Bhāgavata Purāṇa 12.10

सूत उवाच स एवम् अनुभूयेदं नारायण-विनिर्मितम् वैभवं योग-मायायास् तम् एव शरणं ययौ

sūta uvāca sa evam anubhūyedaṃ nārāyaṇa-vinirmitam vaibhavaṃ yoga-māyāyās tam eva śaraṇaṃ yayau

Sanskrit only: no published translation is held for this verse.

श्री-मार्कण्डेय उवाच प्रपन्नो ऽस्म्य् अङ्घ्रि-मूलं ते प्रपन्नाभय-दं हरे यन्-माययापि विबुधा मुह्यन्ति ज्ञान-काशया

śrī-mārkaṇḍeya uvāca prapanno 'smy aṅghri-mūlaṃ te prapannābhaya-daṃ hare yan-māyayāpi vibudhā muhyanti jñāna-kāśayā

Sanskrit only: no published translation is held for this verse.

सूत उवाच तम् एवं निभृतात्मानं वृषेण दिवि पर्यटन् रुद्राण्या भगवान् रुद्रो ददर्श स्व-गणैर् वृतः

sūta uvāca tam evaṃ nibhṛtātmānaṃ vṛṣeṇa divi paryaṭan rudrāṇyā bhagavān rudro dadarśa sva-gaṇair vṛtaḥ

Sanskrit only: no published translation is held for this verse.

अथोमा तम् ऋषिं वीक्ष्य गिरिशं समभाषत पश्येमं भगवन् विप्रं निभृतात्मेन्द्रियाशयम्

athomā tam ṛṣiṃ vīkṣya giriśaṃ samabhāṣata paśyemaṃ bhagavan vipraṃ nibhṛtātmendriyāśayam

Sanskrit only: no published translation is held for this verse.

निभृतोद-झष-व्रातो वातापाये यथार्णवः कुर्व् अस्य तपसः साक्षात् संसिद्धिं सिद्धि-दो भवान्

nibhṛtoda-jhaṣa-vrāto vātāpāye yathārṇavaḥ kurv asya tapasaḥ sākṣāt saṃsiddhiṃ siddhi-do bhavān

Sanskrit only: no published translation is held for this verse.

श्री-भगवान् उवाच नैवेच्छत्य् आशिषः क्वापि ब्रह्मर्षिर् मोक्षम् अप्य् उत भक्तिं परां भगवति लब्धवान् पुरुषे ऽव्यये

śrī-bhagavān uvāca naivecchaty āśiṣaḥ kvāpi brahmarṣir mokṣam apy uta bhaktiṃ parāṃ bhagavati labdhavān puruṣe 'vyaye

Sanskrit only: no published translation is held for this verse.

अथापि संवदिष्यामो भवान्य् एतेन साधुना अयं हि परमो लाभो नृणां साधु-समागमः

athāpi saṃvadiṣyāmo bhavāny etena sādhunā ayaṃ hi paramo lābho nṛṇāṃ sādhu-samāgamaḥ

Sanskrit only: no published translation is held for this verse.

सूत उवाच इत्य् उक्त्वा तम् उपेयाय भगवान् स सतां गतिः ईशानः सर्व-विद्यानाम् ईश्वरः सर्व-देहिनाम्

sūta uvāca ity uktvā tam upeyāya bhagavān sa satāṃ gatiḥ īśānaḥ sarva-vidyānām īśvaraḥ sarva-dehinām

Sanskrit only: no published translation is held for this verse.

तयोर् आगमनं साक्षाद् ईशयोर् जगद्-आत्मनोः न वेद रुद्ध-धी-वृत्तिर् आत्मानं विश्वम् एव च

tayor āgamanaṃ sākṣād īśayor jagad-ātmanoḥ na veda ruddha-dhī-vṛttir ātmānaṃ viśvam eva ca

Sanskrit only: no published translation is held for this verse.

भगवांस् तद् अभिज्ञाय गिरिशो योग-मायया आविशत् तद्-गुहाकाशं वायुश् छिद्रम् इवेश्वरः

bhagavāṃs tad abhijñāya giriśo yoga-māyayā āviśat tad-guhākāśaṃ vāyuś chidram iveśvaraḥ

Sanskrit only: no published translation is held for this verse.

आत्मन्य् अपि शिवं प्राप्तं तडित्-पिङ्ग-जटा-धरम् त्र्य्-अक्षं दश-भुजं प्रांशुम् उद्यन्तम् इव भास्करम्

ātmany api śivaṃ prāptaṃ taḍit-piṅga-jaṭā-dharam try-akṣaṃ daśa-bhujaṃ prāṃśum udyantam iva bhāskaram

Sanskrit only: no published translation is held for this verse.

व्याघ्र-चर्माम्बरं शूल- धनुर्-इष्व्-असि-चर्मभिः अक्ष-माला-डमरुक- कपालं परशुं सह

vyāghra-carmāmbaraṃ śūla- dhanur-iṣv-asi-carmabhiḥ akṣa-mālā-ḍamaruka- kapālaṃ paraśuṃ saha

Sanskrit only: no published translation is held for this verse.

बिभ्राणं सहसा भातं विचक्ष्य हृदि विस्मितः किम् इदं कुत एवेति समाधेर् विरतो मुनिः

bibhrāṇaṃ sahasā bhātaṃ vicakṣya hṛdi vismitaḥ kim idaṃ kuta eveti samādher virato muniḥ

Sanskrit only: no published translation is held for this verse.

नेत्रे उन्मील्य ददृशे स-गणं सोमयागतम् रुद्रं त्रि-लोकैक-गुरुं ननाम शिरसा मुनिः

netre unmīlya dadṛśe sa-gaṇaṃ somayāgatam rudraṃ tri-lokaika-guruṃ nanāma śirasā muniḥ

Sanskrit only: no published translation is held for this verse.

तस्मै सपर्यां व्यदधात् स-गणाय सहोमया स्वागतासन-पाद्यार्घ्य- गन्ध-स्रग्-धूप-दीपकैः

tasmai saparyāṃ vyadadhāt sa-gaṇāya sahomayā svāgatāsana-pādyārghya- gandha-srag-dhūpa-dīpakaiḥ

Sanskrit only: no published translation is held for this verse.

आह त्व् आत्मानुभावेन पूर्ण-कामस्य ते विभो करवाम किम् ईशान येनेदं निर्वृतं जगत्

āha tv ātmānubhāvena pūrṇa-kāmasya te vibho karavāma kim īśāna yenedaṃ nirvṛtaṃ jagat

Sanskrit only: no published translation is held for this verse.

नमः शिवाय शान्ताय सत्त्वाय प्रमृडाय च रजो-जुषे ऽथ घोराय नमस् तुभ्यं तमो-जुषे

namaḥ śivāya śāntāya sattvāya pramṛḍāya ca rajo-juṣe 'tha ghorāya namas tubhyaṃ tamo-juṣe

Sanskrit only: no published translation is held for this verse.

सूत उवाच एवं स्तुतः स भगवान् आदि-देवः सतां गतिः परितुष्टः प्रसन्नात्मा प्रहसंस् तम् अभाषत

sūta uvāca evaṃ stutaḥ sa bhagavān ādi-devaḥ satāṃ gatiḥ parituṣṭaḥ prasannātmā prahasaṃs tam abhāṣata

Sanskrit only: no published translation is held for this verse.

श्री-भगवान् उवाच वरं वृणीष्व नः कामं वर-देशा वयं त्रयः अमोघं दर्शनं येषां मर्त्यो यद् विन्दते ऽमृतम्

śrī-bhagavān uvāca varaṃ vṛṇīṣva naḥ kāmaṃ vara-deśā vayaṃ trayaḥ amoghaṃ darśanaṃ yeṣāṃ martyo yad vindate 'mṛtam

Sanskrit only: no published translation is held for this verse.

ब्राह्मणाः साधवः शान्ता निःसङ्गा भूत-वत्सलाः एकान्त-भक्ता अस्मासु निर्वैराः सम-दर्शिनः

brāhmaṇāḥ sādhavaḥ śāntā niḥsaṅgā bhūta-vatsalāḥ ekānta-bhaktā asmāsu nirvairāḥ sama-darśinaḥ

Sanskrit only: no published translation is held for this verse.

स-लोका लोक-पालास् तान् वन्दन्त्य् अर्चन्त्य् उपासते अहं च भगवान् ब्रह्मा स्वयं च हरिर् ईश्वरः

sa-lokā loka-pālās tān vandanty arcanty upāsate ahaṃ ca bhagavān brahmā svayaṃ ca harir īśvaraḥ

Sanskrit only: no published translation is held for this verse.

न ते मय्य् अच्युते ऽजे च भिदाम् अण्व् अपि चक्षते नात्मनश् च जनस्यापि तद् युष्मान् वयम् ईमहि

na te mayy acyute 'je ca bhidām aṇv api cakṣate nātmanaś ca janasyāpi tad yuṣmān vayam īmahi

Sanskrit only: no published translation is held for this verse.

न ह्य् अम्-मयानि तीर्थानि न देवाश् चेतनोज्झिताः ते पुनन्त्य् उरु-कालेन यूयं दर्शन-मात्रतः

na hy am-mayāni tīrthāni na devāś cetanojjhitāḥ te punanty uru-kālena yūyaṃ darśana-mātrataḥ

Sanskrit only: no published translation is held for this verse.

ब्राह्मणेभ्यो नमस्यामो ये ऽस्मद्-रूपं त्रयी-मयम् बिभ्रत्य् आत्म-समाधान- तपः-स्वाध्याय-संयमैः

brāhmaṇebhyo namasyāmo ye 'smad-rūpaṃ trayī-mayam bibhraty ātma-samādhāna- tapaḥ-svādhyāya-saṃyamaiḥ

Sanskrit only: no published translation is held for this verse.

श्रवणाद् दर्शनाद् वापि महा-पातकिनो ऽपि वः शुध्येरन्न् अन्त्य-जाश् चापि किम् उ सम्भाषणादिभिः

śravaṇād darśanād vāpi mahā-pātakino 'pi vaḥ śudhyerann antya-jāś cāpi kim u sambhāṣaṇādibhiḥ

Sanskrit only: no published translation is held for this verse.

सूत उवाच इति चन्द्र-ललामस्य धर्म-गह्योपबृंहितम् वचो ऽमृतायनम् ऋषिर् नातृप्यत् कर्णयोः पिबन्

sūta uvāca iti candra-lalāmasya dharma-gahyopabṛṃhitam vaco 'mṛtāyanam ṛṣir nātṛpyat karṇayoḥ piban

Sanskrit only: no published translation is held for this verse.

स चिरं मायया विष्णोर् भ्रामितः कर्शितो भृशम् शिव-वाग्-अमृत-ध्वस्त- क्लेश-पुञ्जस् तम् अब्रवीत्

sa ciraṃ māyayā viṣṇor bhrāmitaḥ karśito bhṛśam śiva-vāg-amṛta-dhvasta- kleśa-puñjas tam abravīt

Sanskrit only: no published translation is held for this verse.

श्री-मार्कण्डेय उवाच अहो ईश्वर-लीलेयं दुर्विभाव्या शरीरिणाम् यन् नमन्तीशितव्यानि स्तुवन्ति जगद्-ईश्वराः

śrī-mārkaṇḍeya uvāca aho īśvara-līleyaṃ durvibhāvyā śarīriṇām yan namantīśitavyāni stuvanti jagad-īśvarāḥ

Sanskrit only: no published translation is held for this verse.

धर्मं ग्राहयितुं प्रायः प्रवक्तारश् च देहिनाम् आचरन्त्य् अनुमोदन्ते क्रियमाणं स्तुवन्ति च

dharmaṃ grāhayituṃ prāyaḥ pravaktāraś ca dehinām ācaranty anumodante kriyamāṇaṃ stuvanti ca

Sanskrit only: no published translation is held for this verse.

नैतावता भगवतः स्व-माया-मय-वृत्तिभिः न दुष्येतानुभावस् तैर् मायिनः कुहकं यथा

naitāvatā bhagavataḥ sva-māyā-maya-vṛttibhiḥ na duṣyetānubhāvas tair māyinaḥ kuhakaṃ yathā

Sanskrit only: no published translation is held for this verse.

सृष्ट्वेदं मनसा विश्वम् आत्मनानुप्रविश्य यः गुणैः कुर्वद्भिर् आभाति कर्तेव स्वप्न-दृग् यथा

sṛṣṭvedaṃ manasā viśvam ātmanānupraviśya yaḥ guṇaiḥ kurvadbhir ābhāti karteva svapna-dṛg yathā

Sanskrit only: no published translation is held for this verse.

तस्मै नमो भगवते त्रि-गुणाय गुणात्मने केवलायाद्वितीयाय गुरवे ब्रह्म-मूर्तये

tasmai namo bhagavate tri-guṇāya guṇātmane kevalāyādvitīyāya gurave brahma-mūrtaye

Sanskrit only: no published translation is held for this verse.

कं वृणे नु परं भूमन् वरं त्वद् वर-दर्शनात् यद्-दर्शनात् पूर्ण-कामः सत्य-कामः पुमान् भवेत्

kaṃ vṛṇe nu paraṃ bhūman varaṃ tvad vara-darśanāt yad-darśanāt pūrṇa-kāmaḥ satya-kāmaḥ pumān bhavet

Sanskrit only: no published translation is held for this verse.

वरम् एकं वृणे ऽथापि पूर्णात् कामाभिवर्षणात् भगवत्य् अच्युतां भक्तिं तत्-परेषु तथा त्वयि

varam ekaṃ vṛṇe 'thāpi pūrṇāt kāmābhivarṣaṇāt bhagavaty acyutāṃ bhaktiṃ tat-pareṣu tathā tvayi

Sanskrit only: no published translation is held for this verse.

सूत उवाच इत्य् अर्चितो ऽभिष्टुतश् च मुनिना सूक्तया गिरा तम् आह भगवाञ् छर्वः शर्वया चाभिनन्दितः

sūta uvāca ity arcito 'bhiṣṭutaś ca muninā sūktayā girā tam āha bhagavāñ charvaḥ śarvayā cābhinanditaḥ

Sanskrit only: no published translation is held for this verse.

कामो महर्षे सर्वो ऽयं भक्तिमांस् त्वम् अधोक्षजे आ-कल्पान्ताद् यशः पुण्यम् अजरामरता तथा

kāmo maharṣe sarvo 'yaṃ bhaktimāṃs tvam adhokṣaje ā-kalpāntād yaśaḥ puṇyam ajarāmaratā tathā

Sanskrit only: no published translation is held for this verse.

ज्ञानं त्रै-कालिकं ब्रह्मन् विज्ञानं च विरक्तिमत् ब्रह्म-वर्चस्विनो भूयात् पुराणाचार्यतास्तु ते

jñānaṃ trai-kālikaṃ brahman vijñānaṃ ca viraktimat brahma-varcasvino bhūyāt purāṇācāryatāstu te

Sanskrit only: no published translation is held for this verse.

सूत उवाच एवं वरान् स मुनये दत्त्वागात् त्र्य्-अक्ष ईश्वरः देव्यै तत्-कर्म कथयन्न् अनुभूतं पुरामुना

sūta uvāca evaṃ varān sa munaye dattvāgāt try-akṣa īśvaraḥ devyai tat-karma kathayann anubhūtaṃ purāmunā

Sanskrit only: no published translation is held for this verse.

सो ऽप्य् अवाप्त-महा-योग- महिमा भार्गवोत्तमः विचरत्य् अधुनाप्य् अद्धा हराव् एकान्ततां गतः

so 'py avāpta-mahā-yoga- mahimā bhārgavottamaḥ vicaraty adhunāpy addhā harāv ekāntatāṃ gataḥ

Sanskrit only: no published translation is held for this verse.

अनुवर्णितम् एतत् ते मार्कण्डेयस्य धीमतः अनुभूतं भगवतो माया-वैभवम् अद्भुतम्

anuvarṇitam etat te mārkaṇḍeyasya dhīmataḥ anubhūtaṃ bhagavato māyā-vaibhavam adbhutam

Sanskrit only: no published translation is held for this verse.

एतत् केचिद् अविद्वांसो माया-संसृतिर् आत्मनः अनाद्य्-आवर्तितं नॄणां कादाचित्कं प्रचक्षते

etat kecid avidvāṃso māyā-saṃsṛtir ātmanaḥ anādy-āvartitaṃ nṝṇāṃ kādācitkaṃ pracakṣate

Sanskrit only: no published translation is held for this verse.

य एवम् एतद् भृगु-वर्य वर्णितं रथाङ्ग-पाणेर् अनुभाव-भावितम् संश्रावयेत् संशृणुयाद् उ ताव् उभौ तयोर् न कर्माशय-संसृतिर् भवेत्

ya evam etad bhṛgu-varya varṇitaṃ rathāṅga-pāṇer anubhāva-bhāvitam saṃśrāvayet saṃśṛṇuyād u tāv ubhau tayor na karmāśaya-saṃsṛtir bhavet

Sanskrit only: no published translation is held for this verse.