Bhāgavata Purāṇa 12.12

सूत उवाच नमो धर्माय महते नमः कृष्णाय वेधसे ब्रह्मणेभ्यो नमस्कृत्य धर्मान् वक्ष्ये सनातनान्

sūta uvāca namo dharmāya mahate namaḥ kṛṣṇāya vedhase brahmaṇebhyo namaskṛtya dharmān vakṣye sanātanān

Sanskrit only: no published translation is held for this verse.

एतद् वः कथितं विप्रा विष्णोश् चरितम् अद्भुतम् भवद्भिर् यद् अहं पृष्टो नराणां पुरुषोचितम्

etad vaḥ kathitaṃ viprā viṣṇoś caritam adbhutam bhavadbhir yad ahaṃ pṛṣṭo narāṇāṃ puruṣocitam

Sanskrit only: no published translation is held for this verse.

अत्र सङ्कीर्तितः साक्षात् सर्व-पाप-हरो हरिः नारायणो हृषीकेशो भगवान् सात्वताम् पतिः

atra saṅkīrtitaḥ sākṣāt sarva-pāpa-haro hariḥ nārāyaṇo hṛṣīkeśo bhagavān sātvatām patiḥ

Sanskrit only: no published translation is held for this verse.

अत्र ब्रह्म परं गुह्यं जगतः प्रभवाप्ययम् ज्ञानं च तद्-उपाख्यानं प्रोक्तं विज्ञान-संयुतम्

atra brahma paraṃ guhyaṃ jagataḥ prabhavāpyayam jñānaṃ ca tad-upākhyānaṃ proktaṃ vijñāna-saṃyutam

Sanskrit only: no published translation is held for this verse.

भक्ति-योगः समाख्यातो वैराग्यं च तद्-आश्रयम् पारीक्षितम् उपाख्यानं नारदाख्यानम् एव च

bhakti-yogaḥ samākhyāto vairāgyaṃ ca tad-āśrayam pārīkṣitam upākhyānaṃ nāradākhyānam eva ca

Sanskrit only: no published translation is held for this verse.

प्रायोपवेशो राजर्षेर् विप्र-शापात् परीक्षितः शुकस्य ब्रह्मर्षभस्य संवादश् च परीक्षितः

prāyopaveśo rājarṣer vipra-śāpāt parīkṣitaḥ śukasya brahmarṣabhasya saṃvādaś ca parīkṣitaḥ

Sanskrit only: no published translation is held for this verse.

योग-धारणयोत्क्रान्तिः संवादो नारदाजयोः अवतारानुगीतं च सर्गः प्राधानिको ऽग्रतः

yoga-dhāraṇayotkrāntiḥ saṃvādo nāradājayoḥ avatārānugītaṃ ca sargaḥ prādhāniko 'grataḥ

Sanskrit only: no published translation is held for this verse.

विदुरोद्धव-संवादः क्षत्तृ-मैत्रेययोस् ततः पुराण-संहिता-प्रश्नो महा-पुरुष-संस्थितिः

viduroddhava-saṃvādaḥ kṣattṛ-maitreyayos tataḥ purāṇa-saṃhitā-praśno mahā-puruṣa-saṃsthitiḥ

Sanskrit only: no published translation is held for this verse.

ततः प्राकृतिकः सर्गः सप्त वैकृतिकाश् च ये ततो ब्रह्माण्ड-सम्भूतिर् वैराजः पुरुषो यतः

tataḥ prākṛtikaḥ sargaḥ sapta vaikṛtikāś ca ye tato brahmāṇḍa-sambhūtir vairājaḥ puruṣo yataḥ

Sanskrit only: no published translation is held for this verse.

कालस्य स्थूल-सूक्ष्मस्य गतिः पद्म-समुद्भवः भुव उद्धरणे ऽम्भोधेर् हिरण्याक्ष-वधो यथा

kālasya sthūla-sūkṣmasya gatiḥ padma-samudbhavaḥ bhuva uddharaṇe 'mbhodher hiraṇyākṣa-vadho yathā

Sanskrit only: no published translation is held for this verse.

ऊर्ध्व-तिर्यग्-अवाक्-सर्गो रुद्र-सर्गस् तथैव च अर्ध-नारीश्वरस्याथ यतः स्वायम्भुवो मनुः

ūrdhva-tiryag-avāk-sargo rudra-sargas tathaiva ca ardha-nārīśvarasyātha yataḥ svāyambhuvo manuḥ

Sanskrit only: no published translation is held for this verse.

शतरूपा च या स्त्रीणाम् आद्या प्रकृतिर् उत्तमा सन्तानो धर्म-पत्नीनां कर्दमस्य प्रजापतेः

śatarūpā ca yā strīṇām ādyā prakṛtir uttamā santāno dharma-patnīnāṃ kardamasya prajāpateḥ

Sanskrit only: no published translation is held for this verse.

अवतारो भगवतः कपिलस्य महात्मनः देवहूत्याश् च संवादः कपिलेन च धीमता

avatāro bhagavataḥ kapilasya mahātmanaḥ devahūtyāś ca saṃvādaḥ kapilena ca dhīmatā

Sanskrit only: no published translation is held for this verse.

नव-ब्रह्म-समुत्पत्तिर् दक्ष-यज्ञ-विनाशनम् ध्रुवस्य चरितं पश्चात् पृथोः प्राचीनबर्हिषः

nava-brahma-samutpattir dakṣa-yajña-vināśanam dhruvasya caritaṃ paścāt pṛthoḥ prācīnabarhiṣaḥ

Sanskrit only: no published translation is held for this verse.

नारदस्य च संवादस् ततः प्रैयव्रतं द्विजाः नाभेस् ततो ऽनुचरितम् ऋषभस्य भरतस्य च

nāradasya ca saṃvādas tataḥ praiyavrataṃ dvijāḥ nābhes tato 'nucaritam ṛṣabhasya bharatasya ca

Sanskrit only: no published translation is held for this verse.

द्वीप-वर्ष-समुद्राणां गिरि-नद्य्-उपवर्णनम् ज्योतिश्-चक्रस्य संस्थानं पाताल-नरक-स्थितिः

dvīpa-varṣa-samudrāṇāṃ giri-nady-upavarṇanam jyotiś-cakrasya saṃsthānaṃ pātāla-naraka-sthitiḥ

Sanskrit only: no published translation is held for this verse.

दक्ष-जन्म प्रचेतोभ्यस् तत्-पुत्रीणां च सन्ततिः यतो देवासुर-नरास् तिर्यङ्-नग-खगादयः

dakṣa-janma pracetobhyas tat-putrīṇāṃ ca santatiḥ yato devāsura-narās tiryaṅ-naga-khagādayaḥ

Sanskrit only: no published translation is held for this verse.

त्वाष्ट्रस्य जन्म-निधनं पुत्रयोश् च दितेर् द्विजाः दैत्येश्वरस्य चरितं प्रह्रादस्य महात्मनः

tvāṣṭrasya janma-nidhanaṃ putrayoś ca diter dvijāḥ daityeśvarasya caritaṃ prahrādasya mahātmanaḥ

Sanskrit only: no published translation is held for this verse.

मन्व्-अन्तरानुकथनं गजेन्द्रस्य विमोक्षणम् मन्व्-अन्तरावताराश् च विष्णोर् हयशिरादयः

manv-antarānukathanaṃ gajendrasya vimokṣaṇam manv-antarāvatārāś ca viṣṇor hayaśirādayaḥ

Sanskrit only: no published translation is held for this verse.

कौर्मं मात्स्यं नारसिंहं वामनं च जगत्-पतेः क्षीरोद-मथनं तद्वद् अमृतार्थे दिवौकसाम्

kaurmaṃ mātsyaṃ nārasiṃhaṃ vāmanaṃ ca jagat-pateḥ kṣīroda-mathanaṃ tadvad amṛtārthe divaukasām

Sanskrit only: no published translation is held for this verse.

देवासुर-महा-युद्धं राज-वंशानुकीर्तनम् इक्ष्वाकु-जन्म तद्-वंशः सुद्युम्नस्य महात्मनः

devāsura-mahā-yuddhaṃ rāja-vaṃśānukīrtanam ikṣvāku-janma tad-vaṃśaḥ sudyumnasya mahātmanaḥ

Sanskrit only: no published translation is held for this verse.

इलोपाख्यानम् अत्रोक्तं तारोपाख्यानम् एव च सूर्य-वंशानुकथनं शशादाद्या नृगादयः

ilopākhyānam atroktaṃ tāropākhyānam eva ca sūrya-vaṃśānukathanaṃ śaśādādyā nṛgādayaḥ

Sanskrit only: no published translation is held for this verse.

सौकन्यं चाथ शर्यातेः ककुत्स्थस्य च धीमतः खट्वाङ्गस्य च मान्धातुः सौभरेः सगरस्य च

saukanyaṃ cātha śaryāteḥ kakutsthasya ca dhīmataḥ khaṭvāṅgasya ca māndhātuḥ saubhareḥ sagarasya ca

Sanskrit only: no published translation is held for this verse.

रामस्य कोशलेन्द्रस्य चरितं किल्बिषापहम् निमेर् अङ्ग-परित्यागो जनकानां च सम्भवः

rāmasya kośalendrasya caritaṃ kilbiṣāpaham nimer aṅga-parityāgo janakānāṃ ca sambhavaḥ

Sanskrit only: no published translation is held for this verse.

रामस्य भार्गवेन्द्रस्य निःक्षतृई-करणं भुवः ऐलस्य सोम-वंशस्य ययातेर् नहुषस्य च

rāmasya bhārgavendrasya niḥkṣatṛī-karaṇaṃ bhuvaḥ ailasya soma-vaṃśasya yayāter nahuṣasya ca

Sanskrit only: no published translation is held for this verse.

दौष्मन्तेर् भरतस्यापि शान्तनोस् तत्-सुतस्य च ययातेर् ज्येष्ठ-पुत्रस्य यदोर् वंशो ऽनुकीर्तितः

dauṣmanter bharatasyāpi śāntanos tat-sutasya ca yayāter jyeṣṭha-putrasya yador vaṃśo 'nukīrtitaḥ

Sanskrit only: no published translation is held for this verse.

यत्रावतीऋणो भगवान् कृष्णाख्यो जगद्-ईश्वरः वसुदेव-गृहे जन्म ततो वृद्धिश् च गोकुले

yatrāvatīṛṇo bhagavān kṛṣṇākhyo jagad-īśvaraḥ vasudeva-gṛhe janma tato vṛddhiś ca gokule

Sanskrit only: no published translation is held for this verse.

तस्य कर्माण्य् अपाराणि कीर्तितान्य् असुर-द्विषः पूतनासु-पयः-पानं शकटोच्चाटनं शिशोः

tasya karmāṇy apārāṇi kīrtitāny asura-dviṣaḥ pūtanāsu-payaḥ-pānaṃ śakaṭoccāṭanaṃ śiśoḥ

Sanskrit only: no published translation is held for this verse.

तृणावर्तस्य निष्पेषस् तथैव बक-वत्सयोः अघासुर-वधो धात्रा वत्स-पालावगूहनम्

tṛṇāvartasya niṣpeṣas tathaiva baka-vatsayoḥ aghāsura-vadho dhātrā vatsa-pālāvagūhanam

Sanskrit only: no published translation is held for this verse.

धेनुकस्य सह-भ्रातुः प्रलम्बस्य च सङ्क्षयः गोपानां च परित्राणं दावाग्नेः परिसर्पतः

dhenukasya saha-bhrātuḥ pralambasya ca saṅkṣayaḥ gopānāṃ ca paritrāṇaṃ dāvāgneḥ parisarpataḥ

Sanskrit only: no published translation is held for this verse.

दमनं कालियस्याहेर् महाहेर् नन्द-मोक्षणम् व्रत-चर्या तु कन्यानां यत्र तुष्टो ऽच्युतो व्रतैः

damanaṃ kāliyasyāher mahāher nanda-mokṣaṇam vrata-caryā tu kanyānāṃ yatra tuṣṭo 'cyuto vrataiḥ

Sanskrit only: no published translation is held for this verse.

प्रसादो यज्ञ-पत्नीभ्यो विप्राणां चानुतापनम् गोवर्धनोद्धारणं च शक्रस्य सुरभेर् अथ

prasādo yajña-patnībhyo viprāṇāṃ cānutāpanam govardhanoddhāraṇaṃ ca śakrasya surabher atha

Sanskrit only: no published translation is held for this verse.

यज्ञभिषेकः कृष्णस्य स्त्रीभिः क्रीडा च रात्रिषु शङ्खचूडस्य दुर्बुद्धेर् वधो ऽरिष्टस्य केशिनः

yajñabhiṣekaḥ kṛṣṇasya strībhiḥ krīḍā ca rātriṣu śaṅkhacūḍasya durbuddher vadho 'riṣṭasya keśinaḥ

Sanskrit only: no published translation is held for this verse.

अक्रूरागमनं पश्चात् प्रस्थानं राम-कृष्णयोः व्रज-स्त्रीणां विलापश् च मथुरालोकनं ततः

akrūrāgamanaṃ paścāt prasthānaṃ rāma-kṛṣṇayoḥ vraja-strīṇāṃ vilāpaś ca mathurālokanaṃ tataḥ

Sanskrit only: no published translation is held for this verse.

गज-मुष्टिक-चाणूर- कंसादीनां तथा वधः मृतस्यानयनं सूनोः पुनः सान्दीपनेर् गुरोः

gaja-muṣṭika-cāṇūra- kaṃsādīnāṃ tathā vadhaḥ mṛtasyānayanaṃ sūnoḥ punaḥ sāndīpaner guroḥ

Sanskrit only: no published translation is held for this verse.

मथुरायां निवसता यदु-चक्रस्य यत् प्रियम् कृतम् उद्धव-रामाभ्यां युतेन हरिणा द्विजाः

mathurāyāṃ nivasatā yadu-cakrasya yat priyam kṛtam uddhava-rāmābhyāṃ yutena hariṇā dvijāḥ

Sanskrit only: no published translation is held for this verse.

जरासन्ध-समानीत- सैन्यस्य बहुशो वधः घातनं यवनेन्द्रस्य कुशस्थल्या निवेशनम्

jarāsandha-samānīta- sainyasya bahuśo vadhaḥ ghātanaṃ yavanendrasya kuśasthalyā niveśanam

Sanskrit only: no published translation is held for this verse.

आदानं पारिजातस्य सुधर्मायाः सुरालयात् रुक्मिण्या हरणं युद्धे प्रमथ्य द्विषतो हरेः

ādānaṃ pārijātasya sudharmāyāḥ surālayāt rukmiṇyā haraṇaṃ yuddhe pramathya dviṣato hareḥ

Sanskrit only: no published translation is held for this verse.

हरस्य जृम्भणं युद्धे बाणस्य भुज-कृन्तनम् प्राग्ज्योतिष-पतिं हत्वा कन्यानां हरणं च यत्

harasya jṛmbhaṇaṃ yuddhe bāṇasya bhuja-kṛntanam prāgjyotiṣa-patiṃ hatvā kanyānāṃ haraṇaṃ ca yat

Sanskrit only: no published translation is held for this verse.

चैद्य-पौण्ड्रक-शाल्वानां दन्तवक्रस्य दुर्मतेः शम्बरो द्विविदः पीठो मुरः पञ्चजनादयः

caidya-pauṇḍraka-śālvānāṃ dantavakrasya durmateḥ śambaro dvividaḥ pīṭho muraḥ pañcajanādayaḥ

Sanskrit only: no published translation is held for this verse.

माहात्म्यं च वधस् तेषां वाराणस्याश् च दाहनम् भारावतरणं भूमेर् निमित्ती-कृत्य पाण्डवान्

māhātmyaṃ ca vadhas teṣāṃ vārāṇasyāś ca dāhanam bhārāvataraṇaṃ bhūmer nimittī-kṛtya pāṇḍavān

Sanskrit only: no published translation is held for this verse.

विप्र-शापापदेशेन संहारः स्व-कुलस्य च उद्धवस्य च संवादो वसुदेवस्य चाद्भुतः

vipra-śāpāpadeśena saṃhāraḥ sva-kulasya ca uddhavasya ca saṃvādo vasudevasya cādbhutaḥ

Sanskrit only: no published translation is held for this verse.

यत्रात्म-विद्या ह्य् अखिला प्रोक्ता धर्म-विनिर्णयः ततो मर्त्य-परित्याग आत्म-योगानुभावतः

yatrātma-vidyā hy akhilā proktā dharma-vinirṇayaḥ tato martya-parityāga ātma-yogānubhāvataḥ

Sanskrit only: no published translation is held for this verse.

युग-लक्षण-वृत्तिश् च कलौ नॄणाम् उपप्लवः चतुर्-विधश् च प्रलय उत्पत्तिस् त्रि-विधा तथा

yuga-lakṣaṇa-vṛttiś ca kalau nṝṇām upaplavaḥ catur-vidhaś ca pralaya utpattis tri-vidhā tathā

Sanskrit only: no published translation is held for this verse.

देह-त्यागश् च राजर्षेर् विष्णु-रातस्य धीमतः शाखा-प्रणयनम् ऋषेर् मार्कण्डेयस्य सत्-कथा महा-पुरुष-विन्यासः सूर्यस्य जगद्-आत्मनः

deha-tyāgaś ca rājarṣer viṣṇu-rātasya dhīmataḥ śākhā-praṇayanam ṛṣer mārkaṇḍeyasya sat-kathā mahā-puruṣa-vinyāsaḥ sūryasya jagad-ātmanaḥ

Sanskrit only: no published translation is held for this verse.

इति चोक्तं द्विज-श्रेष्ठा यत् पृष्टो ऽहम् इहास्मि वः लीलावतार-कर्माणि कीर्तितानीह सर्वशः

iti coktaṃ dvija-śreṣṭhā yat pṛṣṭo 'ham ihāsmi vaḥ līlāvatāra-karmāṇi kīrtitānīha sarvaśaḥ

Sanskrit only: no published translation is held for this verse.

पतितः स्खलितश् चार्तः क्षुत्त्वा वा विवशो गृणन् हरये नम इत्य् उच्चैर् मुच्यते सर्व-पातकात्

patitaḥ skhalitaś cārtaḥ kṣuttvā vā vivaśo gṛṇan haraye nama ity uccair mucyate sarva-pātakāt

Sanskrit only: no published translation is held for this verse.

सङ्कीर्त्यमानो भगवान् अनन्तः श्रुतानुभावो व्यसनं हि पुंसाम् प्रविश्य चित्तं विधुनोत्य् अशेषं यथा तमो ऽर्को ऽभ्रम् इवाति-वातः

saṅkīrtyamāno bhagavān anantaḥ śrutānubhāvo vyasanaṃ hi puṃsām praviśya cittaṃ vidhunoty aśeṣaṃ yathā tamo 'rko 'bhram ivāti-vātaḥ

Sanskrit only: no published translation is held for this verse.

मृषा गिरस् ता ह्य् असतीर् असत्-कथा न कथ्यते यद् भगवान् अधोक्षजः तद् एव सत्यं तद् उ हैव मङ्गलं तद् एव पुण्यं भगवद्-गुणोदयम्

mṛṣā giras tā hy asatīr asat-kathā na kathyate yad bhagavān adhokṣajaḥ tad eva satyaṃ tad u haiva maṅgalaṃ tad eva puṇyaṃ bhagavad-guṇodayam

Sanskrit only: no published translation is held for this verse.

तद् एव रम्यं रुचिरं नवं नवं तद् एव शश्वन् मनसो महोत्सवम् तद् एव शोकार्णव-शोषणं नृणां यद् उत्तमःश्लोक-यशो ऽनुगीयते

tad eva ramyaṃ ruciraṃ navaṃ navaṃ tad eva śaśvan manaso mahotsavam tad eva śokārṇava-śoṣaṇaṃ nṛṇāṃ yad uttamaḥśloka-yaśo 'nugīyate

Sanskrit only: no published translation is held for this verse.

न यद् वचश् चित्र-पदं हरेर् यशो जगत्-पवित्रं प्रगृणीत कर्हिचित् तद् ध्वाङ्क्ष-तीऋथं न तु हंस-सेवितं यत्राच्युतस् तत्र हि साधवो ऽमलाः

na yad vacaś citra-padaṃ harer yaśo jagat-pavitraṃ pragṛṇīta karhicit tad dhvāṅkṣa-tīṛthaṃ na tu haṃsa-sevitaṃ yatrācyutas tatra hi sādhavo 'malāḥ

Sanskrit only: no published translation is held for this verse.

तद् वाग्-विसर्गो जनताघ-सम्प्लवो यस्मिन् प्रति-श्लोकम् अबद्धवत्य् अपि नामान्य् अनन्तस्य यशो ऽङ्कितानि यत् शृण्वन्ति गायन्ति गृणन्ति साधवः

tad vāg-visargo janatāgha-samplavo yasmin prati-ślokam abaddhavaty api nāmāny anantasya yaśo 'ṅkitāni yat śṛṇvanti gāyanti gṛṇanti sādhavaḥ

Sanskrit only: no published translation is held for this verse.

नैष्कर्म्यम् अप्य् अच्युत-भाव-वर्जितं न शोभते ज्ञानम् अलं निरञ्जनम् कुतः पुनः शश्वद् अभद्रम् ईश्वरे न ह्य् अर्पितं कर्म यद् अप्य् अनुत्तमम्

naiṣkarmyam apy acyuta-bhāva-varjitaṃ na śobhate jñānam alaṃ nirañjanam kutaḥ punaḥ śaśvad abhadram īśvare na hy arpitaṃ karma yad apy anuttamam

Sanskrit only: no published translation is held for this verse.

यशः-श्रियाम् एव परिश्रमः परो वर्णाश्रमाचार-तपः-श्रुतादिषु अविस्मृतिः श्रीधर-पाद-पद्मयोर् गुणानुवाद-श्रवणादरादिभिः

yaśaḥ-śriyām eva pariśramaḥ paro varṇāśramācāra-tapaḥ-śrutādiṣu avismṛtiḥ śrīdhara-pāda-padmayor guṇānuvāda-śravaṇādarādibhiḥ

Sanskrit only: no published translation is held for this verse.

अविस्मृतिः कृष्ण-पदारविन्दयोः क्षिणोत्य् अभद्राणि च शं तनोति सत्त्वस्य शुद्धिं परमात्म-भक्तिं ज्ञानं च विज्ञान-विराग-युक्तम्

avismṛtiḥ kṛṣṇa-padāravindayoḥ kṣiṇoty abhadrāṇi ca śaṃ tanoti sattvasya śuddhiṃ paramātma-bhaktiṃ jñānaṃ ca vijñāna-virāga-yuktam

Sanskrit only: no published translation is held for this verse.

यूयं द्विजाग्र्या बत भूरि-भागा यच् छश्वद् आत्मन्य् अखिलात्म-भूतम् नारायणं देवम् अदेवम् ईशम् अजस्र-भावा भजताविवेश्य

yūyaṃ dvijāgryā bata bhūri-bhāgā yac chaśvad ātmany akhilātma-bhūtam nārāyaṇaṃ devam adevam īśam ajasra-bhāvā bhajatāviveśya

Sanskrit only: no published translation is held for this verse.

अहं च संस्मारित आत्म-तत्त्वं श्रुतं पुरा मे परमर्षि-वक्त्रात् प्रायोपवेशे नृपतेः परीक्षितः सदस्य् ऋषीणां महतां च शृण्वताम्

ahaṃ ca saṃsmārita ātma-tattvaṃ śrutaṃ purā me paramarṣi-vaktrāt prāyopaveśe nṛpateḥ parīkṣitaḥ sadasy ṛṣīṇāṃ mahatāṃ ca śṛṇvatām

Sanskrit only: no published translation is held for this verse.

एतद् वः कथितं विप्राः कथनीयोरु-कर्मणः माहात्म्यं वासुदेवस्य सर्वाशुभ-विनाशनम्

etad vaḥ kathitaṃ viprāḥ kathanīyoru-karmaṇaḥ māhātmyaṃ vāsudevasya sarvāśubha-vināśanam

Sanskrit only: no published translation is held for this verse.

य एतत् श्रावयेन् नित्यं याम-क्षणम् अनन्य-धीः श्लोकम् एकं तद्-अर्धं वा पादं पादार्धम् एव वा श्रद्धावान् यो ऽनुशृणुयात् पुनात्य् आत्मानम् एव सः

ya etat śrāvayen nityaṃ yāma-kṣaṇam ananya-dhīḥ ślokam ekaṃ tad-ardhaṃ vā pādaṃ pādārdham eva vā śraddhāvān yo 'nuśṛṇuyāt punāty ātmānam eva saḥ

Sanskrit only: no published translation is held for this verse.

द्वादश्याम् एकादश्यां वा शृण्वन्न् आयुष्यवान् भवेत् पठत्य् अनश्नन् प्रयतः पूतो भवति पातकात्

dvādaśyām ekādaśyāṃ vā śṛṇvann āyuṣyavān bhavet paṭhaty anaśnan prayataḥ pūto bhavati pātakāt

Sanskrit only: no published translation is held for this verse.

पुष्करे मथुरयां च द्वारवत्यां यतात्मवान् उपोष्य संहिताम् एतां पठित्वा मुच्यते भयात्

puṣkare mathurayāṃ ca dvāravatyāṃ yatātmavān upoṣya saṃhitām etāṃ paṭhitvā mucyate bhayāt

Sanskrit only: no published translation is held for this verse.

देवता मुनयः सिद्धाः पितरो मनवो नृपाः यच्छन्ति कामान् गृणतः शृण्वतो यस्य कीर्तनात्

devatā munayaḥ siddhāḥ pitaro manavo nṛpāḥ yacchanti kāmān gṛṇataḥ śṛṇvato yasya kīrtanāt

Sanskrit only: no published translation is held for this verse.

ऋचो यजूंषि सामानि द्विजो ऽधीत्यानुविन्दते मधु-कुल्या घृत-कुल्याः पयः-कुल्याश् च तत् फलम्

ṛco yajūṃṣi sāmāni dvijo 'dhītyānuvindate madhu-kulyā ghṛta-kulyāḥ payaḥ-kulyāś ca tat phalam

Sanskrit only: no published translation is held for this verse.

पुराण-संहिताम् एताम् अधीत्य प्रयतो द्विजः प्रोक्तं भगवता यत् तु तत् पदं परमं व्रजेत्

purāṇa-saṃhitām etām adhītya prayato dvijaḥ proktaṃ bhagavatā yat tu tat padaṃ paramaṃ vrajet

Sanskrit only: no published translation is held for this verse.

विप्रो ऽधीत्याप्नुयात् प्रज्ञां राजन्योदधि-मेखलाम् वैश्यो निधि-पतित्वं च शूद्रः शुध्येत पातकात्

vipro 'dhītyāpnuyāt prajñāṃ rājanyodadhi-mekhalām vaiśyo nidhi-patitvaṃ ca śūdraḥ śudhyeta pātakāt

Sanskrit only: no published translation is held for this verse.

कलि-मल-संहति-कालनो ऽखिलेशो हरिर् इतरत्र न गीयते ह्य् अभीक्ष्णम् इह तु पुनर् भगवान् अशेष-मूर्तिः परिपठितो ऽनु-पदं कथा-प्रसङ्गैः

kali-mala-saṃhati-kālano 'khileśo harir itaratra na gīyate hy abhīkṣṇam iha tu punar bhagavān aśeṣa-mūrtiḥ paripaṭhito 'nu-padaṃ kathā-prasaṅgaiḥ

Sanskrit only: no published translation is held for this verse.

तम् अहम् अजम् अनन्तम् आत्म-तत्त्वं जगद्-उदय-स्थिति-संयमात्म-शक्तिम् द्यु-पतिभिर् अज-शक्र-शङ्कराद्यैर् दुरवसित-स्तवम् अच्युतं नतो ऽस्मि

tam aham ajam anantam ātma-tattvaṃ jagad-udaya-sthiti-saṃyamātma-śaktim dyu-patibhir aja-śakra-śaṅkarādyair duravasita-stavam acyutaṃ nato 'smi

Sanskrit only: no published translation is held for this verse.

उपचित-नव-शक्तिभिः स्व आत्मन्य् उपरचित-स्थिर-जङ्गमालयाय भगवत उपलब्धि-मात्र-धम्ने सुर-ऋषभाय नमः सनातनाय

upacita-nava-śaktibhiḥ sva ātmany uparacita-sthira-jaṅgamālayāya bhagavata upalabdhi-mātra-dhamne sura-ṛṣabhāya namaḥ sanātanāya

Sanskrit only: no published translation is held for this verse.

स्व-सुख-निभृत-चेतास् तद्-व्युदस्तान्य-भावो ऽप्य् अजित-रुचिर-लीलाकृष्ट-सारस् तदीयम् व्यतनुत कृपया यस् तत्त्व-दीपं पुराणं तम् अखिल-वृजिन-घ्नं व्यास-सूनुं नतो ऽस्मि

sva-sukha-nibhṛta-cetās tad-vyudastānya-bhāvo 'py ajita-rucira-līlākṛṣṭa-sāras tadīyam vyatanuta kṛpayā yas tattva-dīpaṃ purāṇaṃ tam akhila-vṛjina-ghnaṃ vyāsa-sūnuṃ nato 'smi

Sanskrit only: no published translation is held for this verse.