhūtam aśeṣeṇa rājan bhṛgur avarṇayat
Sanskrit only: no published translation is held for this verse.
तन् निशम्याथ मुनयो विस्मिता मुक्त-संशयाः भूयांसं श्रद्दधुर् विष्णुं यतः शान्तिर् यतो ऽभयम्
tan niśamyātha munayo vismitā mukta-saṃśayāḥ bhūyāṃsaṃ śraddadhur viṣṇuṃ yataḥ śāntir yato 'bhayam
Sanskrit only: no published translation is held for this verse.
धर्मः साक्षाद् यतो ज्ञानं वैराग्यं च तद्-अन्वितम् ऐश्वर्यं चाष्टधा यस्माद् यशश् चात्म-मलापहम्
dharmaḥ sākṣād yato jñānaṃ vairāgyaṃ ca tad-anvitam aiśvaryaṃ cāṣṭadhā yasmād yaśaś cātma-malāpaham
Sanskrit only: no published translation is held for this verse.
मुनीनां न्यस्त-दण्डानां शान्तानां सम-चेतसाम् अकिञ्चनानां साधूनां यम् आहुः परमां गतिम्
munīnāṃ nyasta-daṇḍānāṃ śāntānāṃ sama-cetasām akiñcanānāṃ sādhūnāṃ yam āhuḥ paramāṃ gatim
Sanskrit only: no published translation is held for this verse.
सत्त्वं यस्य प्रिया मूर्तिर् ब्राह्मणास् त्व् इष्ट-देवताः भजन्त्य् अनाशिषः शान्ता यं वा निपुण-बुद्धयः
sattvaṃ yasya priyā mūrtir brāhmaṇās tv iṣṭa-devatāḥ bhajanty anāśiṣaḥ śāntā yaṃ vā nipuṇa-buddhayaḥ
Sanskrit only: no published translation is held for this verse.
त्रि-विधाकृतयस् तस्य राक्षसा असुराः सुराः गुणिन्या मायया सृष्टाः सत्त्वं तत् तीर्थ-साधनम्
tri-vidhākṛtayas tasya rākṣasā asurāḥ surāḥ guṇinyā māyayā sṛṣṭāḥ sattvaṃ tat tīrtha-sādhanam
Sanskrit only: no published translation is held for this verse.
श्री-शुक उवाच इत्थं सारस्वता विप्रा नृणाम् संशय-नुत्तये पुरुषस्य पदाम्भोज- सेवया तद्-गतिं गताः
śrī-śuka uvāca itthaṃ sārasvatā viprā nṛṇām saṃśaya-nuttaye puruṣasya padāmbhoja- sevayā tad-gatiṃ gatāḥ
Sanskrit only: no published translation is held for this verse.
श्री-सूत उवाच इत्य् एतन् मुनि-तनयास्य-पद्म-गन्ध पीयूषं भव-भय-भित् परस्य पुंसः सु-श्लोकं श्रवण-पुटैः पिबत्य् अभीक्ष्णम् पान्थो ऽध्व-भ्रमण-परिश्रमं जहाति
śrī-sūta uvāca ity etan muni-tanayāsya-padma-gandha pīyūṣaṃ bhava-bhaya-bhit parasya puṃsaḥ su-ślokaṃ śravaṇa-puṭaiḥ pibaty abhīkṣṇam pāntho 'dhva-bhramaṇa-pariśramaṃ jahāti
Sanskrit only: no published translation is held for this verse.
श्री-शुक उवाच एकदा द्वारवत्यां तु विप्र-पत्न्याः कुमारकः जात-मात्रो भुवं स्पृष्ट्वा ममार किल भारत
śrī-śuka uvāca ekadā dvāravatyāṃ tu vipra-patnyāḥ kumārakaḥ jāta-mātro bhuvaṃ spṛṣṭvā mamāra kila bhārata
Sanskrit only: no published translation is held for this verse.
विप्रो गृहीत्वा मृतकं राज-द्वार्य् उपधाय सः इदं प्रोवाच विलपन्न् आतुरो दीन-मानसः
vipro gṛhītvā mṛtakaṃ rāja-dvāry upadhāya saḥ idaṃ provāca vilapann āturo dīna-mānasaḥ
Sanskrit only: no published translation is held for this verse.
ब्रह्म-द्विषः शठ-धियो लुब्धस्य विषयात्मनः क्षत्र-बन्धोः कर्म-दोषात् पञ्चत्वं मे गतो ऽर्भकः
brahma-dviṣaḥ śaṭha-dhiyo lubdhasya viṣayātmanaḥ kṣatra-bandhoḥ karma-doṣāt pañcatvaṃ me gato 'rbhakaḥ
Sanskrit only: no published translation is held for this verse.
हिंसा-विहारं नृपतिं दुःशीलम् अजितेन्द्रियम् प्रजा भजन्त्यः सीदन्ति दरिद्रा नित्य-दुःखिताः
hiṃsā-vihāraṃ nṛpatiṃ duḥśīlam ajitendriyam prajā bhajantyaḥ sīdanti daridrā nitya-duḥkhitāḥ
Sanskrit only: no published translation is held for this verse.
एवं द्वितीयं विप्रर्षिस् तृतीयं त्व् एवम् एव च विसृज्य स नृप-द्वारि तां गाथां समगायत
evaṃ dvitīyaṃ viprarṣis tṛtīyaṃ tv evam eva ca visṛjya sa nṛpa-dvāri tāṃ gāthāṃ samagāyata
Sanskrit only: no published translation is held for this verse.
ताम् अर्जुन उपश्रुत्य कर्हिचित् केशवान्तिके परेते नवमे बाले ब्राह्मणं समभाषत
tām arjuna upaśrutya karhicit keśavāntike parete navame bāle brāhmaṇaṃ samabhāṣata
Sanskrit only: no published translation is held for this verse.
किं स्विद् ब्रह्मंस् त्वन्-निवासे इह नास्ति धनुर्-धरः राजन्य-बन्धुर् एते वै ब्राह्मणाः सत्रम् आसते
kiṃ svid brahmaṃs tvan-nivāse iha nāsti dhanur-dharaḥ rājanya-bandhur ete vai brāhmaṇāḥ satram āsate
Sanskrit only: no published translation is held for this verse.
धन-दारात्मजापृक्ता यत्र शोचन्ति ब्राह्मणाः ते वै राजन्य-वेषेण नटा जीवन्त्य् असुम्-भराः
dhana-dārātmajāpṛktā yatra śocanti brāhmaṇāḥ te vai rājanya-veṣeṇa naṭā jīvanty asum-bharāḥ
Sanskrit only: no published translation is held for this verse.
अहं प्रजाः वां भगवन् रक्षिष्ये दीनयोर् इह अनिस्तीर्ण-प्रतिज्ञो ऽग्निं प्रवेक्ष्ये हत-कल्मषः
ahaṃ prajāḥ vāṃ bhagavan rakṣiṣye dīnayor iha anistīrṇa-pratijño 'gniṃ pravekṣye hata-kalmaṣaḥ
Sanskrit only: no published translation is held for this verse.
श्री-ब्राह्मण उवाच सङ्कर्षणो वासुदेवः प्रद्युम्नो धन्विनां वरः अनिरुद्धो ऽप्रति-रथो न त्रातुं शक्नुवन्ति यत्
śrī-brāhmaṇa uvāca saṅkarṣaṇo vāsudevaḥ pradyumno dhanvināṃ varaḥ aniruddho 'prati-ratho na trātuṃ śaknuvanti yat
Sanskrit only: no published translation is held for this verse.
तत् कथं नु भवान् कर्म दुष्करं जगद्-ईश्वरैः त्वं चिकीर्षसि बालिश्यात् तन् न श्रद्दध्महे वयम्
tat kathaṃ nu bhavān karma duṣkaraṃ jagad-īśvaraiḥ tvaṃ cikīrṣasi bāliśyāt tan na śraddadhmahe vayam
Sanskrit only: no published translation is held for this verse.
श्री-अर्जुन उवाच नाहं सङ्कर्षणो ब्रह्मन् न कृष्णः कार्ष्णिर् एव च अहं वा अर्जुनो नाम गाण्डीवं यस्य वै धनुः
śrī-arjuna uvāca nāhaṃ saṅkarṣaṇo brahman na kṛṣṇaḥ kārṣṇir eva ca ahaṃ vā arjuno nāma gāṇḍīvaṃ yasya vai dhanuḥ
Sanskrit only: no published translation is held for this verse.
मावमंस्था मम ब्रह्मन् वीर्यं त्र्यम्बक-तोषणम् मृत्युं विजित्य प्रधने आनेष्ये ते प्रजाः प्रभो
māvamaṃsthā mama brahman vīryaṃ tryambaka-toṣaṇam mṛtyuṃ vijitya pradhane āneṣye te prajāḥ prabho
Sanskrit only: no published translation is held for this verse.
एवं विश्रम्भितो विप्रः फाल्गुनेन परन्तप जगाम स्व-गृहं प्रीतः पार्थ-वीर्यं निशामयन्
evaṃ viśrambhito vipraḥ phālgunena parantapa jagāma sva-gṛhaṃ prītaḥ pārtha-vīryaṃ niśāmayan
Sanskrit only: no published translation is held for this verse.
प्रसूति-काल आसन्ने भार्याया द्विज-सत्तमः पाहि पाहि प्रजां मृत्योर् इत्य् आहार्जुनम् आतुरः
prasūti-kāla āsanne bhāryāyā dvija-sattamaḥ pāhi pāhi prajāṃ mṛtyor ity āhārjunam āturaḥ
Sanskrit only: no published translation is held for this verse.
स उपस्पृश्य शुच्य् अम्भो नमस्कृत्य महेश्वरम् दिव्यान्य् अस्त्राणि संस्मृत्य सज्यं गाण्डीवम् आददे
sa upaspṛśya śucy ambho namaskṛtya maheśvaram divyāny astrāṇi saṃsmṛtya sajyaṃ gāṇḍīvam ādade
Sanskrit only: no published translation is held for this verse.
न्यरुणत् सूतिकागारं शरैर् नानास्त्र-योजितैः तिर्यग् ऊर्ध्वम् अधः पार्थश् चकार शर-पञ्जरम्
nyaruṇat sūtikāgāraṃ śarair nānāstra-yojitaiḥ tiryag ūrdhvam adhaḥ pārthaś cakāra śara-pañjaram
Sanskrit only: no published translation is held for this verse.
ततः कुमारः सञ्जातो विप्र-पत्न्या रुदन् मुहुः सद्यो ऽदर्शनम् आपेदे स-शरीरो विहायसा
tataḥ kumāraḥ sañjāto vipra-patnyā rudan muhuḥ sadyo 'darśanam āpede sa-śarīro vihāyasā
Sanskrit only: no published translation is held for this verse.
तदाह विप्रो विजयं विनिन्दन् कृष्ण-सन्निधौ मौढ्यं पश्यत मे यो ऽहं श्रद्दधे क्लीब-कत्थनम्
tadāha vipro vijayaṃ vinindan kṛṣṇa-sannidhau mauḍhyaṃ paśyata me yo 'haṃ śraddadhe klība-katthanam
Sanskrit only: no published translation is held for this verse.
न प्रद्युम्नो नानिरुद्धो न रामो न च केशवः यस्य शेकुः परित्रातुं को ऽन्यस् तद्-अवितेश्वरः
na pradyumno nāniruddho na rāmo na ca keśavaḥ yasya śekuḥ paritrātuṃ ko 'nyas tad-aviteśvaraḥ
Sanskrit only: no published translation is held for this verse.
धिग् अर्जुनं मृषा-वादं धिग् आत्म-श्लाघिनो धनुः दैवोपसृष्टं यो मौढ्याद् आनिनीषति दुर्मतिः
dhig arjunaṃ mṛṣā-vādaṃ dhig ātma-ślāghino dhanuḥ daivopasṛṣṭaṃ yo mauḍhyād āninīṣati durmatiḥ
Sanskrit only: no published translation is held for this verse.
एवं शपति विप्रर्षौ विद्याम् आस्थाय फाल्गुनः ययौ संयमनीम् आशु यत्रास्ते भगवान् यमः
evaṃ śapati viprarṣau vidyām āsthāya phālgunaḥ yayau saṃyamanīm āśu yatrāste bhagavān yamaḥ
Sanskrit only: no published translation is held for this verse.
विप्रापत्यम् अचक्षाणस् तत ऐन्द्रीम् अगात् पुरीम् आग्नेयीं नैरृतीं सौम्यां वायव्यां वारुणीम् अथ
viprāpatyam acakṣāṇas tata aindrīm agāt purīm āgneyīṃ nairṛtīṃ saumyāṃ vāyavyāṃ vāruṇīm atha
Sanskrit only: no published translation is held for this verse.
रसातलं नाक-पृष्ठं धिष्ण्यान्य् अन्यान्य् उदायुधः ततो ऽलब्ध-द्विज-सुतो ह्य् अनिस्तीर्ण-प्रतिश्रुतः अग्निं विविक्षुः कृष्णेन प्रत्युक्तः प्रतिषेधता
rasātalaṃ nāka-pṛṣṭhaṃ dhiṣṇyāny anyāny udāyudhaḥ tato 'labdha-dvija-suto hy anistīrṇa-pratiśrutaḥ agniṃ vivikṣuḥ kṛṣṇena pratyuktaḥ pratiṣedhatā
Sanskrit only: no published translation is held for this verse.
दर्शये द्विज-सूनूंस् ते मावज्ञात्मानम् आत्मना ये ते नः कीर्तिं विमलां मनुष्याः स्थापयिष्यन्ति
darśaye dvija-sūnūṃs te māvajñātmānam ātmanā ye te naḥ kīrtiṃ vimalāṃ manuṣyāḥ sthāpayiṣyanti
Sanskrit only: no published translation is held for this verse.
इति सम्भाष्य भगवान् अर्जुनेन सहेश्वरः दिव्यं स्व-रथम् आस्थाय प्रतीचीं दिशम् आविशत्
iti sambhāṣya bhagavān arjunena saheśvaraḥ divyaṃ sva-ratham āsthāya pratīcīṃ diśam āviśat
Sanskrit only: no published translation is held for this verse.
सप्त द्वीपान् स-सिन्धूंश् च सप्त सप्त गिरीन् अथ लोकालोकं तथातीत्य विवेश सु-महत् तमः
sapta dvīpān sa-sindhūṃś ca sapta sapta girīn atha lokālokaṃ tathātītya viveśa su-mahat tamaḥ
Sanskrit only: no published translation is held for this verse.
तत्राश्वाः शैब्य-सुग्रीव- मेघपुष्प-बलाहकाः तमसि भ्रष्ट-गतयो बभूवुर् भरतर्षभ
tatrāśvāḥ śaibya-sugrīva- meghapuṣpa-balāhakāḥ tamasi bhraṣṭa-gatayo babhūvur bharatarṣabha
Sanskrit only: no published translation is held for this verse.
तान् दृष्ट्वा भगवान् कृष्णो महा-योगेश्वरेश्वरः सहस्रादित्य-सङ्काशं स्व-चक्रं प्राहिणोत् पुरः
tān dṛṣṭvā bhagavān kṛṣṇo mahā-yogeśvareśvaraḥ sahasrāditya-saṅkāśaṃ sva-cakraṃ prāhiṇot puraḥ
Sanskrit only: no published translation is held for this verse.
तमः सु-घोरं गहनं कृतं महद् विदारयद् भूरि-तरेण रोचिषा मनो-जवं निर्विविशे सुदर्शनं गुण-च्युतो राम-शरो यथा चमूः
tamaḥ su-ghoraṃ gahanaṃ kṛtaṃ mahad vidārayad bhūri-tareṇa rociṣā mano-javaṃ nirviviśe sudarśanaṃ guṇa-cyuto rāma-śaro yathā camūḥ
Sanskrit only: no published translation is held for this verse.
द्वारेण चक्रानुपथेन तत् तमः परं परं ज्योतिर् अनन्त-पारम् समश्नुवानं प्रसमीक्ष्य फाल्गुनः प्रताडिताक्षो पिदधे ऽक्षिणी उभे
dvāreṇa cakrānupathena tat tamaḥ paraṃ paraṃ jyotir ananta-pāram samaśnuvānaṃ prasamīkṣya phālgunaḥ pratāḍitākṣo pidadhe 'kṣiṇī ubhe
Sanskrit only: no published translation is held for this verse.
ततः प्रविष्टः सलिलं नभस्वता बलीयसैजद्-बृहद्-ऊर्मि-भूषणम् तत्राद्भुतं वै भवनं द्युमत्-तमं भ्राजन्-मणि-स्तम्भ-सहस्र-शोभितम्
tataḥ praviṣṭaḥ salilaṃ nabhasvatā balīyasaijad-bṛhad-ūrmi-bhūṣaṇam tatrādbhutaṃ vai bhavanaṃ dyumat-tamaṃ bhrājan-maṇi-stambha-sahasra-śobhitam
Sanskrit only: no published translation is held for this verse.
तस्मिन् महा-भोगम् अनन्तम् अद्भुतं सहस्र-मूर्धन्य-फणा-मणि-द्युभिः विभ्राजमानं द्वि-गुणेक्षणोल्बणं सिताचलाभं शिति-कण्ठ-जिह्वम्
tasmin mahā-bhogam anantam adbhutaṃ sahasra-mūrdhanya-phaṇā-maṇi-dyubhiḥ vibhrājamānaṃ dvi-guṇekṣaṇolbaṇaṃ sitācalābhaṃ śiti-kaṇṭha-jihvam
Sanskrit only: no published translation is held for this verse.
ददर्श तद्-भोग-सुखासनं विभुं महानुभावं पुरुषोत्तमोत्तमम् सान्द्राम्बुदाभं सु-पिशङ्ग-वाससं प्रसन्न-वक्त्रं रुचिरायतेक्षणम्
dadarśa tad-bhoga-sukhāsanaṃ vibhuṃ mahānubhāvaṃ puruṣottamottamam sāndrāmbudābhaṃ su-piśaṅga-vāsasaṃ prasanna-vaktraṃ rucirāyatekṣaṇam
Sanskrit only: no published translation is held for this verse.
महा-मणि-व्रात-किरीट-कुण्डल प्रभा-परिक्षिप्त-सहस्र-कुन्तलम् प्रलम्ब-चार्व्-अष्ट-भुजं स-कौस्तुभं श्रीवत्स-लक्ष्मं वन-मालयावृतम्
mahā-maṇi-vrāta-kirīṭa-kuṇḍala prabhā-parikṣipta-sahasra-kuntalam pralamba-cārv-aṣṭa-bhujaṃ sa-kaustubhaṃ śrīvatsa-lakṣmaṃ vana-mālayāvṛtam
Sanskrit only: no published translation is held for this verse.
महा-मणि-व्रात-किरीट-कुण्डल प्रभा-परिक्षिप्त-सहस्र-कुन्तलम् प्रलम्ब-चार्व्-अष्ट-भुजं स-कौस्तुभं श्रीवत्स-लक्ष्मं वन-मालयावृतम्
mahā-maṇi-vrāta-kirīṭa-kuṇḍala prabhā-parikṣipta-sahasra-kuntalam pralamba-cārv-aṣṭa-bhujaṃ sa-kaustubhaṃ śrīvatsa-lakṣmaṃ vana-mālayāvṛtam
Sanskrit only: no published translation is held for this verse.
ववन्द आत्मानम् अनन्तम् अच्युतो जिष्णुश् च तद्-दर्शन-जात-साध्वसः ताव् आह भूमा परमेष्ठिनां प्रभुर् बेद्धाञ्जली स-स्मितम् ऊर्जया गिरा
vavanda ātmānam anantam acyuto jiṣṇuś ca tad-darśana-jāta-sādhvasaḥ tāv āha bhūmā parameṣṭhināṃ prabhur beddhāñjalī sa-smitam ūrjayā girā
Sanskrit only: no published translation is held for this verse.
द्विजात्मजा मे युवयोर् दिदृक्षुणा मयोपनीता भुवि धर्म-गुप्तये कलावतीर्णाव् अवनेर् भरासुरान् हत्वेह भूयस् त्वरयेतम् अन्ति मे
dvijātmajā me yuvayor didṛkṣuṇā mayopanītā bhuvi dharma-guptaye kalāvatīrṇāv avaner bharāsurān hatveha bhūyas tvarayetam anti me
Sanskrit only: no published translation is held for this verse.
पूर्ण-कामाव् अपि युवां नर-नारायणाव् ऋषी धर्मम् आचरतां स्थित्यै ऋषभौ लोक-सङ्ग्रहम्
pūrṇa-kāmāv api yuvāṃ nara-nārāyaṇāv ṛṣī dharmam ācaratāṃ sthityai ṛṣabhau loka-saṅgraham
Sanskrit only: no published translation is held for this verse.
इत्य् आदिष्टौ भगवता तौ कृष्णौ परमे-ष्ठिना ॐ इत्य् आनम्य भूमानम् आदाय द्विज-दारकान्
ity ādiṣṭau bhagavatā tau kṛṣṇau parame-ṣṭhinā oṃ ity ānamya bhūmānam ādāya dvija-dārakān
Sanskrit only: no published translation is held for this verse.
न्यवर्तेतां स्वकं धाम सम्प्रहृष्टौ यथा-गतम् विप्राय ददतुः पुत्रान् यथा-रूपं यथा-वयः
nyavartetāṃ svakaṃ dhāma samprahṛṣṭau yathā-gatam viprāya dadatuḥ putrān yathā-rūpaṃ yathā-vayaḥ
Sanskrit only: no published translation is held for this verse.
निशाम्य वैष्णवं धाम पार्थः परम-विस्मितः यत् किञ्चित् पौरुषं पुंसां मेने कृष्णानुकम्पितम्
niśāmya vaiṣṇavaṃ dhāma pārthaḥ parama-vismitaḥ yat kiñcit pauruṣaṃ puṃsāṃ mene kṛṣṇānukampitam
Sanskrit only: no published translation is held for this verse.
इतीदृशान्य् अनेकानि वीर्याणीह प्रदर्शयन् बुभुजे विषयान् ग्राम्यान् ईजे चात्य्-उर्जितैर् मखैः
itīdṛśāny anekāni vīryāṇīha pradarśayan bubhuje viṣayān grāmyān īje cāty-urjitair makhaiḥ
Sanskrit only: no published translation is held for this verse.
प्रववर्षाखिलान् कामान् प्रजासु ब्राह्मणादिषु यथा-कालं यथैवेन्द्रो भगवान् श्रैष्ठ्यम् आस्थितः
pravavarṣākhilān kāmān prajāsu brāhmaṇādiṣu yathā-kālaṃ yathaivendro bhagavān śraiṣṭhyam āsthitaḥ
Sanskrit only: no published translation is held for this verse.
हत्वा नृपान् अधर्मिष्ठान् घाटयित्वार्जुनादिभिः अञ्जसा वर्तयाम् आस धर्मं धर्म-सुतादिभिः
hatvā nṛpān adharmiṣṭhān ghāṭayitvārjunādibhiḥ añjasā vartayām āsa dharmaṃ dharma-sutādibhiḥ
Sanskrit only: no published translation is held for this verse.