Library·Bhāgavata Purāṇa·11·11.27
श्री-उद्धव उवाच क्रिया-योगं समाचक्ष्व भवद्-आराधनं प्रभो यस्मात् त्वां ये यथार्चन्ति सात्वताः सात्वतर्षभ
śrī-uddhava uvāca kriyā-yogaṃ samācakṣva bhavad-ārādhanaṃ prabho yasmāt tvāṃ ye yathārcanti sātvatāḥ sātvatarṣabha
Sanskrit only: no published translation is held for this verse.
एतद् वदन्ति मुनयो मुहुर् निःश्रेयसं नृणाम् नारदो भगवान् व्यास आचार्यो ऽङ्गिरसः सुतः
etad vadanti munayo muhur niḥśreyasaṃ nṛṇām nārado bhagavān vyāsa ācāryo 'ṅgirasaḥ sutaḥ
Sanskrit only: no published translation is held for this verse.
निःसृतं ते मुखाम्भोजाद् यद् आह भगवान् अजः पुत्रेभ्यो भृगु-मुख्येभ्यो देव्यै च भगवान् भवः
niḥsṛtaṃ te mukhāmbhojād yad āha bhagavān ajaḥ putrebhyo bhṛgu-mukhyebhyo devyai ca bhagavān bhavaḥ
Sanskrit only: no published translation is held for this verse.
एतद् वै सर्व-वर्णानाम् आश्रमाणां च सम्मतम् श्रेयसाम् उत्तमं मन्ये स्त्री-शूद्राणां च मान-द
etad vai sarva-varṇānām āśramāṇāṃ ca sammatam śreyasām uttamaṃ manye strī-śūdrāṇāṃ ca māna-da
Sanskrit only: no published translation is held for this verse.
एतत् कमल-पत्राक्ष कर्म-बन्ध-विमोचनम् भक्ताय चानुरक्ताय ब्रूहि विश्वेश्वरेश्वर
etat kamala-patrākṣa karma-bandha-vimocanam bhaktāya cānuraktāya brūhi viśveśvareśvara
Sanskrit only: no published translation is held for this verse.
श्री-भगवान् उवाच न ह्य् अन्तो ऽनन्त-पारस्य कर्म-काण्डस्य चोद्धव सङ्क्षिप्तं वर्णयिष्यामि यथावद् अनुपूर्वशः
śrī-bhagavān uvāca na hy anto 'nanta-pārasya karma-kāṇḍasya coddhava saṅkṣiptaṃ varṇayiṣyāmi yathāvad anupūrvaśaḥ
Sanskrit only: no published translation is held for this verse.
वैदिकस् तान्त्रिको मिश्र इति मे त्रि-विधो मखः त्रयाणाम् ईप्सितेनैव विधिना मां समर्चरेत्
vaidikas tāntriko miśra iti me tri-vidho makhaḥ trayāṇām īpsitenaiva vidhinā māṃ samarcaret
Sanskrit only: no published translation is held for this verse.
यदा स्व-निगमेनोक्तं द्विजत्वं प्राप्य पूरुषः यथा यजेत मां भक्त्या श्रद्धया तन् निबोध मे
yadā sva-nigamenoktaṃ dvijatvaṃ prāpya pūruṣaḥ yathā yajeta māṃ bhaktyā śraddhayā tan nibodha me
Sanskrit only: no published translation is held for this verse.
अर्चायां स्थण्डिले ऽग्नौ वा सूर्ये वाप्सु हृदि द्विजः द्रव्येण भक्ति-युक्तो ऽर्चेत् स्व-गुरुं माम् अमायया
arcāyāṃ sthaṇḍile 'gnau vā sūrye vāpsu hṛdi dvijaḥ dravyeṇa bhakti-yukto 'rcet sva-guruṃ mām amāyayā
Sanskrit only: no published translation is held for this verse.
पूर्वं स्नानं प्रकुर्वीत धौत-दन्तो ऽङ्ग-शुद्धये उभयैर् अपि च स्नानं मन्त्रैर् मृद्-ग्रहणादिना
pūrvaṃ snānaṃ prakurvīta dhauta-danto 'ṅga-śuddhaye ubhayair api ca snānaṃ mantrair mṛd-grahaṇādinā
Sanskrit only: no published translation is held for this verse.
सन्ध्योपास्त्यादि-कर्माणि वेदेनाचोदितानि मे पूजां तैः कल्पयेत् सम्यक्- सङ्कल्पः कर्म-पावनीम्
sandhyopāstyādi-karmāṇi vedenācoditāni me pūjāṃ taiḥ kalpayet samyak- saṅkalpaḥ karma-pāvanīm
Sanskrit only: no published translation is held for this verse.
शैली दारु-मयी लौही लेप्या लेख्या च सैकती मनो-मयी मणि-मयी प्रतिमाष्ट-विधा स्मृता
śailī dāru-mayī lauhī lepyā lekhyā ca saikatī mano-mayī maṇi-mayī pratimāṣṭa-vidhā smṛtā
Sanskrit only: no published translation is held for this verse.
चलाचलेति द्वि-विधा प्रतिष्ठा जीव-मन्दिरम् उद्वासावाहने न स्तः स्थिरायाम् उद्धवार्चने
calācaleti dvi-vidhā pratiṣṭhā jīva-mandiram udvāsāvāhane na staḥ sthirāyām uddhavārcane
Sanskrit only: no published translation is held for this verse.
अस्थिरायां विकल्पः स्यात् स्थण्डिले तु भवेद् द्वयम् स्नपनं त्व् अविलेप्यायाम् अन्यत्र परिमार्जनम्
asthirāyāṃ vikalpaḥ syāt sthaṇḍile tu bhaved dvayam snapanaṃ tv avilepyāyām anyatra parimārjanam
Sanskrit only: no published translation is held for this verse.
द्रव्यैः प्रसिद्धैर् मद्-यागः प्रतिमादिष्व् अमायिनः भक्तस्य च यथा-लब्धैर् हृदि भावेन चैव हि
dravyaiḥ prasiddhair mad-yāgaḥ pratimādiṣv amāyinaḥ bhaktasya ca yathā-labdhair hṛdi bhāvena caiva hi
Sanskrit only: no published translation is held for this verse.
स्नानालङ्करणं प्रेष्ठम् अर्चायाम् एव तूद्धव स्थण्डिले तत्त्व-विन्यासो वह्नाव् आज्य-प्लुतं हविः
snānālaṅkaraṇaṃ preṣṭham arcāyām eva tūddhava sthaṇḍile tattva-vinyāso vahnāv ājya-plutaṃ haviḥ
Sanskrit only: no published translation is held for this verse.
सूर्ये चाभ्यर्हणं प्रेष्ठं सलिले सलिलादिभिः श्रद्धयोपाहृतं प्रेष्ठं भक्तेन मम वार्य् अपि
sūrye cābhyarhaṇaṃ preṣṭhaṃ salile salilādibhiḥ śraddhayopāhṛtaṃ preṣṭhaṃ bhaktena mama vāry api
Sanskrit only: no published translation is held for this verse.
भूर्य् अप्य् अभक्तोपाहृतं न मे तोषाय कल्पते गन्धो धूपः सुमनसो दीपो ऽन्नाद्यं च किं पुनः
bhūry apy abhaktopāhṛtaṃ na me toṣāya kalpate gandho dhūpaḥ sumanaso dīpo 'nnādyaṃ ca kiṃ punaḥ
Sanskrit only: no published translation is held for this verse.
शुचिः सम्भृत-सम्भारः प्राग्-दर्भैः कल्पितासनः आसीनः प्राग् उदग् वार्चेद् अर्चायां त्व् अथ सम्मुखः
śuciḥ sambhṛta-sambhāraḥ prāg-darbhaiḥ kalpitāsanaḥ āsīnaḥ prāg udag vārced arcāyāṃ tv atha sammukhaḥ
Sanskrit only: no published translation is held for this verse.
कृत-न्यासः कृत-न्यासां मद्-अर्चां पाणिनामृजेत् कलशं प्रोक्षणीयं च यथावद् उपसाधयेत्
kṛta-nyāsaḥ kṛta-nyāsāṃ mad-arcāṃ pāṇināmṛjet kalaśaṃ prokṣaṇīyaṃ ca yathāvad upasādhayet
Sanskrit only: no published translation is held for this verse.
तद्-अद्भिर् देव-यजनं द्रव्याण्य् आत्मानम् एव च प्रोक्ष्य पात्राणि त्रीण्य् अद्भिस् तैस् तैर् द्रव्यैश् च साधयेत्
tad-adbhir deva-yajanaṃ dravyāṇy ātmānam eva ca prokṣya pātrāṇi trīṇy adbhis tais tair dravyaiś ca sādhayet
Sanskrit only: no published translation is held for this verse.
पाद्यार्घ्याचमनीयार्थं त्रीणि पात्राणि देशिकः हृदा शीर्ष्णाथ शिखया गायत्र्या चाभिमन्त्रयेत्
pādyārghyācamanīyārthaṃ trīṇi pātrāṇi deśikaḥ hṛdā śīrṣṇātha śikhayā gāyatryā cābhimantrayet
Sanskrit only: no published translation is held for this verse.
पिण्डे वाय्व्-अग्नि-संशुद्धे हृत्-पद्म-स्थां परां मम अण्वीं जीव-कलां ध्यायेन् नादान्ते सिद्ध-भाविताम्
piṇḍe vāyv-agni-saṃśuddhe hṛt-padma-sthāṃ parāṃ mama aṇvīṃ jīva-kalāṃ dhyāyen nādānte siddha-bhāvitām
Sanskrit only: no published translation is held for this verse.
तयात्म-भूतया पिण्डे व्याप्ते सम्पूज्य तन्-मयः आवाह्यार्चादिषु स्थाप्य न्यस्ताङ्गं मां प्रपूजयेत्
tayātma-bhūtayā piṇḍe vyāpte sampūjya tan-mayaḥ āvāhyārcādiṣu sthāpya nyastāṅgaṃ māṃ prapūjayet
Sanskrit only: no published translation is held for this verse.
पाद्योपस्पर्शार्हणादीन् उपचारान् प्रकल्पयेत् धर्मादिभिश् च नवभिः कल्पयित्वासनं मम
pādyopasparśārhaṇādīn upacārān prakalpayet dharmādibhiś ca navabhiḥ kalpayitvāsanaṃ mama
Sanskrit only: no published translation is held for this verse.
पद्मम् अष्ट-दलं तत्र कर्णिका-केसरोज्ज्वलम् उभाभ्यां वेद-तन्त्राभ्यां मह्यं तूभय-सिद्धये
padmam aṣṭa-dalaṃ tatra karṇikā-kesarojjvalam ubhābhyāṃ veda-tantrābhyāṃ mahyaṃ tūbhaya-siddhaye
Sanskrit only: no published translation is held for this verse.
सुदर्शनं पाञ्चजन्यं गदासीषु-धनुर्-हलान् मुषलं कौस्तुभं मालां श्रीवत्सं चानुपूजयेत्
sudarśanaṃ pāñcajanyaṃ gadāsīṣu-dhanur-halān muṣalaṃ kaustubhaṃ mālāṃ śrīvatsaṃ cānupūjayet
Sanskrit only: no published translation is held for this verse.
नन्दं सुनन्दं गरुडं प्रचण्डं चण्डं एव च महाबलं बलं चैव कुमुदं कमुदेक्षणम्
nandaṃ sunandaṃ garuḍaṃ pracaṇḍaṃ caṇḍaṃ eva ca mahābalaṃ balaṃ caiva kumudaṃ kamudekṣaṇam
Sanskrit only: no published translation is held for this verse.
दुर्गां विनायकं व्यासं विष्वक्षेनं गुरून् सुरान् स्वे स्वे स्थाने त्व् अभिमुखान् पूजयेत् प्रोक्षणादिभिः
durgāṃ vināyakaṃ vyāsaṃ viṣvakṣenaṃ gurūn surān sve sve sthāne tv abhimukhān pūjayet prokṣaṇādibhiḥ
Sanskrit only: no published translation is held for this verse.
चन्दनोशीर-कर्पूर- कुङ्कुमागुरु-वासितैः सलिलैः स्नापयेन् मन्त्रैर् नित्यदा विभवे सति
candanośīra-karpūra- kuṅkumāguru-vāsitaiḥ salilaiḥ snāpayen mantrair nityadā vibhave sati
Sanskrit only: no published translation is held for this verse.
स्वर्ण-घर्मानुवाकेन महापुरुष-विद्यया पौरुषेणापि सूक्तेन सामभी राजनादिभिः
svarṇa-gharmānuvākena mahāpuruṣa-vidyayā pauruṣeṇāpi sūktena sāmabhī rājanādibhiḥ
Sanskrit only: no published translation is held for this verse.
वस्त्रोपवीताभरण- पत्र-स्रग्-गन्ध-लेपनैः अलङ्कुर्वीत स-प्रेम मद्-भक्तो मां यथोचितम्
vastropavītābharaṇa- patra-srag-gandha-lepanaiḥ alaṅkurvīta sa-prema mad-bhakto māṃ yathocitam
Sanskrit only: no published translation is held for this verse.
पाद्यम् आचमनीयं च गन्धं सुमनसो ऽक्षतान् धूप-दीपोपहार्याणि दद्यान् मे श्रद्धयार्चकः
pādyam ācamanīyaṃ ca gandhaṃ sumanaso 'kṣatān dhūpa-dīpopahāryāṇi dadyān me śraddhayārcakaḥ
Sanskrit only: no published translation is held for this verse.
गुड-पायस-सर्पींषि शष्कुल्य्-आपूप-मोदकान् संयाव-दधि-सूपांश् च नैवेद्यं सति कल्पयेत्
guḍa-pāyasa-sarpīṃṣi śaṣkuly-āpūpa-modakān saṃyāva-dadhi-sūpāṃś ca naivedyaṃ sati kalpayet
Sanskrit only: no published translation is held for this verse.
अभ्यङ्गोन्मर्दनादर्श- दन्त-धावाभिषेचनम् अन्नाद्य-गीत-नृत्यानि पर्वणि स्युर् उतान्व्-अहम्
abhyaṅgonmardanādarśa- danta-dhāvābhiṣecanam annādya-gīta-nṛtyāni parvaṇi syur utānv-aham
Sanskrit only: no published translation is held for this verse.
विधिना विहिते कुण्डे मेखला-गर्त-वेदिभिः अग्निम् आधाय परितः समूहेत् पाणिनोदितम्
vidhinā vihite kuṇḍe mekhalā-garta-vedibhiḥ agnim ādhāya paritaḥ samūhet pāṇinoditam
Sanskrit only: no published translation is held for this verse.
परिस्तीर्याथ पर्युक्षेद् अन्वाधाय यथा-विधि प्रोक्षण्यासाद्य द्रव्याणि प्रोक्ष्याग्नौ भावयेत माम्
paristīryātha paryukṣed anvādhāya yathā-vidhi prokṣaṇyāsādya dravyāṇi prokṣyāgnau bhāvayeta mām
Sanskrit only: no published translation is held for this verse.
तप्त-जाम्बूनद-प्रख्यं शङ्ख-चक्र-गदाम्बुजैः लसच्-चतुर्-भुजं शान्तं पद्म-किञ्जल्क-वाससम्
tapta-jāmbūnada-prakhyaṃ śaṅkha-cakra-gadāmbujaiḥ lasac-catur-bhujaṃ śāntaṃ padma-kiñjalka-vāsasam
Sanskrit only: no published translation is held for this verse.
स्फुरत्-किरीट-कटक कटि-सूत्र-वराङ्गदम् श्रीवत्स-वक्षसं भ्राजत्- कौस्तुभं वन-मालिनम्
sphurat-kirīṭa-kaṭaka kaṭi-sūtra-varāṅgadam śrīvatsa-vakṣasaṃ bhrājat- kaustubhaṃ vana-mālinam
Sanskrit only: no published translation is held for this verse.
ध्यायन्न् अभ्यर्च्य दारूणि हविषाभिघृतानि च
dhyāyann abhyarcya dārūṇi haviṣābhighṛtāni ca
Sanskrit only: no published translation is held for this verse.
प्रास्याज्य-भागाव् आघारौ दत्त्वा चाज्य-प्लुतं हविः जुहुयान् मूल-मन्त्रेण षोडशर्चावदानतः धर्मादिभ्यो यथा-न्यायं मन्त्रैः स्विष्टि-कृतं बुधः
prāsyājya-bhāgāv āghārau dattvā cājya-plutaṃ haviḥ juhuyān mūla-mantreṇa ṣoḍaśarcāvadānataḥ dharmādibhyo yathā-nyāyaṃ mantraiḥ sviṣṭi-kṛtaṃ budhaḥ
Sanskrit only: no published translation is held for this verse.
अभ्यर्च्याथ नमस्कृत्य पार्षदेभ्यो बलिं हरेत् मूल-मन्त्रं जपेद् ब्रह्म स्मरन् नारायणात्मकम्
abhyarcyātha namaskṛtya pārṣadebhyo baliṃ haret mūla-mantraṃ japed brahma smaran nārāyaṇātmakam
Sanskrit only: no published translation is held for this verse.
दत्त्वाचमनम् उच्छेषं विष्वक्षेनाय कल्पयेत् मुख-वासं सुरभिमत् ताम्बूलाद्यम् अथार्हयेत्
dattvācamanam uccheṣaṃ viṣvakṣenāya kalpayet mukha-vāsaṃ surabhimat tāmbūlādyam athārhayet
Sanskrit only: no published translation is held for this verse.
उपगायन् गृणन् नृत्यन् कर्माण्य् अभिनयन् मम मत्-कथाः श्रावयन् शृण्वन् मुहूर्तं क्षणिको भवेत्
upagāyan gṛṇan nṛtyan karmāṇy abhinayan mama mat-kathāḥ śrāvayan śṛṇvan muhūrtaṃ kṣaṇiko bhavet
Sanskrit only: no published translation is held for this verse.
स्तवैर् उच्चावचैः स्तोत्रैः पौराणैः प्राकृतैर् अपि स्तुत्वा प्रसीद भगवन्न् इति वन्देत दण्ड-वत्
stavair uccāvacaiḥ stotraiḥ paurāṇaiḥ prākṛtair api stutvā prasīda bhagavann iti vandeta daṇḍa-vat
Sanskrit only: no published translation is held for this verse.
शिरो मत्-पादयोः कृत्वा बाहुभ्यां च परस्परम् प्रपन्नं पाहि माम् ईश भीतं मृत्यु-ग्रहार्णवात्
śiro mat-pādayoḥ kṛtvā bāhubhyāṃ ca parasparam prapannaṃ pāhi mām īśa bhītaṃ mṛtyu-grahārṇavāt
Sanskrit only: no published translation is held for this verse.
इति शेषां मया दत्तां शिरस्य् आधाय सादरम् उद्वासयेच् चेद् उद्वास्यं ज्योतिर् ज्योतिषि तत् पुनः
iti śeṣāṃ mayā dattāṃ śirasy ādhāya sādaram udvāsayec ced udvāsyaṃ jyotir jyotiṣi tat punaḥ
Sanskrit only: no published translation is held for this verse.
अर्चादिषु यदा यत्र श्रद्धा मां तत्र चार्चयेत् सर्व-भूतेष्व् आत्मनि च सर्वात्माहम् अवस्थितः
arcādiṣu yadā yatra śraddhā māṃ tatra cārcayet sarva-bhūteṣv ātmani ca sarvātmāham avasthitaḥ
Sanskrit only: no published translation is held for this verse.
एवं क्रिया-योग-पथैः पुमान् वैदिक-तान्त्रिकैः अर्चन्न् उभयतः सिद्धिं मत्तो विन्दत्य् अभीप्सिताम्
evaṃ kriyā-yoga-pathaiḥ pumān vaidika-tāntrikaiḥ arcann ubhayataḥ siddhiṃ matto vindaty abhīpsitām
Sanskrit only: no published translation is held for this verse.
मद्-अर्चां सम्प्रतिष्ठाप्य मन्दिरं कारयेद् दृढम् पुष्पोद्यानानि रम्याणि पूजा-यात्रोत्सवाश्रितान्
mad-arcāṃ sampratiṣṭhāpya mandiraṃ kārayed dṛḍham puṣpodyānāni ramyāṇi pūjā-yātrotsavāśritān
Sanskrit only: no published translation is held for this verse.
पूजादीनां प्रवाहार्थं महा-पर्वस्व् अथान्व्-अहम् क्षेत्रापण-पुर-ग्रामान् दत्त्वा मत्-सार्ष्टिताम् इयात्
pūjādīnāṃ pravāhārthaṃ mahā-parvasv athānv-aham kṣetrāpaṇa-pura-grāmān dattvā mat-sārṣṭitām iyāt
Sanskrit only: no published translation is held for this verse.
प्रतिष्ठया सार्वभौमं सद्मना भुवन-त्रयम् पूजादिना ब्रह्म-लोकं त्रिभिर् मत्-साम्यताम् इयात्
pratiṣṭhayā sārvabhaumaṃ sadmanā bhuvana-trayam pūjādinā brahma-lokaṃ tribhir mat-sāmyatām iyāt
Sanskrit only: no published translation is held for this verse.
माम् एव नैरपेक्ष्येण भक्ति-योगेन विन्दति भक्ति-योगं स लभत एवं यः पूजयेत माम्
mām eva nairapekṣyeṇa bhakti-yogena vindati bhakti-yogaṃ sa labhata evaṃ yaḥ pūjayeta mām
Sanskrit only: no published translation is held for this verse.
यः स्व-दत्तां परैर् दत्तां हरेत सुर-विप्रयोः वृत्तिं स जायते विड्-भुग् वर्षाणाम् अयुतायुतम्
yaḥ sva-dattāṃ parair dattāṃ hareta sura-viprayoḥ vṛttiṃ sa jāyate viḍ-bhug varṣāṇām ayutāyutam
Sanskrit only: no published translation is held for this verse.
कर्तुश् च सारथेर् हेतोर् अनुमोदितुर् एव च कर्मणां भागिनः प्रेत्य भूयो भूयसि तत्-फलम्
kartuś ca sārather hetor anumoditur eva ca karmaṇāṃ bhāginaḥ pretya bhūyo bhūyasi tat-phalam
Sanskrit only: no published translation is held for this verse.